2006/09/09

كلنا مصريين .. يا ليلى

ما أسهل تكوين كيان اسمه .. كلنا آدم .. كلنا أهلاويه .. كلنا مسلمون .. إلخ .. فلماذا نصر أن نكـّون تكتلات داخل الكيانات الناجحه .. لماذا نصر على ضرب المدونات في مقتل .. عبر خلق جو عدائي أنثوي .. يجعل كل مدوِنه من الإناث تـُـخرج ما بها من عقد و كلاكيع .. نمتلك جميعنا نوعا منها لكننا لا نستطيع اخراجها في كل وقت .. لأننا جميعا على ما اعتقد نحب وجودنا في هذا الكيان .. نحب مدوناتنا و اصدقاءنا الذين لم نرهم قط .. فلماذا الآن نكون سببا في انهيار علاقات رائعه و قويه .. و بكل ثقه أقول انها ايجابيه للغايه .. خلقها المدونون فيما بينهم .. فلماذا تبنون الآن تكتل كلنا ليلى .. بأسلوب أقرب ما يكون إلى عنصريه نسائيه صريحه .. لن تغير بقدر ما ستضر
لا انتظر تبريرا منطقيا واحدا لهذه الحركه .. حتى من باب الحريــات .. أو التعبير عن مشكله موجوده .. لأنكن تعلمن جيدا ان أي مشكله من اشكال النقد القائم على بناء تكتل ينتهي غالبا بصراعات و نزاعات ليس لها آخر .. تعني باختصار .. اليوم المدونون الذكور يردون على هذه الحركه بموضوعيه .. غدا سيسخرون من طول وجودها .. وبعد ذلك تنتهي بحرب مشتعله على المدونات ما بين .. كلنا ليلي .. وحركات اخرى قد تتكون مثل .. كلنا آدم .. كلنا عنتر .. كلنا عباس .. كلنا اتخنقنا
أرجو أن تراجعن هذه الحركه الغير بناءه .. فإذا كنتي تريدين لفت انتباه الرجل الى مشكله فصدقيني الرجل في النهايه انسان .. و آخر ما يمكن استخدامه للفت انتباه شخص ما .. هو تكوين تكتل ضده .. لأن ذلك يولد لديه شعورا بالكراهيه و التنافر مع الفكره لمجرد احساسه بالعدائيه و التجمع في مواجهته .. صدقيني .. بدلا من بناء جهات عدائيه تلفت الانظار عن المشاكل الاكبر الموجوده في مصر .. لماذا لا توجهن نشاطكن إلى اوجه ايجابيه .. لا مانع من ان يكون منها ما يبرز مشكلات الفتيات في مصر بدون استعداء الآخرين .. او محاوله خلق تكتل او كيان منفصل داخل مدوناتنا .. بدلا من ان نبني ونصلح من احوالنا .. واذكر يوم كتب علاء ومنال عن التحرش الجنسي .. لم يقف احد في وجه موضوعاتهم .. بالعكس .. اتفق الشباب قبل الفتيات على خطئ الرجال في هذه النقطه و اعطوكم بدائل رائعه لمواجعه هذه التحرشات .. أما الآن .. و بهذه الطريقه .. فلا اعتقد ان احدا قد يساندكن او حتى يستمع اليكن .. و المفروض .. ان هذه الحركه موجه لتجميع النساء ضد الرجال .. يعني المفروض ان يستمع الرجل .. وهو ما لن يحدث ابدا في ظل هذا الاسلوب .. و على العكس .. اتت الحركه بثمار سلبيه لكن .. حين قرأت أراء جميله و متفتحه ترى ان مشكله الفتاه هي نفسها قبل اي شيئ .. و أخيرا .. لي بعض العتاب على تحمس الساده المدونين من الاناث للكتابه في الموضوع لمجرد استفزاز اللوجو و اسم الحمله لطبيعتهن الانثويه التي لم تعد تعاني الاضطهاد الذكوري كما كان من قبل .. و قرأت كثير من المشاركات التي اعتقد ان كاتبتها لم تكتب الا للمشاركه .. و سجلت للأسف تدوينات تخلو من الواقعيه او المعنى
-
سيداتي الفاضلات .. لا للتكتلات القائمه على الدين .. الجنس .. العرق
-
ملاحظة : أرجو منكم قراءه تدوينه الزميله العزيزه سوسه المفروسه الخاصه بهذا الموضوع لأنها تؤكد في محتواها معظم المعاني التي قلتها .. مع اختلافي معها في تبنيها للحمله و مشاركتها فيها
ـ
تحديث :ـ
ـ كل الردود التي وصلتني تتحدث عن مشاكل المراه .. و كأني انكرتها .. لا يبدو انهم يقرؤن التدوينه قبل تسجيل التعليق .. يا بشر .. اعتراضي على الاسلوب .. و ليس مضمون الفكره نفسها .. لأني لو انكرت وجود مشاكل تواجه المرأه يبقى انكرت حقيقه واضحه وضوح الشمس .. لكن كما قلت .. لا يجوز ان يتجمع كل اصحاب مشكله سواءا كانو عمال او حرفيين او اصحاب ديانه ما .. تحت اسم او تكتل من اجل المطالبه بحقوقهم
ـ زياره لمدونه كلنا ليلى .. التجميعيه .. ستجد اضافه وصله خاصه بردود الافعال على الحركه .. بغض النظر عن اضافه الوصله و هدفها .. إلا ان قراءتي للتعليقات فيها اكدت لي ان ما توقعته صحيح .. و اننا بانتظار اختلاقات ليس لها اخر و صراعات مستمره على هذا الموضوع قد نسمع صداها قريبا في كل مكان

21 comments:

nada said...

انا متفقه معاك في بعض كلامك وفعلا ساعات الستات بيكبروا الموضوع شويه بس صدقني والله هو بس باين من على الوش ان الستات واخدين حقوقهم و بيتعلموا و يشتغلوا و كله بس في حاجات الستات مظلومين فيها و مش حاسس بيها غيرهم و لو مسكت ولد و قعدت تشرحله مش حيفهم غير لما يتحط في الموقف بتاع الستات انا بتكلم على الحاجات الصغيره اللي بتبان هايفه بس لما تتجمع مع بعضها بتخنق يعني تخيل ابسط حاجه في ناس لو قلتلهم ان انا مجرد بدخل النت اول حاجه حتيجي في دماغهم دي بنت مش مؤدبه وبتصاحب ولاد بالشات في حين ان انا لو كنت ولد كانوا حيخدوا الموضوع عادي او حتىيعجبوا بيه و ده مثال بس
و بعدين اعتقد ان حمله كلنا ليلى مش غرضها عدواني اوي كده هو بس الولاد اتخضوا لمو لقوا البنات هبت كلها كده مره واحده
معلش طولت و تحياتي

Violena said...

احترم وجهة نظرك جدا
وبالمثل ارجو ان تستمع الى وجهة نظرى ايضا


الموضوع لم يكن تكتلا وليس مهاجمة من قبل النساء للرجال

كلنا ليلى مجرد صرخة لتنتبه الفتاة نفسها الى مشكلتها

اغلب الرجال الذين اشتركوا فى المناقشات يصرون على ان المرأة هى السبب فى كل ما وصلت اليه .. يحملونها وزر ما تعانيه

انا واحدة من ليلى التى ترى ان المرأة مسئولة بشكل او باخر عما وصلت اليه .. لكنها ليست مسئولة وحدها

ومن جديد اكرر .. ان كانت المرأة مشكلة فقد صنعتها بنفسها بمباركة الرجل
لم تصنعها وحدها اذن


لا ارغب فى التحدث على لسان منظمى الحملة او صاحبات الفكرة .. لكنى اقتنعت بها وتحمست للمشاركة فقط لانها مجرد جرس تنبيه لتحاول ليلى الحالية تربية طفلتها القادمة بعيدا عن الموروثات التى تربت عليها وجعلتها تشعر بالاضطهاد او انها كائن درجة ثانية كما يقول البعض من ادم

ادم وليلى .. كل نصف يكمل الاخر .. ولا يستطيع احدهما العيش بمفرده
فقط ليتفاهما وليلتقيا فى نقاط متعددة
لسنا ضدين .. وانما خلقنا الله لنتكامل .. لا لنتصارع


فلا داع لكل تلك الحساسية اذن

المزاجنجي said...

ابو الزناجيل انا اول مرة ازورك مش عارف ليه ما زرتكش قبل كده لكن النصيب بقى شكل موضوع كلنا ليلى فرق معاك بس عادي احنا كرجال ديموقراطين هانسيبهم يقولوا اللي هما عاوزينه لكن برضه هانعمل اللي فدماغنا ههههههههههههه .... اكيد طبعا لا والكلام ده تهريج فالمجتمع لا يستقيم ولا ينصلح حاله الا بوجودة ليلى جنب ادم وبشكل فيه عدالة واعتقد ان التصرفات العقيمة القديمة دي اختفت نوعا ما الان بس فيه شوية رواسب لسه معذباهم وده ناتج التربية وممكن الجيل اللي هايخرج من تحت ايديهم وايدينا يكون خرج من تحت عباءة التخلف الي هما كانوا بيعانوا منها وبشر المفروسة وكلابيظو انهم منصورين باذن الله وربنا هاينصفهم قولوا قادر يا كريم

arabesque said...

أولا فهمك إن "كلنا ليلى" تكتل نسائي إقصائي ضد الذكور أو عايز يستعديهم فهم خاطئ
اسم المجموعة الهدف منه إعطاء صوت للبنات، كتير جدا بيطلع في التليفزيونات رجالةتتكلم عن الستات و حقوقهم أو واجباتهم إنما بيتكلموا عنها من وجهة نظرهم هما..و ده طبيعي لأنهم بيتكلموا من تجربتهم الشخصية- أنما بسبب ده بيرتكبوا أخطاء بقصد أو بدون
الهدف من "كلنا ليلى" إن الصوت ووجهة النظر المرة دي تكون نابعة مننا احنا

الهدف التاني من "كلنا ليلى" إن كل ما واحدة تطلع تشتكي من حاجة يطلع ميت واحد يرد دي حالة فردية
احنا عايزين نقول و بصراحة إن دي مش حالات فردية دي ثقافة مجتمعية و إذا كنا عايزين نغير من الوضع في مصر لازم نبص كمان على مشاكلنا في التعامل مع بعض كبني آدمين

فيه حاجة مهمة كمان: المدونات المشتركة في يوم "كلنا ليلى" عمرها ما هتاخد خط نسائي على طول الخط. بالعكس احنا عارفين كويس باقي المشاكل اللي بنعاني منها كمصريين و بنكتب عنها كل يوم و لما فكرنا نعمل يوم لنا على المدونات كان تفكيرنا الأساسي في فتح حوار عن اللي بيحصل في مجتمعنا، و صدقني لو بصيت كويس هتلاقي إن كلنا بندين ممارسات أنثوية زي الذكورية تمام
أما بالنسبة للعلاقات البناءة بين المدونين و إن ده هيعمل شرخ، أنا شايفاها بالعكس
نوع العلاقات الإيجابية ده هو اللي شجعنا إننا نقول يا جماعة في مشاكل بينا بجد عايزين نتكلم فيه شوية
فيه حاجات النظام مالوش دخل فيها - أو بمعنى أصح مش دخل مباشر لأن النظام عندنا بيستفيد من كل الأوضاع الغلط و يرسخها
أنا شايفة إن المواضيع دي لازم تتفتح على المدونات إذا كنا شايفين إن التدوين مساحة حرة تجمعنا كلنا و تسمح لنا نسمع بعض و نتناقش فيه وفعلا فيه مدونين ابتدوا يتفاعلوا مع الموضوع بشكل إيجابي

الموضوع حقيقي الهدف منه إننا نشرككم في جزء انتوا ماتعرفهوش عننا، أو بيطلع في التلفزيون - الحكومي برده- بصورة مستفزة بتخليك تفتكر إن أكيد المشاكل دي مفتعلة أو مش موجودة و هما بيلهونا و خلاص
لأ احنا بنقول إن فيه جزء كبير من المشاكل دي موجودة و عايزين نتناقش شوية حواليها بعيد عن ضيوف التليفزيون و حواراته الهدامة
عايزين نتناقش كبني آدمين زي ما عملنا قبل في مواضيع تانية

Omar said...

برافو، ده كلام اتفق معاك فيه جداً، أوجزت فأنجزت

Dr. Tantawy said...

** Nada

يا ندا .. انا مقلتش انهم واخدين حقوقهم انا أقر معاكي بوجود مشاكل
انا اعتراضي واضح
فكره تكوين تكتل لفرض وجهة النظر دي غلط
أولا : محدش هيسمعلك وهوه حاسس انك متفقه مع ناس كتير عليه .. دي حاجه نفسيه
ثانيا : ليه مصرين تفرقوا ما بين المدونين .. ليه نعمل حاجه ممكن تكون عداءات او بلاش عداءات سميها صراعات او نزاعات .. ونفضل نتكلم لمده سنه جايه بدون اي فايده

زي ما قلتلك لو كل واحده كتبت مشكله بتتعرضلها البنات بطريقه علاء ومنال كنا كلنا شاركنا و شجعنا .. انما اسلوب الشلليه و الحركات الجماعيه ده اسلوب مستفز للآخر




** violena

نفس الكلام اللي قلته لندا يا فيولينا .. انا مش معترض على حقوق المرأه او على وجود نوع من الظلم .. لأننا ببساطه مش عايشين في مجتمع اسلامي مثالي .. يبقى طبيعي في رجاله ولاد كلب و ستات عايزين الشنق . زي ما فيه امثله كويسه في امثله وحشه .. يبقى لما المجتمع كله يتصلح هنتصلح احنا .. زي ما قالت سوسه .. الست عليها جزء من المسؤوليه في هضم حقوقها .. و عموما زي ما قلت دي مش وجهة خلاف .. خلافي الوحيد هو اننا نوجه كل طاقتنا في التدوين في موضوع زي ده و بالطريقه دي مع اننا كان ممكن نتكلم بطريقه افضل كتير


** مزاجانجي

المدونه منوره بيك يا باشا :)) انا زي ما قلتلهم لما يبقى المجتمع كل صح نبقى نعتب على الراجل ظلمه للمراه .. لانها هيه نفسها ظالمه نفسها .. المهم دلوقتي انا منحاولش نعمل تكتلات من النوع ده .. احنا مش ناقصين نضرب في بعضينا



** arabesque

عزيزتي من حقك تشتكي من اللي بتتعرضيله كأنثى و من حقي اشتكي مما اتعرضله كطبيب .. و من حق غيري يشتكي مما يتغرض له كقبطي و هكذا
لكن
لو كل واحد مننا عمل حركه و سماها اسم و عمل لوجو مش هنخلص .. و هنفضل نسكت في بعضينا لان محدش هيسمع التاني ساعتها
ثانيا .. معظم المدونات اللي قرأتها مفيهاش المعنى اللي قلتيه .. بالعكس .. المعنى منها تفريج لكبت موجود سببه وجود مشاكل احنا كلنا مقرين بيها .. لكن اسلوب الحمله كان استفزازي للبنات قبل الولاد .. خلاهم كلهم يهاجموا بشراسه ومتخيلين ان كل واحد راجل ضدهم ولو قال رأي يبقى عايز يهدم نجاحهم .. باختصار .. اخشى ان تدمر هذه الحمله علاقات جميله بنيناها بينا .. واذا مش مصدقه كلامي .. استني كمان اسبوع بالكتير و شوفي نتيجه حملتكم الغراء


** omar
متشكرين يا عم عمر .. بس كان نفسي ترد عليهم انت كمان :))) بانتظارك

salateenoo said...

وجهة نظرك سليمة جدااا

farida said...

انا حبيت أرد عليك و على كتير بالتعليق
و بعدين كتبت البوست ده
في توضيح لوجهة نظر
أعتقد إن في كتير من المشنركين معي ممكن يوافقوني عليها
http://morning-cafe.blogspot.com/2006/09/blog-post_10.html

Dr. Tantawy said...

يا ست فريده

انا مش معترض على الكلام اللي سيادتك كتبتيه في المدونه كرد على التعليق .. لكن برضه سيادتك عملتي زي عبدالله .. قعدتوا تتكلموا في مشاكل المرأه و ما تعانيه .. و ده كلام انا مش معترض عليه بتاتا .. انا كل اعتراضي على اللغه بتاعت الحوار ده .. الطريقه اللي استخدمتوها .. وانا اديت امثله في ردودي على ندا و فيولينا ياريت تقريها
مع خالص احترامي لكن

Nohaz said...

تجاهلت رسالتي

بشكرك

soosa el-mafroosa said...

زنجولا العزيز

زي ما فهمت كده انت مش معترض على الموضوع ..انت معترض على الشكل ..صح؟؟
شوف يا زنجولا ..الموضوع دع مش دايم ..ده مش تنظيم و احنا مانفصلناش غن البلوجر ..الموضوع كله اننا قلنا يا جماعه اللي عندها حاجه تقولها على وضع المأه أو أوجاعها و عايزة تقولها نتلم كلنا و نقولها في يوم واحد عشان يبقى وقعها كبير و يمكن الناس تقرا و تفهم و تحس ببعض مشاكلنا أكتر من لو كنا كل واحده لوحدها

لاحظ اني قلت الناس مش الرجاله فقط

فيه بنات حاسه ان مشكلتها ..مشكلتها لوحدها ..بنقولها مش انت لوحدك ..فيه رجاله مش واخدين بالهم من نقط بتضايق البنات ..بنوضحهالهم ..عادي يعني ..يوم أو يومين ..مش تنظيم نسائي دايم ولا حاجه ..حرك شوية المياه الراكه ..و فكركوا اننا برضه جزء م المج\تمع ..مش عشان بنكتب هنا ..نبقى خلاص مافيش في حياتنا مشاكل

و لو شوية أطباء عندهم مشاكل نفسهم يتكلموا عنها و عملوا يوم ..وايه يعني..و لو الأقباط و ماله ؟..ده يمكن يشجعنا نقرا و نشوف جوانب احنا مش شايفنها

و انت شفت البوست بتاعي ..موجه أصلا للبنات و بيقولهم انت جزء كبير م المشكلة ..ماتحملوش الرجاله المسؤلية لوحدهم

تحياتي يا رفيق

Mongey said...

كلام جميل اوي نفس الانا كنت عايز اقوله بس مش عارف اعبر عنه ... الموضوع اصلا بالنسبة ميتعداش بعض الحكايات و القصص الي بتتحكي وفي منها قصص عاديه لكن معمول منها مشكلة مش عارف ليه يعني انا حياتي فيها حاجات كتير اوي ممكن لو ركزت عليها هعمل منها حكاية و موضوع حريات و هكذا .. و انا من راي ان في حاجات اهم كتير في ناس فقراء مش لاقين نت يدخلواولا لاقين فلوس الاكل ...خلاصة الكلام ان في اشياء بتشيل اشياء وبعدين الوضع مش مهبب اوي كده يعني احنا مش قاعدين في افغانستان و حركة طالبان يعني الامور بسيطة جدا ..

Dr. Tantawy said...

** nohaz

رساله ايه ؟؟ انتي عارفه ان عمري ما هتجاهل اي رساله منك يا نهى


** sooosa

متفقين .. بس برضه الحركه دي لو هيه يوم ولا اتنين مكنتش تاخد الشكل ده و يتعملها بلوج منفصل .. الموضوع هيبقى كبير على الفاضي يا سوسه .. و بكره تصدقي


** mongey

متفقين يا باشا طبعا

Nohaz said...

طنطاوي استأذنك تضيف الناس ليه لغيت الناس الي كانوا في المدونة و ليه حطيت البرويل بتاعي و انا اساسا مش مشتركة فيه؟؟؟؟؟

Dr. Tantawy said...

نهى الناس متلغتش لسه موجودين بس انا مش عارف اظهر الاسامي ازاي ؟؟ انا حاولت اعدلك المدونه قد ما أقدر بس مش عارف باقي الاكواد اضبطها ازاي ؟؟ لو في مشكله ارجعها زي ماكانت ولا ايه

أحمد المصري said...

عندك حق غيرت وجهة نظري الإعتراض على الأسلوب مش المضمون

sahar said...

علي فكرة مافيش تكتل ولا حاجة هو بس إتفاق اننا نكتب في موضوع واحد هو ظلم المر أةواعتقد انها فعلا مظلومة في حاجات برضه مش دايماً

sahar said...

ادخل علي الموقع الأم وانت تشوف

Dr. Tantawy said...

** أحمد المصري
شكرا يا باشا .. منور البلوج



** sahar

يا ستي ماهو اي حد هيعمل حاجه هيقول هيه مش كده ومش مقتنع بيها يعني .. لكن الواقع واللي كل الناس شيفاه ان الحركه دي تكتل صريح و عنصري للغايه و ان نتيجته هتكون سلبيه اكتر منها ايجابيه .. لا تتوقعي ان في راجل يسمع لمشكله وصلتله بالطريقه العدائيه دي

will said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول