تحديث
-
بمناسبه ما يحدث في فلسطين الآن .. أردت أن استعيد معكم تدوينه كنت قد كتبتها في مايو الماضي .. لظروف متشابهه
-
_______________
-
-
لم تخطط لحياتك منذ البدايه .. تركت نفسك للامواج و ستخذلك .. قالها .. و صدقته
انتسبت لمهنه الطب .. ولم تعمل لها .. فلن تعطيك .. قالها .. و صدقته
لا يعتبرونك رساما محترفا .. حتى و إن كانت لك الموهبه .. لن تصبح رساما من وراء حجاب .. قالها .. و صدقته
لم تقدم لها الواقع .. ولن يكفيها الخيال .. انت ضيعتها من يديك .. قالها .. و صدقته
اللعبه ليست رسمه جرئيه .. او كلمه تثير القارئين .. السياسه ليست لعبتك .. قالها .. وصدقته
انت تقف الآن ما بين تقاطع العوالم المختلفه .. و لن تطأ أيا منها ما دمت حائرا .. قالها .. و صدقته
خذ إجازه من نفسك .. و فكر مع نفسك .. من أين تبدأ .. و كيف ستبدأ .. قالها .. و صدقته
نظرياتك صارت متحجره .. و آراءك لا تقبل التطويع .. في عالم صار يحوي كل المتناقضات .. قالها .. و صدقته
-
-
-
-
______________________
تاج متمرر من العزيزه مااااااااااانو
ومقدرش اقولها لأ
-
-
-
اية اللي حيحصل لايميلك لما تموت؟
هيفضل كده من غير ما يتفتح لحد لما الشركه تقفله و ترش ميه
اديت الباس وورد لحد قبل كده؟
عمري ما عملتها ولا بفكر اعملها
لو اه كانت طبيعة علاقتك بيه اية؟
والله ما هعملها هههههه
اسمك؟
طنطاوي :) شفت النصاحه
اسم الدلع المشهور وسط اصحابك؟
مليش .. ومحبش يكون ليه اسم دلع .. لاعتبارات شخصيه هههه
عمرك؟
24 سنه
برجك؟
العقرب
مجال دراستك؟
الطب البشري
شخصيتك نوعها ايه؟
مستفز .. سئيل .. طيب إلى حد ما .. صبور إلى حد كبير .. مقنع في الحوار حتى بدون خلفيات سابقه عن الموضوع .. براااوي و ممكن يفوت سنه مسألش فيها عن اصحابي برغم اني بحبهم جدا
المود بتاعك؟
تايه .. متشكك .. قلقان
وقت فراغك بتعمل فيه ايه؟
اولا و ثانيا و ثالثا .. الكمبيوتر .. انترنت و كلام مع صحابي
رابعا .. ممكن الخروج .. و الفرجه على الافلام الاجنبي .. و متابعه مباريات الكوره وخصوصا الزمالك
الاكلة المفضلة؟
كتير ههههه .. المكرونه .. الممبار .. محشي ورق العنب .. و حبيبي هارديييز
الصفات اللي خدتها من بابا؟
دماغ ناشفه اقرب ما تكون الى الحجر الصوان .. و في نفس الوقت الهدوء وقت المشاكل و التعامل بعقل
الصفات اللي خدتها من ماما؟
الفن .. بكل اشكاله .. الرسم و الفنون اليدويه و الموسيقى .. و الطيبه
اكتر 6 حاجات بتكرهها؟
ـ الناس الزنانه و عديمه الذوق
ـ اي نوع من كتم الحريه خصوصا في الرسم
ـ علاقه الحب من طرف واحد
ـ التعدي على الدين من كل من هب و دب
ـ وصول الاشخاص عديمي الكفاءه الى قمه النجاح و الشهره ( تقدر تسميه حقد ) ههههه
ـ ان الانترنت يكون مقطووووع مع أني دافع الاشتراك
اكتر 6 حاجات بتحبها؟
ـ ابويا و امي .. ثم اخويا
ـ مراتي مستقبلا انشاء الله .. لو اتجوزت ههههه
ـ هواياتي : الرسم و المزيكا
ـ ادخل على الماسنجر و ألاقي ناس عايز اكلمهم
ـ سكودا اوكتافيا .. دي عربيه على فكره هههه
ـ مانو .. اللي مررتلي التاج ده .. عشان منساهاش برضه
الشغل بالنسة لك؟
لسه مجربتش الشغل بدوام كامل .. لكن كنت احيانا بشتغل على خفيف كده .. و بصراحه .. بكره الالتزام .. خصوصا لو الشغل المطلوب حاجه فنيه .. سواء رسم يدوي او كمبيوتر .. بكره ان حد يربطني بوقت معين لأداء عمل .. و بكره اكتر تدخله في التفاصيل .. و موتي و سمي لما يقولي عدل حاجه في الرسمه .. ببقى هاين عليه احط القلم في عينه
ايه الكمبيوتر والانترنت بالنسبة لك؟
اهم حاجه في حياتي .. بعد البني آدمين
الخمس حاجات اللي ماحدش يعرفها عني هي ؟
ـ شخصيتي .. يعني اسمي و شكلي و كده
ـ احلام حياتي .. دي ف دماغي انا بس
ـ اني شخص غير طموووح
ـ كائن قادر على التعايش بدون بشر نهائيا
ـ عمري ما درست الكاريكاتير .. و لا نشرت في مجله او جرنان .. برغم ان ايميلات كتير بتوصلني من ناس معتقده اني رسام كاريكاتير كبير و عمري فوق الاربعين هههههه
خمس أشخاص تمررلهم التاج ده ؟
ـ لحظة صدق
ـ الاهلاويه رضوى .. شفتوا الروح الرياضيه
ـ ابيتااااف.. ربنا يرجعها بالسلامه ههههه
ـ سووووسه .. اللي باعتنا من زمان
79 comments:
يا زنجولا
انت موهوب بكل الطرق
بس انا مخنووووووووووووووق
انا لغاية دلوقتي موصلنيش منك اي رد
زنجولا هشد شعريييييييييييييييييييي
تحياتي
يا زنجولا ايميلك مش بيبعت
كلمني لى البيت ولا الموبايل انا بتلك المواعيد اللي ممكن تكلمني فيها
تحياتي
ازيك يا دكترة
الف مبروك الحرية و ربنا يوفقك في الطب لانها مهنة جني الحسنات ان اخلصت النية
اللي انت كاتبة دا جامد بكل المقاييس مش بس الكلام قي حد ذاته
بس لانه يصف حال معظم من امتهن مهنتنا العظيمة و اولهم انا
وخصوصا الحتة بتاعت
لم تقدم لها الواقع .. ولن يكفيها الخيال .. انت ضيعتها من يديك .. قالها .. و صدقته
و ربنا يعوض عليك و علينا جميعا
بس انا مش مقتنع
انا مقتنع ان كل قصة حب اقوى من اي ظروف
دا مش كلام اغاني
و لكنه واقع انا مؤمن بيه تماما
و مقتنع انه أكبر طظ في الدنيا لواحد اتخلى عن واحدة او واحدة اتخلت عن واحد بحجة الظروف
و عموما مفيش حاجة ستاندارد
standard
كل حالة و ليها ظروفها
ولكن
love comes first
عندك حق فعلا... الحالة دى بتيجى لكل واحد فينا لما ينهى مرحلة فى حياته ويبدأ مرحلة جديدة.. بيبقى الموضوع عامل زى ال
cross road
بتبديتى تسأل نفسك يا ترى الطريق اللى انا مشيت فيه ده صح, طب لو صح أكمل على انهى طريق دلوقتى؟ ولو غلط أقف ولا أكمل ولا أعمل ايه؟
ربنا يوفقك للى فيه الخير ان شاء الله
وعلى فكرة الصورة لفتت انتباهى!! اختيارك ليها جامد جدا
ياترى الشخص ده يفضل شايل الحكل ده على كتفه للأبد؟ ولا يرميه وبعد كده يتنطر هو وميعرفش مصيره هيبقى ايه؟
manal
مين ده اللي عمال يكسر ماديفك؟؟
يا عم اشتغل ترزي
و اهو كلها خياطة
ياسلام على الكلام الجميل ..مبروك عالإفراج ربنا يوعدنا بس عارف إيه هيا أحسن كلمة قلتها ..خد أجازة مع نفسك وفكر مع نفسك..الله عليك00
مع تحياتي 00
والسلام عليكم0
وياريتك ما صدقته
ليه صدقته؟
عبدالله
خلاص يا باشا هكلمك انشاء الله
ولا يهمك :))
dr.sherbo
والله كلامك بيهون عليه بيحسسني اني مش لوحدي اللي كده هههه
بالنسبه لموضوع الطب .. صحيح انا قصرت لكن اتمنى يكون في اي فرصه للتعويض انشاءالله .. على الاقل في التخصص اللي الواحد هيختاره
بالنسبه للحب .. لا اتفق معاك ههههه
الظروف .. و خصوصا في مصر .. مش في الافلام .. بتفرتك اي قصه حب ممكن تكون موجوده .. و الدليل .. شوف اي قصه حواليك هههه
منوووور يا دوكتور :)
albida
انتي لسه 19 سنه و بتتكلمي كلام كبير اوي :)) منين كل ده
كويس ان الصوره عجبتك .. طلعت عيني عقبال ما لقيتها
خلينا نشوووفك :)
sampatek
عودا احمد :) و محمد و كل العيله
ده مش واحد اللي بيقول :) دا انا بقول لأنا برضه ههههه
ترزي .. لا لا .. مش من مستوايا .. انا عايز افتح كشك تصوير ورق .. بيكسب دهب
د/ أحمد المصري
منورني يا دكتووور
حلوه الافراج دي .. كفااااره مش كده ههههه
3rby
مقدرش اكدب نفسي :) امووووت
انا شايفه ان اهم حاجه الواحد يحدد هو عايز ايه
و يحاول ينفذه
انا مررت لك تاج يا ريت تشوفه
تحياتى
Mano
متشكر جدا يا مانووو
خمس دقايق و يكون التاج جاهز هههه من الفرن اهه
وانا كمان والنبي
في تاج مستنيك عندي
ادخل برجلك اليمين
سلام :)
أنا متّ متّ متّ
إرحمونى
حد يتكلم فى حاجة كويسة
المفروض إن التذكير بالقرف ده يبقى مرحلة
و نتجاوزها و نبتدى نبقى
positive
بس طبعاً مقدرش أنكر إنك
very bery talanted
من عند الجيران.. ههههههه
أنا فعلا سنى صغير ومتعرضتش لخبرات كتيرة فى حياتى لكنى من النوع اللى بيقلق ويخاف من المستقبل علشان كده بفكر فيه كتير.. وبكرهه فى نفس الوقت
أنت كمان اتدبست فى التاج؟!!... أهلا بيك فى نادى المدبسين
:) :)
بس أنت طلعت جدع فى موضوع المكرونة والأفلام الأجنبية والرسم ده... أما عن الزمالك بقى فشكلنا هنتخانق
ههههه
ربنا ستار, هو فيه حد بيقول أنه زملكاوى دلوقتى
:)
بس ايه حكاية معندكش طموح دى؟!! أنا استغربت فعلا.. مع انى بحس من كتاباتك أنك طموح جدا
manal
3ola
ربنا يخليكي
انا والله كنت عمال افتكر امبارح ابعت التاج لمين و كل ما افكر في حد الاقي التاج عنده
و كنت فاكر ابعتلك انتي و منال بس فتحت موقع منال لقيت التاج عندها و نسيت خالص اكتب اسمك
اعذريني و انشاءالله تكوني مسامحه :)) تحياتي
Yara
ربنا يخليكي على
talented
دي
مش أوي كده يعني هههه
عموما اوعدك بموجه تفاءل جامده اوي جايه في السكه ... وعد مني :))) هههه
منوره المدونه
albida
زبونه المدونه رقم واحد .. هههه .. إيه رأيك في اللقب ده .. مبروك عليكي .. تيجي تستلمي جايزتك بكره من شركه ايديال
انا زملكاوي للأبد ههههه
موضوع الطموح :) لأ .. انا فعلا مش طموح .. ولو كنت طموح ماكنش زماني هنا .. و مكنش زماني لسه قاعد على الكمبيوتر برسم كل ميت سنه رسمه
يعني بقه ..ظروف هبقي احكي عنها بعدين هههههه
ابقى عدي دايما متقطعيش بيه ههه
غريبه فعلا انك معندكش طموح
مع ان يبان غير كده
و من جهة رسم الكاريكاتير انت موهووب
تحياتى
وأنا كمان أول مرة أتعرف عليك يكون في تاج
بس إجاباتك واضح منها إنك في مفترق طريق .. مفترق البداية .. وده أصعب مفترق
ربنا يوفقك ويهديك للطريق السليم .. وربنا يقدرني وأعرف أقرأ كل مدونتك
MANO
هقولك نفس كلام اللي قلته لمنال
موضوع الطموح :) لأ .. انا فعلا مش طموح .. ولو كنت طموح ماكنش زماني هنا .. و مكنش زماني لسه قاعد على الكمبيوتر برسم كل ميت سنه رسمه
وموضوع الكاريكاتير .. ربنا يكرمك مش اوي كده
كده برضة يا طنطاوي؟
شكرا ع التاج
بس بذمتك و أنا عارفاك حقاني
مين فينا باع التاني؟
عموما شكرا يا أبو الدكاترة ربنا يخليك لينا و تتيجنا كمان و كمان
تحياتي
يا مراكبي
نورت المدونه يا بشمهندس
و عايزين نشوفك دايما
sooosa
حرام عليكي .. انتي اختفيتي مش عارف فين و طلع عزال :)) و بعد كده اختفيتي خالص وكنت بدخل اكتبلك والله علطول و برضه مش بشوفك خالص :)) عموما منوره و سمدالله عالحلامه
مصر معاك .. مش نسياك .. لما تكون في نهايه الكون :)) مفيش مبروك عالتخرج ؟؟ انا خللللللللصت
اكثر ما اعجبنى هنا مقدمة التاج
المهم تكون صدقت فعلا لان معظم ما قاله صحيح
صاحب بالين كداب
واسال مجرب
:)
ههههههههههههه
حاضر هاجى استلم الجايزة!! مش عارفة ليه فكرتنى باعلانات اريال بتاع زمان لما كان الناس اللى بتكسب بيقعدوا يقولوا زى العبط: اريال اريال .. اوه اوه
هههههههه
ربنا يوفقك يارب فى أى حاجة أنت بتعملها
وابقى روح اشتريلك حقنيتين طموح من الصيدلية.. جامدين جدا على فكرة
:) :)
manal
قالها و صدقـــّـــت بوست رائع و على فكرة انا صدقته
اجاباتك على التاج لذيذه جدا
الاغنية حلوة
انت نسيت اصحابك القدام
حتي انك ترد علي الايميلات اهملت ده
براحتك
ميرسيه يا دكتور على التاج
واجاباتك حلوه اووووووووى
ومن باب الروح الرياضيه مبروك على المكسب النهارده
تدوينة جميلة
حلم
اللي قالي الكلام ده هوه انا :)) ف أكيد انا مصدق انا :)) حد فاهم حاجه
albida
حلوه اوي الدعوه دي .. ربنا يخليكي هههه
هنزل ادور عالحقن دي دلوقتي حالا .. بس لو طلعت غاليه هدفعك النص بالنص .. مش دي شورتك
ahmed_h
ربنا يخليك يا باشا
كله من ذوقك .. انا كنت بخرف كالعاده و طلعت تدوينه هههه
mamdooh
كفايه ان الاغنيه عجبتك :)))نورتني يا جميل
nohaz
يا بنتي حرام عليكي والله
والله العظيم انا برد على ايميلاتكم انتي و عبدالله
عموما انا هكلم عبدالله و افهم ايه الحكايه انشاء الله
ممكن اعرف انتي قفلتي مدونتك ليه ؟؟؟؟
dody
ومبروك ليكي يا اهلويه :)) عايز اشوف اجاباتك على التاج بقه
sharm
منور يا باشا .. اهلا بيك
kol magi a3mlcomment 3andak l page matefta7sh msh 3arfa ih l 7az da...
3mooman nice tag
Ana ba7eb kol l scorpions eli zayy lellah fe lellah:D
w 7lwa qalha w sada2to de ma3 enni 7assa eni mahma 3amalt le teb msh hatedeeni 7aga 3shan kda msh ba3mel:D
زنجولا
من ساعة ما غيرت الصورة وحطيت الدكتور وهو ماسك السلاح الابيض اللى يعاقب عليه القانون ده وانا خايفة بصراحة ادخل اقول انى مش هديلك الفرصة تمررلى التاج وكل يوم اقول هدخل واتشجع واقول ولو جاه المشرط فى خلقتى وعملى عاهة هروح على الحج جرجس وشرقاوى وحموم الانسان واطلب حقى
بس براوى ؟ لا مش عارفة ليه مش حاسة انها حقيقة ممكن بتنشغل شوية ومش تقليدى فى فكرة اللى يسأل عليه لازم اسأل عليه
كمان بعد كل الكاريكاتير اللى بتعمله منشرتش حاجة خالص عيب عليك دى اقل كلمة اقولها ليك مع الاعتذار للمطربة
بس الوعى مصرى عاملة معاك واجب نشر هايل بصراحة
واخيرا الشغل للجدعان ومن لم يلتزم بالمواعيد لوحده مديره هيخليه يلتزم وخليك فاكر
تحياتى
على فكرة ياطنطاوي الأغنية الل انت حاططها دي جمييييييييييلة ماكنتش واخد بالي نها قبل كده بس لما سمعتها 00حاجة تانية0!!
spellz
welcome bel scorpions kolohom :)
shedy 7elek w zakry .. el teb 3yz mozakra 3shan el mozakra .. msh mozakra 3shan el emt7anat wel daragat .. law 7abety el teb hayedeky i am sure .. lakn el wa7ed kan kol hamo yezakr akher shahr 3shan elemt7an :( w ady el natega ...
rabena yostor 3alena :)
TOTA
ازيك يا ست توته
التاج عندك و لازم يتعمل مليش دعوه :) مفهوووووم
لو ملاقيتهوش عندك هعملك ليله .. انتي حره هههه
بس ايه رأيك في الصوره الجديده .. مش جامده و مرعبه هههه
الوعي المصري انا مش بدخلها والله ف مش عارف شغل ايه .. لكن انا منزلتش حاجه جديده اصلا .. تلاقيها رسومات حد تاني مش انا
انا مش برسم لأني مش فاضي والله ورايا مليون حاجه اعملها .. اول لما اروق هغرقكوا كاريكاتور انشاء الله
دعواتك معانا يا دكتوووره
د/ احمد المصري
يا باشا ده المبدع حجاب و على الحجار .. لازم يكون تحفه هههههه
على فكره .. الاغنيه دي كانت اول تدوينه كتبتها في البلوج ده .. بستبارك بيها يعني ههههه
عجبتني الاغنية قوي
علي الحجار جميل
--
اتمرر لي التاج ده بس مجوبتوش بصراحة
اجاباتك انك اوقع
تحياتي
النا عماله تكتب عن ورق العنب و مشفناش حاجه مش معقول كدا
راعو شعورنا يا جماعه ابعتو اي حاجه بطلو تجيبو سيرتو
ربنا ما يوقعكو في جوعه
تحياتشي
عجبتنى اجاباتك على التاج قوى
جبت م الآخر..دا كويس
انت بتحب المحشي والممبار وهارديز..همممممممم
اتوقع على كده انك من ذوى الاوزان الثقيله
بس باين فعلا من كلامك انك براااااوى لأبعد الحدود
ربنا يستر وماتضربنيش على الكومينت ده
sampatek
ربنا ما يوقعك في ضيقه .. ياريت تعملي حله محشي ورق عنب لميمو .. لحسن هتعملي فضيحه ههههه
memo
انا وصيت كلبوظه و انشاء الله هتعملك محشي ورق العنب و تبعتهولك .. اي خدمه
منوره يا ست الكل ههههه
وينكي
متقلقيش معندناش ضرب .. في مطاوي و مشارط بس ههههه
انا مش من الاوزان التقيله اوي .. نص نص ممكن :)) بس مش الهارديز و الممبار والمحشي السبب .. دي ترسبات قديمه .. ههههه
متشكر على زيارتك .. نورتينا
إنت عقرب برضه؟
مش تقول كده من زمان
بالحضن يازميل
طول عمري أقول العقرب ده برج الإبداع
على فكرة ده برج فولتير وبيكاسو
تحياتي أيها العقرب الصديق
مزمز
كلنا لها ههههه
العقرب اجدع ناس .. خصوصا لو مواليد شهر اكتوبر كمان شهر العظماء :)) اي خدمه .. الواحد مش عارف والله يعمل ايه بس انا مبحبش اسيط لنفسي يعني ههههه
منور يا معاااااذ .. معلش اصل معاذ اسم جميل اوي و خساره اقولك يا مزمز و انت شايل اسم زي معاذ
Lol ya reitak knt nasa7teny ml awel bs ana fe sana 5amsa wli ra7 ra7:D
ana 7tta msh bazaker a5er shahr :D
we Rabna yostor 3leena f3ln
i sent 3 emails u replied one
and i changed the blog name thats all
كلامك جميل اوى
ومؤلم لحد ما
spellz
zakry ya benty balash dala3 :) haneeet hehehe
nohaz
i dont know your new blog .. thats it :)
i really didnt recieve except one and i replyed it walahy
Miss u :)
الورده السوده
ربنا يخليكي
بس مش مؤلم اوي :) خليكي فريش احنا في رحله
تحياتي
صباح التدبييس
عملته
بس ميرسي انك افتكرتني معاك في التدبييس
و مبرووووووك التخرج يا دكترة
ناصح أمين
حمدالله عالسلامه يا عماد
انت فين يا عم الحج
دي اغنيه ( يا مصري ليه ) كلمات عبدالسلام حجاب و غناء علي الحجار
بس بجد جامده يعني
على فكره كلمات الاغنيه موجوده في اول تدوينه انا كاتبها هنا هههه اتفضلها
epitaph
انا قريت التاج .. جامد اوي
بس لسه معرفتش اسمك برضه ههههه
:) mesh 7egah
sahl te3raf my new blog by clicking my profile
sahl tewsali be email
sahl tewsal le abdala
u changed but long time ago
and its up to u
believe me i dont care
its ur life
& ur friends that at least u lost some of them
take care we rabina yewaf2ak
اول مره ليا هنا
شكلك كده مبدع
عجبني جدا البلوج
ويبدوا اني هكون قارئ دائم لك
لك تحياتي
انت فين ؟؟
مش أخدت الأجازه الكبيره وبقيت فاضي ؟؟ غايب ليه بقى ؟؟
هههههههه
يا عم البشرية عرفته هناك
و انت اصلا ليك تاج عندي
بتاع الخمس حاجات دبستك فيه
بالشفا
انا واثقة انى كنت سايبة كومنت هنا
هو راح فين
غريبة اوى
بس كان حلو
حظك بأة
شكرا ع التاج
اول مرة حد يمرر لى تاج
تمريرة هايلة
فلسطين هتفوق لما احنا نفوق و بجد البلوج بتاعتك كلها جامده
هاها حلو اوى البوست ده بس احنا عاوزين خمس حاجات فضايح
لا اسكت الله لك حسا
Nohaz
ana lesa 3arf now en leky blog tany walahy ..
i didnt change walahy , its all en kan 3ndi emt7anat :) w enty aktar 3wa7da konty bt2oleely zakr ..w matkhalesh 7aga teday3 wa2tak :)
3omoman .. wellcome back to the blogs :) enty ostazy fel blog and u know that ..
daktara
ربنا يخليك يا زمل :) منورني والله و خليني اشوفك علطوووول
ناصح امين
مستنيك يا جميل
عايزين شغل جامد بقه :)
sherehan
انا هنا :) كنت مستني النتيجه و مشغول بشويه حاجات كده :) عقبالك نجحت هههه .. عايز حلاوتي بقه
epi
انا عامل التاج ده من زمان :) اقرئيه كويس ههههه
وبعدين مخدش عرف اسمك لسه .. قوليه و ريحيني بقه انا صاحب عيا
ههههه
bescuita
اعتبريها وصلت :) انتي عارفه يعني كلامك بيوصل من غير ما تقوليه هههه
توته توته
ربنا يخليكي
ادعي من قلبك و ربنا هيفرجهاعلينا كلنا انشاءالله
اروي الطويل
منوره المدونه .. انا معنديش فضايح اكتر من اللي قلته .. مش كفايه ولا ايه هههههه
انا كنت مستني النتيجه و الحمدلله طلعت .. عايز الحلاوه بقه
Post a Comment