2007/09/07

العجل وقع .. سنـّـوا السكاكين

-
استيقظ مبكرا على غير عادته .. امسك بهاتفه و تحدث الى وزير دفاعه بلغه يشوبها القلق .. طلب لقاءا عاجلا .. و قد كان .. لم يستطع ان يتمالك اعصابه فقال بصوت متوتر ... لقد اقترب العيد .. و الاضحيه الجديده لم يتم اعدادها بعد .. الانتخابات على الابواب .. و بعد ان قدمت صدام في العيد الكبير لا بد من اضحيه سمينه لا تقل عنه ربربه .. فماذا سنفعل ؟؟ ... إلى هنا جاء رد وزير الدفاع للمره الاولى منذ حضوره للجلسه .. قال له .. سيدي .. الاضحيه جاهزه .. سمينه الى اقصى درجه .. تربت على العز و اكل الوز .. لكن المشكله الحقيقيه انها مريضه مرض الموت .. و الشائعات صارت تطاردها من حين لآخر .. و قد اكدت مصادرنا ان المرض شديد .. و الموت قريب .. فماذا نفعل .. تردد الرئيس قليلا .. ثم اشار باصبعه على خريطه العالم المثبته فوق جدار مكتبه و تساءل .. ألا توجد ضحيه اخرى في المنطقه .. ماذا عن دول الخليج ؟؟ .. رد الوزير بسرعه .. سيدي .. المنطقه الآن تحت سيطرتنا تماما .. فما حاجتنا لأضاحى من تلك المنطقه .. لقد اخترت لك اضحيه متميزه .. في منطقه عامره .. تطل على ناصيه و هواها بحريٌ اصيل .. إلى هنا وضح على الرئيس الاقتناع .. لكنه كان في حاجه الى حل سريع لمعضله مرض الضحيه .. وفجأه .. خطر على باله وسواس .. فقال لوزيره .. لماذا ننتظر الاضحيه حتى تموت .. لماذا لا نذهب و نحضرها الآن ... الوقت يداهمنا و يجب ان نغنم بها قبل ان يأتى عزرائيل و " يخلـَـص " معها .. اومأ الوزير ايماءه رضا و قال .. سيدي نحن على استعداد لاحضار الضحيه في 24 ساعه فقط .. سفننا متوقفه الان في البحر المتوسط و قناة السويس .. كما ان قواعدنا في الخليج .. تركيا .. ايطاليا على أهبه الاستعداد ... فهل تود ان نتم عمليتنا الليله .... لم يرد الرئيس .. لانه كان قد مضى في طريقه خارج الغرفه تاركا على مكتبه امرا رئاسيا باحضار الضحيه .. فورا
-
تغلغلت القوات داخل الاراضي المحتله بكل سهوله .. و ظلت تنتقل من المنطقه تلو الاخرى .. حتى وصلت للقصر الرئاسي .. و توجهت كتيبه مدرعات و مدفعيه الى غرفه نوم الرئيس .. ليجدوها فارغه .. تناقلت القيادات الاوامر عبر اللاسلكي .. و تم اصدار اوامر بضبط الضحيه بسرعه .. و قد كان .. تفتيش دقيق على اعلى مستوى .. لكل شبر في القصر الرئاسي .. لكن بدون نتيجه .. و في الوقت نفسه .. كان قيادات الجيش مجتمعين في المقر المؤقت للعمليات في ماكدونالدز المهندسين ... كانت الهمهمات دائره فيما يتعلق بالدخول السهل للقوات .. ما من مقاومه شعبيه باسله .. ما من آثار حتى لرجل المستحيل و لا حتى المغامرين الخمسه .. الامر الذي شكل لهم تساؤلا كبيرا و محيرا .. لكن كل هذه الالغاز وضحت بعد تلقى كبير القاده مكالمه هاتفيه من احد ضباطه الميدانيين .. يحادثه فيها من منطقه القاهره .. و يخبره ان الشعب كله متواجد في الاستاد الكبير لمشاهده مباراه القمه بين قطبي كره القدم هناك .. و ان الرئيس قد مات و تم دفنه على عجاله تحت شجره على مدخل الاستاد
-
__________________________

ملاحظة : الصوره من لعبه فيديو جيم أمريكيه حقيقيه .. و ليست مفبركه .. ويمكنكم مشاهده اللعبه و صور مأخوذه منها على الموقع التالي

12 comments:

Anonymous said...

يا سنة غبرا

يعنى اللعبة تمهيد حى وواقعى للخطوة الجديدة؟؟؟؟

واسمها كمان نداء الواجب؟؟؟؟؟؟؟


كنت جاية اقولك كل سنة وأنت طيب ورمضان كريم


سديت نفسى


اعااااااااااا

mariam said...

ايه ده هو فى اسقاط فى الموضوع و لا حاجه؟
انا مش معاهم

المهم كل سنه وانت طيب
رمضان كريم

شهيدة said...

السلام عليكم يا د. طنطاوي

ازيك؟

البوست جميل جدا وحقيقي جدا

يعني مش لازم نستبعد حاجة على الامريكان هم دائما عندهم خطة بديلة وضحية بديلة

لكن المؤلم في الموضوع اننا بنسمحلهم ياخدوا الضحية وينفذوا خطتهم من غير مقاومة، او على الأقل الحال كان كدة لفترة طويلة

يعني لازم نأجل ماتش الكرة شوية ولا انت ايه رأيك؟
ده حتى الريس ما اتدفنش بما يليق بمقامو

الله ينجينا كلنا من خطط امريكا ومن ماتشات الكرة بين الأهلي والزمالك

شهر رمضان كريم وكل عام وانت بألف خير

known said...

RAMADAN KAREEM

Dr. Tantawy said...

شهروزة

الموضوع كبير يا حاجه :) شفتى الهنا اللى احنا فيه

كل سنه و انتى طيبه :) ربنا يعوده عليكي بالخير

ههههههه

Dr. Tantawy said...

mariaaam

لا اسقاطات :) احنا بنتكلم علطوووول ومش بنخاف من حد ههههههه

كل سنه و انتى طيبه يا مريم :)

Dr. Tantawy said...

شهيده

وعليكم السلام يا شهيده لبنان الغاليه

اميركا لها افكارها و مخططاها و من حقنا نحن ان نفكر ايضا .. لكل منا افكاره و من حقه ان ينفذها بما يعتقد انه يخدم مصلحته .. عشان كده العيب مش عليهم همه .. العيب علينا احنا اننا ساكتين و نايمين .. نتفرج ع الماتش و نقووول جووووون

كل سنه و انت طيبه و ينعاد عليكي بالخير و اليمن و البركات

كان نفسي اشوف رمضان عندكو شكله ايه :) اكيد متميز و مختلف

تحيااااااتي

Dr. Tantawy said...

butterfly



allaho akraaaaam

Nouran said...

طيب كل سنة وانت طيب يا باشا
رمضان كريم :)

Dr. Tantawy said...

Nouran

وانتى طيبه
ربنا يعيده عليكي بالخير

درش said...

هو بجد الصورة ديه مش مفبركة؟؟؟
ممكن يكونوا حطينها في اللعبة مثلا و يقولوا ده في بغداد مش القاهرة.
إنما لو يقولوا إنها في القاهرة فديه .............

هو إحنا ممكن نعمل ألعاب هنا في مصر؟

اسامة يس said...

جميل جميل .. فكرتني بعبارات كنت كتبتها زمان وكنت فاكر انها شعر بس بجد مش فاكر الا مضمونها النهاية انه كان سيق كالحيوانات .. انت غيرت النهاية بس تفتكر هيعملوا ايه مع عزرائيل ... هيسبوه ... بالمناسبة هيه النتيجة كام كام