2007/08/04

مشكله المياه في مصر


ملف صوتي
يوضح سبب مشكله المياه في مصر
المصدر / قناة ميلودي - التعليق الصوتي / شعبان ابو بـحـّه

لتحميل الملف على جهازك .. إضغط هنا
حجم الملف 1.7 ميجابايت

_________________________________


المصريه .. مش كده .. يا شوشو

ننوس عين ماما من جوه .. الفنان الكوتكوت .. جاد شويري .. عامل كليب جديد .. و كالعاده .. لازم حد يقولى انه عمل كليب عشان اتفرج عليه .. لأني بعتبره عجيبه من عجائب الدنيا .. و تحفه من التحف النادره .. ننوس عين ماما المره دي لما حب يعمل كليب جديد .. ملقاش غير المطلشه بتاعت اهله .. البنت المصريه .. فعمل اغنيه اسمها المصريه .. و جاب واحده رقاصه و قعد يطبلها ويقول .. المصريه .. المصريه .. بصراحه عنده حق .. اذا كانت وزاره السياحه بنفسها عملت اعلان .. نورت مصر .. و جابت شويه بنات بالبكيني .. و رقاصه شرقي ملبسه .. يبقى حق جاد بيه إنه يعمل ما بداله .. عموما .. المصريه مش كده .. و مصر مش كده .. و انت يا ننوس ماما متلعبش مع الكبار بعد كده .. و بالمناسبه .. أحب اوجه سؤال قصير للفنان الكبير ... هوه المفتاح بقه فين دلوقتى ؟؟؟

30 comments:

mariam said...

انا كمان لما شفت الكليب اتفقعت
هو مش بيقول غير كلمتين
الفرعونيه مصريه
روحها شرقيه مصريه


طيب ما احنا عارفين ان الفرعونيه مصريه
و بعدين
هو عارف اننا مش بنطيقه
فقرر يصالحنا بالتحفه الخالده دى اللى ان شاء الله على مزبلة التاريخ من غير مناقشه


و بعدين يا طنطاوى واحد انجازاته فى الحياه ماريا و تينا و ما شابه
عايزه يطلع معاه عالمة ذره يعنى

Crazy Nemo said...

الفرعونيه والمصريه هو مش جاد شويرى ده لبنانى اصلا طب ميعمل حاجه للبنان قبل ميعملها لمصر
انا مش هقول غير ربنا يهديه للطريق الصح وكفايه بقى

هي said...

يصيبني هذا الكائن بالغثيان الشديد
كالفطر السام هو، لمَ الترويج له؟

Dr. Tantawy said...

mariam

يا بنتى هوه هيتعب نفسه ويكتب اغنيه ليه .. اي تنطيط في تنطيط والسلام

مش بيلاقي اللي يحبه و يهلله .. خلاص يبرطع براحته بقه

بصراحه انجازاته جباره زيه .. بس نسيتى دودو هههههه

Dr. Tantawy said...

nefertiti


ربنا يهديه
فعلا جبتى من الاخر يا دكتووووره

Dr. Tantawy said...

RAT

انا لا اروج لأحد .. لكن لو تعلم حجم معجبى هذا الشيء و في مصر هنا .. ستتعجب و تلطم خدودك من الدهشه

ربما يقرء ذلك احد ممن اعتاد على تقبل ابداعات هذا الشيء كما هي .. ربما .. الله اعلم

أحمد المصري said...

يظهر في حاجات بتحصل من ورايا ..
ياعم جاد شويري ده إيام حرب لبنان
هرب وقالك مناظر العري أحسن من مناظر الأشلاء ..هوا ده راجل أصلا أمثال هؤلاء لا يقان لهم اعتبار..ما يستحقش حتى تعمله تدوينة مخصوص..الله يحرقه0

Dr.TANTAWY said...

احمد المصرى


والله انا مصدق انه ميسواش بصله .. و انه لا مؤاخده *** .. بس احيانا افعال السفيه بتخليك في قمه غضبك و محتاج تنفس عن غضبك ده في اي مكان :) و مفيش احسن من مدونه الواحد يطرقع فيها براحته ههههه

soosa el-mafroosa said...

طب و الله أغنيه تحفة من التحف
الراجل ده مجدد دايما

يعني الكليب اللي قبل ده كان بيرقص بالجنب الشمال ..المرة دي باليمين

و لكن احنا لازم نشجع الصناعة المحلية

سمعت أغنية تامر اللي بتقول

اعتذري للي هييجي بعدي
خليه يسامحني أصل أنا

اخدت كل حاجة في عهدي
و شووووفي عهدي كان كااااااام سنة

هو ده الكلام الرومانسي الشجي اللي لازم نشجعة و ننميه

و يعيش الإنتاج المحلي

3rby said...

الكومبيوتر كان بايظ فمابجيش وانت سبقتني

الكليب ده يبضن
شفت بتاع روبي
مش عارف مصر بقت ملطشة كده ليه
لا والاستاذ المخرج كاتب كلمة"مصر هي منبع الماضي وقصد المستقبل"حاجة كده لا وكاتب قبل اسمه دكتور.تقريبا دكتور نسا وترقيص
ياللا

Nouran said...

تصدق انا قرفانة من الاغنية ديه جدا وبتخلي الواحد يقشعر اغنية مقرفة فعلا يععععععععع

Hend.feps said...
This comment has been removed by the author.
Hend.feps said...

مبقاش ناقص غير سى كوكو دا كمان اللى يغنيلنا .... دا احنا البنات المصريات ارجل منه و من مليون زيه ... هو بس يورينا نفسه كدا فمصر و يقول انا جاد اهه ... و لا يقول ليه هيتشاف على طول و يشوف الفرعونية المصرية اللى على حق بأة ....

و يا جماعة انتو تاعبين اعصابكم و بتشوفوا الناس دى ليه و تدوها ودنكوا و تضايقوا روحكم ... الناس اللى زى انكل سوسو دا ميستحقش اننا نرد عليه .... هو اصلا ليه شعبية هنا ؟؟!!!

Dr. Tantawy said...

SoooSa


ههههههه
والله ضحكتيني
منه لله جاد على تامر على خيبتهم همه الاتنين .. والله الواحد جاله الضغط بسببهم .. منهم لله .. كأنها ناقصه يعنى

منك لله يا حسنى .. منك لله يا شيخ بحق جاه النبي

ملاحظه : حسنى ابو تامر حسني .. بلاش دماغك تروح لبعيد ههههه

Dr. Tantawy said...

3rby


ايوه يا باشا
دي ابداعات شريف باشا صبري .. بتاع حمله دعايه الريس .. يظهر انه لما عمل حمله الريس صدق انه بقى وطنى و بيمثل مصر .. قام جاب بنت مصر الاصيله رووووبي عشان يعملوا اغنيه لدعم مصر و الاهرامات هههههه

تحيا مصر هههههه

Dr. Tantawy said...

Nouran

شعور متبادل يا هندسه والله بس نعمل ايه ... لو الدنيا مفيهاش كائنات من النوع ده .. هنلاقي مين نتريق عليه ههههههه

Dr. Tantawy said...

hend

والله فكره .. هوه يجي هنا و يشوف البنت المصريه على حق .. لانه مش هيعرف يحصل حتى ظفرها ... بس عموما انا بدعوه يجيي مصر نركبله ضفيرتين و نلبسه طرحه و نرجعه على بلدهم عدل

عموما العيب مش فيه .. العيب في القنوات ( المصريه للأسف) اللى سمحتله يذيع الهجص بتاعه

وعجبي ههههه

Anonymous said...

اذا كان رب البيت عالدرابوكة ضارب
فشيمة أهل الميلودى....أكمل النقط

هو مش غلطان
هو معملش اكتر من اللى احنا بنعمله فى نفسنا
وأكيد شفت اعلانات السياحة

وأكيد لو كنت شوفت تعريف الدعارة فى الويكيبيديا
حتلاقى مصر واخدة فيه موقع استراتيجى محصلش....فاتحة على ناصيتين بحر

يبقا

بتلوموه لية؟؟
على رأى حليم

==============
هو مش الشخص الغير محدد الجنس و النوع المسمى جاد شويرى دة
قرر يفتح قناة بورنو بالعربى؟؟
علشان يوفر عالشوباب العربى الأفلام المدبلجة؟؟؟؟

مش يمكن الأغنية سرحت غلط على ميلودى؟؟
ولا هو مد ماسورة فى مبلودى؟؟

Anonymous said...
This comment has been removed by the author.
LAMIA MAHMOUD said...

انا لسة شايفة الكليب قبل ما اقرا البوست

والله فرحت بنفسي اوي وقررت اغير جنسيتي بما ان الحوار كده


هو مسمعش عن بنات مصر تقريبا قبل كده ومعلوماته محدودة

وبعدين على رأيك حنلومه ليه لما احنا بنقول تعالوا زورونا عندنا رقاصات
باي باي

محمد الوكيل said...

هي المصرية بقت كده؟؟
لا حول ولا قوة إلا بالله..
شكراً..
محمد المصري

known said...

i want to say my opinion in GAD SHEWARY...he is a sick teenager..all what he think about is six and ,how to make a sixy vedio clip,and the singers who r not singers must be sixy and naked.he is an animal person and his mind full of illusions ,he have a sick mind...and sorry and excuse me for all bad word i have been said
(butterfly)

Dr. Tantawy said...

شهرزوه


منووووره

اولا .. زي ما قلتى .. اذا كنا احنا بنعتبر بناتنا كده .. يبقى هوه حقه يقول عليهم الليى يريحه

بصراحه اول مره اعرف موضوع القناه ده .. بس ياريت تبقى تعرفيلي التردد بتاعها هههههههه
ربنا يجحمه مترح ماهو قاعد .. كته القرف

على فكره .. قالوووولى انك كنتي كاتبه كومنت على موضوع ملف الصوت و مسحتيه :) العصفوره قالتليى .. ليه كده ؟؟؟ في حاجه ضايقتك ولا ايه


تحياااااتى

Dr. Tantawy said...

Lamia mahmoud


ده واحد زباله .. سيبك منه
ده اخرته ان شاء الله تيجى واحده تتجوزه و تلمه في البيت يربى الاولاد .. انما اكتر من كده يبقى كتير عليه .. و علينا

Dr. Tantawy said...

محمد المصرى

اذا كان شايفها كده .. ف احنا شايفينوا حاجات كتير اووى ههههه بس المشكله مش هنعرف نعمل فيديوكليب عليه .. هيبقى مسخره هههههه

Dr. Tantawy said...

butterfly


it seems that u like him soo much hehehe , he really worth all what u have said about him .. dont be a shame of saying such words about such creature

PS: its SEXY not SIXY ;)

أشرف حمدي said...

آه
المصرية دي بشوفها في شارع جامعة الدول الساعة اتنين بالليل

غالبا المصرية دي أمه لاموآخذه

حاقة تقرف بجد .. اللي يقلع يقلع علي عيني وراسي انما انا مابعرفش أمسك اعصابي لما ألاقي حد بيشوه صورتنا بالشكل القذر ده

عرفت بقى المفتاح فين ؟

أشرف حمدي said...

ههههههههههههههههههههههههه
يخرب بيت دماغك
ههههههههههههههههههههههههه
انا حموووووووووووت .. ايه الملف الصوتي المسخرة دي ؟؟؟؟؟؟؟؟

الموسيقي اللي في الخلفية اختيارها عبقريييييييييييييي

تحياتي تحياتي تحياتي

Dr.TANTAWY said...

د/ أشرف حمدى


متشكر يا باشا على الكلام الحلو ده
الموسيقى دي بتاعت فيلم ناصر 56 .. انا قلت اجيبله القديم يمكن يفتكر ههههه

بصراحه .. انا عارف المفتاح فين من زمان .. بس مش راضي اقول عشان عيب هههههه

منوووور يا باشا

Anonymous said...

لالالالا ممسحتش حاجة مهمة والله
كل اللى حصل ان التعليق اتنشر مرتين
الله يخرب بيتها السلكة واللى مشترك فيها
كونيكشن يجيب العار

عالم تالت بقا يا ابنى

مش يرضيك طبعا ان التعليق يتنشر مرتين زى محدثين التكنولوبيا يا دكتور

ولا اية؟؟

نيااهااهاااا