2010/06/11

أول القصيدة ... قرف

-
درس اليوم
طنطاوي 11/6/2010
-

اوعى فى مصر تقول غير .. أيّوه
وياريت لو .. أمّرك معاليك
هوه ده اول درس نقوله
آه لو تعرف فضله عليك
اصل فى واحد مرّه اتهور
قال للمخبر " لأ " .. ف اتعور
على الاسفلت خدوه سحلوه
وعلى حيطه خبطوه و كسروه
و من كل الدنيا خطفوه
و رجعوا فى ثانية جابوه و رموه
وقالو ده واد حشاش .. انسوه
وليه سحلوه ؟
علشان قال لجناب المخبر
مش من حقك تمسك إيدي
تضربني .. وتفتش جيبي

وانا اقلك شبيك لبيك
...
تعرف حتى تقولي يا حضرت
مين المخبر ؟
المخبر .. زي الفزاعه
فين ما تروح تلاقيه حواليك
حتى لو انت فى وسط ولادك
جوه البيت .. قافل الشبابيك
ينقل نـَفَـسك .. ينقل هَمْسك
ينقل أخبارك .. حكاويك
علشان تفضل تحت العين
بنظامهم .. هتروح على فين
زرعوا خلاص الخوف فى عنيك
...
خالد مات علشان اتجرأ
قال انا ليّه حقوق يا بوليس
مكنش فى باله ان الكلمه دي
بتعفرت مندوب ابليس
ولا كانش فى باله ان النخوه
محبوسه فى قلوب الناس
قفلو عليها بالترابيس
شافو الدم مغطى شبابه
اللى فى بيته وقف ورا بابه
واللى معاه ف الشارع سابه
كأن المصري ده دمه رخيص
...

خالد مات و كتير هيموتو
طول ما المصري بيكتم صوته
ومفهّم نفسه .. ب سكوته
راح يقولوله .. رضينا عليك
عيش واتهنى .. نام واتمنى
ف احلامك .. احنا هنحميك
انت الشعب .. واحنا السلطه
يعني طبيعي راح نورث فيك
يبقى فلوسك .. هيه فلوسنا
واللى ف جيبك ده مش ليك
كان نفسنا نخلص من قرفك
لكن الصورة بتكمل بيك
*****
_
________________________________

حداد بدون عزاء
عبدالرحمن يوسف القرضاوي
- -

تَقُولُ التَّقَاريرُ : مَاتَ الفَقيدُ بأمْرِ الإلهِ
ولسْنَا نُشَكِّكُ فـي حِكْمَتِهْ
تَقُولُ التَّقَاريرُ : مَاتَ
وتُغْفِلُ فَصْلَ النِّهَايَةِ فـي قِصَّتِهْ
تَبَلَّدُ كَفُّ التَّقَاريرِ عَنْ جَسِّ رَسْمِ السِّيَاطِ عَلَى جُثـَّتِهْ
تَصُمُّ التَّقَاريرُ آذَانَها عَنْ صَدى صَرْخَتِهْ
وتُغْمِضُ أعْيُنَهَا عَنْ نَزيفٍ تَحَدَّرَ مِنْ كُليَتِهْ
وتُنْكِرُ طَعْمَ الدِّمَاءِ عَلَى لِثـَتِهْ
تَسُدُّ التَّقَاريرُ أنْفَ الحَقيقَةِ
كَيْ لا تَشُمَّ انْطِفَاءَ السَّجَائرِ فـي أليَتِهْ
تَقُولُ التَّقَاريرُ : مَاتَ
وتَغْفُلُ عَنْ ذِكْرِ جُرْحٍ لَهُ شَكْلُ نَسْرٍ عَلَى جَبْهَتِهْ

-