- بعتلي اصدقائي في طنطا صور لحركة جميلة جدا.. عملوها امبارح الخميس .. جابوا بنبوني و شوكلاته و حاجات من الحلوه اللي بحبها دي .. و نزلوا وزعوها على الناس في الاشارات الرئيسيه في المدينه .. و لأنها حركة جديده و أول مره تحصل في مصر فبصراحه عجبتني جدا .. ولولا ظروفي كنت رحت و شاركت معاهم .. جمال الحركه دي إنها كانت بدون ما يعملوا تجمع من النوع اللي يسمح بحدوث احتكاكات مباشره مع الامن .. و في نفس الوقت بذكاء تام عملوا اللي همه عايزينوا .. كانوا عايزين الناس تفهم ان حزب الله حقق شئ .. و انه يستحق اننا نحتقل بيه .. و إن طعم الاحتفالات الحقيقيه يختلف عن احتفالات كأس الأمم أو احتفالات ستار اكاديمي .. دي احتفالات كرامه و عزة يمكن يكون جيلنا ده كله محسش بيها ولا مره .. و احلى حاجه رد فعل الناس اللي كانت بتاخد و هيه مبسوطه من غير ما يخافوا كالعاده .. ألف مبروك يا حزب الله .. و عقبالنا .. و إن شاء الله نلاقي الصوره دي في كل اشارات المحروسه .. أترككم مع الصور
-------------------------
اضعط الصور للتكبير
------------------------
الصور مرسله من صديقي د. محمود
10 comments:
حلوة قوى الحركة دى فعلا
وبتخلق جو فرح
اصل مش كل التهليل فى الشارع لازم يكون كورة
ابعت سلامى لاصدلئك دول
برافو
ما شاء الله
حركة جامد اوي
انا جت لي الفكرة دي...اني اشتري اعلام حزب الله وحلويات وانزل اوزعها على الناس في الاشارات
بس معرفتش انفذ الفكرة او ملقتش اللي يشجعني..فاكتفيت بوضع علم حزب الله في البلكونة ولسة سايبه متعلق
بس حركة جامدة اوي وتحية لأصدقاءك
* lasto adri
سلامك وصل و متشكرين جدا على وجودك
* sherehan
عايزين نقولك انتي كمان برافو لما تخلصي الباطنه اللي طلعت عينك دي هههه
* mohamed mehrez
مش مهم مين عملها يا باشا المهم ان الكل يكون عنده نفس الروح .. و سلامك وصل .. و سلامهم ليك بوصلهولك انا برضه
أولا حركة حلوة و بسيطة و معبرة
ثانيا انت خليت العنوان يجري كده ازاي؟
ثالثا أنا اول مرة آجي هنا ..يعني ايه زنجولا؟
أولا .. شكرا
تانيا .. اعمليه كود
html
ثالثا .. زنجولا ده اسم مشتق من الزنجله و شكرااااا
الفكرة حلوة
لكن
ياريتها تتعمل لاسباب تانية اهم بكثير
من "نصر" عاطفي سينتهي خلال شهرين
مش عاوز افسد عليكم فرحتكم
بس بما ان لديكم الجراة لفعل ما فعلتم
فهذا جيد
الان حان استغلال هذه الجراة في اشياء اخري اهم
واهم بكثير
نراكم في مصر قريبا ان شاء الله
بغض النظر عن كون النصر (عاطفي) زي ما بتقول
ايه الاسباب التانيه الموجوده حاليا اللي تستحق اننا نحتفل بيها :) اشك ان في اي سبب اخر
زمان كنا بنقول الناس من حقها تفرح لما نزلوا ايام كأس الامم الافريقيه يهيصوا .. و اديناهم عذر لأن الناس مكبوته و قرفانه
دلوقتي لما يبقى السبب نصر .. و لو عاطفي زي ما انته شايف .. هتستكثره عليهم ؟؟ يا راجل قول كلام غير ده
عموما .. بانتظار افكارك عن الاشياء الاخرى .. الاهم بكثير .. اللي تستحق نحتفل بيها
شكرا لمداخلتك
حركة حلوة
والله يديم افراح أمتنـا وانتصاراتهـا
تصدقي فكرة هايلة والله ناس عندها مخ
Post a Comment