2007/01/23

مره واحده

كثيرا ما نبكي .. كثيرا ما نضحك.. كثيرا ما نصاب بالضيق و الاحباط .. لكنك لم تسأل نفسك يوما .. ماذا لو كانت مشاعرنا للاستخدام مره واحده فقط.. ماذا لو كانت دموعك لا تذرف سوى مره واحده .. و لو كانت ضحكه من قلبك لاتخرج الا مره واحده .. ماذا لو كانت احاسيس الضيق و الاحباط لا تاتي سوى دفعه واحده .. أكنت تفكر بنفس الطريقهأصدقك القول .. انها فكره مجنونه للغايه .. لكنها تستحق التفكير.. وقتها ستقرر .. من تلك التي تستحق دموعك .. و من ذلك الذي قد يضحكك من القلب .. ستوفر تلك الدمعات .. و تلك البسمات .. لأنك تعلم انها لن تاتي سوى مره واحده و ستعلم وقتها .. ما اذا كانت كل لحظات الضيق التي مرت بك .. تستحق ان تشعر بها.. و ما إذا كانت كل لحظات السعاده التي مرت بك .. تستحق ان تعيش لها
سبقتك و فكرت .. ووجدت انني امضيت الكثير من لحظات الوحده و الاكتئاب .. لأجل اشخاص و مواقف لا تستحق .. و كذا قضيت اوقات سعاده كثيره في ظروف لا تستحق .. ضحكات اطلقتها لمجرد الضحك .. لمجرد الاحساس بالسعاده التي يتحدثون عنها كثيرا .. حتى و ان لم اجدها
هلا فكرت مره أخرى .. ربما اعدت تصنيف لحظات فرحك و حزنك .. لربما قضيت اوقات احلى في ايجاد السعاده الحقيقيه .. و تجنبت لحظات الضيق و البكاء و العزله في غرفه مظلمه
_______________
_______________
-
حملة قلوب طيبه

الكويت .. اللي تعداد سكانها لايزيد عن 3 مليون بما فيهم المقيمين من غير الكويتيين .. عملت حمله بإسم قلوب طيبه .. الغرض منها تشجيع الناس على التبرع بالدم .. الحمله بقالها فتره .. بإعلانات تلفزيونيه .. و في الصحف .. واعلانات كبيره على الطرق السريعه .. كل ده علشان يشجعوا الناس يتبرعوا و بدون حتى ما يكون عندهم سبب لنفور الناس .. مجرد تشجيع .. ما بالك .. بدوله تعداد سكانها 70 مليون .. فيها مصيبه تخص موضوع اكياس الدم .. التحقيقات فيها لسه مخلصتش .. و الشك عند الناس عمره ما هينتهي بسهوله .. و مع كده .. كل اللي ربنا قدرهم عليه ان سياده الوزير يطلع في الجرايد و هوه قاعد على كرسي التبرعات و بيدي دمه للشعب .. طبعا الموضوع مش محتاج تعليق كتير .. لكن كفايه اوي اللي اتقال .. و حسبي الله و نعم الوكيل

يا جماعه .. الدم فعلا مش لعبه .. و اللي محتاجينه كتير .. و حياتهم واقفه على كيس الدم ده .. و احنا ربنا مدينا دم كتير و نقدر نقدم منه نص لتر كل 6 شهور بدون اي مضاعفات .. يبقى ليه نبخل بدمنا على اللي محتاجه .. و نصيحه اخيره من طبيب للي قلقان .. لو لقيت كيس الدم اللي هيتاخد فيه العينه من صنع شركه هايدلينا ارميه في وش الفني و روح بيتكم .. لكن لو مش كده .. يبقى فكر في الشخص اللي الكيس ده هيوصله .. و ساعتها هتتمنى تتبرع بأكتر من كيس

ملاحظه : ده نموذج اعلاني للحمله .. ياريت تنزله و تشوفه .. تحميل

20 comments:

علا من غزة said...



السلام عليكم ,,

فكرة مجنونة فعلا ..

يبقى الواحد حيوصل سن 15 سنة وهو استهلك كل مشاعره :p
ويبقى انسان "خالي من المشاعر"


او مثلا لو قلنا ان المشاعر صارت تتباع ,, يعني بعد ما يوصل الواحد لمرحلة
game over!no more emotions
يروح بئى يشتري كيلو ابتسامات على نص كيلو دموع :p

لأ اكيد من فضل ربنا ان المشاعر ليست محسوبة علينا ,, صدقني كل لحظة ألم او دموع أو اكتئاب لازم تكون غيرت فينا حاجة وكونت شخصيتنا كما هي الآن ,,

انا معاك ان الانسان يكون حريص ان لا يستهلك نفسه فيما لا يستحق ,, ويكون صادقا معها في جميع الاحوال

بوست تحفة ,,

تحياتي

emz said...

فكرة طقه خالص
بس الحمد لله مش بتحصل

Dr. Tantawy said...

3ola

انا لو لحظات اكتئابي خلصت مش هروح اشتري تاني صدقيني .. الواحد مش ناقص هههههه

شكرا على مرورك و بصراحه تعليقك احلى من البوست ههههه

Dr. Tantawy said...

emz

الحمدلله على كل شيء :) بس هوه الناس مبسوطه من الاكتئاب ولا ايه
انا مش بلاقي حد دلوقتي الا اما يكون مكتئب 7 ايام في الاسبوع و احيانا 8 .. ربنا بستر علينا هههه

..........tahayo2at said...

فكرة جامدة طحن يا طنطاوي

بس انا عندي تعديل بسيط ليها

ان كل واحد يقعد مع نفسه و يشوف في حياته كم مرة فرح او بكى او .......

و يختار حاجة واحدة بس تكون هي دي المرة اللي لو كانت عندي فرحة واحدة بس كنت استخدمتها في اليوم دا
أو دمعة واحدة ........ وهكذا

هل اللي اتجوز كان هتكون هي دي فرحة العمر زي ما بيقولوا ولا اكتئاب العمر؟؟؟؟؟؟؟؟

..........tahayo2at said...

بالنسبة لموضوع الدم دا
احنا مهملين طحن

تصدق
انا 24 سنة و لسة عمري ما اتبرعت ومعرفش فصيلة دمي اصلا

ربنا يوفقنا كلنا

و اللي معندوش دم ربنا ياخده

saso said...

تبقي اللعبة بايخة..لو عرفت اي حاجة عن حياتك اكتر من اللي تعرفة هتبقي مملة اوي
مش هتعيط علشان اكيد في يوم اكئب هتحتاج فيه الدموع ومش هتحب علشان لسة مش متأكد دي مرة في العمر يعني

غالبا هيفضل رصيد زيرو لحد ما تخلص الحياة كلها ويتجمد رصيدك.. انا احب آخد رصيدي كله بقي واستلف عليه كمان

عن التبرع بالدم..المرة الوحيدة اللي تبرعت بيه في حياتي لا حد رضي يطمنني علي الحقنة ولا الكيس ولا حتي قياس ضغطي ..كده طيب مش متبرعة ..ولا هم الدكتور قاللي اتفضلي دي حاجة انسانية..طيب وانا مش انسانية يعني ومن حقي اتطمن

كنا في الجامعة يومها وصحابي قالولي ان وشي تحول للازرق مش احمر بس .. لا مش هبوط دي نرفزة.. ومن ساعتها ماكررتهاش فيها ايه لما تسأل حد سؤال يرد عليك من غير غلباوية

---
حلو البوست دة أوي

كلبوزة لكن سمباتيك said...

الاكتئاب هو عملة الحياة المعاصرة

عادي اجي اكتئب عندك و تيجي تكتئب عندي و نطلع رحلة اكتئاب سوا
و اهي ماشية
ازيك يا دكتور عامل اية؟


سعيدة بزيارتك بقالي كتير مشفتكش
:)

اروي الطويل said...

ببساطه لان الكويت الناس اللى فيها لاقيه تاكل فطبيعى هتتحول لحاجه تانيه انما احنا اذا كان الناس مش لاقيه تاكل وعندها فقر دم فما تطلبش منها انها اصلا تروح تتبرع لانها ناس خلصانه
سلام
ابقى عدى

مُزمُز said...

الفكرة مش هتبقى لذيذة
اجمل حاجة في المشاعر الإنسانية أنها خرقاء بلا كنترول

بالنسبة لموضوع الدم فأكتر حاجة كانت قلقاني ف الأزمة دي هي موضوع خوف الناس من التبرع
متهيألي ده هيبقى وسواس عند أي حد يتبرع بدمه بعد كده
أساسا الواحد كان بيخاف من غير ما يعرف أي حاجة
فما بالك بما سنشعر به بعد هذه البروباجندا
عموما مدونتك جميلة جدا
تحياتي
وابقى شرفني

albida said...

ههههههههه
أنت اتعديت منى فى موضوع (ماذا لو) ده ولا ايه؟

عارف لو كان الموضوع ده زى ما بتقول كده, كان زمانا عمرنا ما ضحكنا ولا عيطنا!!! لأن كل مرة هتفكر تضحك او تبكى هتقول لنفسك:لا.. أنا معرفش اللى جاى, خليهم معايا أحسن!! وبعدين أفرض الدولة رفعت الدعم من على الضحك والدموع.. نعمل احنا ايه بقى ساعتنا؟!! هنحتاس طبعا!! وهنروح نستورد من بره, والله أعلم بقى البضاعة اللى هنستوردها هيكون فيها ايه؟.. مش يمكن تكون ملوثة هيا كمان زى أكياس الدم اياها
:)

أنا من رايى أننا منكرش فى أى ضحكة بنضخكها أو أى دمعة بتنزل من عينينا لن احيانا صعب اننا نتحكم فى مشاعرنا, ثانيا ده كرم من عند ربنا أن احنا بنقدر ننفس عن اللى جوانا.. ليه بقى نقعد نفكر فيه كتير؟

manal

tota said...

زنجولا
فكرة الجزء الاول من البوست شدت تفكيرى جدا
وخلتنى اتسائل هو احنا بنتحكم فى انفعالتنا لدرجة اننا نحدد نضحك امتى ونكشر امتى ونحزن امتى
ولا ده رد فعل طبيعى للحدث
سيبك من الاداء التمثيلى وقولى على الواقعى تقدر وانت تحت تأثير خبر جميل زى مثلا نجاة حد عزيز عليك بأعجوبة من الموت او فرح حد يتحبه جدا او لحظات نجاحاتك الشخصية او من تحب انك تحزن فى الوقت ده

اه ممكن لما تتعمد تجتر ذكريات محزنة بس هتلاقى نفسك بتقاوم الحزن ده علشان عايز تستمتع باللحظة دى
وساعات الحزن بيفرض نفسه فى حالة وفاة شخص عزيز ينفع تقلب اللحظة دى فرح
اظن التحكم فى المشاعر الحقيقية فعلا صعب شوية

والحمد لله ان ربنا منحنا فرص كتير من كل حاجة فرص لا منتهية غير بانتهاء حياتنا


الجزء التانى
شوفت الصورة بتاعة الوزير وهو يا حرام واضح على ملامحه الاعياء الشديد
عرفت كمان ان مفيش اى مخزون للدم فى مصر على الاطلاق وان الكمية الموجود تكفى فقط يوم بيوم

الحقيقة ان الحملات اختفت من مدة طويلة وما اظنش من غير توعية مستمرة وتوضيح للاحتياج الناس من نفسها فى همها ده هتروح تتبرع بالدم
فاكر زمان الحملات كانت بتروح الكليات وتجمع كميات كبيرة جدا
الموضوع بيحتاج تجهيز وشحن مشاعر وباستمرار وبدون توقف وفى نفس الوقت وياريت كمان بقى نتأكد من عدم وجود معاناه بقى للناس اللى محتاجة للدم والا هيكون تضاد فى المعنى
وكمان فى فكرة انه كل متبرع يحصل على نتيجة التحليل الخاصة بالدم بتاعه فى جميع الاحول يتم تحليل الدم ليه الاستفادة متكنش للطرفين المتبرع يطمن على نفسه والدم يروح لمستحقه
وكأن المتبرع عمل تحليل دم مجانى

عارفة ان الموضوع عاطفى اكتر والمفروض من غير مقابل بس لا ضرر من الاستفادة طالما تمت فعلا

ما تيجى نعمل حملة المدونون للتبرع بالدم بس مش فى اكياس هايدلينا
اهو نضرب عصفورين بحجر

تحياتى

عبدالله مفتاح said...

حبيبي زنجولا
افتح ميلك كده وبص فيه ورد على الميل

تحياتي

Dr. Tantawy said...

DR.SHERBO


أولا / تعديلك جميل والله و فكرته حلوه

تانيا / الجواز .. اوله ضحكه و اخره .. ولا بلاش ههههه

ثالثا / مش عيب تبقى دكتور و لسه متبرعتش ولا مره هههههه
احنا كنا بنعمل حملات تبرع كل تيرم في الكليه و طبعا كنا لازم نبقى اول ناس نتبرع علشان نشجع الناس اللي حوالينا .. زائد اننا كنا بنعمل فحص دم مجاني لكل حاله في بنك الدم و ده مشجع في جد ذاته .. يعني بتعرف فصيلتك و تحليل فيروسات ببلاش

تحياتي يا دوك

Dr. Tantawy said...

SASO

انا مقصدتش بالمعنى ان الضحك و العياط يكونوا برصيد :) لكن قصدت ان الناس بقه عندها قابليه اكتئاب بطريقه مستفزه .. لايمكن يكون مكتوب عليه كل يوم واحد من صحابي مكتئب مثلا .. ده مش طبيعي
المصيبه انه اكتئاب لأسباب هايفه جدا جدا .. عشان كده بقولهم فكرووووا في السبب قبل ما تفكروا في الاكتئاب نفسه

موضوع الدم .. انتي تجربتك في الكليه كانت وحشه و هيه اللي عملت كل ده .. لكن لو رحتي اي فرع من فروع بنك الدم .. هيعاملوكي كويس جدا ( على ضمانتي ) و هيدوكي عصير و احتمال هديه هههه زائد انهم هيعملو فحص كامل للفيروسات ( مش علشان سواد عيونك ) لأ .. لكن علشان لازم يتأكدوا من خلو العينه من الفيروسات .. و بالتالي هتعرفي نتيجه الفحص ده .. و يبقى كأنك عملتيه ببلاش :)) )شفتي الدنيا حلوه ازاي مع الوووو

Dr. Tantawy said...

Sampateeeeeeeeek

انتي اللي فين .. حرام عليكي الغيبه دي كلها .. حد ينسى شعبه يا ناااس
ولا صحيح .. ما هو عملها قبلك ههههه

ما علينا .. المهم
مش عايزين اكتئاب .. انتي بالذات المفروض تنشري الضحك مش الاكتئاب

منورررررررره

Dr. Tantawy said...

أروى الطويل

اهلا بيكي

الكويت لاقيه تاكل .. ههههه .. ما هو الاعلام منه لله موريكي الكويت على انها كنز فلوس .. مع انك لو بتقري جرايد الكويت هتلاقي ناس حالتهم تصعب عالكافر
وبعدين .. الكويت سكانها الاصليين مليون نسمه و الاتنين مليون اجانب يعني زيهم زينا برضه غلابه .. ف مش مبرر

الحمله مش بتكلف حاجه يا أروي .. لكن في ظروف زي اللي احنا فيها محتاجين نطمن الناس .. لان اللي كان بيروح يتبرع ده كان بيعملها صدقه .. عود نفسه انه كل كام شهر يروح يتبرع مره .. منجيش نعمل بروباجندا على الاكياس بالشكل اللي حصل ده و نطلب منهم بعد كده يروحوا يتبرعوا ببساطه .. و لا إيه

Dr. Tantawy said...

مزمز

خوف الناس من التبرع سببه انهم متبرعوش قبل كده ههههه

صدقني لو راحوا مره واحده هيلاقوا الموضوع ابسط مما يتصوروا .. كل حاجه معقمه .. و الفنيين ناس بسيطه و لذيذه و مقدرين انك جاي تعمل حاجه تطوعيه .. مش زي موظفين الحكومه يعني

منور المدونه :) و انشاء الله هعدي اتفرج على مدونتك حااااالا

Dr. Tantawy said...

aLbidaaaa


انتم السابقون ونحن اللاحقون هههه

انا رأي مخالف لرأيك :)) الواحد لو مفكرش في لحظات زعله هنبقى في الحال بتاعتنا دلوقتي .. اكتئاب علطول و حاجه تحرق الدم بلا داعي

ولو مفكرش في لحظات سعادته هيكتشف انه بقى شخص " أخرق " بيضحك على اي حاجه و لأتفه سبب لمجرد انه يضحك و يثبت لنفسه انه فرحان

لازم نفكر .. وصدقيني لو فكرنا هنبقى ناس طبيعيه .. بمشاعر متزنه .. مش شعب كئيييييييييييب

تحياتي :)) و ماذا لو .. مممم .. هفكرلك في حاجه جديده هههه

Dr. Tantawy said...

عبدالله

ازيك يا باشا .. واحشني والله
انا رديت على ايميلك
اي خدمه

و الف مبروووووووك