2008/11/22

بحبك يا مصر

-
بحبك يا مصر
بحبك يا ريس
بحبك يا وطني
بحب الحكومه .. بحب النظام
بحب الحواري
و كتر الحكاوي .. وكتر الكلام
بحب الشوارع .. ولو هيه زحمه
بناكل بدُقه .. و منقولش لحمه
و حتى المواصله .. ما هتلاقى رحمه
ومن طول طريقك بسرعة تنام
بحبك يا مصر
بحب العساكر
بحب المباحث
عنيهم معانا .. ورانا ف قفانا
يحبونا دايما فى قسم البوليس
ماهو الشعب فى القسم احسن ونيس
بياخدونا نلعب عروسه وعريس
معاهم فى جنه ولا الاحلام
بحب الوزارة
بحب الادارة
بحب التعامل مع الازمات
بحب الطناش و الزعيق و الاهات
بحب العياط ع اللى عدى وفات
وبعد ده كله يقولك ادارة و تطور و احسن علام
بحبك يا مصر
-
-
من محطة مترو الدمرداش
20/نوفمبر/2008
-

5 comments:

No Fear said...

السلام عليكم
و مصر بتحبك
:)
.
و أنا بحبك بجد مش زي مصر
مش عارف أية المناسبة بس إن شاء الله في أمل

ميرام said...

(:
يااه ..
عودا حميدا ...(:
ومبروك الجيش (:
هتكون تجربة جميلة ...(:
هتكتب حاجات كتيرة صدقني
:b
كالعاده لا تعليق
المستوى ذاته من الابداع الساخر

(: بتحب مصر ..؟؟؟
المهم مصر تحبك (: على رأي ناس (:


سعيدة بالبوست الجديدة
خالص تقديري و..
تحيـــــــــاتي

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

مواطن مصرى نايم said...

دكتور طنطاوى حبيب هارتى
حمدالله بالسلامة يا جميل
واحشنى و الله
جميلة جدا الكلمات يا ريس
و انا كمان بحب مصر بتاعتنا مش بتاعتهم

تحياتى

اسلام

د/ سالم صلاح سالم said...
This comment has been removed by the author.