2006/09/21

للعيون .. حوار

-
حاولت كثيرا ان افهم لغة العشاق .. لكني فشلت .. لم يشغل يوما معتركي كوني اشتاق .. لم تشغل عيني .. مشيتها .. او حتى الضحكه تضحكها .. أو كون رحيق محيـّـاها يشعل من حولي الآفاق .. فأنا يا قلب منحت حياتي للأعماق .. لعيون ارغب ان اكتب عنها ميثاق .. ميثاق الحب .. وحلم القرب .. لـضيّ عيون براق
-
اعشق عيناكي سيدتي .. ان يوما كانت تتبعني .. في كل مكان ترمقني .. تدفعني دفعا لنجاحي .. وتكون على الصعب سلاحي .. ولأول مره .. احببت شعورا بقيودٍ .. وحصار حولي محشودٍ .. لعيونك انتي نظرات .. فوق الأحلام
-
أعشق عيناكي سيدتي .. إن يوما تبكي بدموع .. فالدمع في عينك سيدتي لا يعني ضعفا و خنوع .. للدمع في عينك سيدتي لحن مسموع .. آهات تشجي في القلب ندوبا و صدوع .. آثرت عليكي .. لا تبكي .. فبرغم دموع اعشقها .. عشقا بجنون .. من عينك تذرف كنجوم في بحر سكون .. لكن حياتي لكي أنت .. كي تبقى عمري .. بسمتك .. كالنور في ظلمه أعماقي .. كنز مكنون
-
اعشق عيناكي سيدتي .. ان يوما انت ضممتيها .. كالطفل ينام .. كملاك حانٍ لا يعرف أرق الايام .. فحياتك انت خطيها .. وانا من حولك ابنيها .. وأشـّـيد في القلب قلاعا .. و انير بحبي ما فيها .. تحميكي .. انتي و احلامي .. و تكوني بدر لياليها
-
ملاحظة : كتبتها في المستشفى الجامعي النهارده و احنا مستنيين الدكتور ييجي علشان يمتحنا .. الحمدلله .. الانتظار برضه حلو .. بيطلع كلام مالقلب .. و احلى حاجه ان الدكتور كان لذيذ جدا و متفاهم .. و مدققش معانا اوي برغم اننا مش مذاكرين كويس :) فشل بقه .. يالا .. كل سنه و انتو طيبين .. رمضان كريم

25 comments:

رانية said...

يا عم زنجولا ايه بس الأحاسيس الجامدة دى
أمال لو ما كنتش كاتبها فى مستشفى كنت كتبت ايه ؟

غير كدة أنا واخدة على خاطرى منك بقة دى تانى مرة تدخل المدونة عندى و تانى مرة تسيب تعليق فيها و بعدين تقولى أنا أول مرة ادخل مدونتك !! بقة دة اسمه كلام يا راجل أمال مين اللى كاتب التعليق الأولانى فى البوست بتاع " حكومة لا أرى لا أسمع لا أتكلم

Dr. Tantawy said...

الله يخليكي يا رانيه

انا اسف والله :) انا دخلت مدونتك من زمان ف علشان كده مفتكرتهاش .. بس انا النهادره لما دخلت قرأت كل التدوينات اللي فيها و كنت حاسس اني قريت مدونه الحكومه و مدونه احمد نجاد دول قبل كده ههههه
عموما حصل خير .. و هكون ضيف دائم انشاء للله .. وافينا بالجديد دايما

tota said...

زنجولا الجميل

كل سنة وانت طيب وربنا يبلغك رمضان ويتقبل منك

تعرف ان وقت الشدة بتكون مشاعرنا شفافة جدا حساسة جدا
واروع لحظات كتابة الشعر فى الخوف والحزن والضيق وكأن هذه اللحظات هى تطهير للنفس
جميلة هذه الكلمات رومانسية حتى انى اغمضت عينى اتخيل روعة الاحساس وعشق العين الذى اذاب كل العشاق

تحياتى يا رقيق الاحساس

Dr. Tantawy said...

متشكر جدا يا رفيقه توته
بس عندي سؤال مهم جدا جدا
هوه انتي ماشاء الله مشاركه قويه في معظم البلوجز :) محستيش قبل كده انك عايزه يكون ليكي بلوج شخصي تكتبي فيه ؟؟ انا حاسس انك ممكن تعملي كتير .. حاولي تعملي بلوج و ابدئي اكتبي :) وشويه شويه هتنجحي جامد لأن ليكي مؤيدين كتير في الوسط البلوجري دلوقتي هههه
بالتوفيق يا تووووته

LAMIA MAHMOUD said...

دي لو لحد موجود بجد فبلغها عن لساني انها يا بختها اما لو حالة وراحت فيبقى اي واحدة جاية برده يا بختها
مشاعر رقيقة بجد

Dr. Tantawy said...

ربنا يخليكي يا لميا
ده كلام بيطلع ساعه صفا كده و بتروح علطووول

Dr. Tantawy said...

على فكره يا لميا
التدوينه بتاعتك دي عاجباني اوي

http://lamiaamahmoad4810.blogspot.com/2006/09/blog-post_20.html

دي وصله للي يحب يقرأها

Epitaph said...

يا رب يكون الامتحان عدي علي خير ان شاء الله

و كل سنة و انت طيب

اما بقي للغة العيون
هممممم

طيبيب روحاني حضرتك؟
:)) ههههه

Dr. Tantawy said...

الامتحان زي الفل الحمدلله .. الجراحه دي عسل .. عسسسسسسسسسل

بالنسبه للغة العيون :)) ولا طبيب نفساني حضرتك ولا بطيخ .. واحد قاعد على سرير عيان و ماسك روشته و قلم جاف .. هيعمل ايه ؟؟ هرسم خريطه مصر مثلا هههه .. قلت اعمل حاجه مفيده و اهي طلعت زي مانتي شايفه
المفاجأة اللي محدش لسه يعرفها اني كتبت على ظهر الروشته دي فكره مؤرقه عن موضوع كلنا ليلى و انشاء الله هكتبها في البوست الجاي .. لو عشنا و كان لنا عمر انشاءاللللله

رانية said...

زنجولا مقدرش ازعل منك أبدا يا باشا دا انا بس كنت بناغشك هههههه

هيدى منااااغشة

و الف شكر على إضافتى فى قائمة البلوجرية

و اعتقد إن انت صاحب السبق فى الموضوع دة ههههههه

و ربنا ما يجيب بنا زعل

mano said...

eah elraw3a di. begad e7sas 3aly awy

Dr. Tantawy said...

** rania

Ya wellcome beky .. w koways enek msh z3lana mny :)
your blog worth to be added her :)



** mano

thanks alot , wellcome here

BeeBee said...

Zangoola... Remember me?? It's been a long time since my last post but now I'm back to writing... Would like to read ur comments again!
About what you wrote, simply, it's touching... Wish someone would write something like this about my eyes! Every word I read is filled with true emotions and real passion... So pure and so sweet... I love ur writing...

tota said...

زنجولا الجميل
مش هنولهاليكم يا زنجولا
مش هديكم الفرصة تشيلو الفروة بتاعتى يا عم والشتا داخل علينا
يا رفيق زنجولا
انا فعلا بحب كل المدونين اللى بكتب عندهم ومستمتعة جدا جدا بكتابتهم ومن كل مدون بتعلم حاجة جديدة
اوعدك لما احس انى على استعداد انى اضيف كلمة جديدة على هذا الكم الهائل من الكلمات هضيف
لكن حتى الان مش شايفة انى ممكن اضيف اى حاجة
و اشكرك على تشجيعك
تحياتى

sherehan84 said...

مبروووووووووووك إنك خلصت وإن الإمتحان عدى على خير ..
على فكره أنا زمان دخلت على موقع الكاريكاتير بتاعك وعجبني جدا .. ومكنتش أعرف إنه بتاعك إلا من تدوينتك اللي فاتت .. إنت موهوب جدا
إلى الأمام دائما

Dr. Tantawy said...

** BEEBEE

was waiting your return .. wellcome back :)) missed your writes alot .. LONG LIFE LEBANON :))
i read your broth post , its soo nice and touching too ;)
well , lets read more and more post soon .. keep writing .. dont ever stop again



** TOTA

ولا فروه ولا ابوفروه .. اكتبي و اوعدك محدش هيضايقك ولا يقولك حاجه وحشه :) كل الناس دي بتحبك و هيكونوا اول ناس تشجعك لماتكتبي .. متقتعينيش انك مش لاقيه حاجه تكتبيها .. ابدئي و صدقيني مش هتقدري تقومي من على البلوج تاني ههههه هيبقى ادمان بمجرد كتابه اول بوست .. جربي و انتي تشوفي .. انا هفتح البلوج بتاعك كل يوم لحد ما لاقي في يوم مكتوب فيه بوست اوكي
تحيااااااااااااتي

Dr. Tantawy said...

** sherehan

متشكر جدا جدا يا دكتوره :) ادعيلي لسه فاضلنا امتحانات اخر السنه بقه ..يارب تعدي على خير

انتي خلصتي امتحانات اعتقد مش كده :)) يالا استعدي لسنه سادسه بقه .. شوفي الكفاح هيبقى عامل ازاي هههههههه سنه بكل سنين طب اللي فاتت هههه

أحمد المصري said...

جميلة فعلا ربنا يوفقك

يا مصر اكتب إليكي رسائلي said...

تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات

Dr. Tantawy said...

** احمد المصري
تعليقين مره واحده
مش عارف اقولك ايه والله
تشكر على ذوقك يا باشاااا


** يامصر اكتب اليكي رسائلي

كل سنه و انت طيب و ربنا يبغلنا رمضان ميت سنه قدام انشاء الله
اشكرك على زيارتك و كلماتك الرقيقه

AHMAD said...

طنطاااااااوي

شكلك اتهفيت يا ضنايا وبدأت تحب علي نفسك

يالا مش مهم

كل عام وانتم بخير

رمضان سمير

forgot my name said...

wade7 en el(sign) mosh gayba ay fayda
Good luk Zangola
w heya de elemte7anat w isa tgeeb a3la daragat asl elgera7a ra7a
w syadtak seed el3arfeen...
w law 7abeet tes2al 7ad mgarab kolaha eye discussion( i mean el gera7a)
w lessa f elneha2yat
any way
Ramadan Kareem
and very highly senstive subject

LAMIA MAHMOUD said...

اسعدني جدا ان التدوينة عجبتك

Dr. Tantawy said...

** ahmd
متقلقش .. انا مضرب عن الجواز حتى اشعار آخر ههههه




** forget my name
fe3lan el gera7a ra7a ... loool
well , el wa7ed by7awel ye3mel ely 3aleh bs fe dakatra welad *** 3yzen 2at3 ra2abehom .. han3mel eh .. ady allah w ady 7ekmeto . da3awataaak ma3ana :))

thanks for your words




** lamia
مش مجامله :) هيه حلوه فعلا .. و اكيد اللي دخل و قراها هيقول رأيه فيها برضه .. بالتوفيق دائمااا

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول