2007/06/16

من حق الشعب

-
لا تعليق
-
-
-
-
_________________________
-
-
-
-

من حق الشعب يقول يا تاريخ
من حقه يغني للبطيخ
من حقه كمان يضرب صواريخ
و يشـد ف كـُـوله
و يكسر قـُـله
يملى الدنيا نواح و صريخ
-
من حق الشعب يكون جبانات
ما هو كلامه محسوب حسابات
و الكلمه اللي هتيجي ف الجون
على احلى ليمان ياخدوه البشوات
و بقيـّه عمره .. هناك هـيـبـــات
يتشد يوماتي من اي حاجات
يقولوله .. أبوك السقا مات
-
من حق الشعب يكون مكبوت
ويفكر دايما .. امتى يموت
و يقول يا مسهل .. خدنا إليك
جبروت فرعون .. ما بقالوا حدود
و كفايه علينا يا رب قيود
ومعدش بقيلنا في مصر آمان
الداخل فيها خلاص مفقود
والخارج منها .. ما عمره يعود
-

خاطره .. من داخل محطة رمسيس / يونيو 2007 م

15 comments:

... said...

د طنطاوى
رمسيس مكلن ملهم جداً
زى ما أنا شايفة

من حقك
:)

Bou-ME said...

أبناء مصر

بنحب

هنقدر

هنغير

http://abna2masr.blogspot.com

bastokka طهقانة said...

من حقة يكون مكبوت
و يفكر امتى يموت

علقت معايا

حلوة
كبت يؤدي لموت

اوروفوار

Hadota ... حدوتة said...

لا مش من حقه
:p

مدونة كسبان said...

زى الفل

Dr. Tantawy said...

حلم


جربي اقعدي هناك نص ساعه و انتي تشوفي العجب :) تحياتي

Dr. Tantawy said...

طهقانه

كويس انها علقت معاكي :) بس حاجه تحرق الدم مش كده ههههه

Dr. Tantawy said...

حدوته


لأ من حقه بقه !!

Dr. Tantawy said...

كسبان

منور يا باشا :)

Hadota ... حدوتة said...

استفزتنى اوى علامات التعجب دى اللى انت رديت عليا بيها
انا مقصدتش انه مش من حقه بجد
دا تهكم ونفى الغرض منه التأكيد على كلامك يا دكتور

الكلام دا خدناها فى البلاغة فى اولى ثانوى

No Fear said...

السلام عليكم
أية ده يعني اللي عايش فيه و بفكر فيه و بحلم بيه ده طبيعي أحمدك يارب

Dr.TANTAWY said...

Hadota

انا فاهم والله انك بتتريقي :) و انا كمان كنت بتريق .. مش اكتر ههه

Dr.TANTAWY said...

NO FEAR


متقلقش يا اخي :) انت من الاحرار هههههه

ابن رشد said...

لذيذة جدا جدا
و اسمحلي انشرها باسمك في مدونتي

Dr. Tantawy said...

shams

مسموح طبعا يا باشا
اتفضلها بدون اي حاجه والله :)