2006/11/21

ادلي بدلوي

بسم الله الرحمن الرحيم .. الاجابه ( أ ) .. هكذا هو المواطن المصري .. يقف في وسط الفطاحل .. في خضم المواضيع الساخنه .. ليجيب بكل ثقه و يدلي بدلوه .. حتى لو لم يكن على علاقه بهذا الموضوع .. و ربما لا يعلم ما هو موضوع النقاش .. لكنه دائما يمتلك اجابه السؤال .. لأنه فطر على ان يدلي بدلوه دائما .. و لذا .. فهذه التدوينه .. هي محاوله مني للأدلاء بدلوي .. في وقت تشتد فيه حده المذاكره .. الجراحه فعلا ليست هينه بقدر ما تخيلت .. وفي خضم انشغالي .. وعدم متابعتي للأخبار .. و يقيني من ان الجميع الان يعتقدون انني في بيات شتوي .. و انني ربما توقفت عن التدوين مؤقتا او نهائيا كما يتمنى البعض .. لكني برغم ذلك .. اكتب و ادون .. عبارات قد تكون متضاربه .. و رسومات في مجملها هبله .. تذكرني بسراويل .. اقصد سرياليات الفنان فاروق حسني .. لكنني اردت ان اكتب .. و اردت ان ارسم .. فكتبت .. و رسمت .. و ادليت بدلوي .. حاسبو الميه تيجي عليكوووووو
________________________
-
يا فنان
تحشيشه كده على الماشي .. محدش يدقق على الوزن و القافيه و القصص الحمضانه دي هههه
سبت الرسوم و الفن .. و الشخبطه في كتاب
وكبرت .. بقى ليك حس .. بتقول بلاها حجاب
الغلطه مش غلطتك .. ولا غلطه الكـتــّـاب
اللي وراك هللوا .. م الدين خلاص اتساب
واتلموا عالم حوش .. بيقولو لا يا حجاب
يا بلدي قولي كفايه .. دول ناس وراهم حكايه
عايزنا نبقى ولايا .. قرنيـّـه .. نلبس ملايه
وندور نسرّح بناتنا .. والآخره كبسه آداب
-
ليه برسم ؟؟ لقيت اجابه
حاولت افكر كتير انا ليه بحب ارسم .. و بستسهل رسم الكاريكاتور .. و لقيت الحل أخيرا .. لأنه محدش في بلدنا دي بيسمع .. السياسه عندنا .. كلام بدون نهايه .. و بدون غايه .. الكلام لمجرد الكلام .. من اكبر راس سياسي ف البلد لأصغر شاب متسيس .. كله بيتكلم و محدش عايز يسمع .. و الحل إيه .. إني افرض وجهة نظري عليهم بالعافيه و في نفس الوقت احافظ على صحتي .. لأني بكره النقاش العقيم و الكلام الكتير اللي بدون فايده .. يبقى بدل ما اقعد اتناقش مع واحد ساعه ولا ساعتين و فالآخر كل واحده فينا يمشي على رأيه هوه .. أديني بحط رأي في رسمه و بقه كل الاطراف مجبره تشوف الرسمه دي .. و تبقى فكرتي وصلت برضه .. سواء اقتنعوا بيها .. أو لأ
-
--------------------------------------

كاريكاتورااااااااات اي كلام في السريع كده

اضغط الصوره للتكبير إذا لزم الامر













كالعاده .. اعتذرعن رداءه المواد المعروضه .. كتابه و رسما .. بس لو كنتوا بتذاكروا دلوقتي في المعده و البنكرياس و طرق وقف النزيف البريتوني .. كنتو عذرتوني في الجو المنتن اللي الواحد عايش فيه ده

14 comments:

tota said...

زنجولة
هو بالطبع كل دلو يحمل ماء سيىء
احيانا عندما تلقى بدلوك تخرج مائا رائقا صافيا تستمتع به
اما دلو مثل دلو الوزير عندما ادلى به اخرج مائا عطنا تعفاه اى نفس
على الرغم انه معندوش امتحان جراحة ومش قرفان من عيشته بالعكس مرفه ومدلل وليس عنده اى مشاكل


اما عن الرسم
احيانا عندما يكثر الكلام يفقد اهميته وتأثيره وتبدو الرسومات اكثر تعبيرا واكثر تأثيرا
ولانك تملك هذه الهبة دون عن غيرك فتستخدمها معبرا عن ما يدور بداخلك وتصلنا بنفس القدر الذى اردته

فحمد لله انك تملك اشياء جميلة كثيرا غيرك لا يملكوها
يكفى اساسا انك عندك امتحان جراحة اعانك الله يا اخى المواطن

تحياتى

sha3noona said...

طنطاوي
ازيك
البلوج بتاعك تحفه بجد
انا متابعاهمن فتره
كل بوست اجمل من التاني
هايل بجد
ما تتاخرش علينا

عبدالله مفتاح said...

رائع يا زنجولا يا فنان

أشرف حمدي said...

يا زنجولا حرام عليك جننتني
انت أفكارك هايلة . بس لو تسمع كلامي وترسم بايدك وتجيب سكانر
الرسم بالماوس حرام حرام حرام
كما قال البحبحاني
:)
جميل يا مان
الي الأمام دائما

labido said...

برافو يادكتوووور
لا فض فوك
وعلي نفسها جنت براقشششش .. قصدي فالوق
وتسلم

emz said...

موضوع جامد جدا يا زنجولا .. و الكاريكاتيرات حلوة اوى .. و احلى فكرة هىاخر صورة و تعليقك عليها .. هايل ..

تحياتى

Anonymous said...

ههههههههههههههههه والله وقعت على روحى من الضحك
ولا خطرت على بال اتخن واحد من اى جريدة

الكاريكاتيرات هايلة بجد
ومفيش رداءة من وجهة نظرى
الرداءة هى فى تعمد الجودة
التلقائية وصلت للقلوب بسرعة


=====
بالنسبة للدلو فيما نعرف او لا نعرف
فدة بقا تراث موروث عندنا
سياسة يتلكلموا
طيبخ يتكلموا
خياطة يتكلموا
وخلافه برضه يتكلموا

بقا عادى

لحظة صدق said...

ههههههههه
انا اليومين دول دلوى مخروم و الله بس كان لازم برضه اجرب ادلى به هنا
البوست ده و اللى قبله و اللى قبله
قريتهم كلهم
مش عاوزة كلام سخرية ناقدة مافيش بعد كده مش اى حد
بس نصيحة منى ركز ع الطحال و الكبدة و هاييجى سؤال ف الكلاوى ده مضمون
ان شاء الله و المواسير (العضم يعنى)
ممكن برضه الاوسوفيجس بس الجووول بلادار عندى احساس ان سؤال كبير جاى لكم فيها
اما المعدة و البنكرياس مممممممم
ربنا يسترها معاك مش عايزة انشن لك
بس ان شاء الله خير

المواطن المصري العبيط said...

جامدة قوي الملاحظة بتاعة الكاريكاتير بتاع لوجو التعداد العام للسكان في مصر تحت تعليق بيقولك مفيش تحرشات في مصر هههه. بجد برافو عليك يا طنطاوي

أشرف حمدي said...

زنجولا
تصدق بقى انت زعلتني جدا بالصورة بتاعة التعداد
انا لسة شايفها دلوقتي
بجد اتنرفزت عشان كنت ناوي اعملها في البلوج عندي
نفس الفكرة يا ربي والله جاتلي أول لما شفت التصميم المسخرة ده .. يمكن لأن تفكيري بذيء أو يمكن ان التصميم فعلا فج واللي عامله واحد مسطول
كان نفسي أكون أول واحد يعلّق علي موضوع التصميم ده بس انت سبقتني
يمكن الدكاترة بيفكروا زي بعض

ملاحظة ذكية يا زنجولا
كان ممكن تهتم بيها أكتر وتعملها بوست لوحده
أحييك

Nouran said...

ربنا معاك ف الامتحانات بس الحجات مش رديئةشكلك بتقول كده علشان تخذي العين يعني صح ولا ايه بصراحة الكلام عجبني اوي حلو يا دكتور والله

soosa el-mafroosa said...

هههههههههههههههههههههههههههههههه
ههههههههههههههههههههههههههههههه

الكاريكاتير بتاع التعداد ده مششششش ممممككككن

ملعوبة يا أبو الزناجيل

المخ النضيف نضيف برضه

شد حيلك

Dr. Tantawy said...

@ TOTA :
باستنى تعليقاتك دايما و بصراحه بستمتع بقراءتها اكتر من تدوينات كتير
طمنيني على امتحانك عملتي ايه فيه
انا الحمدلله اتضبطت في امتحان الجراحه .. منهم لله ههههههه
------------------------------
@ sha3noona
ربنا يخليكي
مش حايشني عنكو غير الشديد القوي والله ههههه ربنا يعدي اليومين دول على خير
------------------------------
@ عبدالله
ربنا يخليك يا باشا
------------------------------
@ اشرف حمدي
يا باشا انا عندي سكانر مش للدرجه دي يعني ههههه
بس الفكره رسم الكمبيوتر بقه علامه مميزه لشغلي ده اولا
وتانيا هوه اسهل بالنسبه لي
لكن اوعدك قريب اعمل حاجات يدوي انشا ءالله
تحياتي يا باشا
-------------------------------
@ dawy
rabena yekhaleky .. kolek zo2 :)
-------------------------------
@ labido
ربنا يخليكي
اهه بيعتذر اليومين دول
فعلا هش هش يا ديك .. الفرخه دي مش ليك ههههه
-------------------------------
@ بنت عاديه
شكرا جزيلا .. بانتظار زيارتك دائما
-------------------------------
@ شهروزة
مش عارف اقولك ايه على الكلام الحلو ده بصراحه
اخجلتم توضعاتنا ههههه
-------------------------------
@ لخظة صدق
لو شفتي الامتحانات هتعرفي توقعاتك كانت في الجون ههههههه
منه لله الي في بالي هوه و كل القسم بتاعه
-------------------------------
@ المواطن المصري
شكرا يا باشا
-------------------------------
@ اشرف حمدي
يا عم الصوره في بيتها كانك انت اللي عملتها بالضبط :))
موضوع اني اعملها مدونه منفصله اوكده ف والله الموضوع بيجي بالصدفه يعني مجاش فدماغعي اديها اكبر من حجمها :)) بس عموما الافكار كتير الحمدلله المهم يكون في وقت و الواحد هيعمل كتير
-------------------------------
@ noura
حمدالله عالسلامه انتي كنتي فين يا بنتي
انا لا بخزي العين ولا نيله بس فعلا شغل الكروته ده مبحبوش بس اعمل ايه .. حكم القوي هههه
-------------------------------
@ سوسه
حمدالله عالسلامه انتي كمان :) انتي بتروحوا فين كلكوا .. طب انا عندي امتحانات .. انتوا مشغولين في ايه ؟؟ افهم يعني
عموما كويس اني ضحكتك :) عقبال ما الاقي حد يضحكني هههه

kaed said...

اللة ينور عليك يا طنطاوى الصورة اللى فيها تحرش بتاعة التعداد السكانى
تحفة إنت لقطها إزاى دية .................. أخوك قائد