2006/07/08

احترس نفسك

اقـــــــــــــرار
--------------------
أقرا انا الموقع أدناه .. انني مسؤول عن اي أخطاء طبيه تنتج عن الطبيب أو عربة الاسعاف او اي عامل في المستشفى او حتى اي مريض آخر أو واحد عابر سبيل معدي في المستشفى .. كما انني مسؤول عن اي كوارث تحدث خلال وجودي في المستشفى سواءا كانت زلازل او براكين او حتى اعاصير .. و في حالة حدوث عاهات مستديمه أو حتى وفاتي .. فيرجى اعطاء الدكتور المعالج شهاده تقدير و نيشان لتميزه في خدمتي طوال فتره وجودي في المستشفى .. و كل نفس ذائقة الموت .. و إنا لله و إنا إليه راجعون
المقر بما فيه / مريض داخل المستشفى بيموت
الموضوع مش نكته يا جماعه .. لكن ده واقع .. المجال الطبي في مصر أثبت تطور رائع و عبقري لمسناه من بداية وصولنا للسنوات النهائيه في كليه طب .. و اللي بيسموها السنوات العمليه للدراسه .. لدرجه ان كل الاهتمام في هذه الفتره .. مبقاش وجود قاعات تدريس مناسبه .. او مناهج متطوره .. بقدر ما بقه كل دكتور حريص على انه يعلمنا .. إزاي تحمي نفسك ؟ .. و كأن المهنه بقت غابه .. و كل الناس بقت متربصه للدكاتره علشان توقعهم في الاخطاء .. كل دكتور بيدخل محاضره يقولك يابني خد بالك .. و مضي المريض واهله و جيرانه و وولاد ولاده على اقرارات من ساعة ما تستلمه لحد ما يمشي .. و يقولك حافظ على اي مستند تصدره و ياريت تاخد منه صوره طبق الاصل مختومه بختم النسر و ممضي عليها من اتنين موظفين مرتباتهم اعلى من اتنين جنيه و ربع .. و كأن مهنة الطب بقت ورق و روتين .. و حصلت اخواتها من المهن المكتبه المصريه العتيقه
مش عارف ليه الدكتور ما يهتمش بانه يعلمنا ازاي نكون دكاتره كويسين .. بدل ما كل اللي شاغل بالهم ازاي اننا نحمي نفسنا من المساءله القانونيه .. و ازاي نتحايل على اي عقبه نواجهها و نطلع منها زي الشعره من العجين .. انا منكرش ان اخطاء الاطباء بتحصل .. و بدون عقاب مناسب للطبيب .. و منكرش انه احيانا الدكتور بيلبس غلط المريض و يتحبس بسبب غلطه هوه مرتكبهاش .. و ساعتها هيقول يا ريتني خليته يكتب التقرير و الكلام اياه ده ... لكن انا مقتنع انه الدكتور اللي جاي يعلمني ده .. وظيفته انه يعلمني الطب في المقام الاول و الأخير .. لأني لو اتعلمته مش هغلط .. لكن فعلا بمجرد وصولنا للسنه النهائيه بقت معظم المحاضرات مهتمه بموضوع .. احترس نفسك .. الحياه فهلوه .. ازاي تبصم المريض على انه يبيع نفسه .. حاجات فعلا بتخليك تخرج من موود الدراسه وتتخيل انك قاعد مع الاستاذ علي فجله المحامي .. عموما ... لكي الله يا مصر .. لكم الله يا مرضى و أطباء مصر .. فعلا مستقبل المهنه في مصر مشرق و مليان خير و أمل و بهجه ... انا قلت احذركم .. يعني قبل ما تمضي على اي تقرير اقرا اللي فيه و خد بالك .. لأن الدكاتره اليومين دول ممكن تبيـّـعك هدومك و انت مش واخد بالك .. يا مريض

2 comments:

Anonymous said...

كل ده علشان أخطاء الأطباء زادت .. لو مافيش زياده في الأخطاء ما كنش ده حصل .. أنما أنا أمضى المريض على أقرار و أسرق كليته أو مرارته لو مستاهله يعني .. و لو أتكلم أو فتح بؤه يبقى يقابلني لو خد مني حق ولا باطل .. و أعتقد زي ما تفضلت لو السنوات النهائيه في كليات الطب تركز بدل ما يقولوا حافظ على نفسك .. يقولولهم المريض ده أبوك أو أمك أو أختك حافظ عليه .. أوعى تعمله عمليه أو تكشف عليه أورديحي و انت على أعصابك و نفسك تخلص علشان تروق أعصابك بسجاره و لا وراك مريض مريش محتاج زياره و لا أهتمام دوبل ..أعتقد لو ده اللي كان بيتقال كان الحال بقى غير الحال والله أعلم .. لكن أملنا برده في الله كبير .. شكرآ على الموضوع يا استا> زنجولا :)

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول