2007/04/01

العشر طرق الطريه للوصول للشهره الورديه


الشهره .. احساس نفسي برضا جارف .. و شعبيه لا توصف .. ايدي تركض ورائك .. و السنه تتحسس خطاك .. و ملايين الاسطر تتحدث عنك بالخير و الشر .. طابعات تسير يوميا لطباعه صورك .. و جلسات تنقضي دوريا تروي حكاياتك .. و هنا اعطيك زبده أبحاثي في كتاب العشره طرق الطريه .. للوصول للشهره الورديه .. و التي الخصها في الآتي
-
القاعده الأولى
اقلع اكتر .. تتشهر اكتر ... و انتي و شطارتك .. اقلع هدومك شبر .. يتفتح قدامك طريق الشهره اميال .. بارز في ساحه المعركه مع قائدي حركه اقلع الدوليه .. هيفا و روبي و نانسي و دانا .. و اكيد التوفيق من عند الله
-
القاعده التانيه
اشتم اكتر .. تتشهر اكتر .. و ياسلام .. لو بتشتم في الدين او المعتقدات او المسلمات الانسانيه .. ساعتها تبقى ملك .. و ليك في هبره الشهره ورك كبير .. عندك جرنان اشتم .. عندك مدونه اشتم .. عندك قناه تلفزيونيه اشتم .. و على قدر السباب تكون الفوائد
-
القاعده التالته
اظهر اكتر .. تشتهر اكتر .. يعني الطله التليفزيونيه .. و البوزات الجهنميه .. و الصوت الحنين في المداخلات التليفونيه .. كل ما تتصل اكتر .. و تظهر اكتر .. فرصتك في الفوز تكبر .. يعني سماسره البرامج .. يعني تجار الكلام و البث المباشر .. يعني بياعين الهوى و الضحك ع الدقون
-
القاعده الرابعه
هجص اكتر .. تشتهر اكتر .. و يا سلام لو الموضوع يهم الناس .. مش مصدقني .. نجم غلاف الجرايد .. عادل عبعال .. اخصائي العلاج بالاعشاب .. طلع ممرض مش اكتر .. وهاتك يا هجص .. بطلوا الانسولين و اشربوا حلبه و قمر الدين .. لما الناس اتمخولت والدكاتره بقت هتشد شعرها من حالات الغيبوبات السكريه و المضاعفات المنيله اللي تبعتها
-
القاعده الخامسه
بلطج اكتر .. تشتهر اكتر .. قشطه عليك يا زمالك :) واقف جمبي دايما و معلم عليه .. عمنا عمرو اديب .. و عمنا مرتضى منصور .. من اشهر الوجوه الاعلاميه في مصر في السنوات الاخيره .. و السبب .. البؤ الجامد اوي .. و الصوت العالي .. و البلطجه بالقول و الفعل على الحكومه او اي هيئه او مؤسسه .. و انت و بلطجتك
-
القاعده السادسه
اسرق اكتر .. تشتهر اكتر .. يعني الحرامي الكبير .. اسمه ف كل جرنان و مجله و تلفزيون و اذاعه .. و الحراميه الصغيرين كانوا و بعضهم حاليا نجوم مجتمع .. مين ينسى الريان و الشريف .. مين ينسى لكح و احمد عز .. ناس هربت و ناس لسه بتنهش ف البلد .. و للأسف .. كلهم بقوا رجال علامات على ارض مصر
-
القاعده السابعه
اقتل اكتر .. تشتهر اكتر .. مش مصدقني .. طيب اقولك .. تعرف ممدوح اسماعيل .. قاتل الالفين مصري .. اكيد تعرفه .. و لا اعتقد انك كنت هتهتم تعرف اسم شخص زي ده الا لما عمل عملته و خلع .. يعني انته و شطارتك بقه يا عم السفاح
-
القاعده الثامنه
الحس اكتر .. تشتهر اكتر .. ياعيني لو كنت من زبانيه الحزب الوطني اللحاسين .. محمد كمال و اخوانه .. ولا كنت من الصحافيين اللحسجيه .. زي كرم جبر و اعوانه .. ساعتها هتوصل هتوصل .. و الطريق هيكون قدامك مفروش ورد و ياسمين و الناس مرصوصه عالجنبين بتقولك شوبيك لبيك .. احنا تحت امرك و بين ايديك
-
القاعده التاسعه
صيـّـح اكتر .. تشتهر اكتر .. يا عيني على هتافات الاخوان .. و لا مظاهرات كفايه .. عجبي يا عجبي .. بسرعه الناس كلها عرفت مين هوه الاخونجي .. و الكفاياوي .. من هتافاتهم الجامده .. اشي غور و اشي دستور .. اشي يا ريس مش عارف ايه .. و اشي يا عادلي روح لمش فاكر ايه .. المهم انك لما هتعلي صوتك .. هتوصل اسرع .. ولو مش مصدقني .. انزل الشارع و جرب ههههه
-
القاعده العاشره
تدين اكتر .. تشتهر اكتر .. يا عيني بقه لو مربي دقنك و ماشي في الشغل تقول الاذكار .. هتبقى الشيخ فلان و سيرتك ماشيه زي النار ف كوز الدره .. ولا لما تعمل برنامج ف التليفزيون و تقول يارب .. و قال الله و قال الرسول .. و تبقى قاعد كده ببدله اخر عظمه زي عمروخالد ولا جلابيه مكويه و مستويه زي خالد الجندي .. يا حلاوتك و انت وشك كله تقوى و منور التليفزيون
-
هذا الكتاب متوفر حول العالم من شركه دوس و انا ادوس للتوزيع و الانتاج الفني

43 comments:

Mohamed A. Ghaffar said...

الحقيقه عندك حق بس الكلام دى زى اللى قراته قبل كده

Mohamed said...

أنا مش قادر أمسك نفسي من الضحك اللي اتحول في الآخر للاحتقان ورغبة في البكاء بس عندك حق .. بوست جميل

عالمى ازرق said...

بس احنا كمان اللى بنحولهم لمشاهير
يعنى كل واحد بقي يشتم فى الحكومه اللى حواليه بيقولوله انه بطل قومى فبيزيد ويلاقى ناس تقلده وزيهم روبي وهيفا ومعظم النماذج اللى عرضتها
لو المعايير كانت جوه المجتمع صح اصلا كان هيبقي بيحتقر ناس زى اللى عرضتهم مش يساعدهم على الشهره

شهيدة said...

هههههه
أفكار طرية بجد يا دكترة

ايه الاستراتيجيات دي؟

انا حفكر في أكتر واحدة تناسبني

لكن بما انك خبير وبتدي نصايح
بما اني أنا طالبة بيولوجي... ايه أحسن طريقة تنفعني؟

تحياتي على النصايح الجميلة
ههههه

مجهول said...

صراحه يا دكتورنا
انتي موتني من الضحك
منك لله يا سيدي مكنتش عايز اضحك كده
يعني انته كتبتلي طريقي الي المجد
والي الامام انشاء الله
كنت قريت مقاله سابقه في عهود مضت للساخر الكبير محمود السعدني عن كيف تحصل علي جائزة نوبل
وكلامك ده مش حيوصلني لنوبل بس لاااااااا
ده حيوصلني لفوق فوق فوق اوي
مرسي يا باشا علي خططك المستقبليه
والف شكر
هههههههههههه
..........
ليه بقا وصلنا لكده
اللي بيقلع بيتشهر واللي بيتمنظر بدينه بيتشهر واللي بيشتم في الدين ويقول حريه رأي بيتشتم
واللي بيهجص ويفتي بغير علم بيتشهر
واللي بيسرق و يلحس وينهب
واللي و اللي
ياتري بلدنا باظت
ولا احنا اللي رحنا
ولا الدنيا اتغيرت
ولا هما صح مثلا والتانيين غلط
.......
والله عندك حق طريقه طريه ولذيذه للشهره ورخيصه فعلا رخيصه اوي
تحياتي يا دكتورنا
ومعلشي يعني كلنا زملكاويه زي بعض والبلطجه هي الحل بيني و بينك
حيله العاجز بقا

قنديل في قلبي said...

آآه منكوا يا ولاد الجزمة
ياللي ماليين شاشات البلازما
أرفتونا وخليتوا عيشتنا في أزمة
هاييجي يوم وتاخدوا بالجزمة
ونديكوا الضربة الحازمة
ويبقي مالكوش في حياتنا لازمة
آآه منكوا يا ولاد الجزمة

Nada said...

صدقت يا طنطاوي

المشكلة ليست في الطرق و لا في المشاهير المشكلة الحقيقية في الناس الذين جعلوا منهم مشاهير
وبعدين تلاقيهم يضربو اخماس في اسداس ويقولو اعوذ بالله العلي العظيم

شيسوفرنية

تحياتي

tota said...

طنطاوى
لا انا مش عايزة الشهرة لو هتيجى كده
ده فى بند من البنود لوحده فيه اعتقال ده البند التاسع حضرتك
يعنى علشان ابقى مشهورة اضحى بنفسى

وبعدين مش اى حد يعرف يبقى حنجورى يا عم لازم مميزات معينة فى الاحبال الصوتية والشكل العام اللى من شأنه بث الذعر فى نفوس المتلقيين

وبعدين فى بنود يجب تحديد هى حريمى ولا رجالى وخاصة البند الاول يمشى على صنف واحد وفى بنود تانية محتاجة تحديد رجالى برده ولا حريمى

اصلى انا اتلغبطت حضرتك يعنى لو مش عايزة اشتم ولا عايزة اقلع ولا عايزة اهتف ولا عايزة ادون من الاساس ما ينفعش ابقى مشهورة ؟ ممكن تشوف حاجة تنفع الغلابة اللى ملهمش فى الحاجات دى

ومفيش غير الطرق الطرية اللى مفيهاش حنية دى

اكيد فى امل مش كده

تحياتى

ROMIL said...

أنت مفيش حد عاجبك ولا ايه

بس برضه مشوفتش حد من اللى علقوا أختلف معاك
المهم أنت معاك حق في 80 في الميه
من الكلام اللى أنت قولته
أنا مختلف معاك في حكاية تدين أكتر

ناقص تقول صلي علشان تأخد شهرة أكتر

تحياتي
ROMIL

david santos said...

Very nice. thank you. have a good day

hapasa said...

أنا كنت داخل أعلق وأقول نفس كلمة رومل انت مافيش حد عاجبك وبرده كنت هاقول على موضوع التدين
بس تخبيطك فى كل حاجة الاخوان وكفاية على الحزب الوطنى ع المعارضى على كله ده مكيفنى ومخلينى حاسس انك موضوعى فى تناولك مش اشيف حاجة ومغمض عن حاجة
أصل المبحلقين كتير والمتصيدين كتير بس
العمى والغشم أكتر
منذر

albida said...

ههههههههههههههههه
يا عينى يابنى وشايل كل ده فى قلبك وساكت؟!!! بس تصدق طلعت مفكر اجتماعى جامد
مين تانى يقدر يجيب الأفكار الخزعبلية دى علشان يتشهر؟

أنت تقريبا وصفت 75% من الشعب المصرى

صدقنى شركة دوس وأنا دوس دى هتلاقيها اتشمعت من بكرة
ههههههههههه


manal

No Fear said...

السلام عليكم
اللي مش عارف بيعملوه إزاي بيرجعوا بيوتهم يبصوا في المرايا و لا يبصوف في وش عيالهم
بس أكيد عيالهم مش حاسين بحاجة
ربنا يرحمنا
حسبنا الله و نعم الوكيل
بس لعلمك إحنا اللي جايبينه لنفسنا
إحنا اللي بنشجع كل الناس دي
و إحنا اللي نستاهل

Epitaph said...

للاسف


دي بقت الطريقة اللولبية
للشهرة المجانية

وعجبي

عبدالله مفتاح said...

طنطاوي انت فنان وانا بحبك

ووحشني وعايز اقابلك بجد عايز اقابلك

تحياتي

عبدالله مفتاح said...

طنطاوي انت فنان وانا بحبك

ووحشني وعايز اقابلك بجد عايز اقابلك

تحياتي

شــهــروزة said...

واللى يمشى جوة الحيط ؟؟
يكسب اية؟؟
يكسب صلاة النبى؟؟

أمممممممم
واضح اننا حنبقا كلنا مفلسين

تحياتى

soosa el-mafroosa said...

نست حاجة يا طنطاوي

الإنضمام للحزب الوطني

شغال برضه و بيجيب شوية شهرة

بعيدا عن الموضوع

أنا نفسي أفهم موضوع الأخ ديفيد سانتوس ده

اللي داخل خارج في المدونات العربي

يكونش مخبر أمريكاني ده و الا إيه؟

مُزمُز said...

مية مية يا دكتور عرفت انت كده سر الخلطة السحرية
عبقري والله

وبعدين فيه حاجات من اللي قلتها ممكن تتخلط مع بعض يعني مثلا الوصفة الرابعة بتاعت الهجص ممكن تتخلط مع الوصفة العاشرة بتاعت التدين زي ما العبقري عادل عبعال عمل خلط الهجص بشوية قال الله تعالى والإعجاز في مش عارف إيه والطب النبوي والخرف بتاعه ده وبكده تضاعف الأثر وزي ما انت شفت باع آلاف النسخ من كتابه المجيد وجمع ملايين من البرامج والإعلانات

متهيألي لو خلطنا برضه الوصفة التالتة بتاعت الظهور الكتير مع وصفة الهجص مع وصفة التدين هنعمل أكبر أثر وهي دي التجميعة اللي استخدمها واحد زي اسمالله عليه عمرو خالد

وعلى فكرة برضه في كوكتيلات تانية فعالة جدا
يعني مرتضى منصور مثلا عامل ميكس من الوصفة التالتة والخامسة مع بعض

طبعا الخلطة التانية برضه مشهورة واستخدمها ناس كتيييير أوي
بس برضه الشتيمة في النظام الحاكم برضه وصفة كويسة للظهور حتى لو انت مش معارض أوي يعني اشتم كتير وانت تشتهر أوي وعندك مثلا على سبيل المثال لا الحصر مصطفى بكري

يللا طولت عليك بقى معلش

Just Me said...

ههههههههههههههههه
مسخرة !

Dr. Tantawy said...

m.abdel ghaffar


قريته قبل كده :) ماهو اكيد كل حاجه مكتوبه في حد كتبها قبل كده .. بس الرك على الاسلوب هههههههههههههههه

تحياتي يا بشمهندس

Dr. Tantawy said...

mohamed


ربنا يخليك :) خليك منورنا كده دايما

Dr. Tantawy said...

عالمي أزرق


عندك حق
بتاعت الحكومه دي بالذات انا مجربها :) و حاسس ان في ريحه تلقيح كلام ههههههههه
عموما ربنا يهدينا لأننا طول محنا بنجري وراهم فاحنا بنساعدهم يكبروا و يعلو اكتر

Dr. Tantawy said...

شهيده


يا مرحب بأميره لبنان :)

بالنسبه ليكي ف البيولوجي .. ممكن تجربي طريقه 4 4 2
هههههههه

ولا أقولك .. خليكي في الفرقعه الاعلاميه .. يعني قولي انك اخترعتي جهاز لقياس قدره كريات الدم الحمراء على نط الحواجز الايونيه في الاوعيه الدمويه الغير هيدورلوجيه بجهاز موجات صوتيه غير مرئيه

اضمنلك تشتهري في غضون يومين و نص ههههه

Dr. Tantawy said...

مجهول


اهلا اهلا اخي ف الزملكاويه هههه

يا عم متشكر اني ضحكتك و يارب دايما :) بس انا رأي تعمل خلطه من الوصفات دي عشان توصل صح .. مش بعيد تبقى امين سياسات الحزب الوطني في خلال كام يوم :) و الله اعلم هههههه

Dr. Tantawy said...

قنديل في قلبي


و عجبي ههههههه

Dr. Tantawy said...

ندا


عندك حق :) ياريتها نفهم و نبطل نجري ورا تامر حسني ف الحفلات و عادل عبعال في المؤتمرات .. و نهلل و نغني .. ياااارب

Dr. Tantawy said...

TOTA


حمدالله عالسلامه :) انتي مش ناويه تسمعي الكلام و ترجعي بقه .. والله كده وحش علينا و عليكي

بالنسبه للغلابه .. ف دول ليهم ربنا :) لا ينفع معاهم يمين ولا شمال .. سيبك من الشهره و قرفها .. هتاخدي ايه منها .. بلا وجع قلب :))))


منوره يا ست الكل :) عايزينك ترجعي تكتبي تاني بقه .. كفايه غيبه .. كفايه حراااااام

Dr. Tantawy said...

ROMIL


عزيزي :) اشكرك على اختلافك معي

بالنسبه للدين .. ف صدقني انا من اكتر الناس اللي بتحب الدين ده و بتحاول تدافع عنه .. و من واجبات الدفاع عن الدين انك متسمحش لكل وجه اعلامي مميز انه يتكلم ف الدين و يفتي و يهجص علينا و احنا ساكتين و نقول اهو احسن من الاغاني و الكليبات .. اسمحلي ده مبدئ يودي ورا الشمس

انا مش ضد الدين .. مش ضد الشعراوي .. مش ضد بعض اعمال عمرو خالد او الحبيب علي او الجندي
لكني ضد استغلال الدين للشهره و الوصول السريع

ده من جهه

من جهة تانيه .. ف كلامي موجه للناس .. مش للشخص نفسه .. في جزئ ان المتدين بيتعرف .. لأن ده واقع .. لو انتوا 10 شغالين في شركه وواحد منكم ربى دقنه هيبقى مميز و هيفضل الكل يتكلم عنه كتير .. لمجرد انه ربى دقنه .. ده مش عيبه .. ده عيب الناس اللي حواليه .. و انا كلامي ف البوست موجه للجميع

ياريت اكون وصلت وجهة نظري و فهمتها :) و مستعد للنقاش معاك في اي وقت :) منوووورني

Dr. Tantawy said...

David santos


ya welcomeeeeeee ;)

Dr. Tantawy said...

hapsa


اولا ياريت تقرا ردي على روميل .. بدل ما اكتبه تاني :))

تانيا .. انا مش بخبط في حد .. و مش بحب اجمع كل الناس ف سله واحده .. لكن ده لا يمنع انه مش عيب اننا ننتقد اي شخص يخطأ .. كوني اميل للاخوان مش معناه اني بحبهم .. و كوني بكره الحزب الوطني مش معناه ان كلهم زباله .. و هكذا

اهلا بيك يا منذر :) و ياريت نشوفك علطول

Dr. Tantawy said...

albida


ايها الساده .. يؤسفنا ان نبلغكم ان شكره دوس و انا دوس اتشمعت بالشمع الاخضر و اصبحت في خبر كاااان

انا لله و انا اليه راجعون :(

منك لله يللي كنت السبب هههههههههه

Dr. Tantawy said...

NO FEAR


متفق معاك طبعا .. لولا جرينا وراهم ماكانوش اشتهروا ولا حد سمعلهم حس .. بس انشاء الله الناس تفوق و تعرف و تفهم ... انا متفاءل ههههههه

Dr. Tantawy said...

epitaph


و عجبي فعلا ههههههه

عايزين نعمل كتاب الطريقه اللولبيه ده .. يالا جهزي الماده الخام و انا هرسمهولك ههههههه

Dr. Tantawy said...

epitaph


و عجبي فعلا ههههههه

عايزين نعمل كتاب الطريقه اللولبيه ده .. يالا جهزي الماده الخام و انا هرسمهولك ههههههه

Dr. Tantawy said...

عبدالله


انت فين يا بني من زمان
مختفي ليه ؟؟؟
طمني عليك يا باشا

انا قلت اتقبض عليك ولا حاجه هههههههه ولا اتصالات خربت بيتكم :))

مستني اسمع اخبارك يا نجم الفودافوووون

Dr. Tantawy said...

شهروذة



خلينا جوه الحيط :) كفايه علينا الستر ههههههه

تحياتي

Dr. Tantawy said...

sooosa elmafroosa


حمدالله عالسلامه :) كنت فين يا علي

الحزب الوطني طبعا على رأس القائمه و ديلها برضه هههه

دايفد سانتوس .. مممم .. بصراحه مشفتش منه حاجه وحشه .. لو عمل حاجه قوليلي هههههه

Dr. Tantawy said...

مزمز



انت شكلك بتتفرج على الشيف اسامه كتير هههههه

ايه يا عم الوصفات الجامده دي :) انته كده هتضربلي البوست اللي كاتبه ههههه

انا هجرب الوصفات دي و ننزل بيها كتاب جديد يضرب الكتاب القديم بتاع الوصفات الطريه ههههه

منورررر

Dr. Tantawy said...

Just me


حمدالله عالسلامه :)

على فكره .. انا نسيت اسم البلوج بتاعك و الحمدلله انك دخلتي عشان اعرفه و اسجله عندي تاني

نورتي البلوج

ana ga3an said...

طنطاوي باشا
شركة دوس و انا دوس
فيها توصيل للمنازل
ولا لازم اروح ادوس بنفسي

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول