2006/05/28

وائل عباس .. والوعي المصري


وائل عباس .. أحد اشهر المصورين السياسين الذين عرفهم الانترنت تحديدا .. و صحف المعارضه من جهة أخرى .. لا أعرف عنه الكثير .. كشخص .. اسمه وائل عباس .. سنه لا أعرفه .. لكن ما أعرفه عنه هي الصور التي يلتقطها وتحمل امضاء الوعي المصري الشهير

الوعي المصري و مؤسسها وائل عباس .. فكرة .. انتشرت على صفحات الانترنت .. نجحت بشكل لا يكاد ينكره أحد .. بدايه ممن تعاونوا معه وشجعوه من رجال المعارضه والوطنيين و السياسيين الحقيقيين .. أو المعارضيين الورقيين .. و حتى نبرات التهديد من رجال الأمن الذي قد لا يخشون وجود موقعه على الانترنت بقدر ما يخشون زوال نغمة ( ابعد عن الشر و غنيله ) الشهيره .. و اقتراب الشباب من العمل السياسي المباشر .. بدون الخوف و الرهبة المعتاده

وائل عباس .. يراه الكثيرون شخصية اسطورية .. و أراه في الاصل .. شخصية ذكية .. استطاعت توظيف هذا الذكاء في تحقيق نجاح شخصي كبير .. قد لا أقرّ بعبقرية أو نجاح لا مثيل له .. و أنا كما يعرفني الكثيرون لا أقر بمبدأ ( الأعداد والأرقام ) في تحديد عامل النجاح .. لأننا لو اعتمدنا عليه لصارت روبي و نانسي عجرم و إليسا .. هم رموز النجاح في العالم العربي وفق أعلى نسبه مشاهده و حضور

وائل عباس .. مثال يستحق أن تدرسه و تعرفه .. لو كنت تفكر أن تطرق أبواب الانترنت .. و لو كنت تفكر في الحصول على شعبية و جماهيرية كتلك التي حصل عليها و حققها .. بمجهودات فردية واضحه .. لا أنكرها عليه .. و لا أبخسه حقه في تحقيقها برغم ما يواجه و نواجه من صعوبات في التأقلم على المناخ الديمقراطي اللي مغرقنا في مصر .. ويكاد يكتم أنفاسنا ... إذن .. لماذا نجح وائل ؟؟ ربما نجح لأنه يحب مصر فعلا .. ربما لأنه كان دائما في موقع الحدث .. ربما لأنه شجاع .. ربماهات كثيره ستتبادر إلى ذهنك بمجرد أن أطرح عليك هذا السؤال .. لكن اسمح لي .. أن انقل إليك وجهة نظري .. المختلفه نوعا ما
أقول .. أن وائل عباس نجح .. لأنه تركيبه .. ذكية .. تستطيع تحويل المواقف المضادة إلى انتصارات شخصية في فترة وجيزه .. بدون تفكير .. و بدون عناء المحاولة .. هو فقط يستطيع في لحظات خلق صورة .. أو هالة .. تحميه و تعزز من موقفه .. وتؤكد للآخرين على صفاء أفكاره و تحديدها .... هو ليس سوبر مان .. الذي يستطيع ان يخترق الصفوف و التحصينات الأمنيه ليتواجد في قلب الحدث .. أينما كان .. و يصور بجرأة كبيره ... طالت البعض لأن يفكر في وجود تعاون ( خفي ) بين وائل و أجهزة الأمن ... إلا أنها فكرة .. سخيفة .. من وجهة نظري الشخصية مع احترامي لهم .. لأنها إن بررت تواجده الدائم و المستمر في أي محفل سياسي مصري ... إلا أنها لا تبرر كمّ المواد التصويرية التي يقدمها وائل بتجدد مستمر على موقعه .. لذا فقد استبعدت هذه الفكرة تماما من المقام الأول .. و بدأت في محاولة إيجاد اسباب رئيسية .. منطقية .. لنجاح هذا الشخص

ـ 1) الثقة بالنفس : فهو من أكثر الشخصيات ثقة في نفسه .. تكاد تصل لمرحلة الغرور احيانا .. و هي تلك المشاعر التي تمّـول أكثر من 70% من تصرفاته و ردود أفعاله المستمرة .. و التي يدونها بعفوية على مدونته .. قد لا تصلك .. لانشغالك بالصور و ما فيها من فظائع .. لكنها بالنسبه لي لا تقل أهميه عن تلك الصور .. ربما لقناعة شخصيه .. أن شخصية المصور .. هي الداعي الأول و الأهم .. لمصداقية تلك الصور .. وربما لعلمي المتواضع عن فن التصوير و التحرير .. و ما قد لا تعرفه عن فن اختيار ( الكادرات ) و كم قد يخدع .. و كم قد يقلب حقيقة .. لذا كنت دائما حريصا على متابعه انفعالاته و تعليقاته على الصور .. أكثر من اهتمامي بالصور نفسها أحيانا ... إن تلك الثقة في النفس منحت وائل عباس كثيرا من حدود ( كاريزمته ) التي نعرفها .. والتي جمعت حوله المدونين المصريين .. و اوجدت لديهم ذلك الحافز المستمر لتشجيعه و مدّه بالصور و المعلومات التي يحتاجها ليكون دائما متواجدا في بؤرة الحدث .

ـ 2) الضحية .. أحيانا : تلك أيضا هي من أهم النقاط التي أثارت انتباهي في كاريزما وائل عباس .. إنها الرغبه الغير معلنة .. للظهور في صورة البطل أحيانا .. و الضحية في أحيان أخرى .. بداية من قرارات الاعتقال .. محاولات الضرب و الاعتداء .. التواجد خلف صفوف العدو .. استكراد الضباط و ( الضحك عليهم في قصة الكاميرا و البطاريات الشهيرة ) .. أو سرقة الجرائد لأعماله .. أو تزوير الصحفيين لصوره و نسبها لانفسهم .. أو العبارة الأزليه من تهميش دوره دائما عند استخدام اي صحيفة او موقع لصور التقطها بنفسه .. ربما ينقله من خانه العمل لأجل العمل .. إلى خانة العمل لأجل الشهرة .. و غيرها من القصص و الحكايات و الأخبار و التعليقات أو (صف) الجرائد و المواقع التي اقتبست من اعماله او لجأت إلى صوره .. ناهيك عن المبالغة في إظهار أي حوار صحفي أو إذاعي لوائل مع جريدة أو قناة إخبارية .. و المثال على ذلك تجده في العدد الحالي من الوعي المصري حيث تتصدر أخبار لقاء وائل في الجزيرة .. ولقاء وائل مع قناة الحرة .. و لقاء وائل مع راديو مصر اليوم .. صدر الصفحه .. بينما جاءت اخبار اعتقال شرقاوي و الشاعر و غيرهم في السطور التاليه لهذه الاخبار الوطنيه العظيمه شاهد صورة عن الموقع في نهاية التقرير ..كل تلك الاحداث .. تجعلك في خضّـم استمتاعك بالصور .. تصاب بوابل من الاعجاب بهذا الشاب الذي صار ( ويليام والاس ) المصري .. تجد نفسك تربطه دائما بأدهم صبري .. و تتخيل أنه قادر على تصوير الرئيس مبارك في دورة مياهه لو أراد .. كيف لا .. و هو وائل عباس .. !! ربما تلك هي أكبر النقاط السلبيه في شخصيته .. قد ينكرها هو شخصيا و قد ينكرها كثيرون ممن يعرفونه بالتأكيد أكثر مني .. لكني لا استطيع أن اكذب عيني .. و أضع غشاوة على عقلي .. و أمنع نفسي من تحليل كلماته و أخباره الشخصية التي غالبا ما تزين ( صدر ) مدونته .. والتي كانت دائما موضوع النقاش الأول في صندوق حوارات الموقع .. أكثر ربما من الصور التي تحمل الضحية الحقيقة .. و هي مصر

ـ 3) نشر الثقة : نجح وائل عباس في ايجاد جو عام من الثقة لكن من حوله .. سواءا كان ذلك بطريقه غير مباشرة .. تتمثل في تواجده داخل بؤرة الأحداث الملتهبة .. التي تجعل في نفسك احساسا عامة بوجود أمل ما في مصر .. و أمل في قدرتك على هزم احساسك بالضعف والرهبة من اجهزة الأمن عامة ... أضف إلى ذلك الطريقة المباشرة .. التي تتمثل في وعود دائمه مستمرة بوجود مساندة قوية لكل المعارضين من الجهات الغير حكومية مثل منظمات حقوق الأنسان .. و حركة كفاية و غيرها من التوجهات المختلفة .. و التي اعتقد انها لا تقدم ولا تؤخر .. و لن تكون رادعا لجهاز امني عن اي يترك في نفسك ( جرحا ) بليغا قد لا يشفى ابدا ... إلا انها قد تستطيع ان تحشد كلمات المآزرة و التأييد من أجلك .. و هي أخر ما قد تحتاجه إذا كنت معتقلا أو مهانا في نفسك و عرضك و أهلك .. و تجربة المعتقلين هي أكبر دليل على ذلك

ـ 4) الصورة .. نجاح : وائل عباس مصور جيد .. لن أقول عنه ممتاز .. ربما أنه لا يجيد دائما اختيار كادرات الصور .. لكن الأوقع و الأحق .. ان نقول ان الحكم عليه في هذه النقطة الفنيه .. هو ظلم بيّـن .. لأنه لا يصور على ضفاف النيل .. أو بين وجوه الجميلات في الحفلات إياها .. وإنما هو دائما بين أذرع عساكر الامن .. و بين ركلات الضباط .. و تدافع المتظاهرين .. فلا نستطيع ان نطالبه بجودة الصور .. و إن كانت من المتطلبات الاساسية في النجاح

ـ 5) وجهة النظر .. تفرض أحيانا : للأسف .. فوائل عباس استطاع احيانا ان ينقل لك وجهة نظره الشخصيه و يقنعك بها .. من خلال صورة .. استخدمت في غير مكانها .. أو من خلال اختيار كادر اخفى من حقائق الصورة ما قد يغير من المعنى الذي وصل لك .. لن أسمي ذلك تدليس .. لأن القصة في الواقع لم تصل لهذه المرحلة .. لكن مثالا على ذلك .. و هو استخدام صور الراحل / السادات .... جاء دائما ليؤكد على كونه النبي القديس .. الذي لا يخطأ .. المظلوم .. الشهيد .. إلخ

ـ 6) موهبة صحفيه : حين اراهن احيانا على ان افتح صفحة الوعي المصري لأجدها فارغه من الاخبار والصور .. ربما لوجود الخبر في مكان اعرف ان وائل قد لا يصل إليه .. او لتعدد اماكن الاحداث .. يخيب ظني .. لأنني اجد في الموقع صورا تكفي لسد نهم المتصحفيين للأخبار .. ربما تلك من نقاط الذكاء ( الوائلية ) .. التي تجعله في كثير من المواقف قادرا على خلق شيئ من لا شيء .. و المثال على ذلك هي صور أحد التظاهرات الاخيره التي ضرب فيها المتظاهرون و نكل بهم .. و برغم أن وائل لم يكن موجودا لنقل هذه الصور .. إلا أن الموقع امتلأ بصور الأحداث من مصادر مختلفة .. مثل رويترز .. الفرنسيه .. و غيرها ... ولأن تلك الصور متوفرة على مواقع هذه الوكالات .. إلا أنك في حكم العادة .. تكتفي بتصفح موقع واحد او اثنين .. و قد لا تهتم بالاطلاع على موقع رويترز مثلا .. و من هنا يأتي ذكاء وائل في استخدام هذه الصور كمادة اعلامية دسمه على موقعه .. تجعل عندك ثقة أكيده في أن الوعي المصري لا تتأخر عن نقل الحدث إليك .. و في الوقت نفسه تعطيك شعورا بالراحة .. ذلك أن الصور التي يمكن ان تراها في موقع غيره .. ستكون أمامك .. و انك لست في حاجه للتصفح و البحث ما دامت المادة متوفرة

ـ 7) عدم وضوح الهدف : فأنا رغم متابعتي المستمرة لمدونة الوعي المصري .. إلا أنني لم استطع ان اصل إلى الهدف الاساسي لهذه المدونة .. ف من خلال أسم المدونة .. الوعي المصري .. أشعر انها تتجدد لكي تنقل صور فساد النظام المصري للجميع ونشر الوعي بين افراد الشعب المصري لما يحدث وقد لا يلاحظونه .. إلا أنه في وجود قنوات اخبار مثل الجزيرة و الحرة .. تنقل كافة الاحداث الهامة .. تضاءلت هذه الفكرة كهدف أساسي بالنسبه لي .. و في أحيان أخرى أجد أنها محاولة شخص لإثبات وجوده في مجال جديد غير مطروق على الساحه .. بما يعطيه مجالا للتميز .. و في أوقات أخرى ... أشعر بأنها وجدت لكي ( تعرف ) .. من خلال مبدأ خالف تعرف الشهير .. و الذي تجد بصورة أوضح من خلال الساده المعارضيين المصريين .. الذي يعارضون ليكونوا ( الناس التانيين ) فقط .. و بدون أي سبب وجيه ... وبصراحه .. نجح وائل في أوقات كثيره أن ينقل لي هدفا يجمع تلك النقاط سوية .. لكنني مازلت في النهاية .. عاجز عن تحديد الهدف الأساسي من تلك المدونة .

ـ 8) الرجل الذي يعرف كل شيء : مثله مثل كثير غيره .. يعتقد وائل .. للأسف .. انه الرجل الذي يعرف كل شيء .. و يستطيع ان يحلل كل شيء .. يفهم كل شيء .. و انت قد لاتعرف شيئا من هذا الشيء .... ليست تلك مشكلة وائل وحده .. لكنها مشكلة الشباب المصري المتحمس .. الذي يلعب دورا في الاسر الطلابيه في الكليات .. أو الاتحادات الطلابيه .. أو الذي يتزعم فرقة موسيقية أو رياضيه .. أو من خلال مثالنا هنا .. الذي يؤسس او يدير موقعا الكترونيا او صحيفه منشورة .... لكنني كنت اتمنى أن يتجاوز وائل تلك العقبه .. ربما بحكم احتكاكه بأناس تجاوزوها قبلا .. مثل أ.مجدي حسين .. و أ.كمال خليل .. وأخرين .. لكنه لم يسطتع أن يتجاوزها .. بل لم يستطع أن يخفيها كثيرا .. فأنت لو تابعت الوعي المصري لوجدت تلك النظريه متوفرة و بكثره في صفحات المدونه .. أنا اعرف ما لاتعرفه .. لذلك انا افهم ما لن تفهمه .. و هكذا

ـ 9) نقاط أخرى .. قد تكون مهمة .. لكنها مستقاة عن أشخاص يعرفونه .. وبرغم اهميتهما .. إلا أنني لن استطيع ذكرها لأنها خارج نطاق معلوماتي الشخصية ولذا فلن ألجأ إليها حتى لا أحاكم يوما بتهمة السب العلني والقذف بدون مستندات ههههه


أخيرا .. نجاح وائل .. متعدد الاسباب .. لكنه يستحق ان تدرسه .. تفهمه .. تتعلم منه .. لكي تحقق انت ما حققه .. بشرط .. ان تتجاوز سلبياته و تبدأ في تحقيق المزيد و المزيد من الايجابيات
----------------------------------------
لزيارة مدونة الوعي المصري
----------------------------------------
صورة عن عدد يوم 29 مايو من مدونة الوعي المصري و يظهر في اللون الاحمر الاخبار الثلاثة المتعلقة بلقاءات وائل عباس الاعلامية بينما في اللون الازرق اخبار الاعتقالات و المظاهرات الاخيره

20 comments:

Nohaz said...
This comment has been removed by a blog administrator.
Nohaz said...

استعد لأبواب جهنم الي هتتفتح علينا

انا لسه مخفيتش من علقة المرة الي فاتت
ربنا يستر

عبدالله مفتاح said...

ده تكريم لوائل والله ان زنجولا يكتب عنه مقال .
ابواب جهنم ايه يا نهى
هو في تكريم اكتر من كده|؟؟

Anonymous said...

بصراحة يا اخ انت اكيد بتهرج ..وائل عباس ده افشل واحد عرفته مصر ..انت اكيد مش متابع النت كويس وده اكيد تقصير منك ..وائل عباس مطرود من كل المنتديات ..ومفيش حد في مصر كلها بيطيقه..ده شخص متسلق وانتهازي وطلع علي اكتاف كلىالناس عن طريق الكدب والتلفيق والتدليس واختراع القصص الوهمية ..واختراع احاديث وهمية عن مطاردة الشرطة له والبحث عنه وانه مطلوب في كل مكان ..انت اكيد يا كابتن مش عايش في مصر ومالكش اي علاقة بالسياسة من بعيد ولا قريب ..وائل عباس ده شخصية لا تحظي باي اهتمام او احترام بين اوساط المثقفين ..ده شخص قليل الادب وغير مخترم وخمورجي وبتاع نسوان وده حقيقة مش ادعاء ولدا حياته السياسية بالكدب والغش وادعاءات باطلة ..عشان كده هو منبوذ من كل المنتيات والرجال المثقفين ..انت اول واحد يدافع عنه ..انت اكيد مش من مصر خالص انت اكيد من المريخ ..ياريت تراجع معلوماتك السياسية شوية لان انت باين عليك جديد ولسه مش متابع النت اوي

Anonymous said...

ايه ده يا زعبولا انت ...وائل عباس بطل قومي ..دي احسن نكتة سمعتها من 20سنة ..لكن هنقول ايه احنا في زمن العجايب ..يعني الا خلي هيفاء وهبي العاهرة فنانة ..ودينا الرقاصة محترمة وممدح سالم صاحب العبارة المنكوبة رجل وطني ..يبقي وائل عباس اكيد بطل قومي ..ما احنا في زمن العجايب ...با رب والنبي يا رب ارحمنا هو الواحد هيلاقيها منين ولا منين بس ...هي البلد جالها الضغط من شوية ...وائل عباس بطل يا راجل اتقي الله ..حرام عليك انتم هتشلو البلد

Anonymous said...

يظهر انك فعلا بتحب وائل عباس لانك ماشي علي نفس خطاه ..بتبدا حياتك بنفاق ..عشان توصل بسرعة ..انت بتنافق في وائل عباس وبتمدح فيه عشان تقرب منه يمكن يشغلك معاه في الجريدة..ولا يشغلك معاه في اي مكان ..وده اسلوب قديم ومعروف اوي ..لانك اول مقال تكتبه اتكلمت عن حبك للسياسة وعشقك للسياسة وازاي السياسة ليك زي الماء والهواء ..وتاني مقال كتبت تشكر في وائل عباس وتعمل له دعاية ..يعني باختصار دي رسالة لوائل عباس معناها ..بص يا وائل انا بحب السياسة ويا ريت تشغلني معاك وانا بعملك دعاية اهو عشان تعرف اني بحبك خدني بقي جنبك ولا علي جناحك عشان اوصل انا كمان ..صدقني يا شاطر انت هتوصل بسرعة لانك فعلا بتبص لادام اوي ..هتوصل بسرعة بس عمرك ما هتكون كبير ابدا زيك زي وائل

Nohaz said...

علي فكرة الاخ الاخير الي اتكلم زنجولا مش محتاج لانه كتب فعلا مع وائل قبل كده و بختياره انتقل للكتابه معايا مع ان كنا احنا 3 فقط و بنكتب لبعض و محدش عارف البلوج بتاعنا كنا بنكتب و خلاص
و زنجولا كان هيبطل كتابه نهائي و انا الي طلبت منه يكمل و مقالتنا القديمة موجودة الي بنتكلم فيها ان انا و هو بنكتب لشخص واحد و هو صديقتنا هبة و الكلام ده موجود من زمان
اما بالنسبة لوائل انا من الناس الي تعرفه قوي قوي فيه عيوب لكن فيه ميزات يعني مينفعش تقول بني ادم كله زفت
يعني صراحة انا عن نفسي مقدرش اعيب فيه دلوقتي لانه استجدع معايا في اكتر من موقف لكن هقولك تقدر تقول له نقدك ده له في وشه في موقعه
اما زنجولا فقال رأية ولا شكر ولا شتم قال رأيه و لو انت متابع البلوج عندي كنت سمعت وائل بيقول اني وقعت بينه و بين شخص زنجولا هو الشخص ده و صدقني هو مش محتاج ينافق و بأمر الله ان شاء الله هنعمل موقع زي عشرينات تقريبا و زنجولا و انا و عبد الله و احمد شوقي ان شاء الله اعضاءه المؤسيسين كلنا اصلا ناجحين جدا في حياتنا العملية فمش محتاجين شهره البلوج و لكن اهو انتشر و انا بعمل له دعاية و انتشر الحمد لله
بلاش تظلمنا
و ارجع لكلامنا القديم هتتأكد من صحة كلامي

Anonymous said...

برافو عليكي يا شاطرة باين عليكي محامية ممتازة ..بس باين عليكي لسه صغيرة مش فاهمة حاجة في الدنيا ..عامة انا مش هرد عليكي عشان كلامك انتي وصاحبك زنجولا ووائل بيثيراشمئزازي ..عامة اللي عايز يعرف وائل بجد يقولي وانا ابعت له مقالات وائل القديمة عشان تعرفوا وائل عباس بجد علي حقيقته وازاي وائل عباس ده وصل للي هو فيه ...بس هقول ايه ..مبقاش في ناس بتقرا ولا ناس عايزة تتعب نفسها وتفكر الناس بقي ليها الظاهر وخلاص ..وبقي نظام كل من هب ودب يكتب و يتكلم ..وعلي راي الاخ اللي قال اللي خلي هيفاء وهبي العاهرة فنانة ومطربة يبقي ليه ميكونش وائل عباس بطل ..يا ريت يا شاطرة تبقي تقوليلي انتي عندك كم سنة وبتدرسي ايه ..لا وانتي كمان عاملة موقع ..طيب والله دي حاجة كويسة ابقي اديني اسمم موقعك عشان ادخل اتفرج ..اكيد عاملة موقع عن ميكي وبطوط ...سلاااام جاتكم القرف مليتوا البلد

Anonymous said...

علي فكرة ده جزء بسيط جدا من رد احد رجال الدين علي وائل انا بس حبيت انشر جزء بسيط منه ..لكن يظهر فعلا انا مضطر انشر مقالات وائل وكلامه علي حلقات طويلة لان مش هينفع تنشر كبها مرة واحدة ..المهم ده جزء من رد احد العلماء"للاسف هذا ما حدث من الاخ وائل عباس في مقال بعنوان "زغلول النجار يستكرد امة المليار" في 28سبتمبر 2004 في صحيفة دنيا الوطن فتهجم وائل عباس علي العالم الجليل زغلول النجار ..ولم يسلم من سبابه ايضا الاستاذ عمرو خالد والعلامة الشيخ يوسف القرضاوي والعالم بن باز رحمه الله فقد استمر وائل طول المقال يسب ويشتم بالفاظ استحي من تكرارها وهي للعلم البعض منها يكفي لان يرفع ااحد هؤلاء العلماء قضية سب وقذف علي وائل فيلقي خلف القضبان مع دفع مبلغ مالي محترم" ادي البطل وائل بدا حياته بسب كبار رجال الدين والعلماء زغلول النجار وعمرو خالد والقرضاوي وابن باز علي فكرة المقالات دي كلها عندي ..انا هبعتها علي اجزاء عشان تعرفوا البطل الوطني وائل عباس بدا مشواره الملوث ازاي

Anonymous said...

بالنسبة لكلامك يا اخ زنجولا عن ان وائل مصور محترف ولا مصور عبقري احب اقولك ان معلوماتك في التصوير ضعيفة جدا ..لان كل صور وائل صور عادية جدا واقل من العادي بالعكس دي صور معظمها صور مبهمة لا تدل علي شيء ..صور عادية جدا اي واحد مبتدئ يقدر يعملها واحب اقولك ان في اخت فاضلة اسمها فريدة فراولة وهي غنية عن التعريف نزلت يوم واحد مظاهرات صورت بموبايلها حبة صور ميعرفش وائل يصور زيها رغم انها لا بتعرف تصور ولا عندها خليفة في التصوير ولا معاها كاميرا ..بس عشان انت زيك زي عامة الناس البسيطة الساذجة ..انبهرت بالشكل الخارجي ..غير كده انت بتقول ان وائل له اسلوب جبار في الكتابة ومش عارف ايه ..انت لو لسه مبندئ هتعرف ان وائل ليس عنده ملكة في الكتابة علي الاطلاق وائل بيرص الكلام جنب بعض بلغة ركيكة مضحكة لاترقي لمستوي كاتب ابدا ..بس الناس بتقراها لان المهم اللي جوة الموضوع مش مهم اسلوب الكاتب في الكتابة ..عامة انا لسه عندي كلاااااام كتر جدا عن وائل باشا ده هقوله علي مراحل هشان اعرف الناس البسيطة الساذجة مين هو وائل عباس

Dr. Tantawy said...

إلى الاخ اللي مش كاتب اسمه ..
يا عم الحج انا بقالي في النت كام ساعة يعني انا تلميذ صغير مش قدك يا نتيت

بالنسبه لوائل .. لو كنت قريت اللي كاتبه مكنتش اتكلمت كل الكلام الحلو ده .. لأنك ببساطه يا إما مش بتعرف تقرا .. أو مش بتفهم اللي مكتوب وده مش ذنب تحاسبني عليه

انا مقلتش ان وائل عبقري ولا بطل قومي ( لوكنت بتعرف تقرا) .. و مقلتش انه مصور محترف (برضه لو كنت بتعرف تقر) .. و مكتبتش في المقال كله جملة اعجاب واحده بشخصه الكريم (ده لو كنت بتفهم) .. ومقلتش عليه انه مبيغلطش .. و بالنسبه لكونه خمورجي ولا بتاع بنات ولا حتى زعيم عصابه ف دي حاجه تخصه هوه و انا مشفتهاش يبقى مش هقدر اتكلم عليها ( وده برضه مكتوب لو كنت بتقرا ) .. يعنى مالآخر .. انت كان مكتوم جواك كلمتين وعايز تقولهم و اديك الحمدلله قلتهم .. و انا شخصيا مش همسحهم علشان الفيلم الهندي بتاع حرية الرأي .. يعني الناس بقت شايقه الشتيمه و قلة الأدب حرية رأي .. ماشي يا عم احنا معاك للآخر

متزعلش مني يا نتيت .. بس لو كنت بتفهم ف المدونات كنت عرفت ان الموضوع بتاع حبي للسياسه كتبته بعد موضوع وائل ههههه الترتيب هنا من تحت لفوق يا مجدع انت :)) ... ثانيا انا مقلتش في اي كلمة من كلامي اني سياسي ولا بفهم في السياسة علشان مديش فرصه لواحد زيك ييجي يقولي انت ملكش فيها :)) سيبنالك السياسية تبرطع فيها و ف ابوها كمان .. اعملك ايه تاني بس :)) نفسي افهم انت حارق دمك ليه .. لو الراجل مش عاجبك قول مش عاجبك .. بس ياريت متغلطش مرة تانيه .. لا فيه ولا ف حد غيري .. لأنك كده بتدينا فرصه نرد عليك بقلة ادب برضه .. و يبقى الموضوع قلب خناقة قهاوي و مصاطب .. لو كنت قلت رأيك بطريقه محترمه كنت خلتني رديت عليك برده بطريقه محترمه

اعتقد كده كفايه اوي عليك

شكرا يا نهى .. و لو انك مكنتيش محتاجه تفهميه الكلام اللي كتباه ده .. لأنه مش هيفهم .. أو مش هيقرا

Anonymous said...

بصراحة انا ماليش فى الحوارات اللى مالهاش لازمة دى انا بحب اجيب من النهاية انا مبشاركش فى اى مدونة بس لما لقيت تهجم على وائل عباسقلت لازم على الاقل اقول كلمة الاخ اللى بيتهجم على وائل عباس ده عمل ايه زيه هل له موقع بنفس شهرة الوعى المصرى اين صوره ومقالاته التى توعى الناس بالقضايا المصرية ولا بس فالح يتكلم ويهرتل لو عنده حاجة يعملها احسن ما يتهجم على شخصية اجزم من كتابتها انه محترم اما بقى لو خمورجى وبتاع نسوان انا مش ربنا عشان احاسبه ولا ايه يا كابتن يالى مش فاكر اسمك

Monzer said...

ممكن تكون النية سليمة فى الأول لكن لما العملية تعلى معايا وتهزهز واتسبرق واعلى والناس الى زيك تتلم حوليا وياكلولى دماغى وأشوف نفسى ومش عارف أبقى عضو فين وأعمل ايه وآجي منين وأقابل مين وأظهر فى برنامج ايه وأطلع فى قناة ايه النفس تتغير بذات فى سنه الصغير ، الصدمة الى جاية ان الى بينادى بالديمقراطية وحرية الرأي والتعبير ده بعيد كل البعد عنهم لأنه عنده مجموعة بريدية مابيعديش غير الرسايل الى بتزمر وتهلل وتسقف ويعدى الرسايل الى بتشتم فيه علشان الناس ترد عليه أو الرسايل الى بتزمر وتسقف وتهلل زيك كده، أنا ومجموعة كمان معايا اتعملنا بلوك فى مجموعته علشان خالفنا فى رأي وفى وجهة نظر وعارضناه وشتمنا فى ايميله الخاص ، والى مايعرفش يقول عدس، ومش لازم علشان اتكلم على واحد او أعارض احد أوصل لمكانت أو أوصل لما وصل اليه عمره ماكان مقياس ال لو كنت عاوز تعارض رئيس الجمهورية يبقى لازم تكون رئيس جمهورية زيه أو تعارض وزير لازم تبقى وزير القياس هنا غلط يا جميل ، وأنا والله متعاطف معاك علشان انت لسه جديد فى الدور ادخل على مجموعة وائل عباس أو مجموعة شباب من أجل التغيير واختلف معاهم وانت هتفاجا كأنك فى مجموعة للحزب الوطنى!!!! معلشى
وللمزيد www.hapasa.blogspot.com

Monzer said...

ممكن تكون النية سليمة فى الأول لكن لما العملية تعلى معايا وتهزهز واتسبرق واعلى والناس الى زيك تتلم حوليا وياكلولى دماغى وأشوف نفسى ومش عارف أبقى عضو فين وأعمل ايه وآجي منين وأقابل مين وأظهر فى برنامج ايه وأطلع فى قناة ايه النفس تتغير بذات فى سنه الصغير ، الصدمة الى جاية ان الى بينادى بالديمقراطية وحرية الرأي والتعبير ده بعيد كل البعد عنهم لأنه عنده مجموعة بريدية مابيعديش غير الرسايل الى بتزمر وتهلل وتسقف ويعدى الرسايل الى بتشتم فيه علشان الناس ترد عليه أو الرسايل الى بتزمر وتسقف وتهلل زيك كده، أنا ومجموعة كمان معايا اتعملنا بلوك فى مجموعته علشان خالفنا فى رأي وفى وجهة نظر وعارضناه وشتمنا فى ايميله الخاص ، والى مايعرفش يقول عدس، ومش لازم علشان اتكلم على واحد او أعارض احد أوصل لمكانت أو أوصل لما وصل اليه عمره ماكان مقياس ال لو كنت عاوز تعارض رئيس الجمهورية يبقى لازم تكون رئيس جمهورية زيه أو تعارض وزير لازم تبقى وزير القياس هنا غلط يا جميل ، وأنا والله متعاطف معاك علشان انت لسه جديد فى الدور ادخل على مجموعة وائل عباس أو مجموعة شباب من أجل التغيير واختلف معاهم وانت هتفاجا كأنك فى مجموعة للحزب الوطنى!!!! معلشى
وللمزيد www.hapasa.blogspot.com

Mosaad Hussein said...

Alsalam Alikum, Guys please do not post any messages that contains offensive words againist our Shiekh, we do not need any more partition, i truely when we can get united

mosaad hussein

www.cairomarriotthotel.com

Unknown said...

سلام عليكم الاول يا رجاله علي بنات
في البدايه خالص انا هقولكم انا جيت هنا ليه وازي والكلام بتاعك دا عمل ايه معايا
في الاول ان كنت ع النت بتصفح عادي جدا وفجاءه من غير اي مقدمات ولا توالي ونتايج وكلام من دا كله
لقيت نفسي بعمل سيرش علي وائل عباس ومش عارف ليه
بس الراجل بجد عاجبني طريقته وتعليقاته دا اولا
بعد كده بدأت ادور في الناس اللي بينقضوه بينقضوه ليه
والناس اللي معاه معاه ليه
مش لازم برده الواحد يبقي عارف هو مع او ضد ليه
مش دا برده كلام عاقل يا سيادنا وانا بهرتل هرتل ة اخر اللليل علي اي حال
كلامكو كويس
سواء مؤيد او معارض
دا مناخ كويس جدا للنقاش اتفق او اختلف مش مهم
المهم انك تقول رايك وبصراحه شديده جدا
بس من غير قلة ادب
وائل من وجهة نظري القاصره كاتب كويس
لانه بيعرف يوصل للناس هو عايز يقول ايه
ومن ناحيه تانيه الكلام اللي بيقوله علي السادات مثلا انا ضده تماما
بس دا مجري خلاف بيني وبينه دا رايه وهو حر فيه
تانيا هجومه علي رجال الدين
انا بصراحه مش بحب النوع دا من الهجوم
هاجم اي شخصيه سياسيه مش مشكله
هاجم رئيس البلد دي عادي
لكن رجال الدين بلاش ندخلهم في الموضوع
مش لاني متدين اوي اي كده
لكن عشان الدين دا كلام ربنا
وعشان كده انا واحد من الناس بحاول انزهه عن فلان او علان او عن مين قال ومين عمل وعمل ايه
خرج موضوع الدين بره السياسه او لعبة السياسه
دا رايي وانا حر فيه برده
تقبلو او ترفضوه
انتو احرار ام بالنسبه لان وائل بينزل المقالات في مجموعته البريديه علي مزاجه يعني اللي بيعارضه بيديه عي قفاه وميطلعشي رايه
انا هجرب دا بنفسي
علي سبيل بالونة اختبار لحياديته ونزاهته في العمل الصحفي وببساطه شديده جدا
ان غدا لناظره قريب
ودع الايام تفعل ما تشاء
اخوكم مالك

Unknown said...
This comment has been removed by the author.
Unknown said...

مساؤو فل يا جماعة
انا معدى بالصدفة ولاقيت المناقشة الحادة دى و حبيت ارد و اقول كلمتين
بالنسبة لوائل اللى بتتكلموا عنة انا شفتة
شكلة مش مريح على الاطلاق
و لو انا بحكم بمزاجى ههاجمة لمجرد الهجوم
انا مش مستريحلة
بس الدنيا مبتمشيش كدة
اما بالنسبة لحكاية الوعى المصرى و اللاغماء المصرى
دة مجرد اجراء
ناس بتعمل عمل
ربنا هو وحدة المطلع على النوايا
المهم بالنسبالنة النتايج
هل فى نتائج ايجابية للى بيعملوا وائل
لو كان فى يبقى خير
طبعا ناهيك عن الاذى اللى الواحد بيشوفة لما يشوف اى صور او فيديو منيل بنيلة زى دة
المهم ان يكون فى اجراء
هذا والا يكون وائل بية بيشعللنا ويحرق فى دمنا و بس و مفيش فايدة
و تانى بقول لو فى نتيجة ايجابية يبقى هو دة المطلوب اثباتة و الحمد لله و الشكر لله و النية لوائل مع اللى خلقة
ان كان ناوى خير هيشوف زية لو ناوى زى مبتقولو هيتظبط و الناس كلها هتشوفه مفضوح
بس
المهم برضو هو هينت كدة على جنب
المصرى هيفضل مصرى
ميعرفش يتفاهم بالادب و الكلام المهذب
لازم قلة الادب
دة حتى قلة الادب ليها أصول علشان متبقاش سفالة
احنا عدينا الكلام دة كلة و دخلنا فى الحروب الكلامية بدون اى خط احمر او شوية ذوق حتى
ياريت نتعلم ازاى نتكلم مع بعض حتى لو اختلفنا
مش اللى انا شايفة هنا دة
اوك
مااااااااااااااااشى
وانا كمان مااااااااااااشى
سلام بأة

AlExAnDeRrRrR said...

http://www-alshellah.blogspot.com/
مشكووووووور جدا

falcon said...

thanks very much
http://www-as7apnews.blogspot.com
مدونة الربح من الانترنت
profit blog