2007/07/13

الأمن القومي


تعرف ايه عن هيئة الامن القومى المصرية

برغم ان كلنا عارفين ان في هيئه امن قومى امريكيه ..على اعلى مستوى .. و برغم اننا كلنا سمعنا اسم كوندليزا رايس كمستشاره امن قومي امريكيه .. ألا ان كتير ميعرفوش ان مصر فيها هيئه امن قومي .. المفروض انها لا تقل اهميه عن نظيرتها الامريكيه .. و المفروض انها احد امال مصر في تصحيح شامل و حقيقي للاوضاع .. ده المفروض
بالبحث على الانترنت .. معتقدش انك هتلاقي معلومه واحده مفيده عن هيئه الامن القومى المصريه .. ربما سلسله مقالات امين هويدي رئيس المخابرات سابقا هي الماده الخصبه الوحيده .. لكنها طبعا و كالعاده مش هتكفيك ولا تروي فضولك للمعرفه .. عشان كده مضطرا هدور على الموضوع في جهات مختلفه .. زي مثلا اني أسال احد الاصدقاء المثقفين للغايه و اللي لخصلي الفكره ببساطه انها منظمه من المفترض تكون مستقله .. تتكون من هيئات قضائيه و داخليه و خارجيه و حربية .. الغرض منها المحافظة على امن الدوله اللي بتتواجد فيها سواءا من اي مشاكل داخليه او خارجيه ممكن تأثر على استقرارها .. ويحقلها اتخاد الاجراءات اللازمه في حالة وجود اي خطر أيا كان من يمثله سواءا كان دولة او جهة غير حكومية خارج البلاد .. او سواءا كان اي شخص داخل الدولة بدايه من الرئيس و حتى اصغر طفل فيها .. بحيادية و بدقه و تحري .. و بدون نفاق ولا محسوبية
-
معلومات كانت كافيه بالنسبه لشخص ( جاهل ) مثلي .. لكنها فتحت الباب لمزيد من البحث عن طريق الانترنت .. لحد ما وصلت لمعلومات متاحه عن هيئة الامن القومى الامريكيه .. بتشرح منظمه عملهم و الفكره اللي بيقوموا عليها .. و اللي بتتلخص ببساطه .. في نفس المعلومات اللي قالها صديقيى .. إضافه الى انها بتهتم بمتابعه كافه وسائل المعلومات بدايه من التلفزيون و الراديو و الجرائد و الانترنت .. وصولا للمكالمات التليفونيه الثابته و المحمولة .. و حتى البريد الالكتروني و محاضر الشرطه و الاشاعات المتداولة بين المواطنين .. بأسلوب يشابه اسلوب الجاسوس المدني المزروع بغرض تجميع معلومات اجتماعيه و اقتصاديه اكتر منها عسكريه .. الاهم من كده ان هيئه الامن القومى عندها بنك معلومات كبير .. و اجهزه كمبيوتر قادره على تحليل المعلومات المتوافره عن اشخاص عشان تقدر تحللها و تقدم تقارير عن الاشخاص المتوقع دخولهم دائره الضوء قريبا في مجال الامن القومى بانواعه .. يعني مش بس حاضر .. لأ كمان مستقبل
-
صلاحيه الامن القومى من المفترض انها تحت تأثير رئيس الهيئه فقط .. بدون اي تأثيرات خارجيه من اي مسؤول بما في ذلك رئيس الدوله .. و لها الحق في الوصول الى اي معلومات و من اي مصدر كان .. ببساطه و سهوله .. بس المهم .. ان ليها الحق في ايقاف اي شخص حتى لو كان مسؤول كبير ( رئيس دولة مثلا ) عن منصبه لو تجمعت لديها المعلومات التي تؤكد انه في طريقه للاخلال بالاستقرار والامن القومي
-
الامن القومي بيقوم على امن الدولة ككل .. يعني حمايتها من التهديدات الخارجيه .. و امن المواطن .. يعني تأمينه ماديا و اجتماعيا و اقتصاديا و صحيا و تعليميا .. و امن النظام .. يعني المساهمه في تنفيذ القانون و دعمه في اي مجال .. باختصار .. مسؤوله عن تنظيم حياة الوطن ككل .. عشان كده .. قد يكونوا همه الامل الاخير في انصلاح حالنا ... لو .. كانوا موجودين

13 comments:

أحمد المصري said...

مابلاش بقى شغل التشكيك ده أكيد موجودين00بس تصدق معلومات جميلة جدا
شكرا عليها0
مع تحياتي00
والسلام عليكم0

mariam said...

بصراحه انا كمان اول مره اعرف ات فى هيئة امن قومى فى مصر

بس حلوه لو كانوا موجودين دى

وظيفتها تنفيذ القانون و دعمه و الأستقرار ز الأمن
طيب ايه رأيهم فى الليله اللى احنا فيها دى
مبسوطين

تحياتى

tota said...

طنطاوى

الامن القومى المصرى والغول والعنقاء والخل الوفى
احد المستحيلات مش كده
اصل بصراحة محستش بيها خالص يمكن بصراحة دى اول مرة اسمع عنها دى حتى فاقت المستحيلات اللى على الاقل سمعت عنهم ومشفتهمش
مش جهل منك يا دكتور اصل يبقى كده كل مصر جهلة انما مفيش اداء يبين الجهه دى
ازيك يا دكتور سلامات بقى وليك وحشة

nefertiti said...

visit my new blog www.crazynemo.blogspot.com

nefertiti said...

ana marwa 3la fekra ma3rafsh lsa fakreni walala2

Dr.TANTAWY said...

احمد المصري


متشكر على اهتمامك
و اهلا و بيك :)

وعليكم السلام ورحمة الله و بركاته

Dr.TANTAWY said...

Mariam


اهلا بيكى يا مااااااااانو :))

كويس ان قلتلك اي معلومه مفيده اهه .. اياكش يطمر بقه هههه

همه لو بإيديهم اكيد مش مبسوطين :) بس اش ياخد الريح م البلاط ههههه

Dr.TANTAWY said...

TOTa

انتي فين من زمان :) وحشتنيي والللله

هيه مش مستحيله :) و ان شاء الله في أمل كبير انهم يطلعوا بجد مش مسلسل كارتون هههههه ربنا كبير

خليكي موجوده علطول :) عشان بجد بفتقد وجودك و تعليقاتك

تحياااااااااااتي

Dr.TANTAWY said...

nefertiti

مروه اللي كنتي بتكتبي تعليقات على موقع مش مهم .. صح ؟؟

عموما لو انتي يبقى اهلا بيكي ف بيتك :) و منووووره .. و انشاء الله مدونتك تكون فاتحه خير عليكي

و لو مش انتى :) يبقى برضه اهلا بيكي .. و ربنا يوفقك ان شاء الله

و ف الحالتين .. سواءا كنتي مروه او مش مروه ف أنا اكيد هزور مدونتك و اقولك رأي هناك

تحيااااااااااتي

nefertiti said...

ايوه يا زنجولا انا اللى كنت بكتب ف مش مهم فعلا المدونه اللى كان نفسى انها تكون كبيره ويكون لنا فيها كلمه واحده بس مكانش فى نصيب
يلا المهم ان هو انا:)

elaraby said...

في البداية السلام عليكم ورحمة الله
عند قرائتي للسطور الاولي لهذا المقال شعرت بالسعادة لوجود من يحمل الامتنان لهؤلاء الرجال الذين طالموا عملوا خلف ستار فولاذي من السرية لاجل مصر و الوطن العربي. فمنذ انشاء الجهاز عام1953 علي يد زكريا محي الدين بعد فضيحة لافون الشهيرة وهو يحمل علي كاهله امن مصر القومي وقد اثبت رجاله الاوائل الذين شهد الجهاز مولدة علي ايديهم اهليتهم لحمل الامانه فمنذ اللحظة الاولي قامو بتصنيف وزرع وتجنيد عيون لهم خارج وداخل اراضي العدو لبناء قاعدة معلوماتية واسعة تقوم علي اساسها تحركات الجهاز وقدموا للرئيس عبد الناصر عشرات المعلومات عن العدو وتوقعوا ايضا ميعاد هجوم 5/6 الا ان معلوماتهم لم تستغل جيدا من قبل رجال الجيش وحدثت النكسة عام 67 واتهم فيها جهاز المخابرات واطلقت حمله تشهير عنيفه عليه ككبش فداء الا ان رجاله الذين يعلمون اكثر من غيرهم من المسئول عن النكسه اثروا الصمت واستكمال عملهم الدؤوب وخلال فتره السنوات الست التي استغرقها الاحتلال الاسرائيلي لسيناء تألق الرجال كمل لم يفعلو من قبل

elaraby said...

حيث افصحت الملفات القليلة التي سمحوا بنشرها عن عشرات العملاء الذين عملوا لحساب المخابرات العامة في قلب القيادات السياسية والعسكرية والامنية الاسرائيلية ايضا لدرجة ان الرئيس السادات كان يحضر بنفسه اجتماع قادة الموساد مع قادة الاجهزة الغربية المتعاونه معه في اوروبا عبر شبكة تنصت شديدة الدقة والتعقيد زرعها الرجال في مكتب الاجتماعات المؤمن بالكامل في عمليه شديدة الدهاء والخطورة ودون ان يشعر العدو ولو للحظة واحدة ان اعلي درجات معلوماته سرية كانت تصنف وتناقش في اجتماعات خبراء الامن بالجهاز لاختيار افضل السبل لاستخدامها ضد العدو لدرجه ان العالم اندهش انذاك من كم المعلومات التي حصل عليها المصريون حينها لدرجة ان كل سلاح حديث او سري اعتمد عليه الاسرائيليون في الحرب كان لدينا ادق تفاصيله وتم تدريب الجنود علي التعامل معه .
ان عمل رجال الامن لقومي لم ينتهي بانتهاء الحرب فهم لازالوا يعملون بدأب وحماس لحماية امن مصر مع اختلاف الوسائل باختلاف العصور .
وجهاز المخابرات العامة عادة ما يختار رجالة من العناصر المتميزة في شتي المجالات فهو يضم مهندسين واطباء ومحاسبين وضباط جيش وشرطة وهؤلاء عادة مايتم انتقاؤهم بعناية شديدة ويتم الحاقهم بدورات تدريبية مكثفه قبل الانضمام الي العمل وبعد التاكد من سلامتهم امنيا.
كيف بعد كل هذا نجد من يتناقش في وجودهم من عدمة او يستخف باعمالهم ويدخلهم في دائرة الافساد ؟ اعتقد ان هذا ناشئ من انحطاط مستوانا الفكري كشباب سيطر علي عقولنا الغزو الفكري الغربي وسفهت من قضايانا واهتمامتنا اجهزة الاعلام المختلف وقدواتنا التافهه المنحطة.
علي كل فهناك الكثير من الكتاب الذين نشرت علي ايديهم عشرات العمليات لجهاز المخابرات المصري مثل الاستاذ :صالح مرسي و نبيل راغب ونبيل فاروق و ابراهيم مسعود وغيرهم ممن عايشوا رجال المخابرات وسطروا عملياتهم لمن اراد ان يتعرف علي العمليات التي تم نشرها .
ولا انسي في النهاية الذكر بان جهاز المخابرات المصري هو الوحيد في المنطقة الملقب بجهاز الامن القومي وليس الامن الوطني لانه يعتبر ان الامن القومي العربي انما هو من صميم امن مصر الوطني .

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول