2006/09/25

مشاهد رمضانيه

إضغط الصوره للتكبير
-
مشاهد رمضـانيـــــــــــه
-
>>>>>>>>>>>>>>>>>
المشهد الأول : إلهي سيدي ربي
>>>>>>>>>>>>>>>>>
-
إلهي .. سيدي .. ربي .. أغـثـني
وخذ بيدي و من بـُـعدي .. أجرني
إلهي .. أنت ذو صفح .. جميل
و جـُـود واسع .. و عظيم مـّن
إلهي .. من سواك يزيل همّي
ومن أدعوه مضطرا يجبني
إلهي .. قد جنيت و أي عبد
ضعيف الخلق .. مثلي .. ليس يجني
إلهي .. ليس أجدر بالخطايا
و بالتقصير .. والزلات .. مني
إلهي .. لو أتيت بكل ذنب
فلا أولى بعفو منك عني .. إلهي
-
قصيده : إلهي سيدي ربي
إلقاء : مشاري راشد العفاسي
ألبوم : قصائد حنيني
للإستماع للقصيده إضغط هنا
-
>>>>>>>>>>>>>>>>>>
المشهد الثاني : الدراويش من تاني
>>>>>>>>>>>>>>>>>>
-
يبدو أن الدراويش رجعوا مصر تاني .. تحت مسمى الشباب الرمضـّـاني .. يعني الشباب اللي مجرد ما رمضان ييجي يبدؤا يدروشوا .. تلاقي الشباب كلهم قالك انا مش حالق دقني .. علشان احنا في رمضان .. و البنت تقولك انا مش هحط مكياج .. اصل انا في رمضان .. ده لو محجبه طبعا .. اما لو مش محجبه فتقولك انا هلبس حجاب .. والنعم والله .. هوه ده الشباب اللي يفرح بجد .. واللي مترح ما هتروح هتشوف منه .. الجميل بقه إيه .. ان الولد يقولك انا هسيب دقني علشان المفروض تربي دقنك .. ده فرض .. ف بما إني مش بحلقها في غير رمضان لازم يكون عندي دم و محلقهاش دلوقتي .. و بالمثل .. البنت تقولك اصل الميك آب .. فيه كلام .. و الحجاب عليه خلاف .. ف بلاش اعمل الوزر ده في رمضان .. يا حلاااااوه .. يعني كل واحد عارف ان ده غلط .. ف بدل ما ينوي انه يعدل الغلط ده .. لأ .. يقولك انا هعدله في رمضان بس .. يعني يا جماعه حتى ثواب النيه .. مش بياخدوه .. سبحان الله
محدش فيهم سمع إن .. أحب الأعمال إلى الله أدومها و إن قل .. و كل واحد بقه ماشي بمزاجه يفصل الدين على حسب ظروفه .. وعلشان مأكونش قاسي .. هتلاقي ناس فعلا بتكون عايزه تقرب من ربنا في الفتره دي .. وبالطريقه اللي قلت عليها .. بحسن نيه يعني .. يبقى نداء إلى الناس دي .. لما تنوي .. خلي نيتك مفتوحه .. بلاش تحددها بوقت أو ظروف .. قول انك هتسيب دقنك رضى لله .. طول السنه .. قولي انك هتخففي المكياج علطول .. قولي انك هتتحجبي طول السنه .. و الحساب بعد كده عند الله تعالى .. يعلم خائنه الأعين و ما تخفي الصدور
-
>>>>>>>>>>>>>>>>>>
المشهد الثالث : الدراويش التانيين
>>>>>>>>>>>>>>>>>>

-
استجابه ربانيه جميله في بدايه شهر رمضان الكريم لدعوات جماهير الزمالك المقهوره .. كانت نتيجتها فوز الزمالك على الاسماعيلي .. أول الدوري المصري .. اليوم في الاسماعيليه .. بنتيجه هدف للا شيء .. بصراحه .. احب اهدي الفوز ده لفريق الترسانه الكبير اوي اوي اوي .. و اقوله تحيا الشواكيش ولا عزاء للدراويش و الحناكيش
-
>>>>>>
تحديث هام
>>>>>>
ليه عتاب على زوار المدونه .. محدش فيكوا كلف خاطره يزور مدونه مش مهم و يقول رأيه في عجوه و عسليه .. يعني الواد و البت طالعين من بيوتهم في عز الولعه دي .. و في رمضان .. علشان يعملولكوا كوميكس .. و في الآخر يطلع ان محدش بيتفرج عليهم غير انا و عبدالله هههههه .. طب ادخلوا و قولو رأيكم .. لو وحشه قولو .. و لو حلوه قولو .. بس اعملوا جو كده بلاش النوم والكسل ده .. هنيالك يا فاعل الخير و الثواب .. وحدووووه

21 comments:

سالفة قلب said...

كلامك كله صح المشكله ان في من يجعل الدين فقط في رمضان

وبعد رمضان يرجع يعمل المعاصي كلها وينسى ان رب رمضان هو رب كل الشهور



شكرا موضوع رائع جدا

R@niayusuf said...

لحقت اول تعليق يا حلوووووللى

الله يفتح عليك يا دكتور
قلت الكلام اللى محشور فى زورى
و ربنا يهدى شبابنا و يصلح لهم بالهم
آمين

عبدالله مفتاح said...

TANTAWY ANA MESH MOLTAHY AND U?

tota said...

زنجولا العزيز
تعرف انك فعلا بتتكلم فى مواضيع قد ايه عادية وقد ايه مهمة وكلنا بنبص عليها بنظرة عابرة ونعديها
لكن الجميل انك بتمر على مواضيع كتير ومختلفة ومتنوعة وكلها من وحى الواقع

فعلا لو كلنا بنفتكر ان ربنا بيراقبنا فى كل وقت اى ان كان الشهر اى ان كان المكان مكناش وقعنا فى الزلات دى لما ربنا بيدينا براح من الحسنات فى الشهر ده بنعرف نستغله قوى وبننسى تانى ان فى فى باقى الايام حسنات لو اقتنصناها هيتقل ميزان حسناتنا
يارب يتقل ميزان حسناتنا ويغفر لنا زلتنا ويتقبل منا ليس فى رمضان فقط بل كل الايام
قول امين بقى

تحياتى

محمد البرلسى said...

تدوينه حلوه يا قمر كل سنه وانته طيب والسنه الجايه تكون احسن وافضل
http://alprolisi2006.blogspot.com/

mariam said...

فعلا انا لاحظت الموضوع دة بس من كتر ما بيتكرر كل سنة بقى عادى

We2am said...

الاوراق اصبحت مختلطة فعلا..فوق التخيل

Dr. Tantawy said...

** سالفه قلب

اشكرك على كلامك و ذوقك
كللللك ذوق

------------
** رانيه
مانتي من شبابنا برضه متكبريش نفسك علشان عيلين تلاته يعني :) انتي لسه شباب
متشكر يا رانيه .. و ربنا يتقبل دعاءك انشاءالله

------------
** عبدالله مفتاح

hehehe kol el nas kant fakrak abo lahab w da2nak le7ad soretak :) kedt el 3awazl ya 3abdoo
la ya3m ana msh molta7y le2n da2ny khafefa msh mnzar ya3ny :))
------------
** tota

تعليقاتك متألقه كالعاده يا ست توته
آميييييييييييييييييييييييييييين
حلو كده ؟؟ فين صينيه المكرونه الباشميل و المحشي ورق العنب ؟؟ مفيش اتفضل افطر معانا في رمضان ؟؟ مكنش العشم
------------

** القادم من الريف

شكرا يا جميل

------------

** Mano

اهي دي اهم حاجه انا اقصدها ان الحاجات دي متكنش عادييي
و كل واحد لي صاحب كده او هوه نفسه كده ياخد باله .. اذا كنا مش عارفين نعمل حاجه ناخد ثوابها .. ف على الاقل ناخد ثواب النيه .. لأنها ممكن تكون سبب كافي لدخولنا الجنه انشاء الللله
------------

** we2am

مختلطه بس بإيدنا نرجع كل حاجه لأصلها .. لو فكرنا شويتين بس
------------

No Fear said...

السلام عليكم
كل سنة وانت طيب
هنعمل أيه حال الناس كلها كده
مش عارف الحل يكون إزاي
فاكرين إن الدين عبادة فقط
و الله العظيم الإسلام ده أجمل شئ في الدنيا بس اللي يفهم
علي العموم ربنا يهدينا جميعا
و مبرووووووووك للزمالك

LAMIA MAHMOUD said...

يا سيدي بس خلي الناس تعمل في رمضان اهي خطوة وبداية

sherehan84 said...

أنا بتفرج على عجوه وعسليه ..قول لهم مايزعلوش

أحمد المصري said...

مين قال مش بنتابعه ده كارتون جميل جدا وافكاره جميلة لكن انا بس مش عارف اكتب ايه او أعلق عليه ازاي 00يمكن القصور مني 00محاولة رائعة نرجو تكرارها00أما بالنسبة لمشاهداتك الرمضانية فهي واقعية ومنتشرة لكن أعتقد ان محاورتهم في الموضوع أكثر ايجابية من مجرد النقد ولو إن النقد مطلوب طبعا00ربنا يهديهم ويهدينا0

أجدع واحد في الشارع said...

انا معا سالفة قلب
وتعالى شوف البوست الجديد

Dr. Tantawy said...

** No fear

ربنا يخليك يا باشا
و متشكر على رقتك في حته الزمالك دي ههههه

-----------

** Lamia

ما هو كله ماشي بمبدئك ده .. انا مش معترض بس اللي ينوي .. ينوي صح .. يقول نويت اتحجب .. مش نويت اتحجب لحد نهايه رمضان
زي بالضبط اللي يقول الزنا حرام .. بس انا لو في مصيف ممكن ازني مش مشكله .. فاهمه الكارثه ؟


-----------

** sherehan

لأ .. همه زعلانين منك انتي بالذات علشان الموضوع التاني :)) يوم ما تقولي انك طلعتي عيله و رجعتي في كلامك و انك متقدريش تستغني عن شله البلوجراويه .. هيصالحوكي

-----------

** أحمد المصري

هوه ده الكلام يا باشا
فينك يا عم عبدالله تسمع :))))

------------

** اجدع واحد في الشارع

أنا جااااااااااااي

أم أحمد said...

كل سنة وانت طيب يازنجولا

Mongey said...

كل سنة وانت طيب
بس انا عندي اعتراض علي المشهد التاني لانه موضوع بتاع الناس مش بتاع حد فينا
يعني الي بيعمل فلنفسة و الي مبيعملش برضة لنفسة

و مبروك علينا فوز الزمالك الي انا شايف انوا خطف الماتش بس
انا عارف من الدقيقة خمسة ان الاسماعيلي
بطريقة لعبه دي مكانش هيفوز

sarah la tulipe rose said...

الدين في مصر للاسف مظاهر عادة اكتر منها عبادة و الناس بتتصرف في رمضان بتقوي و وورع لو يستمر كان حالنا انصلح من اربعين سنة
ما رب رمضان هوة رب الشهور التانية
كل سنو و انتو طيبيبن

ROMIL said...

فعلا المشكله في التدين بنظام المظاهر وترك المضمون بوست جميل أرجو الزيارة والمشاركه

SAJA.S said...

ياعمي خليهم .. يمكن يغيروا رأيهم بعد رمضان .. والله يهدي الجميع

LAMIA MAHMOUD said...

فاهمة الكارثة وعموما على فكرة الحجاب بتاع رمضان ده انا معترضة عليه يعني يا اتحجب يا بلاش منه خالص
بس بالنسبة لبقية الشعائر خليهم يعملوها ما يمكن بعد الشهر يكملوا فيها

Dr. Tantawy said...

** sahar
وإنت طيبه يا غاليه


** Mongey
اولا .. الف شكر على الزمالك :)) و عقبال باقي الماتشات

ثانيا .. انا متدخلتش في حاجه .. انا كل اللي بقوله .. يا ناس .. اللي عايز ينوي .. ينوي صح .. بس :) يعني انا بتكلم على امثله سمعت من اصحابها نواياهم ف بحاول اني اصححها ليهم :) فقط لا غير .. و شكرا يا باشا على تعليقك


** sarah
وانتي طيبه
ربنا يهدينا جميعا انشاءالله


** محمود الحصري
انشاء الله انا في الطريق


** smile
مانا سايبهم يا عم هههه


** Lamia
انا مقلتش تتجب او لأ .. في جميع الاحوال .. الحجاب افضل .. لكن اللي بقوله .. تكملها بالنيه بس و اكيد ربنا هيفتح عليها يعني
تحياتي يا رومانسيه