2006/09/12

خلي السلاح صاحي

عميلنا العزيز .. لقد وصل رصيدكم الى 10.000 زائر .. يعني 2000 خمسه و خمسيه في عين العدو .. مبروووووك
-
بصراحه .. إحساس جميل جدا .. إنك تحس بانتشار حاجه حاولت توصلها للناس .. دي اللي بسميها الضربه المزدوجه .. بطريقه ما .. حققت هدفين جمال جدا جدا .. أولا كان نفسي اكتب كتير .. و اطلع كل اللي جوايا في مكان ما .. ولأن الكتابه بالقلم والورقه ممله للغايه .. فكانت فكره المدونه احلى و ألذ كثيرا .. ولأن الهدف الأول ده اتحقق من فتره .. فسعادتي حاليا هي بسبب تحقيق نجاح تاني مكنتش متوقعه .. و هو انتشار مدونتي .. بطريقه تعتبر بالنسبه لي رائعه .. بغض النظر عن وجود مدونات تحمل أرقام مليونيه او بمئات الآلآف من الزوار .. فوجود رقم عشره آلاف زائر في مدونتي .. و في أقل من أربعه أشهر فقط .. يعتبر رقم خيالي بالنسبه لشخص مثلي .. و الغريب اني لما كنت برسم كاريكاتير في موقع طنطاوي مكنتش مهتم بعدد الزوار ولا الليله دي كلها .. لكن في المدونه في احساس مختلف بالحميميه .. بالرغبه في التواصل مع الناس و معرفه رد فعلهم .. ده اللي خلاني فعلا مبسوط .. حمدلله على هذا .. و أكاد اكون في حاله لخبطه غريبه شويه و مش عارف اكتب ايه بالضبط .. ففكرت في اني انقي احلى تدوينات .. من وجهة نظري أنا .. و احطلها وصلات .. علشان الناس اللي لسه داخله عندي لأول مره .. و أكيد معندهومش طولة بال يدوروا في كل الارشيف .. اعتبروه نوع من التعارف بطريقه مختلفه .. او نوع من احياء ذكرى حاجات كتبتها و بعتز بيها جدا ههههه .. شكرا لكل واحد دخل المدونه دي في يوم من الايام .. سواءا كرر زيارته .. او لم يكررها .. لأنه في اي حاله من الاحوال .. كان واحد من العشرآلاف اللي خلوني النهارده مبسوط
-
تدوينات قديمه .. أعتز بها جدا .. من بدايه كتابتي إلى نهايه شهر أغسطس:ـ
ـ طبعا ده غير التدوينات الموجوده في الصفحه الاولى واللي بعتز بيها كلها خصوصا .. اسطوره .. و .. مواقف

15 comments:

Nouran said...

لولولولولولوللولي هنزلهاللك ف النشرة الجاية باذن الله وخمسة وخميسة ف عينننن اللي ميصليشششش ع النبي عبيه الصلاة والسسلام هههههههههههههه
مبروووك يا دكتور

Dr. Tantawy said...

الله يبارك فيكي يا نوران
عقبالك لما نباركلك في نتيجه نص السنه انشاء الله هههههههه خلاص الكليه رجعت بقه جهزي الشنطه و الجزمه الجديده
Back to school
هههههههههه

HANY said...

من الزائر رقم 10256 الى طنطاوى اتمنى لك السعاده الدائمة ومدد يا سيد يا بدوى

وتقبل تحياتى

yasser said...

طب بالصلي ع النبي نبدا
مبروك يا دكتور وعبال المليون الاولاني
اظن انا كدة عامل معاك واجب ومعليلك في الرقم
خدمة يا دكترة
انا لسة في اولة تدوين وكنت عايز اعرف منك نظام اكواد البلوجر بالنسبة لحاجات معينة
يا ريت تاخذوا طلبي بعين الاعتبار
مقدمة لسيادتكم
التوقيع:yasser
مستنيك يا دكترة
سلااااااااام

dawyomeldonya said...

Congratulations for ur success..Although u have a nice blog...but ur caricature are the BEST..I followed them since last year from outside Egypt day by day until u stopped...and I just discovered u hav a blog!
Keep on rollin

wa3d el3yoon said...

ألف مبروك يا دكتور
عقبال ما تحتل رقم واحد فى عدد الزوار

مبروك تانى

sahar said...

مبروك يادكتور
وكويس اوي انك حطيت احلي البوستات في البوست لاني بصراحة بكسل ادخل علي الارشيف

Dr. Tantawy said...

** Hany
متشكرين يا جميل .. حلو اوي انك عرفت ترتيبك في اللسته هههههه

** Yasser
اهلا بيك يا ياسر باشا .. بالنسبه للاكواد في موقع اسمه ا ب تدوين موجوده على مدونه بنت مصريه .. هيفيدك جامد انشاء الله و بالتوفيق يا باشا

** dawy
thanks dawy , i just stop the caroons to reorganize my ideas .. i read more about egyptian polices and such things and my mind was somehow changed ... i will get back for drawing in januray insh2alha after graduation :))


** wa3d
متشكر يا حبيبي .. وبجد انا مبسوط جدا انك مزعلتش من كلامي :)) شكرا جدا


** sahar
ماشي يا ام احمد بس برضه انا عايزك تبقى تدخلي الارشيف لأنه فيه موضوعات تانيه .. انا اخترت موضوعات حسب رأيي انا ممكن يكون مش عاجبك صح :)) هههه

سلامي لاحمد و عمر

Epitaph said...

ماشاء الله
عقبال الزائر رقم عشرين الف في اقل من شهرين ان شاء الله

الحقيقة كتابتك الواعية و مواقفك ..و اسلوب عرضك و نقاشاك للقضايا..هي اللي بتجذب قرائك

يلا الي الامام دائما

Epitaph said...

صحيييييييييح
نسيت اقول و اسجل
اني الزائرة رقم
10380

مش انت عامل جايزة للزائر رقم 10380
؟؟؟

هههههههه

تحياتي

Dr. Tantawy said...

مبروك يا ابيتاف
كسبتي غساله اوتوماتيك بالكهربا لزوم الجهاز ..ألف مبروك و عقبال العريس ههههه

على فكره .. مش هتقدري تستلمي الجايزه غير لما تتصلي بتليفون 0900000
و تجاوبي على سؤال المسابقه

السؤال هو : يعني ايه ابيتاف ؟ هههههه

أحمد المصري said...

ألف مبروك وربنا يزيدك00 عقبالي
مفيش أجمل من إن افكارك توصل للناس

Epitaph said...

لولولوليييييي

كسبت غسالة
هييييييييه

بسم الله الرحمن الرحيم
اجابة السؤال الاول
ابيتاف : يعني الكلام اللي بيتكب علي شاهد القبر
ههههه وحدووووه

يا عم مش فيه مشاهير و عظام الكتاب بيبقي فيه شعر ..مقولة مشهورة كدة

وبعدين اول بوست في المدونة خااااالص لو عرفت توصله اثناء عمليات البحث و التنقيب..حتلاقي شرح وافي عن الاسم هههههه

لو لقيته يبقي مبروك كسبت برسيل الخمسة كليو هههههههه

Dr. Tantawy said...

** احمد المصري
متشكرين يا باشا على ذوقك و عقبالك لما توصل المليون انشاءالله


** epitaph
منكم نستفيد يا اخت حانوتي
الواحد شاف اسماء عجيبه :) قال وانا كنت فاكر اسم زنجولا غريب ههههههه
انا كسبت .. عايز الهديه بتاعتي بقه ؟؟ و إلا مش هبعتلك الغساله هههه

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول