2006/08/11

التـجربة المصرية

التجارب المصريه .. دائما غنيه .. لها الف معنى .. و ألف طريقه .. و ألف مجرب .. و ملايين المجرب عليهم .. و النتيجه سلسله حتميه من النتايج المخزيه .. المزيد من الاخفاقات .. التراجع .. السقوط الحقيقي
__________________________________
-
1
-
اضغط الرسمه للتكبير
__________________________________
-
2
-
التجربة المصرية في مجال الاعمال الخاصه و المشاريع الفرديه او المحدوده .. تجربه فريده من نوعها .. التجربه المصريه دائما تجربه احباط .. احقاد .. صراعات .. نزاعات داخليه .. مكائد .. مشاكل .. كلها في النهايه تصب في مصلحه الفشل .. و نصره البطاله .. تخليك في عز حماستك و نشاطك بتحارب في اكتر من جبهه .. بتحارب ناس شايفهم .. و ناس تانيه مش قادر تميزهم .. الكل هدفه واحد .. ضربك في مقتل .. ابعادك عن تحقيق نجاح قد تكون على خطوات منه .. والمشكله الاكبر في تلك التجربه المصريه المميزه .. هي قدره هذه القوى مجتمعه على تشتيت انتباهك و تدميرك .. حتى لو كنت من اصحاب الخبرات العريضه .. و حتى لو كنت تتوقع مثل هذه الحروب .. و حتى لو كنت من اعتى القاده في التنميه البشريه .. و الرقي بالسلوك الانساني .. و الكلام الملخبط اياه .. هتلاقي نفسك فريسه سهله للكم البشع اللي بيحصل حواليك من المكائد و الضربات اللي هتقضي عليك و على نجاحك إن آجلا او عاجلا
التجربه المصريه .. فعلا تجربه مميزه .. في البدايه الكل في صفك .. الكل يشجعك .. لكن بمرور الوقت هتبان لبـّـتك على رأي محمود عبدالعزيز .. يا إما هتكون شخص هايف أو مثال حيّ على الانسان الروتيني المكتبي .. و ساعتها الكل هيفضل حبيبك و قريبك و نيني عينك من جوه .. أو .. إنك تثبت نفسك كشخص ناجح .. موهوب .. خلاق .. و ساعتها .. كل الايدين اللي كانت بتتمد الصبح علشان تسلم عليك .. هتتمد علشان تطعنك في ظهرك .. تطردك من مكانك .. تزاحمك في نجاحك .. تهدم كل اللي وصلتله و اللي كنت على وشك تحقيقه
التجربه المصريه .. تجربه تدمير شامل .. افتك من الاسلحه النوويه .. لأنها اسلحه بشريه جدا .. ودودة للغايه في مظهرها .. لكنها مدمره في باطنها .. التجربه المصريه في هدم النجاح تستحق فعلا انها تدرس في كل العالم .. كمثال حي على الذكاء البشري في احداث التدمير و القضاء على النجاحات .. التجربه المصريه .. سلاح مصر القادم في مواجهه اي محاولة للرقي .. للنجاح .. للتطور .. للتغيييير
__________________________________
-
3
-
التجربه الوزاريه الجديده التي وجدنا انفسنا فيها .. نحن اعضاء كلابيز من أجل التغيير .. هي فرصه حقيقيه لإيجاد مناخ ديمقراطي بين مدونيين من طبقات و انماط فكريه مختلفه .. الموضوع فعلا جاد جدا يا جماعه .. واحد دكتور و واحد مهندس وواحد صحفي .. و غيره و غيره .. كل الناس دي هتتجمع و تحاول تفكر بطريقه واحده و اسلوب واحد .. هيجتمعوا على هدف و يحاول كل واحد بطريقته يعبر عنه .. حتى لو كان الموضوع في البدايه مجرد نكته .. او فكره لذيذه .. لكن النهايه انا متأكد انها هتكون يا إما تكرار للتجربه المصريه اياها .. او هتكون تجربه دنماركيه .. اقصد تجربه كلبوزيه جديده .. تؤكدلنا ان لسه في امل في التغيير اللي احنا عايزينه .. والايام بيننا .. يا ترى هيبقى في مشاكل و خلافات .. و لا هنقدر نتفاهم
بوصفي رئيس للوزراء .. فكان لازم اتفقد وزرائي الاعزاء .. و الحقيقه الوزير الوحيد اللي بدء تنفيذ مشروعات جديده هو وزير الاعلام و الدش .. سوسه المفروسه ... اللي ربنا يستر من فرستها دي و منرحش كلنا في داهيه .. فعلا هيه وزيره نشيطه جدا .. و افكارها جامده .. خصوصا استخدامها للصور .. يعني في امل كبير انها تترقى في القريب العاجل في حال قررت التقاعد و الحصول على تسويه معاش .. محدش ضامن الظروف .. أما الرئيس الحالي .. الست كلبوزة .. فهي مش معانا في الجو .. بتغيب .. و بترجع .. و نحن كحومة نطالبها بالتواجد اكتر و اكتر .. لأن الدولة لسه في أولها.. باقي الوزراء واضح انهم في مارينا .. ههههه .. ربنا يرجعهم بالسلامه ان شاء الله

8 comments:

JPierre said...

Great post.
Love it :)

soosa el-mafroosa said...

معاش ايه ؟ بعد الشر

إحنا بتوعك ياريس

و بالنسبة لموضوع المرواح في داهية ده...امممممم..مش مشكلة انا ممكن أشيلها بس رشحلي حد يشيلها معايا..أنا استقبل اللأقلام و هو يستقبل الشلاليط

أنا باهزر طبعا...هو كلام حزب وطني و الا ايه؟؟...أمال احنا هنغير ايه ؟؟؟ كاوتش

جمد قلبك يا زعيم ..يا نعيش سوا ...يا نموت سوا

Nouran said...

تاني مرة نأسف للتاخير - قولنا عندنا فرح هيا حكاية لولا انك رئيس الوزراء كنت اتخذت ضدك اجراء مش هيعجبك - وكمان كتر جير سوسة هانم بس بجد انا هفكر ف حاجة قنبلة -بما اني وزيرة الدفاع لازم قنبلة - وهكتبها بعد التاج اللي جدو بعتهولي وهباصيهولك يا باشا -بلغة الكورة- ونأسف للمرة الثالثة :)

ناصح أمين said...

ما احنا قولنا عايزين نغير اسم الوزارة بتاعتي غلى وزارة الأمر بالمعروف والنهي عن المنكر
والا احنا من أولها هانستخدم الدكتاتوريه ومش هانسمع الراي الآخر
أرجو الرد بسرعه

BackBone said...

لا الاه إلا الله. ايه زنجولا الاحباط ده. لأ مش عايزينكوا تبتدوها كده.ـ

التجربه المصريه بتعلمك انك اذا نجحت معاها هاتنجح في اي حته تانيه خلاص. التجربه المصريه بتخليك تخضع لاقصي الظروف....ـ

و بعدين مش عايزين تلاكيك يا بوب, اللي لامؤخذه عايز ينجح ربنا بيوفقه و بينجح.ـ
:p


بالنسبه لموضوع الكلابيز ده. فربنا يوفئكم انا معاكم. و ينعيش سوا يا نتكلبز سوا علي رأي المفروسه.ـ

Sampateek said...

انا هنا و باجي دايما
بس اصلي كنت مشدودة يومين في امن الدولة بسبب الزعمنة اللي لبستوني فيها
المهم
نحن علي نفس الخط
و انا كرئيسة للحركة
اطالب بجمع كل من ساهم في الموافقة علي مشروع نقل تمثال رمسيس و جلدهم في ميدان عام
نقل تمثال يتكلف ستة مليون يا ظلمة
و اطالب بوضع المدعو زاهي محتاس مكان التمثال في ميدان رمسيس سلبوتة
جزاءا له علي هطله
و يجعله عامر

Nouran said...

انا عملت التاج وبعتهولك اتفضل ممكن تعمله

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول