2007/11/22

سرعة قفز

-
الحزب الوطني .. حزب مسكين .. مهضوم حقه دائما .. لا يجد من يقــّدر انجازاته رغم انها انجازات عصرية تحدث بسرعة البرق ... دون حتى ان يلاحظها المواطن العادي ... فبعد ان نظر الحزب الوطني الى المسقبل نظره اولى ... اتبعها بالثانية .. والتي لم يجزها الشرع في العصور الأولى ... لكن الهيئة العليا في الازهر اجازتها للحزب الوطني لأنه مرفوع عنه القلم .. فقد بدء الحزب التجهيز للمرحله الثالثة بعد النظرتين الاولى والتانيه .. ألا و هي القفزه الثالثة .. و التالته تابته طبعا .. لذا فانه من المتوقع ان تتم انجازات قومية وهمية استراتيجيه سريعه للحزب الوطني في هذه المرحله الثالثه .. ربما يتم تعيين جمال بيه مبارك رئيسا لمصر .. ربما يتم الغاء الدعم على السلع الاستراتيجيه .. ربما يتم تعيين عم عواد بائع سندوتشات الكبده وزيرا للقوى العامله فهو بارع في ايجاد فرص العمل لابناء منطقته .. ربما يتم تسريح السيد حبيب العادلي وزير الداخليه .. ربماهات كثيرة قد تحدث .. لن نشعر بها .. هذا هو الشيء الاكيد .. لان قفزة الحزب الوطني كبيرة و سريعه .. فهي احد ميزاته الرئيسيه التي لم يفلح معها العلاج بكل انواعه .. ف سرعة قفز الحزب الوطني صارت سمة مميزه .. تتحدث عنها كافة الاحزاب الاخرى داخل مصر و خارجها و لسان حالها يقول .. العبرة ف الصلابه يا وطني .. لكنه كحزب حاكم .. ظل كابسا على انفاسهم طوال تلك الفتره .. يتفنن في ابداء فلفله و شطته لكل الاحزاب و التجمعات الاخرى المعارضه داخل البلاد
-
تحديث : أخيرا .. لكل معارضي الحزب الوطني .. بالعند فيكم .. قررت شركة فياجرا ان تكون الراعي الرسمي للحزب الوطني في حملته القادمه لترشيح رئيس للجمهورية و في المؤتمر القادم للحزب كذلك .. لتكون خير عون له أمام كيد اعدائه .. و لمساعدته في التغلب على مشكله سرعة القفز التي ستمكنه من اثبات انجازاته امام الشعب .. بدلا من الانجازات التي تتم بسرعه الفيمتوثانيه دون ان نلاحظها او نشعر بها ... و شكرا
-

8 comments:

Eslam said...

شكرا على الزيارة والتعليق
وجامد جداااااااااااا
اى الحاجات الحلوة دى فياجرا وسرعة قفز
عايزين نشوف علاج عشان التوريث كمان

إبراهيم محمد said...

وكمان برضه الفياجرا
عشان مدة أطول
ومفعول يصل إلى أكثر من 6541651654145
سنة

Eslam said...

خد منى الحتة اجامدة دى
بس قول رايك


نام يا مصرى مصر مش عايزة تناديك

ياللى فقر الدنيا أصبح لك شريك

ياللى كان دائك وفائك والكرامة وكبريائك

الحشيش والبانجو ساقك.كبريائك مات خلاص البركة فيك

نام يا مصرى مصر مش عايزة تناديك

ياللى دايما كنت رافع بالسلاح أيدك لفوق

بالبنادق والمدافع خليت العالم يفوق

النهاردة سهل جدا تحكمك حتة حشيش

الشيوخ فوق مالطة تدن والشباب مابيختشيش

رقصة بلدى ورقصة تانجو

مرة خمرة ومرة بانجو

واللى م الدوامة ينجو يربى دقنه ويعاديك

نام يا مصرى مصر مش عايزة تناديك

فصلوا دستور مقاسهم يلبسوه بس الكبار

وأنت تحت نعال مداسهم قلت أه زى الحمار

قلت أه ولا حد همك مين يدوس فوق وش مين

هما يقروا الفاتحة وأنت كل حرف تقول أمين

أنت عارف بس صامت

حتى بطنك لما صامت

كان حزامك فوقها قامط للزراير يشتكيك

نام يا مصرى مصر مش عايزة تناديك

مين بيفهم فى السياسة؟لا الافندى ولا المدام

المهم الماتش إمتى؟والنتيجة كام لكام؟

والعشا فين النهاردة وفى المسلسل عملوا إيه

ولعيب الكورة الفلانى ساب ناديه فى الدورى ليه؟

كله بيهلوس وهايص

وإنت يا أبن المصرى لايص

جوه مسرح العرايس

والخيوط رابطة فى إيديك

نام يا مصرى مصر مش عايزة تناديك

كنت لما تقول معارض ألف واحد كان يخاف

بعت صوتك فى المعارض وأستغطيت باللحاف

قول نعم.حط العلامة .وأوعى تقرا فى يوم كتاب

هما عايزينك نعامة دافنة راسها فى التراب

والطاووس جنبك يخطى

بصمجى.ويقول دا خطى

وإنت لما رضيت توطى

شوف بقى اللى ح يجرا فيك

نام يا مصرى مصر مش عايزة تناديك

appy said...

اولا كلامك كله كويسه وبحترم فيه انه مفيش كلام خارج عن الادب اللى بشوفه فى بعض المدونات بس ضيف عندك بقى عن الحزن الوطنى الذى يدعى مصلحه الناس انهم اصلا كلهم مصالح شخصيه ودى عن تجربة لما جالى هلاوس سمعيه وبصريه وحبيت اروح اشترك فيه واعمل قال ايه عضويه الناس هناك لا يفقهوا شئ عن شئ والله كان هدفى بس انه م يردوا على الناس فى تساؤلاتهم بس من امين عام يباصينى لدكتور لمساعد وفى الاخر قولت يا سلام الناس دى بتعمل كده ليه ومن شده غبائى اخيرا فهمت انهم فى المكان ده لمصلحتهم بس

Dr. Tantawy said...

eslam


لا شكر على واجب يا اسلام

بالمناسبة حلو الشعر اللى كاتبه :) ورينا كمان و كمان ان شاء الله

Dr. Tantawy said...

ابراهيم محمد

هيه الفياجرا فعالة اوي كده ههههه

Dr. Tantawy said...

appy

شكرا على رأيك
و اعتقد ان برنامج الحزب واضح :) مش محتاج زيارة لمقر الحزب عشان تعرف اللى فيها :)) تحيااااااااتي

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول