2006/07/29

كلابيز من أجل التغيير

-
بسم الله الرحمن الرحيم

البيـان التاسيسي
( حركة كلابيز من أجل التغيير )
-----------------------------------
___
إلى كل مصري و مصريه .. ملأهم الاحساس باليأس .. بخيبه الامل .. بالأوجاع المستمره .. التي صارت مثل الجرح الذي تزينه القروح .. تزف إلينا في كل يوم المزيد من الصديد .. الألم .. الحروق المستمره .. حروق القلب .. و طعنات النفس التي تتألم من فرط ما يجري حولها .. ظلم بيّـن .. بلاد تغرق .. و شعب أذهلته السنين .. و غطت عيونه مساعي متسارعه لكسب لقمة العيش .. و توفير حياه مناسبه في بلاد لم تعد تعرف طعم الكسب الحلال .. صار الحرام قاعده و الحلال استثناء
الى كل مصري و مصريه .. زادتهم الدنيا هما على هم .. و أثقلتهم اوزانهم قناطير فوق قلوبهم المتعبه .. صاروا يجاهدون في الحياه .. يبذلون العرق لأقل الاسباب .. ربما انهكتهم السنين .. و ربما انهكتهم اوزانهم المتزايده في استمرار .. وكأنها تتعاطف مع حاله الازدياد المضطرب في الاسعار .. في الظلم .. في الفساد .. في الوعود المكذوبه .. تزيد كما يتزايدون .. بل تتزايد في قسوه .. لتعلن لنا عن حمل جديد نضيفه إلى ما كنا نحمل سابقا فوق صدورنا .. ولذا .. قررنا اليوم ان نسجل اعتراضنا .. ضد الاحوال المترديه .. ضد الفساد الذي صار يستفحل حولنا .. ضد سرطانات السلطه و اوبئه الثروات المشبوهه .. ضد الكيلوجرامات التي تراكمت على صدورنا و افقدتنا اقل ما في الحياه من لذات .. الاحساس بالهواء .. التنفس بحيويه .. براحه
كلابيز من أجل التغيير .. هي حق لنا في ابداء رأينا بكل صراحه .. و بكل ثقه .. ثقة قد نكون حرمنا منها كثيرا في مجتمع لا يعرف معنى السمنه .. و لا يقدر حاجه السمين لمزيد من الاهتمام .. بدلا من السخريه المستمره و النظرات التحتيه السخيفه و النكات السمجه .. كلابيز من أجل التغيير .. بدأت مزحه .. و ستنتهي بضحكه ترتسم على وجوهنا و وجوه كل من يقرأ بياننا اليوم .. او يسمع عنا غدا .. لكنها ستظل دائما فرصه مستمره للتعبير .. للخروج عن المألوف .. لرسم خط في صوره سياسيه مصريه جميله بدأت تتشكل منذ شهور عدة .. كلابيز من أجل التغيير هي كلمه مصريه جدا .. تخرج من مدونيين مصريين للغايه .. مصريين للأبد .. مصريين بلا أي أهداف سوى .. مصريتهم .. فهل أنت معنا
_
ملاحظة : الحركة تدوينيه بحته .. ولا تتبع اي حركات او منظمات سياسيه اخرى او حتى غير سياسيه .. وانما هي حركة تهدف إلى تجمييع المدونيين الكلابيز على كلمة واحده و فكر واحد
_
منسق حركة كلابيز من أجل التغيير التدوينيه
كلبوزة لكن سمباتيك .. بالتزكيه

_
شروط الانضمام :ـ
ـ ان يكون العضو كلبوزا .. يعني زياده الوزن عن المعدل الطبيعي بنسبه عشرين في الميه .. أو اكتر . تعديل / تقرر حسب توجيهات كلبوزة لكن سمباتيك .. ان يكون العضو كلبوزا حسب الانتماء و ليس الوزن .. يعني الباب مفتوح لجميع الاوزان
ـ تقبل الحركه الذكور أو الاناث
ـ ان يكون مدونا أو على الاقل يملك تسجيلا في اي موقع للتدوين
ـ ان يكون مصري الهويه وليس الجنسيه
_
هتافات الحركه :ـ
شباب و زهق من كلابيزه
و كفايه يا هووو يكتم غيظه
في النت هينشر ملاحيظه
ما المخ زهق من تهيـيـسه
و خلاص راح يفتح ترابيسه
-
كلابيز مصر .. بتـنـده يله
نصر الحق بإيد حزب الله
حتى و لو حكومتنا عتاوله
واخدين حق الشجب مقاوله

32 comments:

Dr. Tantawy said...

مش عارف انا كتبت الكلام الكبير ده ازاي ههههههههههه

يالا فتحنا المزاد .. هل من كلابيز

Anonymous said...

مولود مصري .. و بحب مصر .. لكن عمري ما حسيت قد إيه بحبها .. إلا لما حسيت انها بتضيع مننا
masr da3et khalas

Sampateek said...

ايوة انا معاكم
انا مطابقة للمواصفات
جدا :)
بس الهدف ايه؟
اقترح نقعد علي قلب الاستغلال و نفطس الفساد
و نخللي شعارنا انا كلبوز اذن انا منبوذ
و نرفع راية سندوتش جبنة رومي لكل مواطن
لكن تصوروا
الفساد حيكون من اعضاءنا لانه زاد وزنة اكتر من 99 في المية
حته بسبوسة بالقشطة لكل مشترك مساهمة من اختكم كلبوزة
خالص تحياتي
اللوجو يجنن lol

Anonymous said...

ana wazny 59 kilo we toly 168 momken adkhol ma3akom wala 3'eir moutbka lel mwasafat? :)

Nouran said...

فكرة حلوة جدا وجديدة لنج بس لازم المواصفات دي كده انا هتحرم من دخول الجمعية دي اعملوا استثناءات ارجو منكم جمعية الكلابيز المصرية ان تنظروا فهذا الامر ولكم جزيل الشكر :)) مااشي الكلام

HANY said...

peace man , how r u doing , good work , if u look in our history u 'll find that they have been and 'll continue to be the funniest at all . i donot mean that we laugh at them but i mean we laugh with them , and they r smart and u can see the example of " sawaad " the companion of "mohamed" " peace be upon him " ,finally, keep going man

peace

Dr. Tantawy said...

* كلبوزة

طبعا انتي من المؤسسين مش عايزه كلام و اقتراحاتك كلها مقبوله .. بس بلاش كلمة انا منبوذ .. الموضوع مش للدرجه دي يعني بالعكس الناس بتكون محترمه جدا معانا لكن ميمنعش من شويه تريقه و كده
وانا مستني حته البسبوسه بس من غير قشطه لو سمحتي

* annonymous

وزنك غير مطابق خالص :) انت كده من فئه الرفيعين اللي احنا بنحقد عليهم :) علشان كده انصحك تنضم لحركة تانيه .. ممكن تكون معانا بقلبك او اقولك .. كل كتير لحد ما تتخن شويه .. يعني لازم توصل على الاقل 70 كيلو .. ده اقل حاجه


* nouran

احنا كلابيز يا بشمهندسه .. مينفعش نرجع عن الشرط ده تحديدا :) لكن متقلقيش بمجرد ما هتدخلي الكليه هتتخني و تملي .. ان غدا لناظره قريب


* hany

u r talking about fatty poeple as thing ya hany :))) we are normal guys and gurls , its all that we have extra borders all around us .. while walking .. sitting or running .. thats all :))
about the history , its enough for me that the greatest cartonist and poet "salah gahin" was obese ;)

شــهــروزة said...

يا مسيو كلبظ..ممكن افهم انت بتحقد عى شعبولا لية يخويا؟؟.. بينى وبينك انا كمان باحقد علية..البعيد يا اخى بقا اشهر من كوفى عنان فى زمانة واشهر من وحل البرك بوش...عارف لية؟ لانة لاسف لبس دور البطل فى زمن يبحث عن ابطال بالصدفة البحتة..الناس دلوقتى بتدور على بطل ولو من ورق علشان تحس انها بتدين بالولاء لحد او تحت راية حد...الانتهازى دة بقا اخد قصب السبق فى الفيلم دة.. رغم جهلة لكن بعفويتة... اياليتنى كنت جاهلة ومكوجية رجل زيك يا شعبولااا

Nouran said...

متاكد من كلامك علشان بيقولولي لما هتدخلي الكلية احتمال تختفي :(

عوليس said...

ياخبر
دى حركه فظيعه

عبدالله مفتاح said...

طلاق تلاته يا زنجولا ان مشغلتش المسنجرات بتاعتك وضفتني .....انت حر
قلتلك اظبط الوقت والتاريخ وهي المسنجرات هتفتح معاك لما اشوف اخرتها معاك

Sampateek said...

أنا أقترح أن نقبل كل المناهضين سواء ذوات الوزن الثقيل أو لا
لان الحملة ضد كل من تكدس علي صدره وزن سواء وزن فعلي او وزن معنوي من الهموم و الشجون
و بعدين الناس السمباتيك جايين يعموا واجب معانا ميصحش نقفل الباب في وشهم
و يمكن لما يقعدوا معانا يكلوا حته بسبوسة علي صوباعين محشي نلاقيهم ضربوا و نافسونا
مكرونة بشاميل لكل بلوجراوي يشرفنا
بلا رجيم بلا وجع قلب

Dr. Tantawy said...

* shahrazad

لا تتمنى تكوني زي شعبولا .. حرام عليكي تاخدي حاجه زي ده قدوة .. نقي حاجه تستاهل .. كونه نجح بالصدفه مش معناه انه بيفهم .. انا نفسي عالاقل .. يكون فاهم هوه بيقول ايه هههه


* noura
خلاص شرط الوزن اتلغى حسب اوامر عليا .. مبروك علينا انتي

* عوليس
متشكرين يا كنج

* عبدالله
انا جربت كل حاجه والله مفيش فايده

* كلبوزة
مبروك عليكي قيادة الحركه .. المسؤوليه الملقاة على عاتقك كبيره ياريت تكوني قدها :)) و كل التعليمات الخاصه بالوزن اتنفذت و صدرت في البيان المعدل للحركه

hashem said...

zan- good luck in your change attempts....what does "kalbouza" mean?
Ana konte faker nafsi a3raf masri....bass elzaher la2...!

anon-masr will never ever be lost....we protect it "bermoush el-3ayn"....take it from an injured Lebanese...

أُكتب بالرصاص said...

انا جاي أقول




ماتعملوش حسابي

Dr. Tantawy said...

hi hashim nice to c u here man .. you looks to be a great poet man .. soooo sensitive .

wel , kalboza mean ( obese ) .. fatty .. blump .. any thing :)))

thanks fr ur words , waiting ur visit always !

we are all with lebanon .. hearts and souls ..

Sampateek said...

احم احم
طيب فتحت الجلسة
اول حاجة نعملها نتجمع و نروح نقعد علي اللي اسمه بوش نسفلته
يعني نسوية بالارض
و بعدين نطلع علي اللي اسمه المرت و نهبده كف جماعي كلابيزي نحول وشه الي قفاه
و اللي عايز يكلمه يطلع علي المحور
و بعد كده نيجي مصر نتفرغ لقضيتنا في الاصلاح
ارفع راية
كلابيز تاديب و تهذيب و اصلاح
لولولولولوي
افرحي يا امه بقيت رئيسة

المسافر said...

يااااااااااااه أخيراً لقيت تيار يعبر عني وبصدق

فلتحيا الكلبزة وتسقط السلوعة

كلبوز من زمان

المسافر said...

يا كلابيز العالم اتحدوااا


ضد السلوعة الأمريكية

rihamabdulghaffar said...

اهلا اهلا
ايه الجمال دة
انا كلبوزة وعايزة انضم ليكم
الفكرة حلوة... بس بجد ناويين على ايه؟
ياريت حد يقوللي

الغـــــــــــــريب said...

بما أن وزنى زاد اليومين دول كام كيلو من الغربه فى وطنى والأكتئاب اللى بتعالج منه عند دكتور فى الجيزه بس طلع هو كمان مكتأب
وبما أن الست كلبوظه من أهم الشخصيات التدوينيه فـى قلبى وفى الأحياء الشعبيه
وصاحبة أهم حركه مصريه فى الشرق الاوسطيه وهــى حركة أتفووو
قررت ألأنضمام لجحافل الثوار والمؤيدين
لجماعة كلابيظ التحرريه من الظلم والأستبداد خاصة من الست كونداليزا المفتريه
وأوعدكم بلأخلاص لمبادىء الحركه وخاصة أكل المفتقه والمحشى والمكرونه البشمل
الله المستعان

Sampateek said...

لولولولولوي
زغرطوا يا بلوجرية الحركة سمعت و اتسيطت و بقت عالمية
ربنا كرمنا و اتنشرت حركتنا في موقع عشرينات-ولاد بلد
http://masr.20at.com/article.php?sid=770
اهداف الحركة هي محو الفساد و ازالة اثار القهر
معندناش مانع نكون كلابيظ بوزننا لكن نناهض اي هم و حزن يكبس علي مراوحنا
نناهض الرشوة و السرقة و المحسوبية
نناهض تعسف القانون و نرفض تطبيقه علي الغلابة بس
نرحب بكل الاعضاء
معا لمصر اجمل
كلابيز من أجل التغيير

hero said...

حلو اسم كلابيز ده ممكن انضم بس انا ازعة ومش مكلبز خالص بس ممكن اكلبز عشانكم

Me said...

بحب مصر

------------------------
تخفيف الوزن

الأباصيرى said...

ياصباح الجمال والتميز

والنبى ياعم عندى شوية طلبات صغننة

أولا:
بعد التعديلات الجوهرية فى الدستور العام والمبادئ الاساسيـ...؟؟
أية الكلام الكبير دة؟؟

بص بعد تعديلات طنط كلبوزة أنا عايز أشترك معاكم فى الحركة دى، وعلى رأى خالتى لوزة (الحركة بركة ياود يا اباصيرى) شوف ياعم أنا أرفع من الأبرة وقلبى أبيض من القطنة بتاعة أبلة نظيفة وزى ما أنت عارف القطنة مبتكدبش ... هههااهههاا

وبما أن جميع الشروط تنطبق عليا فا أنا بأستئذنك تكتب أسمى فى كشف أعضاء الحركة وكمان هعمل لينك للموضوع دة فى البلوج بتاعى - هو مش بلوج أوى يعنى لكن أهو حاجة الواحد بيفضفض فيها.

سؤال مهم:::: أنا أسمى مكتوب

MaMaDo said...

ok
count me in

butterfly said...

ممكن انضم معاكم ...بس انا مش مطابقه للشروط...الكلبظه وكده يعني ...انا اتمني ان الدول العربيه تكون كلبوزي كبير وتفعص اصحبنا اياهم...بس الكلبوزي الامريكني الكبير عمال ياكل الاكل لوحده...والكلبوزي العربي مش عارف ياخد حتي حته....ايه الكلام المكلبز الكتيير ده !!!!
butterfly

no say said...

بجد انا اهلاوى وبكره الى يقولى بطل سجاير بس تسلم ايدك
شوف مدونتى

احمد said...

وعندك واحد كلبووووووز جدااااااااا
ومصري
وعندي مدونة
مفيش بعد كدا
يا ريت انضملكم

perfum said...

اعلنها مدوية من اعلي قمة في صنية المكرونة وبعتباري من اقدم الكلابيز في المحروسة اني ابارك هذه الحركة المجيدة وبقلوكم اني قررت اغير منظومة الكلبزة الي ملازماني من زمااان يمكن البلد دي تتغير هي كمان وتفرحني مرة واحدة ايه رأيكم ممكن؟

MaGnOnA eLdOnYa said...

وانا وانا عايزة اشترك ههههههه اعملوا حسابي كل الشروط مطابقة بس انا كنت كلبوزة وخسيت بس مش اوى ينفع
:D
بس لسه عندي مبادىء الكلبزة يعنى نفسي كل مصر تكلبز ويبان عليها العز والنعمة مش الفقر والمرض اللى ظهروا علي ملامح شعبها بسبب ارتفاع اسعار اللحمة وقلة المرتبات وما شبه ذلك نفسي الشعب ياااااااكل
ياكبير شعبك عايز ياكل مم
ونفسي كمان الكلبوزة امريكا تخس وتعدم العافية وتحشت مننا الاكل وكل حاجة واحنا نقولها ابدا كان علي عينى هههههههههههه ياااااه امتى يحصل ده
وانتهى الارسال كانت معكم المراسلة مجنونة الدنيا حووووول هههههههه
ابئوا زورونى الهى يسترها معاكم
مستنياكم
اااه نسيت رجع الكاميرا ياعم هههههههه علي فكرة يا طنطاوي مدونتك اول مرة ادخلها وعجبنى اسلوبها وخاصة موضوع المذيع معتز كانك بتقول نفسي كلامي ولقيت نفس موجة الغضب لما قولت رايى بصراحة في المذيع ده ..يلا كفاية كده نلتقي بعد الفاصل سلام

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول