2006/07/06

هيغيــّروا النشيد الوطني

بناءا على توجيهات المواطنه الشريفه المحبه للوطن / بنت مصريه .. التي اقترحت تغيير النشيد الوطني الحالي .. فقد قرر الدكتور / أحمد لمعي شرشور .. رئيس مجلسي الشعب و الشورى .. تغيير النشيد الوطني الحالي .. و قد قرر تكليف الشاعر الفنان / ننس حلمنتس ... بكتابه النشيد الوطني الجديد .. و اسند عمليه تلحينه الى الفنان و الملحن العالمي / جولدن فنجرز .. وأسند مهمة غناؤه لأول مره امام الاوركسترا إلى الفنان الاوبرالي المصري الجنسيه .. شبراوي المولد .. شعبان عبدالرحيم ... و اليكم النشيد الوطني الجديد

مصر بلدنا و ست الكل
تنزل جوه الحاره تطل
يبقى الكل عنيه فالارض
بلدي يا بلدي .. حبيبه الكل
و آآآآآآه
مصر بلدنا وليها تاريخ
اسألوا عنها في المريخ
بلد العلم و بلد الفن
عملت من القرطاس صواريخ
و آآآآآآه
مصر بلدنا بلد الأمان
سياحه و رقص في كل مكان
يالا يا سايح سيب لبنان
مصر الكنج في اي زمان
و آآآآآآه
مصر بلدنا جيشها معمر
عمره في يوم ما يحب يدمّر
في انتصاراتنا بيمشي يزمر
يخدم سيده .. ولا بيتأمر
و آآآآآآه
مصر بلدنا عليها نيل
تشرب منه كأنه سبيل
والحبيبه عليه بتميل
مالي الدنيا بحب جميل
و آآآآآآه

3 comments:

Bahz.Baih said...

تن ترالالن تن..تن

find-order-chaos said...

That is interesting idea but
is any one knows why we get this red balck and white flag ?!!! please let me know
thaks

وجع دماغ said...

والله هو مش بطال وماشى مع الكومديا اللى مشعشعة فى أرض مصر
فعلا هم يبكى وهم يضحك