-
انا نجحت يا رجاله .. جبت 80% .. يعني جيد جدا .. حاجه حلوه والله .. و فرحان بجد .. مع إن الجراحه بصراحه كانت وحشه اوي و حاسس اني اتظلمت فيها لكن اكيد الحمدلله على كل شيء .. طبعا مش محتاجه اقول ان اللي عايز يديني الحلاوه ممكن يبعتلي الشيك على الايميل .. بس بسرعه علشان الحق اجيب حته جديده اخرج بيها و اتعايق بقه .. مانا بقيت الدكتووور ههههه
-
دي أغنيه و ماله اللي كنت قلتلكم عليها .. هديه النجاح للناس الحلوين
تحميل : و ماله
-
_________________
-
الاخ المذيع الشاب خفيف الظل .. معتز الدمرداش .. يا جماعه .. لو سمحتم .. حد يشيله من قدامي .. انا بجد ضغطي بيعلى و عنيه بتحول و مش بقدر اكمل التلفزيون قدامه .. ناس هتقول متحول القناه و تريح نفسك .. هقولهم .. مش بقدر .. بعد لما بشوفه مش بقدر اكمل فرجه على اي حاجه تانيه .. بيجيلي قرف وبطفي التلفزيون و اكتئب
كائن لا يفقه شيء في أي شيء .. و على مسؤليتي الشخصيه .. احسن مكان ليه كان سائق اتوبيس او صراف على شباك تذاكر في ملاهي شعبيه .. لا أكثر و لا أقل ... انا نفسي اعرف سبب واحد يخليه مذيع .. شكلا .. بلاش نتريأ على خلق الله .. مخارج الفاظ .. بلاش نجيب في سيره الناس .. اديكم شفتوه و عارفينه و سامعينه ... طب خلينا في اخلاقه .. مذيع جلف .. معندوش ذوق و لا أدب ولا حتى اتيكيت او دبلوماسيه .. بيدخل في ضيوفه شمال .. و بيتكلم بأسلوب فظ يدوبك يليق على بياع بليله او ممبار .. لا يحترم صغير ولا كبير ما دام اختلف معه في الرأي .. من اول حلقه في برنامج 90 دقيقه و هوه بيشتم في ضيوفه .. و مازال .. مش عارف فاضل ايه .. حتى دمه تقيل .. و هزاره سمج .. تفوق حتى على سماجه تامر أمين بتاع البيت بيتك .. فاضل ايه بس .. كلامه مع مي الشربيني زميلته في البرنامج .. اللي هيه اصلا أسأل منه و بصراحه يادوب لايقين على بعض .. كلامها يشل .. و كلامه معاها ينقط .. جوز غربان
بصراحه انا زهقت من سيرته .. و اتمنى تكون اول و اخر مره اتكلم عن الشيء ده
-
______________
ألبيدا عايزه تشطب المدونه و تسيب الجمل بما حمل
هع هع هع
انتتي فاكره دخول الحمام زي خروجه ولا إيه ؟؟
لو مرجعتيش .. هحط السيخ المحمي في صرصور ودنك يا مناااااال
ده اخر تحذير .. الدواء فيه سم قاتل
خلي بالك .. انا مبقولش الكلمه دي مرتين .. ارجع يا عدوي .. مصر محتاجالك
ملاحظة : انا مش هقول اكتر من كده لأني من خلال خبره سنه و شويه في المدونات لقيت ان كل واحد كان بيمر بلحظة بيقول انا خلاص بطلت . بطلت خلاص .. لكنه كان و الحمدلله بيرجع تاني لأنه مبيقدرش يقاوم سحر التدوين .. و لا طبعا بيقدر يستغنى عن شوفتي ههههه بس هيه اللحظة بتاعتك اتأخرت شويه .. لكن متقليش .. دي اعراض صحيه .. هيبدأ التيرم التاني .. بدون النوفل و الكلشر .. ف هتقولي انا عندي وقت كتير عايزه اضيعه و هتبدئي تضيعيه في اي حاجه تانيه .. و إذ فجأه هتقولي .. إيه ده ؟؟ هيه توتا و طنطاوي و مانو و شيري و لميا و الناس فين .. تروحي جايه واخده لوك سريع .. هتقولي الله يخرب بيتكم ايه الهجص اللي بتكتبوه ده ..و تروحي مدياها تدوينه عجب بعنوان ماذا لو .. منال رجعت تاني وشوفي بقه الكومنتات اللي هتتكتب عالتدوينه دي .. هههه .. و يوميها هتعملي حفل افتتاح جديد للمدونه و هتعزميني اقص الشريط بمطوه و نقول البث رجع من تاني يا بني آدمين .. بسم الله .. الله اكبر
-
_____________________
-
إضغط الصوره للتكبير
57 comments:
مع احترامي لكلامك يا اخ طنطاوي بس برنامج 90دقيقة من انجح البرامج الهامة والجادة اللي انا بحترمها ..الحقيقة انا مش متعود اكتب وارد بس بصراحة استفزني كلامك عن معتز الدمرداش ..بصراحة انا شايف انه احسن مذيع في مصر يعد تامر امين اللي انت اتهمته بالسماجة ..اناعمري ما سمعت حد قال نقد علي معتز او تامر بجد حرام عليك الكلام ده انت اول واحد مصري او عربي يقول الكلام ده ..بجد يا اخ طنطاوي اتقي الله حرام عليك ..انا طول عمري بحترم ارائك لكن بجد بعد كلامك ده انا اتصدمت ...انا اتحدي اي واحد في مصر او في الوطن العربي يقول اي كلمة علي تامر او معتز او يصفهم بالسماجة او حتي يصف برامجهم اللي تعتبر من اكثر البرامج الجادةوالهادفة في الوطن العربي ةشكرا
انا كلامي واضح و مكانش على البرنامج
كلامي على الشخص و اسلوبه السخيف
و عموما ده رأي الشخصي
شكرا لمداخلتك
الف مبروك يا باشا
انا كدة اول واحد يبارك
بس لسة ما قريتش البوست
هأقرأها و أقولك
عموما
ألف مبروووووووووووووك
طنطاوى العزيز الف مبروك التخرج و الجيد جدا
افتح الأيميل بسرعه علشان بعتالك شيك بس ايه بالدولار
طبعا هو معقول ابعت بالمصرى
بالنسبه لمعتز الدمرداش لا تعليق لأنى مبحبش اخرج عن اداب الحوار
اما بالنسبه لمنال البيدا
انا مش موافقه بكل المقاييس انها تقفل البلوج لازم نقنعها كلنا انهامتقفلش
بالنسبه للكاريكاتير فرأيي انك فنااااااااااااااان
و ده رأيي من زمان
تحياتى
ألف مبروك النجاح.. و الأغنية حلوة قوى
انا عارفة انك ماتعرفنيش بس انا بقى لى فترة بفتح البلوج بتاعك و بحب اعرف انت كتبت ايه جديد
المهم حمد الله على السلامة و الف مبروك تانى
dr.sherbo
ربنا يخليك يا حبيبي ..و مستني رأيك لما تخلص قرايه انشاء الله
Mano
مانووو مفيش حاجه وصلت :)) بتشتغليني ماشي .. برضه مستني الفلوس
قولي رأيك في توتو وميزو لحسن الناس زعلانه اوي عليهم مش عارف ليه .. يمكن انا بس اللي بتفرج عليهم ههههه
esho
منوره المدونه :) انا عملتلك زياره صغيره كده على القد ههه
راسبوتين
يا جدع ده راسبوتين كان طيب :)) يا عم الحج ده رأي الشخضي :)) انا مش بطيق معتز ولا تامر فعلا لاقصى درجه .. لا ثقافه ولا لباقه
ممكن اعدي قله اللباقه او الثقافه ماشي .. انما الاتنين يبقى حرام .. يعني عمرو اديب و محمود سعد و منى الشاذلي و اديب و كل الناس دي لما تقارنهم بتموره و معتز .. يبقوا صفر عالشمال و حرام يشيلوا برنامج لوحدهم .. ده ظلم للي بيتفرج و يستحمل الجهل و الدفاشه بتاعتهم
ولا إيه رأيك
ألف مبروووووك وان شالله تكون حياتك كلها نجاحات ومنها للأعلى يارب
وبالنسبة لموضوع معتز والناس دول ,, انا شايفة انها حسب الموضوع الي بيتكلمو فيه وحسب مودك انت شخصيا ساعة الحلقة ,, بعترف اني ولا مرة استحملت اخلي على حلقة واحدة للآخر ,, بس بشكل عام مش هو البرنامج الحواري الانجح في نظري
انا من مشجعي برنامج العاشرة مساء والرائعة منى الشاذلي
الأغنية تحفة بجد ههههههههه كمان الي بيغني صوته مش بطّال وليه مستقبل :p
سلامات يا دوك !
راسبوتين
تمام .. الخلاف في الرأي لا يفسد للود قضيه :) متفقين يا باشا و اهلا بيك اكيد في اي وقت
اتفضل اشرب العصير بقه هههه
OLA Anan
الله يبارك فيكي يا علا
والله يا منى انا حاولت في كل المودات مع معتز و تامر لكن مفيش فايده صدقيني .. يمكن على رأي راسبوتين احيانا بستتقل دم محمود سعد مثلا .. لكن معتز و تامر مفيش فايده .. مش قادر ههههه
كويس ان الاغنيه عجبتك و اوعدك بالمزيد قريبا انشاء الله .. و احتمال نعمل فيديوكليبات بقه هههه
طنطاوى العزيز
بما ان رأيى اصبح قضية امن قومى
هقول و امرى لله
رأيى فى معنز يختلف شويه عن تامر
لأن معتز دمه تقيل على قلبى بس ممكن اضغط على نفسى و اشوفه لأن البرنامج بيقدم حاجه كويسه فعلا
لكن تامر لا و الف لا
واحد بيبرر اى حاجه الحكومه بتعملها
يهاجم اللى الحكومه تهاجمه و يطبل للحكومه تحبه
ده غير ان اللى عمله مذيع ظلمه و ظلمنا معاه
ده غير ان البيت بيتك مش برنامج اساسا
بدليل انه عمره ما كان بيتى او بيت اى حد عادى
طنطاوى اتأكد من الأيميل انا بعت لك شيك و لا انت مش عايز تقول
زنجولالالالالالالالالالا
مليون مليار مبروك
واخيرا يا عم افراج
معتز الدمرداش خنيق بس الواحد مش عايز ياخد ذنب حد ما يستحقش يعنى
اما البيدا واعتزالها الفن فاكيد مرحلة وهتعدى اطمن عادى كلنا بنمر بالرغبة دى
ده انا حتى من غير ما ادون كنت حاسة بكده ومتسألش ازاى
كالعادة كاركاتيرات جميلة
تحياتى ومعاهم احلى فرحة والله
Mano
مفيش حاجه وصلت واللللله :) انا هنكر الدولارات ليه بس
رأيك عاجبني هههههه بس هيزعل ناس تانيه اكيد .. عموما اهم حاجه ان دي كلها آراء شخصيه و الخلاف لا يفسد للود قضيه
TOTA
الله يبارك فيكي :) وعقبالك لما تخلصي الرساله و تبقى أستاذه دكتوره قد الدنيا هههه
بالنسبه لمنال انا مش قلقان بس برضه الضغط حلو :))) علشان متطولش اوي
بالنسبه للكاريكاتير دي حاجه مسح زور كده لحد لما اعرف ارسم الباقي :) الواحد دماغه مليانه بس مفيش وقت يا أختي والله ههههه
الاول مبروك النجاح .. التاني بقى .. معتز ده فاقعني انا كمان بحسني عايزة اقوله يا اخ معتز انت بلط .. ختقولي يعني اية بلط حقولك معرفش سمعتهم بيقولوها كده .. بالنسبة لمنال انا بضم صوتي لصوتك وخصوصا ان اسمي مكتوب وده شيء اسعدني .. قولها بقى والنبي بلاش الكلام ده عشان متوحشناش .. اخر حاجة بقى بلاش سيرة سفاح المعادي يجعل كلامنا خفيف عليه
الف مبروك يا دكتور
ممكن استعير منك المشرط ده اشرح جوزي و اشطفه و ارجعهولك؟
مبروك يا دكتور ..خلاص بقيت دكتور رسمي :))))))
بالنسبه لمعتز فأنا متابعتوش فمش أقدر أقول رأيي فيه
أما منال فبقولها لألألألألألألألألألألألألألألألألأ
خليكي معانا
انا معترضه معاك شويه00
لأني شايفه انه ارحم من عمرو اديب و لا علي رأيك ابو دم تقيل تامر بتاع البيت بيتك00بس انا مش بشوف معتز قليل الأدب هو العيب الوحيد في البرنامج اللي لفت انتباهي هو انهم بينهوا الحلقه مش حلو يعني فجأه تلاقي الحلقه خلصت
LAMIA MAHMOD
الاول .. الله يبارك فيكي
الثاني بقه .. كويس ان في حد متفق معايا :)) الواحد كده بيطمن ان محاسيسه لسه شغاله و بتعرف تميز هههه
الثالثه بقه .. منال .. انشاء الله ترجع :) هيه هتروح فين .. راجعه راجعه انشاء الله هههه
bastokka
ولا يهمك .. اتفضليه :)) بس بلاش جوزك حرام .. الرجاله غلابه والله هههههه
Sherehan
الله يبارك فيكي :))
بالنسبه لمعتز بيجي على المحور الساعه 10 تابعيه و قوليلي رأيك ههه
مممم بالنسبه لمنال المحاولات مستمره و انشاء الله ترجع
عقبااااااااااااااااالك لما تخلصي
koukawy
عمرو اديب .. ممكن يكون دمه تقيل .. بس على الاقل مثقف و بيعرف يتكلم بطريقه متحرجش الضيف على قد ما بتخليه يقر و يعترف هههه
يعني لو هوه دمه تقيل ف عنده مميزات اخرى
انما الاخ معتز .. معندوش اي حاجه .. لا ذوق ولا لباقه ولا معلومات ولا ثقافه .. يبقى مذيع ليه بس فهميني .. و نص شباب البلد اللي برقبته مش لاقيين شغل .. مش حرام برضه
منوره المدونه :)))
الف بركة النجاح
لولوليي
ههههههه
مبرووووووووووك
طبيب جراح حضرتك
:))
و لسة معرفتش الاسم حتي يبقي عيب ههههههه
فين الشربات
والجاتوه
و الساقع
و الحاجة الحلوة
:))
ايه ده
انت شلت ال
comment moderation
مبرررووووووووك
ههههههههه
معلهش الفرحة مش سيعاني هههههه
epi
ابيتاف عندنا
يا مرحبا يا مرحبا
انا لو اعرف كنت دبحتلك عجل :))) شربات ايه و حاجه ساقعه ايه بس .. شايلنلك التقيله ههههه
يالا بس خلصي و انا اعملك اللي متعملش ههههه
مبروك يا ريس
عقبال لما نشوفك واقف في العمليات
والمشرط في ايدك ولا اجدع جزار
ألف ألف مبرووووووووك
عقبالنا 00عندك حف معتز ده رخييييييييييم هوا ومي بس المشكلة إنه في بعض الأحيان بيعرض مواضيع هامة بس أسلوبه يحرق الدم 00ربنا يرزقه بشغلانه تانية ويريحنا00
--------
يانهار أبيض00
البيدا حتوقف لالالالالالالا أنا مدخلتلهاش كتير بس حبيت مدونتها جدااااااااا
ماشي هيا تاخد كلمتين في جنابها وبعد كده تحره تقول كده تاني0
--------
رسوماتك رائعة كالمعتاد 00خاصة بتاعة جوزيه دي 0
في انتظار المزيد 0
مع تحياتي00
والسلام عليكم0
زنجولا عارف لو مكلمتنيش
هنبتدي شغل وانا لسه مش عارف اوصلك ولا بترد على ايميلات وايميلك ده مش بيعيت
معاك نمرتي ولا ابعتهالك
مبروك يا دكترة :)كده بقيت دكتور رسمي صح ولا لسه فاضل سنة الامتياز باين صح
اما ع معتز الدمرداش وااللي معاه فعارف انا متفرجتش ع 90 دقيقة ده خالص وولا مرة شفت البيت بيتك تعرف بقى انا اخري العاشرة مساءا :)
يا خبر أبيض!!!!! أنت كاتب عنى؟!! وبتجيبوا فى سيرتى كمان؟!! وانا قاعدة أقول كل شوية بزور ليه؟!!
والله بجد مش عارفة أقولك ايه؟ ربنا يخليكم كلكم يارب ويديم صداقتنا
أنا مكنتش أتخيل أنى لما أسبكم الموضوع هيهمكم أوى كده!! مش قولتلكم أنكم متقدروش تعيشوا من غيرى
ههههههههه
أن شاء الله هنزل بوست جديد هرد عليكم فيه كلكم... وعلشان خاطركم مش هقفل المدونة
:)
شفت بقى؟ المفاجأة نستنى أقولك ألف ألف مبروك يا دكتور!! وعقبالنا يارب
أنا عايزة الحلاوة بقى مليش دعوة
وبالنسبة لموضوع معتز فأنا مش هفتى فيه الصراحة لأنى مش بتفرج على برنامج 90 دقيقة ده خالص!! أما عن تامر أمين فهو فعلا مفيش أغتت منه
manal
أولا ألف مبروك
أما بخصوص المذيع معنز الدمرداش
سيبه للزمن لو كمل يبقى أنت علطان ولو وقع يبقى أنت مش متحامل عليه
مع أني جديد في التدوين بس ارتبط بيكم جدا ومن موقعي هذا أطالب ألبيدا بالتنحي عن موقفها والا ؟؟؟؟؟
حلوة الكاريكاتيرات اللى في الاخر دول أنا من رأيي تحترف هذا الفن
ROMIL
الف مبرووووووووووووووك يا دكتور
وعقبالنا يارب
اما بالنسبه لمعتز فانا متفقه معاك تماما ونفسى اعرف مين اللى خلاه مذيع ده؟
والاغنيه جامده جداااااااااااا حلوه اوووووووووووووووووى
والكاريكاتيرات كمان تمام بس لازم يعنى تخبط فى الاهلى طب ما تخلى عندك روح رياضيه وتعمل كاريكاتير لوسام ويامن وهما فى السجن
مره تانيه مبروووووووووووك على النجاح يا دكتور
ana ga3an
يسمع من بؤك ربنا :)) و يشبعك قادر يا كريم ههههه
د/ أحمد المصري
منورني و بجد رأيك مشجع جدا :)) خليك معايا علطول هههه
عبدالله مفتاح
والله يا باشا هكلمك بس انا فعلا مزنوق اوي اليومين دول في تخليص ورق جيش و سفر و حاجه تقرف يعني .. بس وعد هبقى معاكوا انشاء الله
nouran
منوره يا شمعه :) فينك من زمان
كل ده من الهندسه
لسه فاضل امتياز انشاء الله دعواتك
بالنسبه للتلفزيون :) بجد بتفهمي انك متابعه العاشره مساءا و بس .. حلو اوي كده :) منى الشاذلي تستاهل كل خير مش زي ناس ههههه
Manal
اخيرا ظهرتي يا بنتي
ايه كل ده ؟؟ هيه الحرب قامت
مش عايزين تدوينات ولا بتاع .. ارجعي اكتبي عادي و انسيى الموضوع
و لو ليه خاطر عندك .. التدوينه الجايه عايزها
ماذا لو رجعت منال للتدوين
عايز ابداع :) بانتظار ابداعاتك يا منووووله
Romil
ربنا يخليك يا جنرال
مش احتراف ولا حاجه :) بكره الطب ينسيني اسمي :)) ربنا يستر
وبجد بنبسط لما بشوف صوره روميل دي :)) لأني فعلا بحب الراجل ده
Dody
كفاره يا بنتي .. انتي كنتي فين كل ده هههه
الله يبارك فيكي :)) و بعدين انا مش خايف على يامن و وسام .. لأن لو دخلوا السجن يبقى متعب هيشرف معاهم اكيد .. ولا إيه ههههه
الف مبروك يا دكتوووور
عقبال كل السامعين يارب
ويارب نشوفك دكتور كبير وخبرة والجرايد بتتكلم عنك في صفحة الحوادث طبعا
البحث عن الطبيب الهارب طنطاوي
قتل ميتين وخمسين ضحية خلال
ست دقائق
المجرم الهارب عمل ستين عميلة نزعكرش لسيدات نحيفات
ويقبضو عليك بقا
ويجيبو صورتك في الجورنان جنب سفاح المعادي بقا
وكل مدون يحكي قصتهع معاك
وازيك اتعرف عليك
وبعدين حقيقتك بانت
ياااااااااااااه
كل ده حصل
ايه يا عم اللي انا قولته ده
متخدش في بالك
مبروك يا برنس
mabrok
يا ربييييييييييييييييييييييييييييييى
معتز ده بيخنقنى بحس إنه بالع ضفدعة
لا بطيق شكله و لا صوته لو يرحمونا بقو و يشيلوووووه
و يلا مبروووووووك يا سيدى على النجاح
واحد من الناس
اتغطي قبل ما تنام :)) و خليك ماشي على ميه و خل و انشاء الله هتبقى زي الفل هههههه
nohaz
اللله يبارك فيكي :) ادعيلي
yara
يالا .. حزب كفايه معتز .. بقه كده عدده مناسب و ممكن نأسسه .. ههههه
الله يبارك فيكي يا ست الكل :) ابقى عدي علينا علطول بلاش الغيبه دي
ياسلام!! ليك طبعا خاطر
:)
بس ايه ماذا لو رجعت منال للتدوين دي؟ هقول فيها ايه؟!!... بقت تاكل سندوتشات بسطرمة بدل الجبنة الرومى مثلا؟ هههههههههه
وايه عمو الاحول أبو شنبات اللى أنت حاطط صورته ده؟ ناقصة هى أصلها
:)
اه... الصورة بتاعت البروفايل بتاعك بقت تهلك من الضحك!!!! يابنى الدكتور كان واقف باحترامه... خلته يغمز!! شكله جيه مصر
ههههههه
manal
ألف مبروك
عقبال شهادات ثانية
مع ان معتز ميقلقنيش شخصيا
في كثير اسوأ
هو ماشي الحال
تحياتي
الله يسامحك شرقتنى
حلوه حكاية المطواه دى بس مطوة ايه قرن غزال ولا ايه ههه
albida
ايه يا بنتي مالك ؟؟ ههههه
معدش في احترام :)) الصور لازم تبقى مسخره :) والدنيا كلها مسخره :) بجملت بقه ههه
انا مستني المدونه ومليش دعوه هتكتبي فيها ايه .. اوكي
يالا .. هستناها
على فكره :) مش تعزموني على بيتزا هت ؟؟ دانا لسه قايل اني بحب البيتزا يا عالم يا هووووو
NADA
الله يبارك فيكي
انتي فين من زمان مختفيه ليه ؟؟
انا معتز مش قالقني .. بس عاملي ححموضه علطول :) منه لله بقه
اروى الطويل
سلامتك من الشرقان هههه
المطوه ممكن تبقى غزال حمار حصان .. اي حاجه المهم تجيب الكرش من لغاليغه هههه
Mabrouk El Naga7.. Great blog. will difinetely come here again..
sarah
thanks sarah ..
will difinetely be happy to c u here always :)
Mabrouk ya dr.
I enjoyed reading in your blog..please keep on writing also after you became a Doctor
Eventful-Star
Post a Comment