كاريكاتور
المزيد ... قريبا
____________________________
إن بعض الظن .. إثم
-
ـ لما واحد عسكري ولا ضابظ ميسواش تلاته تعريفه يضربك على قفاك .. لا تظن فيه السوء .. لأنه القفا ده ربما يكون وقاك شر عصايه مقشه معووجه او كرسي مقلوب على وشه
ـ لما اولمرت ييجي يزور مصر في عز الضرب اللي شغال في فلسطين تقوم الناس تزعل من مبارك انه استقبله ..لا تظن فيه السوء .. مش يمكن الراجل جاي من بلدهم و جايب للريس عقد عمل في السعوديه
ـ لما ابن عميد الكليه او استاذ فيها ياخد مكانك في التعيين و انت تاخد صابونه و تطلع تصيح و تقول كوسه كوسه .. لا تظن فيه السوء .. مش انت نفسك وافقت قبل كده على ان في نعجه طلعت من النعجه دوللي لما عملوا منها كوبي و باست .. اشمعنى الاستوساخ .. اقصد الاستنساخ بتاع العميد اللي زعلت منه
ـ لما الاهلي المصري يخسر من الاسماعيلي تلاته صفر .. و الاهلي السعودي يخسر من الزمالك المصري واحد صفر .. لا تظن السوء فيهم .. و لاتغير انتماءك الاهلاوي .. لأن الاهلي المصري هيلعب مع الاهلي السعودي على التالت و الرابع في بطوله الموكوسين الدوليه .. و يمكن ياخد التالت تاني .. و تفرحوا بيه ههههه
--
زنزانه خمس نجوم
-
على مسؤوليه السيد مدير امن اسكندريه و كما نشر في المصري اليوم .. اقسام الشرطه في الاسكندريه فيها زنازين لاولاد الناس المحترمين .. اللي ساقهم القدر لدخول القسم و البيات فيه للصباح .. فهنيئا لكم ايها الشعب .. و انا من مكمني هذا بقول لكل واحد عايز يتمرد او يرتكب جريمه من اي نوع .. عليك و على اسكندريه اهه على الاقل تضمن تبات ليله التخشيبه بعيد عن حسن شفه و عجوه الاعور
-
-
مقارنه بسيطه
-
استغرب اوي صديقي السعودي لما لقاني بشتكي من الامن في مصر و من تصرفات الضباط اللي ميختشوش .. قالي اومال لو كان عندكو هيئه كنتو عملتوا ايه .. و الهيئه لمن لا يعرف مجموعه رجال لابسين جلابيات بيضه قصيره .. و ماشيين في الشوارع بسلطات تخولهم ضبط اي تحرش او فعل فاضح في الطريق العام و تحويل صاحبه للشرطه فورا .. زي انك تمشي مع خطيبتك في الشارع او انك تمسك ايد مراتك في وسط الطريق العام .. كله بالقوه و البلطجيه لدرجه انه مفيش مجال انك تتناقش معاهم .. كفايه تطبيقهم لامر النقاب بالقوه الجبريه رغم ان الدين لم يفرض النقاب .. فإزاي همه يفرضوه .. ده غير انهم بيرفضوا قياده المرأه للسياره بالرغم من انه بيسمحوا بتواجدها في السياره منفرده مع السائق
بصراحه .. انا قلتله يعني انتو عندكو كل الليله دي و زعلانين .. طب ما احنا كمان عندنا بدل الهيئه .. ولاد المضايقه .. و ولاد المضايقه همه مجموعه من الافراد لابسين بدل سوده و لابسين حله تيقال على دماغهم و في ايدهم نشابات ماشيين بيها ورا واحد قفا كبير اسمه ضابط .. مترح ما يحب يدوس بصابع رجله يشاور للرجاله ... القوات تتقدم .. تروح متقدمه علطول و تحول المكان لمعركه حربيه .. تحت اسم .. معارك و غزوات قوات الامن المركزي .. همه برضه بينفذوا الشرع .. بس الشرع بتاعهم .. اللي هوه احمر و عليه ورد و بأستك .. يأمرون بما يأمرهم به قائدهم .. و ينهون عن كل ما يغضب حاكمهم
و النتيجه ايه .. الهيئه .. صنعت الكبت .. والكبت في السعوديه اخرج شباب مخنث و شاذ جنسيا .. بشهاده السعوديون انفسهم .. و اخرج بنات معقده و مكبوته و تنتظر الفرصه لاظهار انوثتها في أول مطار عربي او اجنبي .. إلا من رحم ربي طبعا و هم كثر الحمدلله .. لكني بتكلم عن المشاهد السلبيه اللي حصلت نتيجه الكبت ده .. اما ولاد المضايقه .. الامن المركزي سابقا .. فصنعوا الكبت ايضا .. كبت اخرج لنا شباب ديوث و مخنث برضه .. و مستقبل اسود و مهبب علينا و على البلد كلها
-
-
رد على موضوع البهائيه
-
في ناس كتبت في التدوينه السابقه .. ان وجود اسم بهائي في البطاقه بتنفع في حالات الجواز علشان الاهل ميتغشوش في العريس .. طيب يبقى برضه من حق الشاذ جنسيا انه يكتب نوعه .. و من حق البوذي و الكونفوشي و البطيخي يكتب ديانته .. علشان منتغشش فيه برضه .. و نبقى فتحنا الباب لكل صاحب فكره منحرفه انه يسجلها .. تبقى غاغه يعني .. و بعدين انا نفسي افهم .. البهائي لو كان مسلم زي ما بيقوله مكانتش بقت دي مشكله .. انما البهائيين ليهم كتاب خاص غير القرآن الكريم .. بيدفعوا زكاتهم لمركز رئيسي للبهائيه في القدس .. اللي هيه اسرائيل عدم اللي لا مؤاخده .. و بيصلوا بمزاجهم .. صلاه كبيره و صلاه صغيره و صلاه ميجا ميل .. ف يعني لو واحده هتتجوز واحد او اتجوزته فعلا . و مش عارفه كل التفاصيل دي عنه .. امال اتجوزته بأماره ايه انشاء الله .. كانوا بيتكلموا في ايه .. بحبك وحشتيني .. و كان الله بالسر عليم .. ساعتها هيه اللي تستاهل اللي هيجرالها
لو واحد اتجوز واحده و اخفى عنها دينه .. يعني ده داخل بغش و تدليس .. هل الحل بقه انه يكتب بهائي في البطاقه .. و اذا كانت البنت اصلا ممكن متشوفش بطاقه جوزها غير ليله كتب الكتاب .. و بتحصل كتير يعني .. و لنفرض ان اهلها عرفوا ساعتها بعد ما الغشيمه فضلت مخطوبه له كام سنه بدون ما تعرف .. هيكون الحل ايه .. فركشه الجوازه ليله كتب الكتاب .. يا فرحتي .. نفعتكوا اوي البطاقه ساعتها
الحل واضح ..لما النبي عليه الصلاه و السلام قال خطبه ..كان السبب تعرف الزوجين على بعض .. و اذا كنا احنا هنقضي الخطوبه كلام تليفونات في نص الليل و خروجه للسينما و لمسه ايد و بوسه خد .. بدون ما الست تعرف دين جوزها و معتقداته .. يبقى كل سنه و هيه طيبه و حلال عليها .. البهائي ده
-
-
حبيبي و انا جنبك
تعرف بحس ب إيه
و انا بشد في نفّـسك
ببقى عايز اقولك ايه
-
يا محلى الدنيا و انا جنبك
يا كل حياتي .. محتاجلك
حشيشي يا عمري .. متسيبنيش
و حياه أغلى غرزه عندك
وميحرمنيش منك .. و ميقطعنيش عنك
-
حشيشي النهارده لازم تعرف .. إنك عاملي دماغ
انا بحبك .. بحبك .. لو إنت في قرش او انت في ساغ
و آآآه .. ياحبيبي .. و حياة أحلى شمه منك
و ميحرمنيش منك
-
حشيشي البلد دي لازم تنسى
انك عايشها .. صحيح
انا بقولك .. يا قلبي .. عاللي من الآخر .. و مريح
و آآآه .. يا حشيشي .. ما اللي احنا شايفينه في بعدك
و ميحرمنيش منك
--
-
صدام مات
-
لأول مره احس ان ماما امريكا .. غبيه .. كنت دايما بتخيل امريكا .. في الاول .. على انها صوره مشفتهاش قبل كده .. دايما في افلام الكارتون او السينما .. كان البطل الشرير الذكي .. يموت في نهايه الفيلم .. بينما كانت الاداره الامريكيه بالنسبه لي .. هيه البطل الشرير .. اللي مش بيموت في نهايه الفيلم .. بالعكس .. بيكمل و يعمل اكتر من جزء كمان .. لا شفت جيمس بوند عرف يوقفها .. ولا كونان قفـّل عليها و ضربلها كورسي في الكلوب ... محدش قدر عليها .. بالعكس .. كل العالم سلـّم لقضاء امريكا
لكن دلوقتي .. امريكا تنازلت .. بالنسبه ليه على الاقل .. عن دور زعيم المافيا العبقري .. و المخطط الرائع .. و رضيت بدور نص كم .. اللي هوه دور الحرامي الاهطل في الافلام التجاريه او الكوميديه .. يعني .. امريكا اللي كانت ماسكه صدام .. اللي دوخها و دوخ العالم كله .. و اللي وصلتله بطرقها العبقريه برضه .. اللي خلت واحد من اهله ( و باعتراف صدام نفسه) يبلغ عنه و يقبض 25 مليون دولار و مقضي حياته فل الفل في المنطقه الخضراء في بغداد .. و لان الضحيه كانت في ايديها و الادله كلها موجوده .. سواءا كانت الدجيل او الانفال او الغزو على الكويت .. لكنها مع كل ده .. عملتله محاكمه مسخره .. هتفضل في التاريخ للأبد .. و كأنه بريء محتاجه اميريكا انها تلفقله اتهامات بطاله .. و تساويه في مشهد اعدامه .. المؤلم .. مع احمد زكي في فيلم البريء .. مع الموسيقى الرائعه .. و صوت الكناريا .. و مشهد ضرب الرصاص ... اللي كل لما تشوفه .. تدمع .. مع ان كان في ايديهم يبعتوه على محكمه العدل الدوليه و يخلصوا من الليله دي كلها بايد بيضاء ..و كان اقل قاضي ساعتها بتلاته مليم هيحكم عليه بحكم محترم و لو فرضنا حتى انه كان اعدام .. ف كان ساعتها هتكون محاكمه مجرم حرب .. و سفاك دماء .. مش تحوله لبطل .. و تخلي الاخوه المصريين الافاضل يخرجوا في نقابه الصحافيين و المحاميين كاتبين جمله تشعرك بالغثيان .. ان صدام حسين على مسيره عمر المختار و جميله بوحريد
____________________________
صوره و تعليق ... عاش الهـتـيـفه
______________
______________
حين يزقزق زقزوق
خير اللهم اجعله خير بيقولو ان مصر دوله اسلاميه .. ده الدستور اللي بيقول كده .. و بيقولو ان في وزاره اسمها وزاره الاوقاف و الشؤون الاسلاميه .. و بيقولو انهم اختارو وزير كناريا علشان يمسكها اسمه حمدي زقزوق .. المستر زكزوك بقه أبى ( حلوه أبى دي ) إلا ان يكون وزيرا .. و يمارس وزاريته علينا و كانت النتيجه ان سياده الوزير المحترم .. كرش .. يعني طرد .. احدى المشاركات في ندوه يحضرها .. لأنها .. بنت اللذين دي .. اللي اهلها مش عارف جابوها منين .. كانت منقبه .. تخيلوا المصيبه اللي هيه عاملتها .. مش عارف بأي وش جايه تحضر المحاضره و هيه منقبه .. اوم الوزير المحترم يقول انا ارفض النقاب .. تماااااما .. بالذمه ده اسمه ايه .. مش زقزقه غراب .. لما وزير الشؤووون الاسلاميه يطرد واحده منقبه .. عايزين وزير السياحه ولا الإعلام يعمل فيها ايه .. حسبي الله و نعم الوكيل
42 comments:
ميجور طنطاوي
........ ايظن
فعلا ياراجل كنا ظالمين الناس
وأنا بقول حصل ايه في الدنيا
.........
يا حلاوة زنزاناتك الواحد اليومين دول محتار يقضي الويك اند بتاعه فين
وجدتها
.........
أنا بختلف معاك في موضوع الهينه وأقول ان الوضع في السعوديه اسوأ من وضعنا في مصر
أنت ضخمت وصف الوضع في مصر شويه
........
البهائيون يعني من قلة المشاكل
......
أغنيه دماغ وأحب أسألك هو أنت اللى لاففها قصدي مألفها؟
..........
صدام مات علشان قال لأ كبيره لأمريكا
ولنذكر انه في عز طغيانه كان الحلف الاول لأمريكا في المنطقه وده هو العار بعينه للعرب كلهم
ROMIL
السيدالفاضل دكتور طنطاوي
أنت رجل كتاباتك ساخرة ولاذعة ولا عيب في ذلك. لكن السخرية دون وعي وتفكير جاد هي مجرد فوضى
أنا لا أفهم سر هذا الخوف من أن يتزوج بهائي مسلمة دون علمها أو أهلها بحقيقة أنه بهائي وأصبح هذا الهدف الرئيسي لبعض الناس في مطالبتها بتدوين الديانة بهائي في البطاقة. سابوا حرية العقيدة وحقوق المواطنة وحقوق الانسان كل ده يولع. المهم البنت ماتتجوزش بهائي. سيدي الفاضل في الشريعة البهائية الزواج مسموح من الديانات الأخرى بشرط عدم تدوين البهائي لدين غير البهائية في أي من العقود - مدنية أو دينية - وبشرط أن يكون هناك عقد زواج بهائي الى جانب أي عقد آخر. وعقد الزواج البهائي لا يكون صحيحا الا اذا وقع عليه العروسان ووالد ووالدة كل منهما بالموافقة بالاضافة الى اثنان من الشهود. وبالنسبة للبهائيين في مصر فغير مسموح لهم أساسا بالزواج من أي ديانات أخرى. أي أن هذا السيناريو المرعب الذي تتخوفون منه مستحيل أن يحدث أساسا. وإن حدث فالشخص لا يعتبر بهائيا بقيامه بالزواج بهذه الطريقة وألف مبروك للعروسين وهنيئا لأي دين انضم له هذا الشخص
على فكرة. من حق البهائي والبوذي والسيخي واللاديني انه يسجل حقيقة معتقده في البطاقة الشخصية مادام مطلوب ذكر الديانة في البطاقة. ولو مصرين على اختراع التلات أديان بس ده يبقى تسمح على الأقل بتدوين أخرى. أو شيل الخانة خالص. لكن تجبر شخص على كتابة مسلم وهو ليس مسلم ده قمة العبث
نعم البهائي ليس مسلم كما ذكرت. وهذا ليس فقط ادعاء من البهائيين انهم اصحاب دين مختلف ولكن بأحكام كل الشيوخ وأولهم قاضي محكمة ببا الشرعية سنة 1925 لما قال ان البهائية "دين" قائم بذاته له كتبه وأحكامه المختلفة عن الاسلام. يبقى منين وزارة الداخلية النهاردة بتقول يكتبوا مسلمين أو مسيحيين؟ وماحدش لغاية دلوقت اقترح أي حلول. لو انتو مش موافقين نكتب بهائي ونكون بلد محترمة طيب نعمل ايه؟
بعدين انتو مش هاترحمونا بقى من هسهس اسرائيل ده؟ لو كان على البهائيين أي شبهة بالتعاون مع دولة اسرائيل ليه لغاية النهاردة محدش حتى وجه اتهام لأي بهائي بالجاسوسية أو العمالة؟ دا حتى عبد الناصر في قراره الجمهوري بغلق المحافل ماجابش سيرة اسرائيل. مش وحشة منك برضه وانت رجل واع لممارسات الاعلام الغير منصف وتلفيق التهم لتشويه السمعة انك تصدق كلام روزاليوسف وصحافة المخبرين؟ البهائيين في فلسطين قبل قيام دولة اسرائيل باكتر من خمسين سنة. كنت عايزنا نعمل ايه بعد احتلال فلسطين؟ نعزل؟ ننقل قبر رسولنا مكان تاني؟
وبعدين حضرتك بتصف البهائية بأنها فكر منحرف بدون شرح ليه انت معتقد كده. في أيه في البهائية يجعلها فكر منحرف؟
بعض الانصاف مفيد. وشكرا لوقتك
http://egyptianbahai.wordpress.com
على فكرة أسلوبك فى التعبير عن ارائك عجبنى جدا
أنت طرحت قضايا كتير أوى وكلها أنيل من بعض!! مش عارفة أعلق على ايه ولا ايه
بالنسبة لموضوع البهائية.. فتخيل أنهم عايزين كمان يلغوا خانة الديانة من البطاقة خالص؟!!... بس معذورين.. أصل الناس الملحدة تعمل ايه يعنى؟ يحطولهم علامة فاى جنب خانة الديانة؟! هم قلبهم عالشعب برضه
manal
روميل
متشكر جداعلى زياراتك المستمره و التشجيع الدائم
بصراحه بحب دقتك في التعليق :)) شكرا جزيلا
egyptian bahai
أولا .. احترم تعليقك على الموضوع و بأسلوب مهذب مش زي بعض الناس
لكن ده لايعني اني احترم معتقدك كما لا اجبرك انك تحترم ديني .. موافق
ثانيا .. اتهام (فوضى) مرفوض شكلا و موضوعا لاني ببساطه ممكن اتهم البهائيه ككل بالعبثيه و محدش يقدر يخالفني .. لكني بفضل استخدم اسلوب (غيرمستفز) زي اللي انته استخدمته
ثالثا .. اي معلومه ذكرتها مصدرها البهائيين انفسهم و ان كنت للأسف لا اذكر اسماء .. لكنهم ظهروا بأنفسهم و تحديدا في برنامج الحقيقيه لوائل الابراشي .. و أقروا بأنهم مسملون في البدايه .. و كذبوا الشيخ سمك لأنه شكك في انتماءهم للإسلام و جادلوه كثيرا بأنهم لا يكذبون القرأن و أنه الكتاب السماوي الخاص بالبهائيه .. و ان القرأن بشر بالبهاء .. يعني كلام متناقض من اشخاص متناقضين .. و لو مفيش حد يتكلم عن البهائيه غير دول .. يبقى بصراحه تتحمل اي نقض يوجهلكم
رابعا .. ترجع سيادتك زي ما رجعوا همه في نهايه الحوار و قالوا احنا مش مسلمين .. يعني كأنهم كانو بيستخفوا بعقولنا لمده ساعتين .. المهم ..موضوع اسرائيل همه بنفسهم اللي قالوه .. مش انا ..يعني برضه منكم و عليكم .. لا الاعلام .. و لا الشيوخ و لا حتى القساوسه همه اللي قالوا كده
ومحدش قال انهم جواسيس .. انا قلت بالحرف ان البهائي يعرف من غير بطاقه .. صلاته .. زكاته ..حجه .. كله مختلف .. ف متأولنيش كلام مقلتوش لأنه مش من حقي ازايد على وطنيه اي بني آدم في مصر لا مسلم ولا مسيحي و لابهائي
خامسا .. موضوع الجواز .. مهم .. لأن البهائي في ديانتي انا .. ملحد .. زي ما البنت البهائيه متتجوزش مسلم كما اسلفت انت .. يبقى كل واحد حر في دينه و معتقده .. و يبقى من حق البنت المسلمه تعرف ان الشخص اللي هترتبط بيه مش مسلم .. ده حقها .. او قول .. ابسط حقوقها
سادسا .. انا لا يشغلني وجود خانه الدين في البطاقه من عدمه .. لانه بالنسبه لي موضوع ثانوي .. يعني لو انا قرأت في بطاقتك انك مسيحي .. او من غير البطاقه بمجرد ما تعرفت عليك عرفت انك مسيحي من اسمك مثلا .. الموضوع مش هيختلف في المعامله طالما انك شخص كويس .. لكم دينكم و لي ديني .. انما .. طالما ان الخانه دي موجوده و بأمر الدستور .. يبقى اسمحلي انها تحمل الديانات و ليس المعتقدات او الطرق او المشايخ حتى .. و إلا يبقى زي ما قلت من حق كل صاحب فكره او معتقد انه يسجله و نبقى فتحنا الباب للتهريج على مصراعيه
سابعا .. موضوع كلمه أخرى .. حصل .. و كتبت قبل كده لناس كتير .. لكن زي ما تقول الناس مبقاش عاجبها العجب .. بعد ما استخدموا كلمه اخرى رجعوا قالوا لأ .. عايزينها بهائي .. و بعد شويه عايزنها مش عارف ايه ..لحد ما يعملوا بطاقه تفصيل جديده
يا أخي .. طالما كان المطلب كلمه اخرى .. و المطلب اتنفذ .. يبقى ليه الزيطه دي كلها
أخيرا .. انا وصفت البهائيه بكلمه منحرف .. و صدقني ده اقل وصف .. لكني استخدمته علشان يكون وصف موضوعي اقدر لما اتسأل زي ما حضرتك عملت اني اجاوب عليه
انا اقدر اسمي اي معتقد منحرف ما دام خرج عن الديانات السماويه التلاته اللي حسيت من كلامك استهزاء غير مقبول بيها .. شئت ام ابيت .. هيه دي الاديان السماويه .. إذن وجود معتقد يخرج عن نطاقها .. يعتبر انحراف .. و الانحراف مش معناه قله ادب ..معناه تغيير او خروج عن الطريق الصحيح او الدين اللي امر بيه الله سبحانه و تعالى
معنديش كلام اكتر من كده .. اتمنى اكون رديت على كل نقاطك و بموضوعيه و بدون ان اتهمك بالفوضى وقلة الوعي !!!! مش كده
albida
ربنا يخليكي يا منال
منوراني والله
اذا كان طريقتي كويسه ف مش هتيجي حاجه جنب افكارك الطاءه اوي اوي
متهيألي تدوينتك الجايه هتكون عن .. مممم .. ماذا لو كان الانسان يعيش على رجل واحده و بصباع واحد ههههه
egyptian bahai
نسيت نقطه مهمه جدا جدا
هوه انا لو كنت كتبت مثلا (طنطاوي مسلم) .. كنت هتعتبر دي حريه تعبير برضه و لا نوع من التمييز اللي ملوش اي لازمه
يعني لما تكتب بهائي مصري .. استفدت ايه
السيد الفاضل دكتور طنطاوي
أنا تقريبا شايف ان عندك بعض التشويش في المعلومات. فيه بعض المعلومات لم تأخذها بدقة وفيه البعض الآخر أنت لم تفكر في مصدرها أو تحققت منها
لم ولن تجد أي بهائي يقول أنه مسلم. بل نحن في هذه المشكلة الكبيرة بسبب اننا نرفض النفاق بذكر مسلم في البطاقة ونحن لسنا مسلمين. سيدي الفاضل اذا قال البهائيون في برنامج وائل الابراشي - والذي شاهدت جميع حلقاته التي غطت البهائية - اذا قالوا نحن نؤمن بالقرآن وأنه كتاب من الله ونؤمن بأن سيدنا محمد (ص) رسول من الله لا يعني هذا انهم مسلمون. انت تؤمن بأن المسيحية رسالة الهية هل يجعلك ذلك مسيحيا؟ ولكن لم يقل أبدا أي شخص منهم انه مسلم. وان كنت تؤكد أنه حدث أرجوك قوللي في أي حلقة وفي أي وقت خلالها وأراجع عندي في التسجيل
أنا كان كلامي عن الجواز ان اللي هيعمل كده مش بهائي من أصله. يعني كلامي بصيغة تانية مش هيحصل ان واحد بهائي يتجوز واحدة مسلمة من غير ماتعرف انه بهائي سواء كان كاتب في بطاقته كده أو لا. اذا خايف بقى من الملحد أو البوذي انه يعمل كده فبراحتك. أنا بوضح ان البهائي ماينفعش أصلا يعمل كده
أنا لم استهزئ بالديانات الثلاثة. أنا مؤمن تماما بأنها ديانات الهية واكن لها جميعا ولرسلها بالغ الاحترام والتبجيل. أنا أرفض فكرة أن الديانات السماوية ثلاثة فقط. منين جبتوا الكلام ده أنا مش عارف. {لقد أرسلنا رسلاً من قبلك مهم من قصصنا عليك ومنهم من لم نقصص عليك} [غافر: 78] يعني ممكن قوي يكون فيه عشرين رسول برسالة وكتاب ولم يكن لهم ذكر في القرآن يبقى منين بتقول ان ربنا ارسل تلات رسالات بس؟ كون انك ماتعرفش لا ينفي وجود هذه الديانات اللي انت ماتعرفهاش. واذا كان كل ما يخالف ما تعتقده انت منحرف يبقى الناس كلها منحرفة في نظر بعضها
مين برضه قال لحضرتك ان احنا اللي اتسببنا في مشكلة البطاقة؟ انت سمعت للبهائيين حس قبل 2004؟ مع ان البهائيين في مصر من 160 سنة. وكنا زمان بنكتب بهائي ولكن في التمانينات بدأوا يرفضوا قلنا ماشي نحط شرطة أو نسيبها فاضية. ولما بدأ مشروع الرقم القومي كل البهائيين اتسجلوا على الكمبيوتر أخرى. وفعلا بعضنا لحق وطلق بطاقة رقم قومي فيها أخرى وكانت كل حاجة تمام. لحد 2004 لما طلع قرار لوزعي ان لازم نختار واحد من التلاتة. وكمان اتسحب أوراق أسرة كاملة وقالولهم طلعوا أوراق غيرها بالديانة مسلم مع انهم مش مسلمين. بذمتك ده مش استعباط؟ وقالوا لو مش عاجبكم ارفعوا قضية. قاموا رفعوا قضية! يعني مش البهائيين اللي مرة واحدة قالوا لا مش عاجبنا أخرى عايزين بهائي. ده السجل المدني هو اللي غير الوضع اللي كان موجود قبل كده واللي احنا كنا موافقين عليه. مين قاللك ان المطلب ده اتنفذ؟ لحد اللحظة دي ماينفعش غير انك تختار حاجة من التلاتة. لو كان سمحوا بأخرى ماكانت المشكلة اتحلت. باختصار شديد: أنا مش مستعد اكتب في خانة الديانة دين مخالف للحقيقة. اكتب اللي انت عايزه أو سيبها فاضية لكن ماتحطليش مسلم وأنا مش مسلم أو مسيحي وانا مش مسيحي
موضوع اسرائيل كنت حضرتك قلت في التدوينة ان فلوسنا بتروح هناك بطريقة موحية ان الموضوع فيه "إن" لكن أنا فهمت قصدك دلوقت لما قريته تاني
أنا باستخدم اسم الانترنت اللي ارتبط بالمدونة بتاعتي لما باعلق على حاجة ليها علاقة بالموضوع كتعريف ان اللي بيعلق ده شخص بهائي وهو صاحب المدونة الفلانية مش الغرض التمييز
عزيزي
الاسلام = ان تسلم لله و لاوامره و نواهيه
و الله امرنا في القرآن الذي تؤمنون به ان نتبع سيدنا محمد و قال : اليوم اتممت لكم دينكم .. يعني الرسالات خلاص بح .. خلصت .. ميجيش واحد بعدها بكام قرن يقول انا نبي .. زي بالضبط مدعي النبوه
ثانيا .. الساده المتخدثون قالو للشيخ سمك نحن مسلمون و لا تشكك في ديننا
ثالثا .. انت واحد من البهائيين ف آسف لكن لا يجوز لك الحديث عنهم و التيقن بأن مفيش بهائي ممكن يتجوز بمدون ما يقول .. زي ما كل دين فيه منحرفين .. ف برضه البهائيه كمعتقد فيها منحرفين .. و لا تزكيهم جميعا
رابعا .. سيادتك بتستشهد بالقرآن مع انك مش عايز تمشي على كلامه .. القرآن قالك سيدنا محمد خااااااااااتم الرسل .. جبت انت البهاء منين ؟؟ خليته رسول ازاي ؟؟ افهم
خامسا .. تعريف الناس انك بهائي بالاسم .. مش مبرر ولا حجه منطقيه
اخيرا .. موضوع البطاقه .. دي روايتك بس الواقع اني مسمعتهاش من اي حد كده .. ف هتأكد الاول .. لو مكانش يضايقك
مساء الخير يا بهائي
كتاباتك بعتجبني لها موضوع معن لكن ساخره في نفس لوقت
بس انت بتكتب كتير ومش عارفه ابتدي منين
فخلاص مش حرد على اي واحد
دكتور طنطاوي
أنا آسف ان ما تذكره عن موضوع قناة دريم غير صحيح بالمرة لأن الحلقات كلها متسجلة عندي وراجعتها ومافيش أي حد قال كده غير الاستاذ حسام بهجت رئيس المبادرة المصرية للحقوق الشخصية وهو فعلا مسلم مش بهائي!!
القرآن كله ليس فيه ذكر خاتم الرسل ولا خاتم المرسلين. القرآن كله فيه آية واحدة في سورة الأحزاب عن تبني الرسول لزيد ابن حارثة ولما الناس افتكرت انه هيكون نبي الاسلام بعد الرسول زي الديانات السابقة ربنا نزل الآية اللي بتقول {ما كان محمد أبا أحد من رجالكم ولكن رسول الله وخاتم النبيين وكان الله بكل شيء عليما} وكل الأحاديث اللي مذكور فيها ختم النبوة برضه مافيهاش لفظ خاتم الرسل أو المرسلين وكلها بتدور حول موضوع تولي الاسلام بعد سيدنا محمد (ص) وأن هييجي بعده خلفاء وليس أنبياء وليس لها علاقة بموضوع أنه لا رسالات بعد الاسلام. جه بعد كده المفسرين بقى وقالوا خاتم الانبياء تعني برضه خاتم المرسلين وأصبح اللفظ "خاتم الأنبياء والمرسلين" لفظ دارج لحد ما الناس افتكرت ان ده نص القرآن
وبرضه المسيح قال لن يدخل أحد الفردوس الا اذا اتبعه ووصى تلاميذه والمؤمنين به ان يتمسكوا بدينهم وان هذا هو الطريق الصحيح. ولكن مع ذلك جاء الاسلام! تفسرها ازاي دي بقى؟ طبعا الاجابة جاهزة ان الانجيل مايتخدش على كلامه لأنه محرف والمسيح جه وقال للناس سيبكو من اللي أنا جايبه ده واستنوا الرسالة اللي هاتيجي بعدي!! ماهو يا إما قال كده يا إما قال نفس الكلام اللي اتقال في الاسلام. ان ده برضه الدين الحق اللي لازم يتبعوه. والكلام صحيح حتى مع ظهور الاسلام. معنى وجود رسالة بعد الرسالة السابقة لا يقلل من شأن الرسالة السابقة في شيئ ولا ينفي أن كل ما قاله رسولها وكتابها صحيح تماما. دول أكتر من ألف سنة كان الاسلام فيها هو آخر الأديان وكان حلقة كبيرة في سلسلة الرسالات السماوية وكان هو الرسالة الالهية الأنسب للبشرية
اتممت لكم دينكم مالها ومال ان الدين الاسلامي هو الخاتم؟ ده معناه ان الدين الاسلامي تم واكتمل خلاص وفي حياة سيدنا محمد (ص) وهي آية نزلت في حجة الوداع ولم ينزل بعدها (حسب روايات السيرة) أي آيات تشريع. برضه في النهاية هي خاصة باكتمال الدين الاسلامي وليس لها علاقة بأي دين بعده
ولنفرض أن موضوع البطاقة ده روايتي مش أولى تصدق اللي ليه في الموضوع وأدرى من أي حد تاني مالوش في الموضوع وبيسمع كلام جرايد ومش فاهم حاجة وبيخبط؟ عموما اسأل براحتك ده شيئ يرجعلك
وشكرا لوقتك
طنطاوى العزيز
التدوينه حلوه و تعبيرك رائع كالعاده
بس طوييله قوى
المهم بالنسبه لموضوع البهائيين و بصرف النظر عن اختلافنا معاهم بس هما حياتهم بتبقى شبه متوقفه بسبب موضوع البطاقه
و الافضل كتابة بهائى بدل مثلا ما يكتبوا ديانه لا يعتنقوها و دة ممكن يحصل هنا بقى هتبقى مشكله فعلا
يا عمي انتي بتكتب كتبير كده ليه
تفسيرك للقرآن انا مقرءتوش في اي مكان ..انته جايبه منين ده ؟
تفسير آيه ( اليوم اتممت لكم دينكم ) لكم دي تعود على البشر .. مش على ناس بعينها .. الرسول (ص) نبي الامه كلها و العالم كله .. و اذا كان هوه مقدرش يوصل للعالم كله .. فالخلفاء من بعده كان ده هدفهم و قدروا يوصلوا الرساله دي لمعظم اجزاء العالم .. لكن في النهايه من شاء فليؤمن .. مخدش بيغصب على الدين
لأن الدين الاسلامي هو خاتم الديانات .. المكمل لليهوديه و المسيحيه .. إقرأ التفسير و الكتب كويس ... متكتفيش باللي يمشي منها على هواك
أخيرا .. لازم اشكك في روايه البطاقه إلى ان أتأكد .. لأن كونك طرف فيها يخليني اشك .. ده المنطق مش عشان انته بهائيء او غيرو .. معروف ان اخر واحد يأخد منه هو صاحب المظلمه .. لانه بطبع العاطفه هيكون متحامل على الحق في سبيل مصلحته
مره تانيه الكلام مش ليك انت بس .. بس في مثل بيقول .. قالوا للحرامي احلف .. فاهم قصدي ؟؟ مينفعش تسمع الحكايه من طرف واحد .. انا سمعت منك و سمعت من الحكومه ..و طبعا روايتين متضاربتين .. يبقى هدور على مصدر تالت
عموما .. زي ما قلت .. لو الطلب ان الخانه تكون فاضيه انا لا اعترض .. انما كتابه البهائيه في خانه ( الدين ) ف أنا ارفضها تماما .. و دي طبعا وجهه نظر عبدالله الفقير اللي لاهتقدم ولا تأخر في حاجه
مانو
حياتهم متوقفه ..تمشي ..لكن يكتبوا بهائي في الدين لأ .. و إلا نكون احنا كفرنا .. لأن الدين عندالله الاسلام .. مينفعش اجي اقر بوجود دين آخر .. او معتقد آخر .. ده ضد الاسلام
الايمان : أن تؤمن بالله و ملائكته و كتبه و رسله و اليوم الآخر و القدر
احنا آمنا بالله .. و كتبه .. انجيل و توراه و آخرها القرآن .. و كل الرسل .. من آدم إلى عيسى إلى محمد (ص) إنما نبي أو خليفه اسمه البهاء ..فأنا آسف .. لن اقبله .. و الا اكون خالفت كلام الدين اللي المفروض اننا ننتميله
لو حياتهم متوقفه بالطريقه المأساويه اللي بيقولو عنها .. يبقى محدش اجبرهم يكتبوا مسلم ..لكن يكتبوا ( أخرى ) او يحطوا شرطه فاضيه و خلاص
و الموضوع ده على فكره موجود اصلا و بطايق كتير موجود بكلمه أخرى لكن مش عاجب تقريبا
وَقَوْله" الْيَوْم أَكْمَلْت لَكُمْ دِينكُمْ وَأَتْمَمْت عَلَيْكُمْ نِعْمَتِي وَرَضِيت لَكُمْ الْإِسْلَام دِينًا " هَذِهِ أَكْبَرُ نِعَم اللَّه تَعَالَى عَلَى هَذِهِ الْأُمَّة حَيْثُ أَكْمَلَ تَعَالَى لَهُمْ دِينهمْ فَلَا يَحْتَاجُونَ إِلَى دِين غَيْره وَلَا إِلَى نَبِيّ غَيْر نَبِيّهمْ صَلَوَات اللَّه وَسَلَامه عَلَيْهِ
وَلِهَذَا جَعَلَهُ اللَّه تَعَالَى خَاتِم الْأَنْبِيَاء وَبَعَثَهُ إِلَى الْإِنْس وَالْجِنّ
فَلَا حَلَال إِلَّا مَا أَحَلَّهُ وَلَا حَرَام إِلَّا مَا حَرَّمَهُ وَلَا دِين إِلَّا مَا شَرَّعَهُ وَكُلّ شَيْء أَخْبَرَ بِهِ فَهُوَ حَقّ وَصِدْق لَا كَذِب فِيهِ وَلَا خُلْف كَمَا قَالَ تَعَالَى " وَتَمَّتْ كَلِمَة رَبّك صِدْقًا وَعَدْلًا " أَيْ صِدْقًا فِي الْإِخْبَار وَعَدْلًا فِي الْأَوَامِر وَالنَّوَاهِي فَلَمَّا أَكْمَلَ لَهُمْ الدِّين تَمَّتْ عَلَيْهِمْ النِّعْمَة وَلِهَذَا قَالَ تَعَالَى " الْيَوْم أَكْمَلْت لَكُمْ دِينكُمْ وَأَتْمَمْت عَلَيْكُمْ نِعْمَتِي وَرَضِيت لَكُمْ الْإِسْلَام دِينًا " أَيْ فَارْضَوْهُ أَنْتُمْ لِأَنْفُسِكُمْ فَإِنَّهُ الدِّين الَّذِي أَحَبَّهُ اللَّه وَرَضِيَهُ وَبَعَثَ بِهِ أَفْضَلَ الرُّسُل الْكِرَام وَأَنْزَلَ بِهِ أَشْرَفَ كُتُبه
بعثه إلى الأنس و الجن يا بهاء .. مش بس الانس .. و مش بس المسلمين من الانس .. ده للعاااااااااالم كله اللي انته منه
شوف يا دكتور طنطاوي أنا شايف الكلام سايح على بعضه والمنطق تايه. الموضوع بتركيز في نقط
- لا يوجد ذكر للفظ خاتم الرسل أو المرسلين في نص القرآن الكريم كله
- لا يوجد ذكر للفظ خاتم الرسل أو المرسلين في نص أي حديث
- لا يوجد ذكر للفظ صريح أنه لا دين بعد الاسلام أو ان ان الاسلام خاتم الرسالات في نص القرآن كله
- الآية الوحيدة التي ذكر قيها ختم النبوة هي الآية في سورة الأحزاب {ما كان محمد...} الى آخر الآية
- أسباب تنزيل الآية ليس له أي علاقة بأن الرسول (ص) لن يأتي رسول بعده بل سبب تنزيلها تبني الرسول (ص) لزيد ابن حارثة
- كل الأحاديث التي تكلمت عن ختم النبوة قرنته بتولي رسالة الاسلام بعد الرسول ومنها ما ذكر فيه الرسول (ص) الخلافة كبديل ولا يوجد حديث واحد منها يوحي حتى بأن لا رسل أو رسالات بعد الاسلام
لو في أي نقطة من النقط دي غلط يبقى حقك علي يا سيدي
أنت كأنك بتثبت كلامي لما جبت التفسيرات دي. الآيات واضحة وصريحة ومافيهاش لبس وييجي فقيه أو عالم دين أو مفسر - بشر زيي وزيك وربنا لا بيوحي له ولا منزله الرسالة - يمط في معانيها. خاتم الانبياء بقت خاتم الانبياء والمرسلين ومافيش دين بعد الاسلام. بعدين حتى كتب التفسير بتفسر اتممت لكم دينكم انها تعني حاجة من اتنين: يا إما مافيش أحكام تانية تنزل بعد الآية دي والاسلام بنزول الآية دي اكتمل. أو ان تم استقرار الاسلام في مكة وتطهيرها من تماما من الشرك والكفر. بس برضه لن آخذ بكلام كتير في آية واضحة زي الشمس
يا عزيزي على عيني وراسي ان الاسلام نازل للعالم كله شرق وغرب شمال وجنوب وللناس اللي فوق الأرض والجن اللي تحت الأرض والملايكه اللي في سابع سما. ده لا يعني اطلاقا ان مفيش أديان بعده. ماهو نازل لكل الناس دي ليكون شريعتهم لأكتر من ألف سنة. ايه اللي في حقيقة انه نازل للدنيا كلها يثبت ان مافيش دين بعده؟ انت كده بتلخبط بين الزمان والمكان. كل الأماكن لا تعني كل العصور
بالنسبة لموضوع أخرى في البطاقة فاسمحلي انت بتقول كلام حتى مش موجود في الجرايد. المشكلة واضحة حتى من الحكومة ان ماينفعش تسجل غير واحد من الاديان التلاتة. وفيه قرارين اداريين متسلمين لكل مكاتب السجل المدني وكل مكاتب الصحة بيقولو الكلام ده. الأول صدر 2003 بخصوص عدم جواز ترك الخانة خالية او كتابة أخرى أو وضع شرطة والتاني سنة 2004 بخصوص عدم جواز كتابة البهائية كديانة وبيشير للقرار الأولاني للتأكيد. انزل أي مكتب صحة أو مكتب سجل مدني جنبك واسأل اذا كان ينفع حد يكتب أخرى في شهادة ميلاد أو بطاقة أو شهادة وفاة وشف هيقوللك ايه. كل البطاقات اللي فيها شرطة أو أخرى صدرت قبل سنة 2004 اللي احنا ينحاول نرجع الوضع الى ما كان ساريا قبلها
لما حضرتك بفى تحصر الاختيار في تلات ديانات بس ومش سايب أي حل تاني يبقى ازاي مفيش اجبار؟ ما هو يا كده يا ماطلعش بطاقة او شهادة ميلاد. يبقى ده مش اسمه اجبار؟
أنا باكتب كتير عشان الكلام في الموضوع ده اكتر بكتير. ده انا حتى باختصر
بص :) احنا عمالين نغني على بعض
انت بتقول تفسير على مزاجك و انا بجيب تفسير من الكتب و انته شايفه على مزاجي .. يبقى عمرنا ما هنوصل لحل وسط
اقرا اللي احنا كتبناه كله :) ده اللي بيسموه الجدال العقيم .. انت ماسك في كلمت خاتم الانبياء و المرسلين اللي انا اصلا مجبتش سيرتها و انت مشيلني ذنبها
و انت جبت تفسير الايه اللي مش عاجب سيادتك
يبقى نقفل الموضوع .. و يبقى الحال على ما هو عليه علشان انا موتي و سمي الجدال العقيم
منكرش انك عندك معلومات .. لكن كل معلوماتك نوعا ما متحوره .. يعني مش عايز تقتنع بالكلام المكتوب في كل التفاسير .. مع ان الآيه واضحه جدا .. بس هرجع و اقولك ان الكلام ممنوش فايده لأن انت بتحارب في جبهه و انا في جبهه
موضوع البطاقه .. انا كنت واضح .. و قلت اني معرفش كل التفاصيل .. متأولنيش كلام .. و قلت اني مش هعتد بروايتك لوحدك و هسأل .. يعني مغلطش
عموما ربنا يهدي الجميع .. و انا حاولت ارد عليك بقدر علمي اللي هوه اساسيات بعيد عن التعمق .. و مجبش نتيجه و انا مكنتش متوقع نتيجه
اخيرا .. اهلا بيك في البلوج في اي وقت و صدقني حتى لو كان كلامك استفزني احيانا لكن افادني في احيان اخرى .. على الاقل خلاني افتح كتب التفسير و اتأكد من كلامي ( مش من كلامك ) هههه فمخسرتش برده بالعكس
لو توصلت لحاجه جديده تفيد في الموضوع بعيد عن الكلام اللي ميقدمش ولا يأخر هنشرها على البلوج و هتكون انت اول واحد يعرفها
تحياتي
عزيزى طنطاوى
انت مقتنعه بردك
بي انا اعرف ان اساس المشكله انهم مش عارفين يكبوا اخرى
لو ينفع يكتبوا اخرى يبقى خلاص مفيش مشكله
أنا مبقولش تفسير من أساسه. أنا بكرر المعنى الواضح الصريح للآيات والاحاديث بالعامية. دون أي تفسير أو تأويل. بالعكس ده أنا معترض أن المفسرين ياخدو آية نازلة صراحة وجهارا نهارا بخصوص موضوع تبني زيد ابن حارثة وتوريث الرسالة ويحملوها معاني غير موجودة فيها عن ان الرسول (ص) هو آخر الرسل
أنا كنت فاكر ان النقاط اللي انا كتبتها حتنظم شوية النقاش لكن الظاهر انت اخترت متردش عليها مع انها منطقية ومرتبة يعني مش هيكون فيها كلام كتير. يا آه يا لأ. يا غلط يا صح
كان نفسي كلامي يخليك تشغل عقلك مش يخليك تفتح كتب التفسير. المفسر ده بشر زيي وزيك. ربنا أوحى فقط لسيدنا محمد (ص) ولم يخص غيره بأي مكانة أو أفضلية زيادة. كلنا زي بعض. إيه يخلي كلام المفسر صح وكلام أي حد غيره غلط؟ تلات تربع المشاكل الموجودة في الدين الاسلامي اليوم هي بسبب الفقهاء والمفسرين اللي احتكروا كلام ربنا كأن القرآن ده لعز ماحدش يفك طلاسمه غيرهم مش كتاب ربنا اللي نازل للعالم كله
عموما مش هتقل عليك اكتر من كده وشكرا تاني لوقتك
أخويا طنطاوى
انا متابع اعمالك من ايام ما كانت بتتنشر فى الوعى المصرى
و كان ليك موقع على دومين .tk
مش كده ده طنطاوى انتا ولا واحد تانى
يا ريت تشرفنى بزيارة مدونتى
زنجولا
اااااه دى كانت اهة الانتهاء من البوست
يا بنى الرحمة ربنا يكرمك
طبعا كلامك واضح وسوء التفاهم المتعمد ونظرية المؤامرة مأثرة علينا جدا اى حد يطلب القفا يتسلمله ومعاه هدية واللى نعرفه احسن من اللى منعرفهوش وناس غيرنا عرفته
ياه هما العمداء دول مش هيبطلوا الفيلم بتاعهم المكرر ده والله اتخنقت من الموضوع ده فعلا هو فعلا استنساخ زى ما انت قلت
عجبنى جدا موضوع الزنزانة ادى الانسانية وتقديرها بس هى مشتركة ولا كل قسم لوحده من باب العلم بالشىء بس حضرتك
جماعة الامر بالمعروف والنهى عن المنكر او الهيئة على ما اعتقد
واحد زميلى حكالى مرة ان واحد منهم ضرب واحدة قدامه وحظه السىء طلعت مصرية بس الضربة جت فى موقع خطأ ما كان منها الا ان رفعت قدمها فانطلق الحذاء عاليا مرفرفا فى يدها وعلى ام رأسه ولم ينقذه منها غير الفرار ولا عزاء للهيئة
اما رجال الامن المركزى المصرى فلا اعرف من نلوم على وجود طائفة فى المجتمع محدودة بل معدومة الفكر الى هذا الحد والله احزن لهم وعليهم ولا املك غير ان اقول سبحان الله له فى خلقه شئون
حسب نظرية المؤامرة تانى المدونة الجميلة حلم كاتبة تدوينة عن صدام مفادها ان صدام ممكن ما يكونش صدام يعنى صدام مات بس ما ممتش فهمت منى حاجة ؟
اخر موضوع البهائية تانى لانى انا من اصحاب فكرة الجواز اللى معجبتكش بس هقولك انك بصيت على القاهرة او اصحاب الفكر الى هيحاولوا يفهموا ويتعرفوا على بعض
فى جواز روتينى وفى ناس بتخطب من بلدهم وهما بيشتغلوا فى بلد تانية ومحدش بيشوف خطيبته الا كل حين وفى وجود الاهل والكلام العام فقط هو المتاح
وفى ناس بتخدع كتير
وده وارد ومنقدرش ننكره
وهل المعرفة وقت كتب الكتاب ومنعه افضل ولا الوقوع فى خطيئة جواز مشرك اى ان كان التوقيت
ثم انا اضفت نقطة الحصر والمعرفة بدل من التزايد فى غياب الرقابة والمعرفة بوجودهم وعددهم
يعنى تحت النظر افضل ولا بعيد عن النظر ونفاجىء بمجموعة موجودة فى البلد لا نعرف عنها شىء
ده فكرنى ببوست كاتبه مدون فاضل اسمه ابا ريشة http://zykryaat.blogspot.com/
اذا امكنك زيارته وادراك الفكرة من وجود جماعات لا نعرف عنها شىء
واختلاف الرأى لا يفسد للود قضية وهات المحامى وتعالى لو فى بينا قضايا
واخيرا
بصراحة انت مبدع فى الكاريكاتير والافكار فعلا جديدة وغير تقليدية وفى منتهى الذكاء
وفعلا بتعجبنى جدا
وتحياتى
كالعادة مبدع يا دكتور
بس اقولك حاجة
الاسبوع سرقت حكاية صدام حسين وعمر المختار دي مني انا
بس انا مش مطبلاتي والله
حتى شوف بنفسك :)
دكتور طنطاوى
هههههههه
برجل واحدة وصباع واحد؟!! فكرة برضه
الكاريكاتيرات اللى أنت منزلها جديد بجد جميلة أوى وموتتنى على نفسى من الضحك
أما بالنسبة لوزير الألياف وشئون المهلبية.. فحسبى الله ونعم الوكيل!! لأن حتى لو الموضوع عليه خلاف فالخلاف ده بيدور داخل الشريعة الاسلامية.. لكن هو بكلامه ده حرم النقاب أساسا
أما عن موضوع البطاقة فهم ليهم حق ميكتبوش مسلمين زى برضه احنا ما لينا حق منعترفش بأى ديانة غير الديانات التلاتة
وبالنسبة لموضوع سيدنا عيسى.. فطبيعى أنه يقولهم أن مفيش حد هيدخل الجنة الا لما يتبع رسالته لأن سيدنا محمد مكنش لسه جه, فهو عايزهم يئمنوا بالمسيحية
ربنا سبحلنه وتعالى بيقول(اليوم أكملت لكم دينكم وأتممت عليكم نعمتي ورضيت لكم الإسلام ديناً)
وهنا الدين المقصود بيه الاسلام.. ليه بقى؟ لأن ربنا لما نزل اليهودية والنصرانية نزلها كتمهيد للأسلام, يعنى بيعد الناس ليه.. أصل مينفعش تجيب واحد جاهل بيعبد الأصنام وتروح رازع الأسلام فيه وشه كده!! ربنا برضه رحيم بالبشر وجبلهم الأمر على مراحل, علشان كده هنلاقى أن التحريمات والحاجات دى فى كل ديانة بتتطور
والاسلام مش مقصور على مكان أو زمان أو ناس معينة, لأنه لو كان كده فعلا.. ليه ربنا مذكرش فى كل ديانة تانية أنه اتمها خلاص للناس بتوعها
كمان فيه ايه بتقول(ومن يبتغ غير الإسلام ديناً فلن يقبل منه وهو في الآخرة من الخاسرين)
أنا بؤمن بالحرية جدا وأن كل واحد ليه الحرية فى الديانة اللى عايز يعتنقها.. بس ميجبرش حد على الايمان بيها ولو البهائية اتكتبت فى البطاقة معنى كده- بما أننا دوله اسلامية.. المفروض يعنى!!- أن الاسلام معترف بالديانة دى
وفيه مثال على كده.. امريك- اللى هيا بلد الحريات- فيها ولايات بتقبل أى ديانة قانونيا وولايات تانية لا!! زى ما فيه ولايات خلت زواج الشواذ قانونى وولايات تانية برضه لا
اللى عايزة أوصله أن كون القانون بتاع دولة أو منطقة معينة اعترف بحاجة يبقى الناس كلها موافقة عليها.. لأنه القانون ده بيمثل الأفراد كلهم
معلش على فاصل الرغى ده
:)
manal
احنا بنتولد على الفطره و كل واحد فينا بيختار يا يبقا كويس يا يبقا وحش بس الديان لا يموت و كما تدين تدان و الدنيا بتلف دايره علينا كلنا
وكل انسان يتحمل نتيجه قراره و تصرفاته الكويسه و السيئه و الى ظلمك بكره يشسرب من نفس الكاس و بكره تلاقي العوض يمكن مش بكره على طول لاكن اكيد جي
...اصبر
الوضع في السعوديه اسوأ من وضعنا في مصر
صدام لما قتل ....بني وعمر
بوش قتل وخرب ونهب بترولها و ماضيها و جنى على حاضرها
حسبي الله ونعم الوكيل
احنا كده سمعنا نشره الاخبار كلها بس ابتدينا نفكر من تاني
بس كنت اتكلمت باستفاضه عن البهائيه
و الكراكتير ظريف
استمر
ايه الكركبة دى
بجد انت خرمت دماغى
اسلوبك يشد لدرجة انى قريت البوست لاخر سطر
ردا على كلامك بالنسبة للظباط
بجد فى ظباط كويسين جدا
بس احنا مش اخدين بالنا
لان دايما السيئة بتعم
حضرتك برج ايه؟
السلام عليكم
فعلا لازم نقول الحمد لله
ده فايدة الدعاء اللهم إن لا أسألك رد القضاء و لكني أسألك اللطف فيه
في الوقت ده الضرب علي القفا هيكون لطف
أكيد ده حتي علي رأي السيد الرئيس أولمرت طيب
حلوة الأستوساخ دي
تيت تيت زمالك
أنا عرفت العرب بيجوا يعملوا اللي بشوفه ليه هنا بس بردو مش عذر الحقيقة
أنت نسيت حاجة كمان لو في حد أبن عم خال جوز مراته ظابط شرطة بيخول لنفسه كمان نفس السلطات مع كل التقدير طبعا
أنا بصراحة نفسي أعلق علي كل اللي أنت كاتبه بس هو كتير بصراحة هأعلق جزء جزء
انا دخت
البوست طويل اوي حلو اوي اوي
دخلت اكتب كومينت مش فاكراة طبعا .. لقيت نقاش البهائية لسة هارجوك توقف النقاش علشان هيدخل في إكتمال الرسالات لقيتة حصل
طبعا انا نسيت اصلا اللي كنت عاوزة اقولة
مش عارف ارد علي ايه ولا ايه
بس انا عاجباني جدا جملة
حشيشي النهارده لازم تعرف .. إنك عاملي دماغ
لأنها موزونة ومحبوطة قوي
سيبهالي انا حظبتهالك وأغنيهالك كمان لو تحب
بالنسبة للفقرة الأخيرة بصراحة انا مش معاك
لا علاقة للنقاب بالدين اطلاقا وهذا من وجة نظري والله ورسوله أعلم كما يقولون في اذاعة القرآن الكريم :)
بجد والنبي بلاش البوستات الجامبو دي
صدقني كل فقرة تفنع بوست قوي لوحدها
تحياتي
السلام عليكم يا دكترة
انا كنت داخل زي كل مرة امسي و اسيب تعليق بس كتر الكلام في موضوع البهائيين نساني المدونة اصلا
عموما بالنسبة للاخ البهائي اللي بيتفذلك
احب اوضح له حاجة بسيطة جدا جدا تنسف الكلام بتاعه
لما ربنا قال ان محمد اخر النبيين دي مطلقة
لان كل رسول نبي
اذا بكل بساطة خاتم النبيين تعني انه خاتم النبيين و المرسلين
ولكن ليس العكس
فلو قال خاتم الرسل
كان ممكن يأتي بعده نبي لأنه مش بالضرورة النبي دا يكون رسول
لكن كلمة خاتم النبيين تعني ان ما فيش حد تاني بعده
لأن مش ممكن واحد يكون رسول من غير ما يكون نبي
فهمتوااااااااااا
arabesque
انا عمال اقول الصوره دي شفتها فين قبل كده اتاريني كنت مستخدمها الاول ههههه
ايوه يا عم انا بتاع موقع طنطاوي بس قلت اخليها بلوج تغيير بقه هههه
انا زرت مدونتك و انشاء الله هكتبك رأي هناك
منورررر
a7la Tota
انا لو حاولت ارد على تعليقك محتاج تدوينه جديده هههههه
بس بجد بجد منوره
واحد من الناس
انا مصدقك والله
بس انا عندي اعتراض .. انا مش عاجبني توصيف صدام بأنه عمرالمختار .. حتى لو اختارك للصور كان مشابه لكن الواقع حاجه تانيه خاااااااااااااالص
تحياتي يا باشا و منورني
albida
يا ست منال انا متشكر على ذوقك والله
ياريت صاحبنا يكون قرا كلامك و فهمه
بالنسبه للرغي .. فياريتك ترغي علطول عندنا .. تشرفي و تآنسي
Memo
الله اكبر فوق كيد المعتدي
انا الاول ماكنتش فاهم الكومنت :) بس لما خلصت امتحانات و فقت فهمته :)) و متشكر اوي اوي عليه و على كلمه ظريف دي .. حاسس انك كتباها جبر خواطر ههههه
الورده السوده
اسم غريب اوي ههههه
عموما منوره المدونه كلها
انا برج العقرب عقبال املتك :)) تفرق في إيه
متشكر على رأيك و ذوقك
No fear
والله يابني انت مجرد وجودك و لوجو الزمالك بيرفع روحي المعنويه هههههه
متشكر على تعليقك و كلامك اللي يفتح النفس
saso
طب حاولي تفتكري طيب علشان خاطري :)) عايز اعرف تعليقك برضه
د، أشرف حمدي
أولا : الأغنيه تحت امرك .. غنيها و نزلها من بكره .. عندك تصريح كتابي مني :)) بس متنسانيش في غلاف الشريط هههه
ثانيا .. انا مقلتش ان النقاب فرض .. لكنه من الحجات المندوبه .. يبقى ميجيش وزير اوقاف يرفضه .. هوه مين يعني انشاءالله
ثالثا .. الافكار كتيره انشاء الله و البوستات هتبقى للركب ههههه
منورنا يا فنان
DR.SHERBO
منور يا دكتره
يا رب يكون صاحب النصيب قرأ كلامك :)) هنعمل ايه بس .. ربنا يهدي الجميع
تحياتي لكل الزملاء اللي خلصوا واللي لسه مخلصوش هههه
السلام عليكم يا دكتور طنطاوي
أولا مبروك انك خلصت امتحانات ويا رب النتيجة تبقى كويسة وعقبالنا ان شاء الله
بالنسبة لموضوع البهائية انا معاك تماما فيما تقول وأقول للبهائي المصري ان في حديث عن الرسول صلى الله عليه وىله وسلم يخاطب فيه الامام علي بن أبي طالب عليه السلام ويقول له "أولا ترضى يا علي ان تكون مني بمنزلة هارون من موسى إلا أنه لا نبي بعدي" يعني الرسول هنا يصرح بأنه لا نبي من بعده فهم جابو بهاء ده منين الله العالم
المهم ان نبقى نحن متمسكين بديننا وبنبوة نبينا محمد خاتم الأنبياء والرسل وربنا يهدي الجميع زي ما قلت
بالتوفيق ان شاء الله
سمحونى فى الاول علشان العربى بتاعى بايظ أنا موافقه جدا على رايك وكمان من راى يخدوا بعضهم ويسافرة فى مكان هما يرتحوا فية واحنا كمان نرتاح واطلب كمان ان نتمسك بدينا
Post a Comment