2007/07/17

النجدة .. الغوث .. الحقووووني

لو وقعت في مشكلة .. اطلب النجدة
أيوه .. بوليس النجدة .. انت فاكرني بهزر مع حضرتك
مستغرب ليه ؟ كله بالقانون .. قانون الصهينه .. و الدستور المصري
المهم انه القانون .. و هتاخد حقك يعني هتاخد حقك -



-الموضوع بسيط .. كل ما تبقى في مشكله .. و تحس ان الموضوع مش مريح و انك بيضحك عليك .. متسكتش .. اطلب بوليس النجدة .. هيجولك و هيحاولوا يسترضوك بكل طريقه .. و ياسلام لو في شوية تحابيش على المحضر .. يعني بلاش مثلا تشتم الشخص اللي هتبلغ عنه او تغلط فيه .. و كفايه اوي تقول كلمتين في المحضر عن حقوق الانسان و عن الكرامه اللي بتضيع بعبث هؤلاء المتساهلين بالشعب .. و شوف الدنيا هتقلب ازاي .. و كل الناس هتحاول تراضيك ازاي .. جرب و شوف

طب ليه .. مش البوليس دول ولاد كلب و مطلعين عنينا في كل قسم .. لا .. فوق كده و اصحى .. الموضوع المره دي غير .. دا انت اللي جايبهم لحد عندك .. يعني مبدئيا انت دكر و مش خايف منهم .. بلاش .. خد عندك دي .. لما هتتكلم في حقوق انسان و القانون هيعرفوا انك واحد بتاع مشاكل و مقرف .. و احسن حل لأمثالك انهم يخلصوا منك سكيتي و بدون مشاكل .. هتلاقيهم فجأه بيحاولوا يغلطوا الطرف التاني مهما كان الجرم اللي انت عملته .. لأنك ف النهايه واحد بتاع كلام و همه مش ناقصين هم و قرف

-ليه بنقولك خد حقك .. ليه بنقولك الجئ للشرطه .. لأن ببساطه احنا بلد روتيني ممل .. يعني الضابط مستعد يطبق القانون بحذافيره .. و مهما يكون .. لأنه مكتوب في الكتب زي ما بنقول .. و لأن القانون ده احنا منعرفش عنه حاجه ف إحنا بنسكت و نطنش .. مع ان من حقنا اننا نضرب اللي بيخالفه بالجزمة القديمه و نطلع عينه و ناخد حقنا منه تالت و متلت .. لكن تقول لمين بقه .. كل واحد منا نايم و مبلط ف الخط ولا همه .. مع ان لو كل واحد في كل مكان ف مصر فكر ولو للحظة ان لو غلط هيلاقي اللي يطلبله النجدة .. و بأضعف الايمان هيثبت حاله بس .. ف صدقوني هيفكر ألف مره .. و يتردد .. و احتمال كبير انه لو كان متعود على الغلط .. متعود يسرق .. يرتشي .. يتبلطج .. فهيبقى كل ده ف الظلمه .. يعني على الاقل يا اخي .. اذا بليتم .. فاستتروا

-متتكلمش كتير و ورينا شطارتك ... اكيد كلو هيقول كده .. و عموما احنا جاهزين .. كل فتره هصورلكوا محضر شرطه ف مكان مختلف و بظروف مختلفه .. و هحاول اشرح الموقف كاملا بظروفه .. و ايه رأي القانون فيه .. و ايه الكلام اللي تقوله و يخليك في الامان .. لأن اكيد المواقف دي بتتكرر معانا كلنا لكن بننسى . . و احيانا بنطنش .. و المصيبه انه كتير مبنبقاش عارفين انني كده مظلومين او اصحاب حقوق

10 comments:

Crazy Nemo said...

ادينا قاعدين ومستنيين الحاجات اللى هتجبها يمكن نعمل زى ما انت بتقول يارب بس منروحش ف داهيه ف الاخر:))

يساري مصري said...

ممممم
كلامك صح و الفكره حلوه و نبي حلوه
يمكن بتحرق وشوشنا قدام الامن بس هجرب انا نازل القهوه و هقول شكل للبيع عشان اجرب :D

لو الحوار مشي تمام و اخدت حقي مصلحه
انضربت و كلت علقه مصلحه برضوا اهو ابقى ماده صحفيه و تطالبوا بحقوقي بدل المدونين ما ناموا كدا :D

انما لو اتعملي إزعاج سلطاط هبلغ عنك

يارب بس تليفون النجده ميكنش مشغول :S

واحد مصرى said...

تبدو الفكرة مشجعة لأول وهلة و خصوصا اذا اضفنا موضوع الروتين اللي ممكن يخلي واحد يلف محافظات الجمهورية كلها علشان قضية شيك ملفقة من محامي نص لبة بس تفتكر هاييجو لو طلبتهم و يا تري هايخدو وقت اد ايه و لو جم مرة تفتكر هاييجو تاني....وهل تعتقد انهم لو قرفو اوي مش ممكن يلفقولك تهمة اونطة و ما اسهل ذلك...اسئلة كثيرة محتاجة لاجابات

دمت بخير يا أخي

واحد مصرى said...

عل فكرة أغنية أهو دا اللي صار بصوت علي الحجار جمييييييييلة...جبتها منين؟

mariam said...

لأ كلمهم انت الأول

انت عايزنى اكلمهم علشان عندى مشكله الاقى نفسى طالعه بتأبيده
كلمهم انت
و انا هفكر
بس لو حصلك حاجه ابقى قولى غلشان اهرب
قصدى علشان اساعدك

Dr. Tantawy said...

nefertiti

انا بجهز الملفات اهه :) ربنا يسهل والحق اخلصها قبل ما اتشغل

متقلقيش :) بوليس النجده مبيعضش والله هههههه

Dr. Tantawy said...

يساري مصري


مش لدرجه شكل للبيع ههههه
بس لما تحس ان حد بيتبلطج على حقك .. سواء مواطن عادي او موظف في مكان ما او حتى ضابط شرطه ف من حقك تطلب النجدة و تثبت حاله و صدقني هتلاقي مليون محامي نفسهم ف المحضر ده عشان يحركوا بيه دعاوى جنائيه و يجيبولك حقك ولو المعنوي لحد عندك

مفيش ازعاج سلطات ما دمت جايب النجدة تثبت حاله :) متقلقش هههههه

Dr. Tantawy said...

واحد مصري


بالتجربه .. انهم بييجوا .. ممكن يتأخروا لكن لو اتصلت اكتر من مره هيحولك على الضابط النوبتجي و اللي هيهتم بالموضوع لو اضفت شويه بهارات من بتاعت حقوق الانسان زي ما قلتلك .. و هيخلي العربيه بتاعت النجده تجيلك ف اسرع وقت ممكن

التلفيق مش هيحصل لو انت اللي طالب النجده .. صدقني في قدسيه غريبه في مصر للشخص اللي بيطلب النجده حتى لو هوه اللي غلطان :) و دي اضمنهالك


اغنيه على الحجار من موقع سالميه .. موجوده :) اتفضلها

http://salmiya.net/

Dr. Tantawy said...

mariam


كلميهم على ضمانتي .. و لو اتقبض عليكي متقلقيش .. انا موجود ههههههه

shkyra said...

انا نفسي اعرف البلد ديه فيها ايه غير كلمه مفيش

مفيش شغل

مفيش جواز

مفيش سكن

مفيش أكل
طبعا الاكل تعبان انفلونزا طيور و حمي قلاعيه و عيش جبس مينفعش حتى حتى تحلف عليه

مفيش ايه تانى يا خلق ياهووووه

مفيش حد ف الدنيا يقدر ينكينا نيك أحلى من نيك البلد ديه فينا