2006/05/26

لو عندك اسهال عاطفي .. خد اسامه منير



اسامه منير .. مذيع قناة نجوم أف إم .. هو بالتأكيد .. بني آدم .. و لدرجه ما ... ذكي .. أنا لا انكر ذلك ... فبرغم فشله كمغني .. إلا إنه استطاع ان يكون احد الشخصيات الشهيرة في مصر .. متساويا مع زملاء المهنه مثل محمود سعد و عمرو أديب ..

الذكاء الذي يتميز به المحروس .. من وجهة نظري الشخصيه .. هو انه استطاع ان يوجه حديثه لأكبر طبقه من الشعب المصري .. طبقه الشباب .. من خلال مدخل الرومانسيه و الحب .. خاصه في ظل حاله الاسهال العاطفي .. التي يعيشها الشباب المصري .. كله بيحب على نفسه .. و كله عايز يعيش قصة حب ملتهبه .. تنتهي بالفشل .. آه والله .. كله عايز يحب و يتجرح .. و يقعد تحت الشجره يرسم سهم و قلب .. و يعيط .. ويغني تخونوه .. ظلموه .. كرشوه .. أي حاجه فيها اووووه .. محدش عايز قصه الحب تكمل بالجواز .. لأنه عارف انه عيّـل ميقدرش يتحمل المسؤولية من جهة .. و لأنه معوش فلوس من جهة أخرى .. من الآخر .. اسامه منير قدر يوصل للشباب من جهة ( الفشل العاطفي ) .. و تعامل معها بموضوعيه كبيره .. و قدر من خلال اختيار برنامج ( إذاعي ) و مش تلفزيوني .. يعني كله ف الدرى .. و الادهى و الامر .. اختياره لتوقيت الساعه 12 مساءا .. بعيدا عن رقابة الأهل و وشّ الاصدقاء .. مش كده و بس .. وكمان هيكلمك ف اي موضوع يخطر على بالك .. قلة أدب ماشي .. صياعه ماشي .. لو ليك في السادية معاك .. لو افكارك منحرفة برضو معاك .. أصل المحروس بيعتبر دي حرية و صراحه .. و لتحيا الصراحه يا ابو منير

يعني مالآخر .. علشان تكلم اسامه منير .. و تحكيله .. كل اللي عليك تعمله تستنى الليل لما يليل .. و الأناني لما تتدحلب .. و تجيب التليفون .. و تدخله اوضتك .. و تنزل تحت السرير .. ومفيش مانع من ازارة بيرة .. أو فيروز اناناس للمبتدئين .. وشوية مزّه ( من المزمزة و هيه حبكة لطعم البيرة مثل الفول السوداني أو بسكوت الشمعدان ) .. و هاتك يا فشر و تأليف عن البنت اللي سابتك .. و الولد اللي ضحك عليكي .. طالما في واحد ( أهبل ) هيتكلم معاهم في الموضوع ده .. و هيعاملهم باحترام و ذوووووق يصل لدرجه السهوكه ( اللي هيه من اتسهوك سهوكة يعني اتدحلب ) .. فليه ميتكلموش .. العرض مغري جدا على ما اعتقد .. خصوصا ان بابا و ماما نايمين .. ومحدش سامع .. وهاتك يا فضايح

اسامه منير .. هيظهر في التليفزيون .. و يكمل الصوت بالصوره .. تبقى الليلة مولد بن العمده .. و تكمل الافراح و الليالي الملاح .. و كله على حساب أعصابنا .. وبراءة ما تبقى من أفكارنا

11 comments:

Egiziana in US said...

So true...sometimes I feel that all these things are designed to collectively sedate the masses and occupy their thoughts with silly things so that they can't focus on the balawy that surround them

Dr. Tantawy said...

i think so , its a sort of distraction with or without reason , just trying to take our views away from these disasters occuring around us , wellcome to cairo ;)

soka said...

هههههههههههه
موضوع هايل فعلا
وعندك حق طبعا

soka said...

هههههههههههه
موضوع هايل فعلا
وعندك حق طبعا

sara said...

i am so sorry to say that but your looking at the cup half emty . you are saying your point in atotally wrong way .thats not, how you judge people . my point is that this program is a great program .about that the parents who would be sleeping my mum lisens to the program too and she dosen't have any proplem with that and i don't have to go unter the bed like what you said . why don't you look at it in away that people have feeling and they need to say what they feel.with out going to there friend that they might give them wrong advises.

labanita said...

eshta 3aleek 3andak 7a2 fe kol ele enta 2olto dah bgd programme hayf w maloosh ay lazma wel y2dam 7aga zai keda akeed haykoon hayf asln kolhom teenagers asln ...el yfrs ele kolhom sothom shabh ba3d:D:D
te7s eno metf2 m3ahom:D:D w 3la ra2yak msh 3arfa leah by3mlo at midnight ya3ni....bent tetsal t2olak ..ya osama ana ba7b wa7d w hwa msh m3brny...w hwa osama hay3mleek eah ya bent el magnoona
bs eshta 3aleek bgd...lawnk mehz2o awiii:D:d:d:

koka said...

مع احترامى لرأى حضرتك طبعا كل واحد و له رأى فاسمحلى اقول رأى اولا انا واحده من مستمعى اسامه دايما و انا شايفه انو انسان كويس جدااا و احسن حاجه فيه انو بيحس بالناس و بمشاعرهم و كل اراءوا كويسه جداا و مقنعه و ناس كتييير بتستفيد منها و ده اكبر دليل على نجاح البرنامج بتاعو لان فى شباب بيكونوا عاوزين يفضفضوا مع حد يحس بيهم و مش بيلاقوا و اسامه اللى بيساعدهم على كده مجرد فضفضه اخ مع اخوه او صديق مع صديقوا و الناس حباه كده فليه نهاجموا و انا رأى ان ناس كتيير مش عاجبها اسامه لانها شايفه ان الحب و مشاعر الانسان دى شئ تافه و مش مهم و اقل كتيير من اننا نكلم او نعمل برنامج عنو لكن فى الاخر كل واحد و ليه رأيو طبعا و اكبر دليل على نجاح اسامه هو استمرار اذاعة برنامجه الى الان و زيادة المعجبين به كل يوم و فى كل الاعمار و ليسوا المراهقين فقط و لكن لي ملحوظه اخيرة اخى العزيز من حقك ان تنتقد احد و تقول رأيك فيه و فى اسلوبه لكن لابد بأسلوب لن يجرح احد و انا ارى ان عنوان كلامك "لو عندك اسهال عاطفى" و اعتقد انه غير لائق بعض الشئ و فى النهايه ارجو ان لا اكون ازعجت احد برأيى و شكرااااا

koka said...

برنامج انا و النجوم و هواك برنامج هادف و محترم و يقدمه مذيع محترم و أراءوا مقنعه و مفيده و بيحس كويس بالناس و كل يوم معجبينوا بيزيدوا اكتر و اكتر من مراهقين و شباب و نساء و رجال

osamamonier said...

للأسف يا عزيزي كاتب الموضوع أنت تتكلم من زاوية خاطئة تماما فأسامة منير لم يكن نصابا أبدا وأما موعد البرنامج فلم يكن أبدا وسيلة لجذب المستمع أرجو أن تبني ارائك علي اساس سليم اذا كنت تنوي أن تكون كاتبا جيدا....

sara_saleh said...

بصراحة يا دكتور انا ما بين مؤيد ومعارض يعني من جانب هو ساعات بيدي نصائح للشباب صبيان وبنات ممكن تكون خارجة عن نطاق بيئتنا ولو في بعض الاحيان بيبقى الناس دي محتاجة لحل حاسم

ومن جهة اخرى هو مفيد للمتزوجين جدا لان نصايحه بتحث على الصدق والاحترام والامانة والحب بين الاخ والاخت وبين الناس بشكل عام مش لازم "الحبيبة" بس يعني

بس بشكل عام لازم تعرف "المتحيز لا يميز" ولا ايه يا دكتور....

Unknown said...

لو سمحتوا انا عندى مشكله
انا وشاب بنحب بعض اوى
وهو كويس جدا وجيه اتقدملى
بس للاسف اهلنا اختلفوا على موضوع الدهب
ومحدش فيهم عايز يتنازل عن رأيه
واحنا الاتنين بنحاول نعمل حاجه بس مش قادرين
من فضلكم ممكن تساعدونى