2006/07/04

دعــارة يعـقـوبيـــان


فيلم .. دعارة يعقوبيان .. قلّـب عليّه المواجع من تاني .. و نغز دمّـل الذكريات في قلبي لحد ما طشّ .. و طرطش على كل اللي حواليه .. وبعد ما قلت اني نسيت .. و اتلهيت .. اكتشفت ان عمري ما نسيت .. الواحد كان ما صدق إنه نسي اللي شافه في فيلم .. الزفارة في العماره .. يلاقي نفسه قدام زفارة أنيّـل و أضل سبيلا .. اسمها عماره يعقوبيان .. لحد ما الواحد فعلا كره حديد التسليح .. و أم العمارات .. و الخواجه يعقوبيان و كل شاكلته من اليهود .. و إياكش تولع دي أفلام .. وربنا يوجع قلبهم زي ما وجعوا قلبي و زودوا الهم في عبّـي .. ربي إني لا أسألك رد القضاء ( ما الفاس وقعت في الراس خلاص ) ولكني اسألك اللطف فيه
-----------------------------------------------------------
حديد التسليح : يعني أحمد عز.. و إذا ذكر احمد عز .. ذكر حديد التسليح .. فأحمد باشا عز كاراكتر لا يمكن تتوه فيه وسط بشوات مجلس الشعب .. يمكن متتشرفش برؤيته و التملي في وجهه الكريم .. لكن اضمنلك انك تشوف كرافاتته .. أكيد هتشوفها .. لأنها لا يمكن تختفي .. و بغض النظر عن جمال طلته و خفة دمه .. فإن أحمد عز .. هو أحد اهم العلامات المصريه في مجال الخوابير .. و حديد التسليح .. و المناشير .. الي عمرها ما همدت ولا هديت في سبيل رقى الاقتصاد المصري .. و تعبئه خزائن بنوك سويسرا .. أحمد عز .. هو بلا فخر .. أول من أثبت نظريه استخدام حديد التسليح في أي حاجه .. لدرجه اننا اكتشفنا فجأه .. كشعب مصري يعني .. ان حديد التسليح وخوابير الاساسات .. مكانها مش فالارض و بس .. لأ يا بابا لااا .. مع احمد عز حديد التسليح ممكن يترشق في اي حته .. و انت و نصيبك .. والمهم انك هتكون راضي و سعيد .. أحمد عز .. هو المعلم الكبير في شادر حديد التسليح و المونه .. ولو مش مصدق .. إسأل عنه الشكاره .. والعباره في الشكاره
-----------------------------------------------------------
العمـارة : أما دعارة يعقوبيان .. و هو الفيلم اللي طلع يمثل مصر بره في اكتر من مناسبه و مهرجان .. فأنا والحمدلله مشفتش الفيلم و مش عايز اشوفه .. لكن يكفيني مذلة و عارا .. أني قرأت الروايه من زمان .. و عرفت اللي فيها .. و ياريتني ما عرفت .. والانيل من كده اني عرفت من الناس اللي شافت الفيلم .. ان اقذر فصول الرواية الخاصه بالمشاهد الجنسيه و الشذوذ اللي عيني عينك خدت اكبر مساحه من مشاهد الفيلم و كادراته .. يعني المخرج بصراحه مش مقصر معانا خالص و عاملنا فيلم .. مناااااااااظر .. من غير قصه خالص .. الفيلم ده بيؤكد على توجه قومي وطني مصري .. يؤكد على ان طول مانته في بلدي البيت بيتك .. و الليلة الحمره ليلتك .. و المُـكنه مُـكـنِـتَك .. .. وكله بحسابه يا اكسيلنس .. اصل دي حقيقة الشعب المصري الغوغائي .. عبيد شهواته و نظراته .. السكير العربيد بتاع النسوان .. لأ .. و بتاع الرجاله كمان ... ومين ينكر ؟؟ إذا كانت المحروسه .. أرض الكنانه .. اول دولة عربيه تحتضن حفل زفاف حقيقي للشواذ في فندق 5 نجوم في قلب القاهره .. الفرح اللي اكيد هيفضل متعلق في قلوب و عيون كل اللي شافوه ولا صلوش عالنبي .. ليه لأ .. والعريس و العروسه .. اقصد العريس و العريس كانوا زي القمر .. و منورين الكوشه .. و الحقيقه كنت اتمنى اكون هناك .. علشان اشوف نظره الحب اللي في عنيهم .. و الاقي اجابه على تساؤلاتي .. يعني مثلا مين احيا الفرح .. جابوا الرقاص اللولبي حسن مرعش .. ولا الفنان الاستعراضي وائل ترتر .. ويا ترى كفائتهم في هز الوسط زي الفنانات الكبار اللي مشرفينا في كل كباريه و محفل رسمي .. طب يا ترى أغاني الفرح كانت ايه .. الموضوع فعلا كبير و محتاج وقفه
-----------------------------------------------------------
الخواجه يعقوبيان : اليهودي الفسدان .. فهو السبب في تقليب مواجع اللي بيحصل في غزه حاليا .. و المسخرات ـ جمع مذنكر سالم لكلمه مسخره ـ اللي تجمعت مع بعض في تمثيل مشهد الهجوم على غزه .. و لو حاولت تعد المسخرات اللي حصلت .. صدقني مش هتقدر .. لأنك كل ما هتقفل موضوع هيتفتح قدامك موضوع تاني .. و رؤيه جديده مختلفه عن المسخره اللي قبليها
ـ مسخره إن تلات جنود مصريين يموتوا برصاص اليهود بدون ما ننطق
ـ مسخره إن جندي يهودي فرفور .. يتأسر .. مش يقتل .. و الجيش الاسرائيلي كله يهز غزه بدباباته و طياراته
ـ مسخره إن مصر لما تعمل فيها ذكر و عايزه تساعد حماس .. تقولهم سلموا الجندي ده .. إحنا مش قد اليهود
ـ مسخره إن كل الناس بقت واقفه تتفرج .. عرب و مسلمين .. لأن كأس العالم شغاله و في اولوليات يا أبو حجاج
ـ مسخره ان امريكا ترفض قانون في مجلس الامن يدين الهجوم الاسرائيلي .. و الفيتو فيتو يا امريكا
ـ مسخره اننا لسه بنشرب بيبسي و بناكل في كنتاكي و ماكدونالز .. و لا عزاء لفول عم حجازي
ـ مسخره ان سي جيمي .. لسه بينزل متسحب بليل على طراطيف صوابعه علشان يزور انكل بوش و يبوس ايده
ـ مسخره ان الانبا مكسيموس الامريكاني .. يجي يعمل فتنه طائفيه مسيحيه في مصر .. قال يعني مصر ناقصه فتن
ـ مسخره اننا من كتر المساخر مش عارفين نعدها

29 comments:

Egiziana in US said...

Salamtak ya Zangola.
brilliant! teslam your sarcastic comments! Just one question and please answer truthfully: are there many people in Egypt who are able to analyze these issues as well and as deeply as you do. or are most people follower sheep? Begad, as an Egyptian living overseas it deeply hurts to see the state to where Egypt has gotten to. On the one hand, it's good to see people speaking about what i s wrong, but it is frustrating that it seems that they are all speaking to themselves and not reaching 3amet el-sha3b. Your thoughts?

Anonymous said...

سلامتك يا زنجولا باشا
الموضوع فعلا جميل زي ما قال ايجيزيانا و تعليقه في محله
لكن انا نفسى افهم ازاي الفيلم ده اتعرض في مصر و فين كتله الاخوان في مجلس الشعب و فين الناس العاديه اللى لسه عندها حياؤ و خشا
ربنا يقومك بالسلامه و ترجع تكتبلنا تانى لانى بحب اسلوبك جدا يا استاذى العزيز

Gbalawy said...

السلام عليكم
كلامك معقول بس عندى ايضاح
الفلم ده انت عايز تشوفه على اساس انه دعاره هاتشوفوا
عايز تشوفه على انه شذوذ هاتشوفو
لكن الفلم ده ليه هدف قومى(هههه) جامد جداا
رساله الفلم:اعمل اى حاجه انت عايزها واحنا نسيبك
عايز تسكر اسكر
عايز تزنى ازنى
عايز تشذ شذ
بس بلاش ياحبيبى تدخل مظاهره وبلاش كمان لما تسرق متجبلناش نصيبنا

Nohaz said...

علي فكرة في واحد صاحبنا بيشكر قوي في الفيلم و دخله مرتين
انت عارفه طبعا
في حين جاري قارنة بالافلام المش ولا بد و قال علي الاقل دي احلي و بتبسط ده مفيهوش اي انبساط و مقزز حاجة للحيوانات

Dr. Tantawy said...

* gabalawy :
7elwa awy wghet nazarak de ;) fil goal

* Nohaz :
sa7ebna da ya noha ana ma2dertesh akaml el 3adad el akhrany bta3o .. kalamo estafazeny .

any way .. el film da bsara7a e7na elly 3mlnah keda mn kotr el kalam 3aleh .. kan el mafrod nezbelo zay ay film porno nezel ayam el 60th wel 70th ... ela mazbalat el tareekh ya ya3qobian !

Anonymous said...

زنجولا يا حبيبي
قد ايه انت صغير
ياريت تشوف الفيلم
وبدل ما تشوف فيه الدعارة والشذوذ فقط
شوف فيه الفساد والقمع وفضح النظام
الفيلم ثلاث ساعات يا زنجولا
وما ينفعشي يا باب تنتقده من غير ما تشوفه
الكبر من الشيطان
وانت لسه صغير

Anonymous said...

على فكرة صاحبك انت ونهى بيقولك ما تجوش عنده تاني علشان ها يرش مية
وبيقولك اخص على الرجالة اللي بتنسحب من غير سبب
اخص على الجدعان اللي ما تقولش زعلانة من ايه وتتكلم
واخص على اللي ما راعاش العشرة والتعاون
وبيقولك خساره انه كان فاتحلك بيته تنشر براحتك وكان عاملك شريكه
وانت اللي خليت بيه من غير سبب
الله اعلم خوف ولا تهديد ولا حد عمل وقيعة ولا انت اللي مخك بيودي ويجيب علشان لسه صغير واي حاجة او كلمة تاثر فيك
مشم هم تمسح الكلام ده ودي حاجة متوقعة من المتطرف الصغير
المهم تقراه وتوزنه بمخك اللي يمكن هو اللي لسه صغير ما كبرش

Dr. Tantawy said...

كويس انك دخلت و قريت و كتبت تعليق كمان هههه ده شرف لينا يعني

انت مضايق نفسك اوي و انا مش عارف ليه كل ده .. بس عموما انت حر في نفسك و محدش ليه دخل .. المهم . الفيلم اللي بتدافع عنه باستماته علشان بيكشف النظام .. فيلم تافه .. لو كنت سيادتك افتكرت فيلم احنا بتوع الاتوبيس ولا البريء ولا التحويله .. كنت عرفت يعني ايه فيلم هادف .. بس بنظافه .. بدون مواضيع شاذة و مقرفه .. لكن انا عارف اني بدن في مالطه .. فما علينا

موضوع ان انا و نهى منجيش الموقع .. ده ذوق منك جدا جدا جدا .. و انا هحققلك رغبتك ولو اني مكنتش مستني كده
احنا يا عم لسه صغيرين .. و عيال .. و مش ناضجين .. يعني اذا كان نظيف قالها ف قولها انت كمان مش فارقه .. بس ان شاء الله هيجلنا يوم نكبر و نبقى زيك و نفهم كل حاجه يا عم الكبير .. اسلوبك مش هيتغير فعلا .. موضوع فتحتلك بيتنا و اعتبرتك اب من اباهاتي .. و اكلتك من اكلي و الكلام الحمضان ده ملوش اي لازمه يا كبير .. اولا انا عمري ما انكرت فضل حد ساعدني .. ثانيا يا كبير .. انا لو شغلي ميستاهلش مكنتش سيادتك اتفلضلت و نشرته عندك .. و مكنتش بقيت تاخد شغلي و تنشره من غير حته ما ابعته ..كلام ماكنش يتصح يتقال لكن انا مبحبش اسلوب المـّن و الذل ده .. و مكنتش مستنيه منك بالذات

انسحابي ده حاجه تخـصني انا .. و مسمحش لأي حد يتدخل فيه وخصوصا باسلوبك ده .. اعتقد انك لو في يوم حبيت تبطل نت .. ومن غير اسباب محدش هيكلمك و هتتفضل تقعد في بيتكم بألف سلامه

أخيرا .. بما اني انا لسه صغير و متطرف :)) مش عارف جبت الكمله دي منين .. فانا مش همسح تعليقك .. علشان الناس تيجي تتفرج عليه و تعرف مين الصح و مين الغلط .. يا استاذنا يا كبير

Dr. Tantawy said...

Dear Egiziana ,
sorry for being late, i thought that i replay ur comment but i just noticed that i did not Yet .. so ..
thanks for ur words but i dont think my comment was that deeep as i hide many Words those werent POLITE enough to be mentioned here ..
mmm .. about egypt .. i think its full of those thinkers , just take a look at any Blog .. and u will c how smart are they .. its really all hopefull , just need to be organized .. about not reaching 3amat el sah3b :) .. i dont think .. just a visit to any cafe or mechanic u will hear urself how they think .. they all knew every thing about whats going on in egypt ... but , its the need .. they cant refuse the present situations as they cant sacrify with there life , children .. they are not brave enough to face it .. and so do i .. maybe i couldnt use my real name because of the same reason .. we dont have enough courage and once we got it .. every thing will be changed .. !!
i am doing my best to get enough power to fight and say NO frankly at any where and against any one !!

thanks for ur comment .. and sorry again for being late ..
waiting ur comments alway ;)

Anonymous said...

انسحبت من غير ما تقول لحد او توضح ...
اولا قلة ذوق ...
بعتلك ما رديتش اكتر من مرة ...
جليطة منك ...
بس انت حر!
اهو خالتي وخالتك واتفرقوا الخالات
وصباح الخير يا جاري انت في حالك وانا في حالي وكل واحد دماغه مريحاه
لكن ...
وركز على لكن دي علشان مهمة ...
كمان تهاجمني وانا صاحب فضل عليك اعترفت او انكرت فكله من اصلك ...
وكل واحد بيعمل بأصله يابن الحلال !!!
ولم اعلق على موضوعك الذي يشر حقدا وغيرة لا اعلم سببهم الحقيقة ولكن كان بيدك ان تكون شريكا في النجاح وانت من رفس النعمة
المهم اعطيتك فرصة لم تكن لتجدها ولو عملت لها سنوات ولم يكن ليعطيها لك احد حتى لو كنت عبقري ما جابتكش ولادة وانت عارف ظروف الكوسة في مصر ... جاي دلوقتي تقلل من شانها ... صحيح إبن آدم ما يملاش عينه الا التراب
وكل اناء بما فيه ينضح
تنظيم الاخوان بقى قالولك لم الدور
او امن الدولة هددوك
او حد قال لك الواد اللي بتنشر عنده ده عميل لدولة اجنبية
يبقى العيب عيبك مش عيبي
انت اللي مخك على قدك وبينضحك عليك وبتصدق
ولا يوجد ما يعطيك الحق ايها الغر ان تنتقد من عمره ضعف عمرك وانت ما تعرفش عنه حاجة ولم تلاقي ما لاقاه ولم تفعل ما فعله
واكرر لم اعلق على موضوعك
لكن ان اراك تتغمز وتتلمز انت وست نونا فحبيت بس اقول لكم عيب اختشوا ده احنا كنا معرفة يا متدينين ياللي عاوزين تضربوا المثل في التدين !!!
وبلاش تعيش الوهم ايها الصبي الغر لقد كانت فيك موهبة لكن كنت مازلت على اول السلم وامامك الكثير
ياريت تعرف مقامك وما ياخدكش الغرور لانك دفنت نفسك بايدك وده لا يدل ابدا على الذكاء
لاحظ انني لم اهاجمك بكلمة واحترمت رغبتك في الاختفاء حينما اختفيت
ولم اقل في حقك ما يسوؤك
لكن ان تظهر لتنتقدني ثم تتغمز وتتلمز عليا!!!
فدي وقاحة من واحدة في سن ابني !!!
وتطاول ان لم يكن قلة ادب ووضاعة كمان!!!
مش عارف انا كنت عملت فيك ايه؟؟؟
ده احنا ما اتقابلناش حتى الا مرة واحدة!!!
ومفيش حد بيشيل من حد ما يعرفوش الا لو كان انسان غيور وحقود!!!
ولا هي المراهقة مخلياك حاسس انك حكيم زمانك ومن حقك تزايد على اللي ما تعرفهمش
فمعلش اسمحلي اقول لك انت مين
انت ولا حاجة
اختشي بقى!!!

Dr. Tantawy said...

معنديش تعليق على كم الشتايم اللي انته قلته

تعليقي الوحيد ان موضوعك اللي شايف انه في همز و لمز .. الناس اتهمتني اني منافق و بتملقك باللي كتبته .. وكانو شايفين ان ده اكتر من قدرك .. يبقى لا مؤاخدة الناس كلها مبتفعمش و انا مش فاهم انا كتبت ايه .. و انت الوحيد اللي فاهم يا عم الحج :) .. ربنا يعينك و يقدرك على مابلاك

بالمناسبه .. بما انك منزه عن النقص و مينفعش واحد زيي ( ولا حاجه ) ينقدك .. فياريت تنزل لنفسك قانون صحفيين مخصوص .. بالمره يعني .. اللي يتكلم في حقك يتحبس .. و انا مستعد يا عم اعملك قصيده مدح مشفتش زيها قبل كده .. انت برضه تستاهل كل خير يا سيدي و تاج راسي .. يا كاسيني و مغديني و جايبلي الفول و البيض

Dr. Tantawy said...

بالمناسبه ياريت تقرا تاني التعليقات اللي اتكتبت على موضوعك

http://www.blogger.com/comment.g?blogID=28686677&postID=114884931497994767

شوفك الناس قالت عليك ايه .. و انا و نهى .. اللي مش عاجبينك دافعنا عنك ولا لأ .. المشكله اني كنت بدافع عنك بس علشان المكانه اللي كانت ليك عندي .. و بقول كانت .. وخلي بالك من كانت دي .. لأنك فعلا قدرت في 5 دقايق انك تنزل نفسك من اي مكانه ممكن يكون الواحد حاطك فيها باسلوبك العصبي و الهمجي في نفس الوقت .. اللي لا يمكن يتناسب مع واحد شايف نفسه شخصيه ناجحه و مفيش زيها و محدش عمل اللي هيه عملته .. مش كده برضه

Anonymous said...

انت بتفهم ازاي
قلتلك انا ما علقتش على الموضوع لانك اصلا شخص مش موضوعي وبتتكلم عن حاجة ما تعرفهاش
انت تعرفني بجد ياد انت؟؟؟
عاشرتني؟؟؟
اتكلمنا وخدنا وادينا واتصاحبنا؟؟؟
اما الناس اللي علقت فهم مين يعني
عد غنمك يا جحا
واحدة قايمة وواحدة نايمة
محسسني انك واد مؤثر في الرأي عام ...
لكن لما لقيتك بتقول صاحبنا ومش صاحبنا انت وست نهى حسيت بنوع من الاشمئزاز لانك بتغمز وتلمز في حق واحد ما غلطش فيك
قد ايه انت صغير ومغرور
ياريت تسال اللي بتغمز وتلمز معاها ازاي انا كنت باسالها هو انا زعلته في حاجة ولا غلطت في حقه
ما كنتش اعرف انك انت اللي مش نضيف من جوه
لكن دلوقتي انا فهمت تركيبتك النفسية
على الله تتعدل لما تكبر شوية
وصدقني انت مش فارق معايا طالما بالحقارة دي لكن انا كنت باعمل باصلي وعاوز افهم يمكن انا غلطت في حاجة لاني مش باتكبر على حد لكن انت اللي زيك يتبصله من فوق أوي كمان
سلام

Anonymous said...

بجد هو انت ولا صحابك دول مقياس؟
انت ساذج اوي!
انا ما قلتش عن نفسي حاجة عمري ولا اعتبرت نفسي حاجة ولا عمري اتكبرت على حد بالعكس كنت باعاملك يا عيل ند لند بس انت حد صغير ما بيقدرش ...
لكن الحمد لله اذا كان نفرين تلاته صحابك متفقين يقلوا ادبهم فالنفرين تلاته دول شوف قدامهم كام وخليك موضوعي وما تعيششي في الوهم لان شكلك مصدق انك مقياس زي ما قلتلك

Dr. Tantawy said...

حقارة .. ساذج .. طيب عموما ربنا يسامحك .. ويشفيك

Nohaz said...

علي فكرة هو قاطعني بسبب جملتي
"علي فكرة في واحد صاحبنا بيشكر قوي في الفيلم و دخله مرتين
انت عارفه طبعا
"
هو انا قلت حاجة وحشة؟

Nohaz said...

انا بس مستغربة ان انا او انت مقلناش حاجة غلط و علي الاقل مكناش منافقين اعدنا نهلل له او نصقف له عشان ناخد من شهرته او نستفيد منه بالعكس احنا بعدنا خالص حتي بطلت اكتب في الشات عنده
و مش عايزيين منه اي مصلحة
الواحد اتعامل معاه انه اخ و بعدها خد علي بوزة انا متأكدة ان هيجي يشتمني او يشتمك
ربنا يهديه و يسامحه

Anonymous said...

من الاخر بقي يا نهي انتي وزنجولا ..انتم من الاخر اللي عمالين تجيبوا اسم وائل عباس في كل موضوع وكل حكاية ..ومن الاخر بتتمحكوا فيه وانا متابع مواضعيكم ومقالتكم ...كل موضوع نحطوا فيه اسمه او تلمحوا او تشيروا باسمه وفي الاخر تعملوا ان وائل بيغلط فيكم وان انتم غلابة ...لو عايزينه يبعد عنكم يا ريت تبطلوا انتم تجيبوا سيرته في كل موضوع ..الراجل بعيد عنكم بلاش تتمحكوا فيه بقي ما تخليكم في حالكم ...هو انتم مش لاقيين موضوع تتكلموا فيه غير وائل ..

Dr. Tantawy said...

ههههههههههههههه والله بجد ضحكتني مع اني قرفان من كل الدنيا باللي فيها
وائل مين اللي بتمحك فيه انشاء الله

ربنا يشفى فعلا .. الموضوع بصراحه زاد عن حده اوي اوي اوي

اقولك . ربنا يخليلك وائل .. وياريت تروح تلعب بعيد و متجيش تلعب معانا هنا تاني علشان الواحد مش ناقص مشجعين .. روح اهتفله في المدونه بتاعته هوه بيحب الهتيفه .. انما انا لا عايز هتيفه ولا كلامنجيه .. اكتفيت منهم

Anonymous said...

انا عارف ان كلامي جيه علي الجرح ...معلش يا اخ زنجولا انت ونهي هي الحقيقة كده مؤلمة وبتوجع

Nohaz said...

عايزة اقولك حاجة تضحك الي بيقول بنتمحك في وائل .. وائل بيقول عنه انه امن دولة.. مش حاجة تضحك برضة؟.. و هو الي كان سبب ان اتشتمت من وائل اول مرة اتهمني ان مليش امان
تخيل هو الي بيقول دلوقتي بنتمحك
عموما بيقولك الي اسمهم اية بيعملوا اية و القافلة تسير
كبر و طنش خالص
عارف محمد صبحي؟؟ و انا قلت يا واد طنش خالصصصصصصص

Anonymous said...

اولا زنجولا انت قليل الادب لانك بتقول وائل بيحب الهتيفة
انت تعرفه؟
انت بتصف اخاك بما يكره وعامل فيها متدين وقارفنا ومش عاجبك فيلم يعقوبيان طب ورينا انت الاخلاق اللي واضح معندكش منها
ثانيا نهى انتي واحده خاينة لان من ائتمنك على كلمة لم تخونيه ولو كنتي خاينة وانتي كده مش خاينة بس لكن بتوقعي بين الناس
ترضي وائل هو كمان يخونك ويفشي سر إثتمتيه عليه؟

Dr. Tantawy said...

وائل على عيني و راسي و هوه راجل ابن حلال مصفي و وطني و بيحب مصر و احنا اللي ولاد ... ولا بلاش

ممكن بقه تحل عن قفانا علشان انا زهقت منك و من سيرتك

يا اخي لماالمدونه متسواش تلاته تعريفه ومحدش بيقراها تعاب نفسك ليه .. وبتدخل تقراها ليه ؟؟ سيبني اقول اللي في نفسي طالما انا بس اللي بقرا كلامي .. ممكن

اعتقد ان وائل عباس مش مستنيك انته علشان تدافع عنه .. هوه بيعرف يرد .. والعينه موجوده هنا يعني .. فياريت بقه تلم الليله دي و تورينا عرض كتافك .. ماشي يا اخ

Nohaz said...

اشكرك علي اتهامي بالخيانة
و اتهمك بالدناءة و الانانية و حب الدات و ربنا يوفقك
شئ مؤسف ان يوم اتخدتك صديق
غلطة هندم عليها العمر كله

Anonymous said...
This comment has been removed by a blog administrator.
Anonymous said...

والنبى انت خول ياد يازنجولا
يا زنجولا ياعلق

Anonymous said...

أخ زنجولا .. تصحيح بسيط .. يعقوبيان ده مش يهودي ده راجل أرمني .. وشكراً :)

Fazlouk said...

أعتقد يا أخ زنجولا إن من العيب إنك تحكم على فيلم بدون رؤيته. والفيلم والرواية يرصدان ظواهر موجودة فعلا فلا لبمخرج ولا كاتبا السيناريو والرواية لهم ذنب، يعني هل مطلوب إننا نحط راسنا في التراب ونقول كله تمام في البلد. لأ ، فيه فساد ، وفيه شذوذ، آه موجود وأتحدى أي حد يقول إنه غير موجود في مجتمعنا وهو شيء كريه جدا وحرام إلخ أنا موافق لكن بدون الأعمال الروائية والسينمائية الصادمة مثل عمارة يعقوبيان لا يمكن الكشف عن مثل هذه الإنحرافات.
ملاحظة هامة: الفيلم لا يوجد به أي مشهد فيه منظر خارج، كل ما هنالك إن المشاهد وصفية بمعنى أن من يشاهدها يفهم المقصود بشكل مباشر جدا وبالتالي يصدم لكن ليس هناك مشهد خارج عن اللياقة زي أفلام عادل إمام مثلا بتعة التسعينات إللي كان الشباب يخشها عشان يتفرج على مشهد يسرا أو غيرها ويروح!

MegaMind said...

السلام عليكم ،،،

معلش يا جماعة على التعليق المتأخر - ده لو حد هيقراه أصلا لأنه بعد شهرين من الموضوع تقريبا - بس أهى حاجة فى نفسى أقولها وخلاص،،

أولا الأخ زنجولا - كاتب "دعارة يعقوبيان"

أهنئك على اختيار العنوان ولو لم تكتب الا العنوان لكفى ،،

بجد أول مرة منذ نزول الفيلم أجد شخص يشاركنى نفس رد الفعل بالنسبة للفيلم ، فمنذ أن قرأت الرواية اجمالاً ، وحكى لى صديق كيف ترجمت على ارض الواقع لفيلم ، والدعارة التى فى الفيلم أشمأززت جداً ، وأزبهليت جداً من انطباع الأغلبية - الهطل - عن الفيلم !!!

ده رايح هو وصحابه ،، وده واخد لى صاحبته معاه ،، وآخرين فضلوا ان العيلة كلها تروح تتفرج !!

يا سلام عليكى يا مصر
دمتى زاخرة بالمعرصين ، وكان الله فى عون اللى عندهم دم.

أسف على الألفاظ ، بس غصب عنى
طارق