2006/09/17

بابا .. اوبح

-
بابا الفاتيكان .. بندكت .. بصراحه عامل واجب جامد اوي .. و عنده اسهال كلام من اللي قلبك يحبه يعني .. و اتمنى اني اشوفه قريب جدا .. علشان اقوله .. بابا اوبح .. بلا بابا فاتيكان بلا بتاع .. سيبها للي يقدر عليها .. والله لولا ان ليه اصدقاء كثير من المسيحيين و بحبهم جدا جدا .. و مش عارف اذا كان الاخ ده يهمهم في حاجه ولا لأ .. أنا كنت اديته واجبه بزياده اوي يعني .. لكن احب اطمنه ان علاقتنا ببعض اقوى من اي هبل يقوله .. و اننا هنفضل في رباط الى يوم الدين انشاء الله .. و هنفضل اقرب الطوائف إلى بعض .. حتى لو ظهر في كل فتره ناس من على شاكلته .. و شاكلة القس زكريا بطرس .. و تخريفات البحيري بتاعته
-
اقتبس من د. سليم العوا .. الرجل اللي بحترمه جدا .. كلامه لما قال اننا مش مستنيين من البابا ده اي اعتذار .. لأنه ملوش قيمه .. ده كلام اتقال في محاضره مكتوبه من قبل كده يعني هوه فاهم كويس بيقول ايه .. لكن المطلوب منه .. حسب رأي د. العوا .. انه يسحب كلامه ده نهائيا و يلغيه من نص المحاضره دي اصلا .. وقال كلام جميل جدا .. يخلينا منردش على امثال تفاهات البابا .. لأن الله تعالى قال : ولا تسبوا الذين يدعون من دون الله فيسبوا الله عدوا بغير علم ... صدق الله العظيم
-
و احب في المناسبه دي .. اقول للأخ بندكت ده .. زبده ما قالته الفنانه الشعبيه هدى .. الكلام ده ميعجبناش .. ده كلام ناس صغيرين .. شوفلي حد كبير اكلمه

10 comments:

Anonymous said...

well..it's a big scheme the Pope is leading now ,,dunno where he's heading!!

But definitely..Islam and our Prophet (PBUH) is just refined than his useless ineffective words!!

Dr. Tantawy said...

He`s a real DULL person to say such words while he`s leading the chrestians all over the world !!

أُكتب بالرصاص said...

هزلت

مافضلش غير بابا كمان


عجبي



شكرا لك

MAKSOFA said...

أسلوبك الساخر يدخل الي القلب بسهوله، لذلك أتمني أن تزيد جرعه السخريه بحيث لا تعطي فرصه للقاريء أن يأخذ نفسه فتلاحقه بالجمل الساخره الواحده تلو الأخري لأنك في أعتقادي تستطيع فعل ذلك بسهوله

Montage said...

I can see how dumb and offensive such comments are, what i simply cannot face is another showdown like the one over the cartoons.

This one's going to last a lot longer.

Ya reit elnas f masr at least ma tkonsh divided over these dumb comments....

farida said...

استفزاز
لأسباب سياسيه
لترسيخ صوره معينه عن الاسلام في ذهن كل مسيحي يحترم هذا البابا

و لما البابا يقول
يبقى اكيد صح
ماهو بابا

على بابا!!!؟

أحمد المصري said...

عندك حق كلام الأستاذ سليم العوا جميل جدا

tota said...

زنجولة
طبعا زى ما اشرت ان المحاضرة مكتوبة من مدة
وكأغلب المحاضرات تم مراجعتها مائة مرة قبل ان تخرج الى العلن بمعنى ان كل كلمة فى نص المحاضرة عن عمد ومعروف الهدف منها والى ماذا سوف تؤدى
Show me just what Mohammed brought that was new, and there you will find things only evil and inhuman, such as his command to spread by the sword the faith he preached.

نحن فى غنى فعلا عن محاولة احداث اى فتن
ولكن الغريب انه اشار الى سوء فهم للكلمات المذكورة ولكنه لم يشر حقا الى المعنى الذى يعنيه ؟ اذا كنا قد اخطأنا الفهم فلماذا لم يعد تفسير كلماته
نحن لا نخاف من مواجه الامور مع اشقائنا المسحيين والذى انتقد الكثير منهم مقولة البابا قبل حتى ان ننطق نحن بالنقد هو ليس بجاهل ولم يقل كلماته عن جهل بل التعمد واضح طبعا وعذر الجهل اقبح من ذنب القول
ولا قيمة لاى اعتذار يخرج عن من يحمل هذه النوايا السيئة

تحياتى

Dr. Tantawy said...

** اكتب بالرصاص
مش فكره هزلت .. الراجل للأسف مكانته عاليه .. والمفروض يكون قد المكانه دي .. بس عموما اهي عبره علشان يتعلم يصون لسانه بعد كده


** maksofa
متشكر على كلامك .. بس السخريه الكتير بتفقد الموضوع مصداقيته الى حد ما :)) علشان كده الواحد بيحاول يعمل ميكس لذيذ على قد ما يقدر



** شهرزاد
they are not divided isa , even christians are supporting us el 7amdolelah


** فريده
والله يقول زي ما يقول .. كأنه بيقول لنفسه .. الأقباط العرب دول ناس عايشين معانا ووسطنا و عارفينا كويس .. اما الاقباط في الغرب ف مش كلام البابا اللي هيقدم ولا هيأخر .. مالآخر .. بشهاده السي ان ان .. في حوالي 30 ألف امريكي (تخيلي امريكي تحديدا) بيدخلوا الاسلام كل سنه في امريكا .. يعني مالآخر لا البابا ولا الماما يقدروا يعملوا حاجه



** احمد المصري
بصراحه من جمال كلامه يا احمد انا اتفرجت على الاعاده تاني النهارده .. و لتذهب المذاكره للجحيم هههه



** tota
هوه ما اعتذرش عن معنى الكلمه يا توته لأن ملهاش تفسيرات يعني .. هوه اعتذاره الساذج ان ده مش كلامه ده كلام منقول من دراسه مؤرخ و البابا بيقول ان ده كلام مختلف عن قناعاته الشخصيه .. يعني لما انته مش مقتنع بكلامه بتقوله ليه .. فعلا مستفز
تحياتي

Dr. Tantawy said...

** دعاء

الـ... و القافله تسير