2006/07/03

ربـّة الصون و العفاف .. مصر

الحقيقة انه فعلا موضوع محيـّر.. بيقولوا مصر هيه أمي .. ومصر أم الدنيا .. طب يا ترى اتخيلت مصر دي شكلها ايه في لباس الأمومه .. زمان .. أيام ما كنت بتفرج على مسلسل رأفت الهجان .. كنت دايما اسمع يوسف شعبان بيقول لمحمود عبعزيز .. مصر بتأمنك أمانه .. مصر بتسلم عليك .. مصر بتقولك وحشتها .. مصر مستنياك يا رأفت .. تيرا را راااا .. و غيرها من العبارات التي بتجسد مصر في صوره .. اول ما تتخيلها هتلاقيها ست .. كبيره في السن .. منحنيه الظهر .. على وشها كل عوامل الزمن .. إلا الضحكه .. الصافيه الرقيقه اللي عمرها ما هتختفي .. و نظره عنيها الحنينه .. الهاديه .. و الشفايف اللي مش بتبطل تدعيلك من اول ما تشوفلك و لحد بعد ماتمشي .. هيه دي مصر .. اللي اتخيلتها و اللي كبرت وانا مستني اشوفها و احبها
المشكله .. اليومين دول الحال اتغير .. و مصر بقت في خيالي حاجه تانيه ... مصر بقت مزّه .. مصر اللي غنلها زمان عبدالحليم و عبدالوهاب و أم كلثوم .. بيغنيلها دلوقتي نانسي عجرم و تامر حسني و هيثم شاكر .. وإرمي حمولك عليه .. مصر اللي كانت أم حنينه و صدر دافي و عود حناه الزمن .. دلوقتي بقت وتد مفرود .. نفخت شفايفها زي كوز البطاطا الحلوه .. و بقت لابسه برمودا و بودي ستوماك .. وعامله فووول مايك آب .. وضاربه شعرها احمر .. و نازله تتغندر في وسط البلد .. معلقه على يمينها اي واحد من رجال الاعمال .. من النوع التقيل اوي .. زي بتاع خوابير التسليح اللي عمال يدينا كل خابور و التاني واحنا مبسوطين .. الباشا اللي مش باين من الكرافاته اللي لابسها .. ابن العز و أكل الوز .. و الناحيه التانيه في شاب روووش طحن .. أقرع .. اسمه جيمي .. و أكيد عرفتوه مش محتاجه قواله .. وهل يخفى القمر .. المهم الاتنين ماشيين يقلبوها في وسطيهم و يفكروا هيقضوا السهره بيها فين .. ماهو لسه باقي الشله مستنيه الدور .. كل واحد و نصيبه .. وهيه يا ولداه مقضياها ضحك من ساعه ما نزلت معاهم لحد دلوقتي .. اصل عيلتها بعيد عنكم من النوع السبوووور .. الطيب .. الهادي .. الساكت أوي .. يعني طالما البنت هتقضي السهره مع كبارات البلد يبقى اكيد هياخدوا بالهم منها ومش هيلغوصوا فيها كتير ... يبقى مفيش مشكله .. وكله في التمام .. المشكله بس في أخوها اللي كل شويتين يطلع طلعه يقول للبت كفايه .. حرام .. التار و لا العار .. بس اهه في الآخر بيسكت لما واحد من الزباين دول يديله الطريحه التمام واللي فيه النصيب
مش عارف ليه صوره مصر اتلخبطت عندي اوي .. ليه تتحول من الام الطيبه الحنينه .. للشكل ده ؟ العيب في مين ؟ فيـّه .. ولا فيها .. ولا في الكرافته

5 comments:

Nohaz said...

بيقولك مصر ام الدنيا ... طيب الا هو ابوها مين؟؟؟؟
بحب مصر يا زنجولا بس المشكلة مش فين؟ في اهلها ؟ في الي ماسكها؟ اصل مش معقولة البلد الحلوة حتي في حرها و رطوبتها الي يعشقها حتي بقرفها بترابها بخماسينها بربيعها و رمدها الربيعي بالشلل بالبلاهارسيا الي فيها بحبها طيب اية الي مزفتها و منيلها كده يعني العيب فين فينا ولا فيها ولا في الي بالي بالك ولا اية في ام البلد دي؟
اسيبها و اطفش ولا اعمل اية؟؟؟؟؟؟

Dr. Tantawy said...

la la msh hansebha ..
el islam howa el 7al :))
el balad de lazem tetsetr tany .. w lazem takhod 3al2a nashfa awy awy 3shan terga3 le 3a2laha ..

wel 7ede2 .. yefham !!!!

Nohaz said...

انت هتودينا وراء الشمسسسسسسسسسسسس
هيفتكرونا اخوان
انا متبرية منكككككككككك
معرفكششششششششش
يا سعادة البيه المخبر المحترم ارجو ان تعتبرني منشقة عن دولة زنجوليا و غير مسئولة بتاتا عن اقواله و افعاله
انا معرفوش يا بيييييييه
انا عايزة اربي عيالي و اكل عيش و لو فيه معاه حته جبنة ميضرش بس تكون دلعة

Anonymous said...

شكرا على هدا الموقع الجميل

Flash Games : العاب فلاش

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول