المستشار / محمود حمزة .. الذي تم التعدي عليه و ضربه أمام نادي القضاء من رجال الشرطة لأنه كان يصور إعتداءاتهم على المعتصمين أمام نادي القضاء إيه يا بلادنا بتبكي ليه ؟؟
حقـنا فيكي خلاص نهبوه ..
يوم ما رفضنا نشيل الظالم
اللي سجنه .. وقلنا سيبوه
ماهو يا خوانا الحال المايل
باقي مهما فضلنا نحايل
طول ما الحق خلاص ركنوه
حتى القاضي اللي بينصفنا
جوه بلدنا يا ناس ضربوه
قدام باب القضا يتمرمط
تحت ايدين عسكر شتموه
هانوا القاضي اللي بيحمينا
واقف دايما قلبه علينا
يقوموا كلابهم يجيوا ياخدوه
جوه البوكس هناك و رموه
بكره يقولو عليه ارهابي
او سفاح من نوع مش عادي
طول ما الكل خلاص نسيوه
فاضل ايه علشان نتحرك
سوا .. ونقول للناس دي اتفوو
عمر الحق ما يرجع وحده
امتى هنصحا يا خلق يا هووو
No comments:
Post a Comment