2006/12/07

صبح صبح يا عم الحج

تحديث .. تم إضافه شويه كاريكاتورات
-
القوات المسلحه .. للأمااااام معتدل مارش
أعوذ بالله أن اكون بزدري القوات المسلحه او بقلل من هيبتها ( ربنا يفك ضيقتك يا طلعت ) ولا اجرئ انا المواطن المصري المفعوص ان انتقد اي اجراء تتخده قوات بلادي المتسلحه .. على واحده ونص .. لان همه دول الرجاله اللي بيحمونا و يرفعوا راسنا وسط الاعادي .. لكن ليه عليهم عتاب بسيط يقترب من عتاب الاحبه مش اكتر واللللله .. يعني بالصدفه كده كنت بقلب في جرنان خيبان اسمه الاهرام و لقيت في ملحق السيارات ان طائرات هليكوبتر عسكريه .. آه والله عسكريه .. حضرت في عرض افتتاح سيارات نيسان الجديده .. و ان الطيارات دخلت قاعه الاحتفال و نزلت منها السيارات في حركه اوريجينال عجبت كل الحضور .. وانا مفيش بيني و بين نيسان اي عداوه و الله ولا اعرفهم اصلا .. و لا عندي توكيل شاهين ولا نيله .. لكن نفسي افهم حاجه .. ليه الطيارات دي مبتكونش موجوده لما بتحصل حادثه و بتكون الوضعيه خطيره .. ليه ماكنتش موجوده ايام حادثه العباره و القطر .. ليه مش موجوده لما عشره ولا عشرين بيموتوا في حوادث الطريق السريع .. و لما تسأل ليه مصر مفيهاش هليكوبتر طوارئ زي الافلام الامريكاني يقولك نقص امكانيات .. ماهي الطيارات موجوده اهه .. و بتطلع رحلات ملاكي لحساب الشركات المخصوص اللي بتدفع فلوس .. يعني اقدر اقول .. ان القوات المسلحه على وشك التخصيص ولا إيه
-

-
-----------------------------------------
-
حسني يا حسني
كالعاده .. انتهت قضيه فاروق حسني ب يبقى الحال على ما هو عليه .. و كلنا خطائين .. و خير الخطائين الوزراء .. و مفيش مشكله و احنا مغلطناش في البخاري و سلسله التبريرات السخيفه اياها دي .. لكن بصراحه مقدرتش امسك نفسي من الضحك لما شفت الصوره دي منشوره في المصري اليوم .. السيد الاستاذ احمد عمر هاشم رئيس اللجنه الدينيه في مجلس الشعب كان موجود في مؤتمر الصلح بتاع السيد فاروقه و بيقولو انه منطقش ولا كلمه من ساعه ما دخل .. و الصوره بصراحه جايبه من الآخر
انا ليه ملاحظه بسيطه جدا .. يا ترى هوه شعوره ايه دلوقتي .. لما الدين بقه تحت مظله الحزب الوطني .. موقف غبي جدا ولا يحسد عليه .. راجل علامه اسلامي بارز و مشهود له بالكفاءه في كل مكان .. يلاقي نفسه فجأه مضطر يقعد جنب واحد مش عاجبه بسلامته الحجاب .. ومش بس كده .. ده مش قادر ينطق كمان بأوامر عليا .. حسبي الله و نعم الوكيل فيكي يا بلد

-
-----------------------------------------
-
من تلاجه طنطاوي و طرشيه
بمناسبه فقر الافكار الشديد اللي اعاني منه اليومين دول .. و بمناسبه موضه التجديد اللي نازلين فيها من اول مروه و اغنيه اما نعيمه .. والمسلسلات والافلام اللي طلعوها من برطمانات الطرشي علشان يدوها وش عسل و يرجعوا يعرضوها تاني .. قلت انا كمان مليش نفس ولا إيه .. ف فكرت اعرض شويه الاغاني اللي الواحد كان بيكتبها زماااان ايام موقع طنطاوي الله يرحمه يمكن يكون في حد لسه مشفهاش ولا حاجه .. اهه ينوبني فيه ثواب ههههه
-
-
-
------------------------------------------
-
حبه فرفشه
-

Image Hosted by ImageShack.us
بكره هيطلع و يقول كده .. ده مهما كان سواق غلبان .. هيعمل ايه قدامهم


Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us



17 comments:

tota said...

زنجولا

موضوع الطيارة افتكرته من كام يوم
لما كان فى حادثة على الطريق وسيارة الاسعاف مش ممكن توصل قبل على الاقل ساعات وسرحت مع نفسى بجد فعلا وانا متخيلة ان الانسان ده ممكن يكون اب او اخ او انسان عزيز عليه ممكن يكون احساسى ايه وانا بشوفه كده وكل ثانية بتفرق معاه
ليه فعلا مفيش طيارات طوارئ للناس العاديين
هو فى طيارات وفى كتير بس هو احنا مين ونعنى ايه لمصر علشان دمنا يكون غالى
قصدى نعنى ايه لحكومة مصر مجرد كائنات عاملة زحمة وازمة فى البلد وكل ما تخلص من شوية يبقى خير وبركة

يبقى يستحسن تسيبهم للمرض والفقر والسموم تفتك بيهم زى المصرى اليوم ماهى كاتبة عن 80 % من اهل قرية فى الفيوم عندهم فشل كلوى والتهاب كبدى وبائى بسبب التلوث واختفاء مياه الشرب

بصراحة عندما تموت ادمية الانسان قبل جسده لا يصبح هناك اى قيمة اخرى

فاروق حسنى ما زلت اظن ان وراء السماح بفتح النار على فاروق حسنى شيئا ما سوف يحدث فى التغيير الوزارى القادم لانه نفس سيناريو يوسف والى سابقا
يسمح بفتح النار ورفض الاستقالة ويغيره فى التغيير الجديد قول يارب

فتحت تلاجة طنطاوى واكلت كل الطرشى بس فعلا كان حادق قوى وحراق قوى لانه بيوصف بحرقة احساسنا

تحياتى

ROMIL said...

جامد
صباح الفل يا طنطاوي

ROMIL

..........tahayo2at said...

صباح الفل يا عم طنطاوي
ربنا يفك اسرك من الكلية دي علشان تكتشف ان كل التعب ده راح في البدنجان

و انك لا دكتور ولا حتي تمرجي في أي دولة محترمة
دا الواقع اللي هتصدم بيه -زي ما حصل لي- بعد أول صفحة تقرأها في أي كتاب معادلة حتى لو المعادلة التنزانية

عموما شد حيلك كدة و اذا عرفت ان في مستشفى في انجلترا محتاج ممرضات

اعمل حسابك نذاكر مع بعض جايز يرضوا يعادلولنا شهادتنا بدرجة ممرضة

islamventura said...

nice blog
ممكن اقول لك ان انت ضربت على وتر حساس جدا و مهم جدا
سرعة الابلاغ او التراخى
هى التهمة الموجهة للمهندس ممدووح اسماعيل وولده عمرو ملاك العبارة السلام بوكاتشيو 98 و اذا بنا نعرف ان الدولة و الجيش المصرى عندهم اجهزة لاستقبال الاغاثة و بالفعل استقبلوا رسائل من دوول صديقة و دول غير صديقة بشأن العبارة الغارقة فى وقت الله وحده العالم به
و اجد ان صاحب العبارة عندما يعرف بعد الدولة تكون مهمته انتهت لانه جهة غير قادرة على الاغاثة

و تعيش

Anonymous said...

ههههه
ايه غرام و انتقام ده

و بعدين حلوة اوي صورة فاروق حسني و عمر هاشم دي


سيبك بقي من كل ده

انت عامل ايه؟
:)

soosa el-mafroosa said...

ارمي حملك عليا

ما هي ناقصة يا مصر هيه

ههههههههههههه

و الله يا طنطاوي انت دماغ

انت أصلك مؤسسة

لحظة صدق said...

يا صباح الفل
عاوزة اعلق على كل حاجة
بس بجد المعلقات حلوة طحن
و زمانها اتنشرت هوى
بعد اذن سيادتك طبعا
و الأغنية حلوة قوى
سلام عليكم
و ربنا يخلصك على خير من ايدين الأعادى

Dr. Tantawy said...

@ tota

الوصفه السحريه بعد اكل الطرشي انك تحلي بمانجه سخنه و هتبقى زي الفل
اخبار الباثولوجي ايه ؟؟؟


@ romil
متشكرين يا زعيم و خلينا نشوفك دايماااا


@ dr.sherbo
والله ماهي ناقصه تشاءم الواحد شاف اللي مكفيه ههههه
الدكتور جاي في لجنه شفوي جراحه يسألني باطنه .. اعمله ايه ده ؟؟ حسبي الله و نعم الوكيل


@ islam
أشكرك يا باشا و منورنا والله
متفق معاك 100% طبعا


@ epitaph
الكبير كبير برضه :))))


@ soosa
مؤسسه مع ايقاف التنفيد :) نظرا لوجود مشاكل بين المساهمين .. اريد حلااااا

عبدالله مفتاح said...

طنطاوي حبيبي الابداع يسري في عروقك مسرى الدم

..........tahayo2at said...

احمد ربنا يا أخي
على الأقل الباطنة قريبة شوية من الجراحة

انا في النسا اتسألت في استخدام الطحالب في النسا
و اللي جنبي اتسأل قي الوزراء و المحافظين و نقص 5 درجات علشان معرفش محافظ دمياط و وزير التنمية المحلية

و في الجراحة اتسألت بنحط البروب بتاع العلاج الاشعاعي على بعد كام سم من مركز الورم؟؟؟؟
دا اسمه ايه؟؟؟؟

لحظة صدق said...

عايزة اعرف بس ايه ده كله
ما شاء الله
اومال لما تخلص هاتعمل ايه
مش هانلاحق مثلا

Anonymous said...

رائع

شهيدة said...

سلام عليكم
انا زينب من لبنان
عجبني أسلوبك بالحديث
وأنا رأيي ان معاك حق تماما
لكن انت عارف بقى عندنا في الدول العربية الامن مستتب ما فيش داعي لارهاب الناس بصوت المروحيات ومش مشكلة لو دخلت اسرائيل لبنان بلاش نستعمل الأسلحة والطيارات في الخليج عشان نساعدو والا حتتوسخ الاسلحة وتبقى غير صالحة للعروض العسكرية والاحتفالات الملكية، وبلاش نصلح السكك الحديدية أو العبارات خلي الناس تموت في مصر ويخففو الكثافة السكانية شوية
يعني هو ده التحليل المنطقي للقرف اللي بنعيشو نحن الشعوب العربية

3rby said...

البوست ده فعلا موجع
لما الطيارات مش بتطلع غير بامر الريس ساعة الحوادث
يبقي الكبير واخد كام من نيسان؟
وابن ال....اللي اسمه احمد عمر هاشم ده
ناقص يطلعوا فتوة بكره يحثوا فيها علي حب اليهود

ana ga3an said...

الكاريكاتير مسخرة يا دكترة
اساسا الراجل حسب ما شفت لقاءة مع اديب

مجبش سيرة العصاية اساسا
وكل اللي قالة انة انجلد و انضرب
او جايز انا مشفتش البرنامج كلة

علي اي حال عملية البواسير مكلفة برضة
ودة راجل غلبان كتير خير الحكومة
انها عملتهالو مجانا

بس هو التعقيم قبل العملية مش قد كدة
لكن البنج ممتاز

Anonymous said...

قوات مشلحة؟؟
اتشلحت امتا؟؟
طيب الاندروير بتاعها محلاوى ولا فرنساوى؟؟
ولا هى ناوية تبقا استربتيز لما تتخصخص؟؟
يعنى من الاخر مين اللى حيشتريها؟
غبوّو ولا نيسان ولا مرسيدس؟؟

وطنطاوى دة
مين اللى فكه من الشوال اصلاا؟؟
طيب مين اللى عمله راس قلقاسة كدة؟؟

واحمد عمر هاشم
ماشى بمنطق الكاظمين الغيظ والعفين عن الناس ولا شو القصة؟؟

الكاريكاتير يجنـــــــن

تحياتشى

eZz said...

يا سيييييييييييييدي اهو كله برتقال خلي الشباب ينبسط ما هي الطيارات باركة ومبتتحركش خليهم يقلبوا لقمة عيشهم ويشوفوا رزقهم .. اهو علي الأقل يعملوا بالإيجار المتأخر عليهم !!!

إلي الأمام يا بلد ..!!