2008/03/20

الجيش

-
الجيش .. لا يزال هو الورقة الرابحة فى مستقبل مصر .. فكلما ظهرت فى الافق بوادر أزمة تهدد استقرار مصر وأمنها .. تدخل الجيش .. بقرار رسمي من رئيس الجمهورية .. لإيجاد الحلول التي كانت تبدو مستحيله قبل وجوده .. فالجيش هو من نفذ الطرق الصحراوية المزدوجة الجديده .. ومشروع مد الغاز الطبيعي إلى انحاء الجمهورية .. وهو من نفذ ملاعب كرة القدم الجديده قبل بطولة الامم الافريقية قبل الاخيرة .. وهو حتى من افرز لنا ناديين لكرة القدم اضافا بعض المتعة الى دوري كرة القدم الممل ... بينما يبقى الجيش بعيدا عن الاحتكاك المباشر بالشعب فى مجالات السياسة مما يمنحه بعض الحب والارتياح فى قلوب المصريين .. فرجال الامن المركزى مثلا اكتسبوا كثيرا من الكره والمشاعر الغاضبة نتيجه تدخلاتهم المستمرة فى المظاهرات والانتخابات المحلية والنقابيه .. لم يكتسب الجيش مثلها
-
وتبدو أزمة رغيف العيش الاخيرة .. هي الاختبار الجديد للجيش المصري .. فبمجرد ان استشعر الرئيس مبارك خطورة مسألة رغيف العيش وحالة الغليان التى يعيشها الشعب المصري .. دعك الرئيس فانوسه السحري .. ليخرج منه رجال القوات المسلحه ببدلاتهم الصفراء وجباههم السمراء .. ليصدرالرئيس اوامره الى سوبرمان مصر (( الجيش المصري )) بضرورة ايجاد حل جذري لمشكلة طوابير رغيف العيش .. ولأنني اعرف ان الجيش المصري .. بعدما تفرغ للخدمة المدنية ونسى الاعمال العسكرية والقتالية .. اصبح قادرا على ايجاد هذه الحلول بالفعل . . فإنني انتظر نتائج جيدة من جانب رجال القوات المسلحة .. وبغض النظر عن الطريقه .. فالنتيجه فى النهائيه ستكون مطمئنة للنظام السياسي فى مصر .. تضمن له على الاقل بعض الاستمرار الذي ينشده دوما فى ظل حالة الغضب الشعبي والغليان المستمرة
-
اما الدرس المستفاد الذي يمكنك ان تستخلصه من كل ما سبق .. فهو باختصار ظهور الحل الاخير لكل مشاكلنا فى مصر .. فبوجود نظام سياسي عسكري كالنظام المصري .. و بتجارب الانظمة المثيلة فى العالم اجمع .. فان فرص التغيير الشعبي .. بانتخابات او استفتاءات او حتى انتقال سلس للسلطة .. تبدو أضغاث أحلام .. فما حدث فى التاريخ قط .. ان انتقلت السلطة من حكومه عسكرية الى اخرى مدنية دون وجود الجيش كحل سحري .. اقصد هنا الثورة العسكرية الشاملة .. فالجيش وحده قادر .. وقتما يشعر بالظلم .. ان يغير نظام يحكمه قياداته ورجاله بالحديد والنار .. الجيش وحده قادر على بث الرعب فى قلوب قياداته وقتما يتحرك .. دفعة واحده .. للمطالبة بحقوق شعبه واهله .. اما الوضع الحالى .. فهو غير مبشر .. فامكانيات الدولة اصبحت تقريبا مسخرة لخدمة الجيش ورجال القوات المسلحه .. بمعنى ادق .. لتكميم افواههم وملء عيونهم .. فحدث عن مميزات العمل بالقوات المسلحه ولا حرج .. شقق سكنيه .. مرتبات مرتفعه .. سفريات وبعثات الى كل دول العالم المتقدمه .. نوادي ومنتجعات سياحيه على اعلى مستوى .. سيارات .. اجازات .. خدمات عامة متميزه مثل خصومات وسائل النقل والمجمعات الاستهلاكية الخاصة بالجيش .. خدمات صحية ومستشفيات عسكرية خاصة تضاهى مثيلاتها فى الدول الاوربية المتطورة .. مكانة اجتماعية متميزة .. وغيرها من الالجمة التى صارت تطوق رؤوس جيشنا المصري .. وتحول بينه وبين ارادة شعب طالما احس باليأس .. ورغب فى التغيير ... ويشعر دوما ان الامر مستحيل
-

13 comments:

... said...

معاك في الجزء الأول لكن ما تحدثت عنه بعد ذلك فقد كان صحيحا لسنوات مضت
أما الآن فقد اختلفت الأمور
فكل ما ذكرته عن المستشفيات والشاليهات قد اصابه الإهمال
ولو ركزت قليلا في إشارات المرور لصادفك سيارات الفيات العتيقة تحمل اللواءات لأعمالهم
أما المرتبات
فاعلم انها ارقي قليلا جدا من مرتبات الحكومة
لهذا
لهذا
أعد بناء تحليلك القائم علي ان رجالات جيشنا عينيهم مليانة

Dr. Tantawy said...

بثينه

عزيزتى حلم
اولا اهلا بيكى و منوره جدا جدا جدا

ثانيا .. نتفق مصر لا تحوى الكمال باي صورة من الصور , يعني لا يعني ان فئة الجيش والشرطه مثلا مرفهون انهم يحصلون على كل شيء بصورة رائعه ومتكامله

ثالثا .. يبدو انك تحكمين على الموضوع بصورة عاطفيه قليلا تجعلنى اعتقد بوجود شخص من العائلة ينتمى لجهاز القوات المسلحه ؟؟

رابعا والمهم .. كل نقطه تحدثت عنها انا لمستها بنفسي
يعني مثلا .. مستشفيات القوات المسلحه دخلت معظمها وهي بمقياس من 10 مثلا تنال درجه 8 او 9 بالنسبه لمستشفيات الحكومه او التعليميه التي لاتنال اكثر من 2 او 3

كذلك نوادي القوات المسلحه , لا يمكن مهما كانت درجه الاهمال فيها ان تصل الى درجه نوادي العامه ولن اقارنها بنوادي الاهلى او الجزيرة او الشمس مثلا .. لانها نوادي القوات المسلحه حتى وان كان معظمها يتميز عن نوادي الصفوة التي ذكرتها فهى مقارنه ظالمه لأن نوادي القوات المسلحه هى نوادي مجانيه لفئات من الشعب والمفترض ان تقارن بالنوادي المجانيه الاخرى .. او النوادي العاديه التي يرتادها افراد الطبقه المتوسطه
ويكفى ان افضل قاعه افراح فى مصر هى قاعة دار الدفاع الجوي بمدينه نصر بشهادتى وشهادة الكثيرين

اما موضوع الشاليهات , فهي مهما كانت لن تكون اسوا من شاليهات تمنحها نقابات التجاريين او المهندسين او الاطباء مثلا

ولماذا تنكرين وجود بعثات سفر لمده سنه كملحق عسكري او تدريبات كل فتره فى دول اوربا باقامه كامله وراقيه للغايه وبدلات تصل لمئات الالاف من الجنيهات

ولماذا تنكرين ان السيارات الفيات .. اللى مش عاجباكي .. هي اكثر ادميه من الطبيب الذي يركب الحمار - والله بيحصل - للوصول لوحدته الريفيه .. او المهندس الذي لازال يستخدم الدراجه او الموتسيكل لانه لايستطيع شراء سياره .. بينما يستخدم الضباط سيارات العمل لنقل افراد الاسره الى الدرس والسوق و النادي .. و نحن جميعا نراهم بعيوننا فلايمكن انكار ذلك

ولماذا تنكرين تخفيض واحيانا الغاء اجره المواصلات للعسكريين لمجرد كونهم عسكريين برغم ان مرتباتهم اكثر بحوالي 20 مره من مرتبي مثلا كطبيب .. لكنهم فى النهايه ينالون هذه التفرقه لمجرد كونهم افراد فى القوات المسلحه التى كانت فى السابق تمنح هذه الميزات لان افرادها مشغولون بالدفاع عن مصر والتصدي لهجمات اليهود والامريكان وغيرهم
اما الان .. فجيشنا الحبيب قصر فتوحاته على مد انابيب الغاز وبناء الكباري واخيرا توزيع ارغفه الخبر .. وهي مهمات كبيره ولا انكر جهدهم فيها لكنها فى النهايه لايجب ان تكون مهمة القوات المسلحه .. والحكومه التي تشغل قواتها بمثل هذه المهمات هي حكومه فاشله تستحق غضب الجيش قبل الشعب

ارجو ان يكون ردي وافى على تعليقك :) واهلا بيكى مره تانيه اكيد

No Fear said...

السلام عليكم
بس ده مش حل
كده عمرنا ما ها نتحرر لأنهم دايما كاسبين رضا الجيش
فعلا الجيش عنده حلول لكل حاجة بس دي مش شغلته أصلا

... said...

يا دكتور
انا سعيدة بردك واحب اوضح ما يلي
أولا كلامي مبني علي معايشة حقيقية لأني أسكن في منطقة تكتظ بالضباط
وليس عاطفيا لأن كل علاقتي بالجيش تتلخص في عم أكبر كان دفعة 48 وخرج لواءا يعمل بالمحاماة حتي وفاته
يعني انا نفسي لا أعي صورته جيدا
لهذا فحكمي علي الحال من واقع الرؤية الخارجية
ما دفعني للرد هو التمسك بأهداب الأمل وكما قلت ليست هناك فئة مرتاحة تمام الارتياح
ولهذا اظن ان هناك فئات اسعد حالا بكثير من ضباط الجيش وهو ما يجعلني أحلم انهم لن يستكينون للوضع الحالي

ROMIL said...

يا خوفي يا بدران

من رأيي المتواضع أن الكلام دا مش سليم أو بمعني أصح بعيدا عن التشكيك في قدرات الجيش
أحب أقول أن الفساد زي السرطان ما بيفرقش بين زيد أو عبيد علشان منفوقش على 67 جديدة وكمان الكلام اللى أنت قولته ممكن يكون ضد الجيش مش أشاده بيه ويا خوفي ليكون أخره المشاريع دي

وبعدين اللواءات ما بيبقوا محافظ كذا ورئيس ايه؟ في مش عارف ايه
يعني برضه سياسة
تحياتي
ROMIL

أطباء said...

بعد إذنك يادكتور ياريت تعرف الناس بينا حتى نستطيع توحيد الأطباء جميعا
وشكرا

دعوة عامة

أطباء بلاحقوق تدعوكم لحضور مؤتمر القاهرة في نقابة الصحفيين الدور الرابع والذي يناقش مشاكل حركات المطالبة بزيادة الأجور
مواعيد ندوة أطباء بلاحقوق هي :
1- يوم الجمعة بالتعاون مع حركة تضامن من الساعة 6 مساء إلى الساعة 7 والنصف .
2- يوم السبت بالتعاون مع جمعية الحق في الصحة من الساعة 3 والنصف إلى الساعة 5 والنصف .

نرجو الحضور والمشاركة

وشكرا ..................

محدود الدخل said...

مينفعش أني أوافقك الرأي خصوصا في الجزء التاني من الموضوع
وبرضو مينفعش أتفق معاك
بحكم تعاملي مع أشخاص في الجيش
أه فيه رفاهيات كتير للبعض
لكن البعض بضرو ملو في الرفاهيات دي
مهو الجيش عامل زي مصر تانية كده
فيه صفوة وفيه عامة شعب
الصفوة دو = الحزن الوطني وأتباعه في المجتمع المدني
عامة الشعب = عامة الشعب برضو

الي بجد أختلف معاك فيه هو دعوتك أو نظريتك عن الثورة المسلحة
وأن الحل فيها
وصدقني يوم ما ده يحصل هتكون نهاية مصر وبداية قتن أكبر مننا كلنا
كلنا عايزين حسني يمشي وكلنا عايزين نغير
بس كل واحد فينا عايز يغير حسني ويجي فكره هو

ناس عايزينها أشتراكية وناس عايزينها ليبرالية وناس عايزينها اسلامية وناس عايزينها علمانية
وناس وناس وناس
ياترى لما فئة من دول تعمل ثورة مسلحة على النظام الظالم الحاكم
باقي الفئات هيتفرجو وهما ساكتين ؟؟؟!!!!!
وربنا يجعله عامر
ــــ
** خارج الموضوع
أنا أستلفت عنوان الحملة الي كنت بدأتها أنت وجبهة التهييس بعنوان ( أتفو على أسرائيل )
وأستخدمته عنوان لمدونتي ...لو مفيش مانع ولو فيه بلغني عشان أغيره
...

أحمد بلال said...

تأكد ان الجيش فيه ناس مخلصه .. و التغيير قادم قادم سواء عن طريق الجيش أو غيره بس احنا نصبر و نتمسك بديننا و مبادئنا .. "ان الله لا يغير ما بقوم حتى يغيروا ما بأنفسهم"

مواطن مصرى نايم said...

عندك حق يا دكترة
بس المفروض نفرح
لان موضوع زى موضوع العيش كل الجهات غلبت فى حله
يبقى لما يكون الحل الوحيد هو الجيش
يبقى جيشنا
اللى قدر على مشكله العيش
يقدر على جنون الجن كلهم
انا بصراحة
رغم انى متفق معك فى حكاية المستشفيات والكلام ده كله
لكن بفخر بجيشنا
و بفرح لما بشوف له اى دور بجانب دور الرئيسى

eslam

nody said...

السلام عليكم ورحمه الله وبركاته
انا شايفه ان لما يكون الجيش هو الكيان الوحيد فى اى دوله هو الوحيد القادر على حل الازمات
وهو اكثر كيان منظم بها
فهذا ان دل فيدل على تاخر هذه الدوله
لان بكده الجيش اصبح له الاولويه وليس بقيه الشعب
واصبح كون حاكم البلد من الجيش امر مسلم بيه

كلبوزة لكن سمباتيك said...

يعني العسكري من دول بدل ما يتعلم ضرب نار و لا ياخد تمرينات لياقة يعقد على طشت العجين و يقرص و يخبز


حاجة حلوة خالص على راي الخواجة بيجو

يبقى لما يهجم علينا عدو نحدفه بالعجين

اه يا قلبي


تحياتي

a7mad said...

فعلا مفيش اكتر من الظباط واخدين حقهم في مصر...
اه فعلا مبيركبوش مرسيدس بس بيركبوا عربية...وعالاقل مبيشيلش هم يروح شغله ازاي زي بقيت الشعب..
لك تحياتي يا د.طنطاوي

sherehan84 said...

لم يشهد العالم ثورة مدنية على حكم عسكري .. كل حاجه لها اول .. بس احنا نثور وبعدين يبقى ربنا يسهل أكيد هنلاقي حل ماهو ربنا مش هيضيع حقنا لو وقفنا وطالبنا بيه .. انمل طالما احنا مستكينين كده و مستنيين الحل من الجيش أو من قوى خارجيه او من أي حد تاني هنفضل محلك سر