2007/07/29

كركر .. رجع تانى

تحديث


طبعا شعبان لسه مغناش حاجه للانترنت
بس توقعت لو حب يغني للى إحنا فيه ده هيقول إيه ههههه



- ------------










_____________________________________

-

مشربتش من نيلها

ليه .. هيه مية النيل خلصت

-بلدنا دي نشفت علينا
خلاص فيها مش عايشين
نعيش فيها ازاي ولمين
و احنا عطشانين

مشربناش من نيلها
طب و ازاي هنغنيلها
ازاي راح نبني فيها
طول مالناس بتهلب خيرها

دور حوليك تلقاك
مش لاقي لا ميـه ولا أكل
وبرغم النيل ويانا
بكره نموت ودى شيء بقه سهل

يمكن نسيوا ان احنا فيها
باعوها ولا سألوا عليها
بس يا مصر احنا اللي هنبقى
مهما العمر يفوت بعديها

غاليه الميه علينا
والنيل من حوالينا
و مادام مش لاقيين ميه
يبقى خلاص هنمد ايدينا

23 comments:

يساري مصري said...

هههههههههههههههههههه
يخرب بيت عقلك ياوله إيه يابني الشغل الجامد ده
و اجمل حاجه مشربتش من نيلها
لان دي من اكتر الاغانيي اللي بتفقعني
سلِّم يدَّك يا طنطاوي

أشرف حمدي said...

حلو قوي تصميم
Amn elDawla Service Line
ADSL
باشا

ياريت تشرفني في مدونتي قريب
وكمان حاجة مهمة
فين تدويناتك بخصوص موضوع اشتراكات
DSL
الجديدة ؟ مش كفاية كاريكاتير أو اتنين .. عاوزينك تشارك في الحملة أو على الأقل تقول رأيك بالكامل في المهزلة دي

تحياتي يا باشا

Dr. Tantawy said...

يساري مصري


تشكر يا باشا :)
ألا صحيح .. انت شربت من نيلها ولا لسه ههههههه

Dr. Tantawy said...

د/ أشرف حمدي


متشكر يا باشا على رأيك .. و انبسطت جدا انه عجبك

مبروك على لقاء الأو تي في .. بس بصراحه كنت متخيلك منطلق عن كده :) او بمعنى آخر .. طاقق .. بس طلعت راجل جنتل وسمارت اوي .. يظهر انك كبرت يا عم اشرف :))))

انا والله ماعارف اكتب اقول ايه .. اصل الموضوع ده فعلا نكته او كاريكاتير في حد ذاته ..مينفعش اتكلم اقول عنه اكتر من اللي الوزير قاله
او ممكن نقول .. حسبي الله و نعم الوكيل فيهم هههههه

منور المدونه يا باشاااا

Hadota ... حدوتة said...

ايه دا يا دكتور؟؟
انت بتحب المدونات وعرفنا
طب كمان بتحب تعمل شات؟؟؟؟؟

طب بتشتشت مع مين؟؟؟
وامتى ؟؟ وفين؟؟ وازاى؟؟؟
اديها واحد اعتراف بقى يا دكتور
:)


و بعدين ايه الحاجات اللى ناوى تبلبعها
معلش تكتب لنا الروشتة اصل انت عارف اننا غلابة وملناش فى الطب

Nouran said...

حرام عليك اللي بتعمله ده
بس ليه بوظت الاغنية انا بحبها حرام عليك حسستني بالمأساة :)

mariam said...

ايه الكاريكاتيرات التحفه دى
حلوه قوى صبغة العفريت
و لا بتوع القراءه للجميع

بس بجد شعبان هيخسر لو مش هيغنى الأعنيه دى

بالنسبه لأغنية شيرين فأعتقد انك وضعت الكلمات الصحيحه
مشربتش من نيلها ازاى و الناس بتشرب من المجارى

و لا امن الدولهdsl
كلهم حلوين

Dr. Tantawy said...

hadota


لا ياستى مش بحب اشتشت ولا حاجه
دا القافيه بس اللى حكمت في الاغنيه

البلبعه .. ربنا يبعدنا عن البلبعه . كفايه كبشه الادويه اللى الواحد بياخدها كل يوم .. ربنا يعافينا و يشفينا منها بقه على خير

منووره

Dr. Tantawy said...

nouran


والله يا بنتي انا كمان بحب الاغنيه . بس حسيت فجأه انها بتستخف بعقولنا .. نيل ايه و ميه ايه اللي بيتكلموا عليها

انتى مش حاسه بالمآساه .. بس تخيلي انك في الجو ده مش لاقيه ميه في بيتك لمده كام شهر .. و كل اللي بتاخديه وعووود و خلاص

Dr. Tantawy said...

manoooo


منوره المدونه :) عموما الكلام بتاع شعبان اهه موجود لو شعبان عايزه يتفضل .. بس مش هاخد في العمليه دي اقل من 20 جنييييييه

ويانا يا اسلام خليل بقه هههههه

Crazy Nemo said...

شكرا على الكاركاتيرات احسن حاجه انك بتصممها بنفسك على فكره موضوع الدى اس ال طلع مش اجبارى
سلام

Hend.feps said...

lo0o0o0o0o0o0ol
كاريكاتير جامد و أغنية عنيفة معبرة عن واقع مأسوى مرير .....

smraa alnil said...

هههههههههههههههههههههههههه

يا دماغك العالية

بجد بجد بحب دماغك اوي

بس الاغنية انت شلفطها اوي

بس لو دققت في معانيها وقارنتها بالوضع الحالي
هتلاقيها متشلفطة جاهز

عبدالله مفتاح said...

جامد يا عم الجامد :)

Dr.TANTAWY said...

nefertiti


منوووره يا مروه
و مبروك الكليه يا باشا ... هنبقى زمايل قريب ان شاء الله هههههه

شدي حيلك :) وبالتوفيق دايماااا

Dr.TANTAWY said...

hend


تعليق جامد و حماس رهيب لتدوينه عاديه و على قد الحال هههههه

Dr.TANTAWY said...

samraa el nil


اهلا اهلا بالماجستير و الدكتوراه :)

منوره المدونه

متشكر على الكلام الجميل ده

الاغنيه انا كنت بحبها :) لكن شويه حسيت انها اشتغاله اوى و واسعه حبتين .. يالا .. مشربناش من نيلها .. هنعمل ايه بقه هههه

Dr.TANTAWY said...

عبدالله مفتاح


حمدالله عالسلامه يا باشا

انت فين يا عم من زمان ؟ اخبارك منقطعه و مدونتك زي ما هيه .. ايه المشغوليات دي كلها .. اوعى تكون اتجوزت هههههه

Mokaky said...

بعد كده يا طنطاوي و النبي قبل ما تكتب اي حرف في المدونة ابقي قولنا الحرف ده كام كيلو بايت عشان لو كبير مش لازم نقراه هنبقي نتوقعه

Dr. Tantawy said...

Mokaky


ولايهمك يا باشا .. ليك عليه بعد كده اوزنهملك حرف حرف ههههه

طلباتك اوامر ههههه

known said...

although i am angry of u ...but i will told u my opinion inthis work ..ok...nice and grat job ,i really like ur characaters and ur funny poetry about the nile water..and go on...
(butterfly)

Dr. Tantawy said...

butterfly

dont be angry dear frind .. and thanks for your support :) nice that you like it ... ;)

bluesky said...

اية يا بني الحاجات الجامدة دي
جامد جدا و الله...انت بتحط ايدك على الوجع بالضبط
ربنا يوفقك